Asiatic Lion & Gir Forest (Gujarati) by Kamlesh Adhiya

માતાની ગોદમાંથી બાળકને ઉઠાવી ફાડી ખાતો દીપડો.

2012-02-23T11:11:00.002+05:30

ઉના, તા.ર૦ :

ઉના તાલુકાના ખાપટની શાળાની પાછળ સૂતેલા દેવીપૂજક પરિવારના એક બાળકને એક દીપડાએ ઉઠાવી જઈ ફાડી ખાતા સમગ્ર ઉના પંથકમાં ભારે અરેરાટી વ્યાપી છે. જંગલ ખાતાએ આ દીપડાને પકડવા કવાયત હાથ ધરી છે. મુળ ગરાળના હાલ, ઉના તાલુકાના ખાપટ ગામે શાળાની પાછળ રાતડ ગામ તરફ જતા રોડ પર રહેતા અને બળદ અને ઘેટા બકરા લે વેચનો ધંધો કરતા દેવીપૂજક નાનજીભાઈ વલકુભાઈ તેના પત્ની, ૩ દીકરા અને એક દીકરી અને માલઢોર,ગાડા સાથે ગઈ કાલે રાત્રીના પડાવ નાખ્યો હતો. તેમની સાથે ત્રણ જેટલા બળદો અને પાંચથી છ બકરા હતા. આ વિસ્તારમાં રાની પશુઓની રંજાડ હોય તેમણે બળદગાડાની નીચે પોતાના ચારથી પાંચથી છ બકરાને રાખ્યા હતા. બળદગાડાની આસપાસ વાડ પણ બાંધી દીધી હતી. બાજુમાં પોતે પોતાના પરિવાર સાથે જમીન પર સુતા હતા.

ખાપટની સીમમાં બનેલો બનાવ

રાત્રીના દસ વાગ્યા આસપાસ તેમનો વચેટ પુત્ર રાજેશ (ઉ.૩) તેની માની સોડમાં સુતો હતો. આ વખતે શિકારની શોધમાં આવી ચડેલા એક દીપડાએ રાજેશને ઉઠાવી નાસી છૂટયો હતો. આ સમયે અવાજ થતા નાનજીભાઈ સફાળા જાગી ગયા હતા અને તેની પત્નીને જગાડતા તેનો પુત્ર રાજેશ ન હોય નકકી કોઈ જાનવર ઉઠાવી ગયા હોવાનો અહેસાસ થતા તેમણે ગામના સરપંચને જાણ કરતા તેમણે જસાધાર રેન્જ ઓફિસને જાણ કરતા આરએફઓ આહીરે આ અંગે ડીએફઓ શર્માને વાકેફ કરતા તેમના માર્ગદર્શન હેઠળ ફોરેસ્ટર પી.એ.મારૂ, ઓડેદરા વગેરેની રેસ્કયુ ટીમ બનાવી સ્થળ પર પહોંચી ગયા હતા અને આખી રાત માસુમની શોધખોળ હાથ ધરી હતી. પરિવાર અને જંગલખાતાની શોધખોળ છતાં રાજેશનો પતો લાગ્યો ન હતો. વહેલી સવારના નજીક આવેલી ભગવાનભાઈ રાજસીભાઈ મકવાણાની વાડીમાંથી માસુમ રાજેશની ખોપરી,હાથનો પંજો અને પગનો પંજો મળી આવતા અને પરિવારના સભ્યોએ જોતા હતપ્રભ બની ગયા હતા. હૈયાફાટ રૂદન વચ્ચે કરૂણ દ્રશ્યો સર્જાયા હતા.દરમિયાન ડીએફઓ પણ, ઘટના સ્થળે પહોંચી ગયા હતા.મૃતકના પરિવારને સાંત્વન આપ્યું હતું.
મૃતકના પરિવારને વહેલી તકે સહાય મળે તે માટેના પ્રયત્નો હાથ ધર્યા હતા. જયારે ડીએફઓ શર્માએ જણાવ્યું હતું કે આ માવનભક્ષી દીપડાને પકડવા વન તંત્રને ઘટના સ્થળે ખડેપગે રાખી અલગ અલગ જગ્યાએ ત્રણ પાંજરા ગોઠવવામાં આવ્યા છે. સાંજ સુધીમાં દીપડો પાંજરે પુરાઈ જવાની જંગલખાતાને આશા છે.
માલઢોરના રક્ષણની કાળજી રાખવામાં પરિવારની કાળજી રાખવાનું ભુલી ગયા
ઉના : દેવીપૂજક પરિવાર તેમના માલઢોરની કાળજી રાખી સલામત સ્થળે રાખ્યા અને માલઢોરનો રાની પશુઓ શિકાર કરી ન જાય તે માટે ગાડા સાથે બચાવવા આડસ પણ કરી હતી. બાજુમાં જ પરિવાર ખુલ્લામાં સુતો હતો તેમાં માતાની સોડમાં સુતેલા બાળકને દીપડો ઉઠાવી ગયો અને શિકાર કરી ગયો હતો.આમ માલઢોરની કાળજી લેવામાં પરિવારના એક સભ્યને ગુમાવવો પડયો હતો.

પુત્રના અવશેષો જોઈ પિતાનું હૈયાફાટ રૂદન

ઉના : ૩ વર્ષના માસુમ રાજેશના અવશેષો જેમાં ધડનો ભાગ,પગના પંજા,હાથના પંજાનો ભાગ જોઈ તેના પિતા નાનજીભાઈનું હૈયાફાટ રૂદન જોઈ ઉપસ્થિત લોકોની આંખમાંથી અશ્રુઓની ધાર થઈ હતી. અને ભારે ગમગીની છવાઈ ગઈ હતી.
Source: http://www.sandesh.com/article.aspx?newsid=36661

મેળામાં દીપડો ત્રાટક્યો, યાત્રિક અને વન કર્મચારી ઉપર હૂમલો.

2012-02-23T11:10:00.004+05:30

જૂનાગઢ, તા.૨૦

મહાશિવરાત્રિના મેળામાં આજે છેલ્લા દિવસે વહેલી સવારે એક દોઢેક વર્ષનો દીપડો ત્રાટક્યો હતો. રૂપાયતન રોડ ઉપર આવેલા કચ્છી ભવનમાં ઘુસી ગયેલા આ દીપડાએ મુંબઈના એક યાત્રિક ઉપર હૂમલો કરતા નાસભાગ મચી ગઈ હતી. જો કે તરત જ ઘટનાસ્થળે પહોંચી ગયેલા વનવિભાગે ત્રણ કલાકના લાંબા રેસ્ક્યૂ ઓપરેશન બાદ દીપડાને બેભાન કરીને પકડી લીધો હતો. આ ઓપરેશન દરમિયાન દીપડાએ વન કર્મચારી ઉપર પણ હૂમલો કર્યો હતો.
· પેટા... ત્રણ કલાકના રેસ્ક્યૂ ઓપરેશન બાદ મહામહેનતે દીપડો પકડાયો
· કચ્છી ભવનમાં બનેલી ઘટના : ભાવિકોમાં નાસભાગ
આ વિશેની મળતી વિગતો અનુસાર ભવનાથ વિસ્તારમાં રૂપાયતન રોડ ઉપર આવેલ કચ્છી ભવનમાં આજે સવારે છ વાગ્યાના અરસામાં ગિરનાર જંગલમાંથી આવેલો એક દીપડો ઘુસી ગયો હતો. ભવનના બીજા માળે પહોંચી ગયેલા આ દીપડાથી અજાણ એવા મુંબઈના ઘાટકોપરના એક યાત્રિક મુલચંદ હંસરાજ છેડા(ઉ.વ.૬પ) પોતાના રૂમની બહાર નિકળતા આ દીપડાએ તેના પર હૂમલો કર્યો હતો. જેમાં તેઓને પેટની ડાબી બાજુના ભાગે અને ડાબા હાથના ખંભામાં ઈજાઓ પહોંચતા તેને સારવાર માટે સિવિલ હોસ્પિટલમાં ખસેડવામાં આવ્યા હતાં.
બીજી તરફ ઘટનાની જાણ થતા જ એ.સી.એફ. કે.એ.ગાંધીના માર્ગદર્શન હેઠળ આર.એફ.ઓ. પી.જે.મારૂ અને ફોરેસ્ટર એમ.ટી.મકવાણા તથા ગુલાબબેન સુવાગીયા સક્કરબાગ ઝૂ ની ટ્રેકર્સ પાર્ટી સાથે પહોંચી ગયા હતાં. અને ત્રણેક કલાકની કવાયતના અંતે આખરે દીપડાને બેભાન કરીને પડકી લેવામાં સફળતા મળી હતી. આ ઓપરેશન બાદ બેભાન થયેલો દીપડો ફરી વખત થોડો ભાનમાં આવી જતા સક્કરબાગ ઝૂ ની ટીમના કર્મચારી હનિફભાઈ ઉપર હૂમલો કર્યો હતો. જેમાં આ કર્મચારીને પેટના ભાગે થોડી ઈજા પહોંચી હતી. પકડાયેલા આ દીપડાને સારવાર આપીને પરત બોરદેવીના જંગલમાં છોડી મૂકવામાં આવશે. બનાવના પગલે થોડા સમય માટે દોડધામ મચી ગઈ હતી.
Source: http://www.sandesh.com/article.aspx?newsid=36470

ફેફસાની બિમારીથી પીડાતી વૃદ્ધ સિંહણે દમ તોડી દીધો.

2012-02-23T11:08:00.003+05:30

ઉના તા. ૨ર
આશરે ૧૪ વર્ષની વય ધરાવતી અને બે બે વાર સારવારમાં લાવવામાં આવેલી સિંહણને ફેફસામાં સિવિયર ઈન્ફેકશન થઈ જતાં જસાધાર વાઈલ્ડ લાઈફ એનિમલ કેર સેન્ટરમાં આ સિંહણે આખરે ચાલુ સારવાર દરમિયાન દમ તોડી દીધો હતો.
ગીર પૂર્વ વન વિભાગ હેઠળ આવેલા જસાધાર એનિમલ કેર સેન્ટરમાં છેલ્લા છ દિવસથી એક બિમાર અને અશકત બની ગયેલી સિંહણ સારવાર માટે હતી. તેને અગાઉ એકવાર સારવાર અપાઈ ચૂકી હતી. સાજી પણ થઈ ગઈ હતી.
ફેફસામાં સિવીયર ઈન્ફેકશન થઈ જતાં શિકાર કરવા પણ અસમર્થ હતી
જેથી, ફરી વનમાં મુકત કરી દેવાઈ હતી. પરંતુ આ સિંહણ ફરી બીમાર પડતા એને જસાધાર લાવવામાં આવી હતી. બીમારીના કારણે સિંહણ શિકાર કરવામાં અને ખોરાક લેવામાં પણ મુશ્કેલી અનુભવતી હતી. તેને ફેફસામાં સિવીયર ઈન્ફેકશન (ચેપ) હોવાથી સઘન સારવાર ચાલુ હતી. પણ ફેફસાની ગંભીર બિમારીના કારણે આખરે આજે દમ તોડી દીધો હતો. ફરજ પરના વેટરનરી તબીબે તેનું પોસ્ટમોર્ટમ કર્યું હતુ.
Source: http://www.sandesh.com/article.aspx?newsid=37292

રાજુલાનું સિંહ સરઘસ પ્રકરણ: તપાસનો ધમધમાટ.

2012-02-23T11:03:00.004+05:30

Source: Bhaskar News, Rajula | Last Updated 1:36 AM [IST](20/02/2012)

સબ ડીએફઓ દ્વારા નિવેદનો લેવાની કાર્યવાહી શરૂ કરાઇ

જાફરાબાદના ચૌત્રા ગામે એક માસ પહેલા ગંભીર હાલતમાં બિમાર સિંહ મળી આવતા સિંહની સારવાર કરવાને બદલે રાજુલા લાવી કડકડતી ઠંડીમાં આખી રાત રાખી સવારમાં પોલીસ બંદોબસ્ત વચ્ચે સિંહનું સરઘસ કાઢવાની ઘટનામાં ગાંધીનગરથી વનમંત્રીએ તપાસના હુકમો કરતા તપાસનો ધમધમાટ શરૂ થયો છે.
આ પ્રકરણમાં વનવિભાગના સબ ડીએફઓ દ્રારા નિવેદનો નોંધવામાં આવી રહ્યાં છે. પ્રાપ્ત વિગત અનુસાર જાફરાબાદના ચૌત્રા ગામેથી જાન્યુઆરી માસમાં એક બિમાર સિંહ મળી આવ્યો હતો. આ બિમાર સિંહને જસાધાર એનીમલ કેર સેન્ટરમાં સારવાર માટે ખસેડવાને બદલે રાજુલા લાવવામાં આવ્યો હતો. અને જ્યાં કડકડતી ઠંડીમાં આખી રાત પાંજરૂ ઢાંકી રાખવામાં આવ્યો હતો.
બાદમાં સવારે બિમાર સિંહનું રાજુલાની બજારમાં પોલીસ બંદોબસ્ત વચ્ચે સરઘસ કાઢવામાં આવતા હજારો લોકો સિંહ દર્શન માટે એકઠા થતા સિંહની હાલત કફોડી બની હતી. આ ઘટના અંગે ગીર નેચર યુથ ક્લબના પ્રમુખ ભીખુભાઇ બાટાવાળા તેમજ રાજુલાના વિનોદભાઇ પરમારે ગાંધીનગર સુધી કરી હતી. આ બાબતે વનમંત્રીએ તપાસના હુકમો કર્યા હતાં.
તપાસનો ધમધમાટ શરૂ થતા અમરેલીના સબ ડીએફઓએ ગીર નેચર યુથ ક્લબના પ્રમુખ ભીખુભાઇ બાટાવાળાનું નિવેદન નોંધ્યું હતું. અને સિંહના સરઘસના પુરાવા રૂપે સીડી સહિતના પુરાવા એકઠા કર્યા હતા. આ ઉપરાંત રાજુલા રહેતા વિનોદભાઇ પરમારનું પણ નિવેદન નોંધ્યું હતું.
સિંહના સરઘસની આ ઘટનામાં આરએફઓ સામે કડક પગલા લેવામાં આવનાર હોવાનું જાણવા મળેલ છે. આ ઉપરાંત આ ઘટનામાં પોલીસ સામે પગલા લેવા ગૃહખાતા અને વનવિભાગમાં ગીર નેચર યુથ ક્લબ દ્રારા રજુઆતો કરવામાં આવી છે.

સસસ..અવાજ નહીં, સાવજો ફરમાવી રહ્યાં છે આરામ.

2012-02-23T10:47:00.001+05:30

Source: Bhaskar News, Junagadh | Last Updated 5:32 AM [IST](23/02/2012)

ગીર નેશનલ પાર્કમાં બુધવારે બે સાવજે આ રીતે રસ્તા પર જ આરામ ફરમાવવાનું નક્કી કરતા સ્થાનિક વાહન વ્યવહાર થોડા સમય માટે સ્થગિત થઈ ગયો હતો. બંને સાવજ જોકે આક્રમક મૂડમાં નહીં હોવાથી છકડામાં પસાર થઈ રહેલા લોકો ખૂબ નજીક કોઈ ચિંતા વિના ઊભા રહી શક્યા હતા. ૧૪૧૨ ચોરસ કિ.મી.માં ફેલાયેલા આ અભ્યારણ્યમાં અનેક નાના ગામડાં છે જેના રહેવાસીઓએ રોજેરોજ આ રીતે જંગલમાંથી પસાર થવું પડે છે. ૨૦૧૦ની ગણતરી અનુસાર ગીરમાં ૪૧૧ સિંહ-સિંહણ છે.

જૂનાગઢની આર્થિક કરોડરજજુ શિવરાત્રિનો મેળો : પાંચ દિવસમાં રૂ.રપ કરોડનો લાભ.

2012-02-18T13:35:00.004+05:30

જૂનાગઢ, તા.૧૭

યાત્રાધામ જૂનાગઢ શહેરના અર્થતંત્રની મુખ્ય કરોડરજ્જુ પ્રવાસીઓ છે. ખાસ કરીને મહાશિવરાત્રિનો મેળો તથા ગિરનાર પરિક્રમાના કારણે શહેરના અર્થતંત્રને સારો એવો ફાયદો મળે છે. અર્થશાસ્ત્રીઓના મતે મહાશિવરાત્રિના મેળાથી પ્રત્યક્ષ કે પરોક્ષ રીતે શહેરના અર્થતંત્રને રૂ.રપ કરોડનો સીધો ફાયદો થશે ! મેળામાં ઉમટી પડતા લાખ્ખો યાત્રિકોના મુસાફરી ભાડા, રહેવા અને જમવાના સામાન્ય ખર્ચનો અંદાજ કરતા આ આંકડો બહાર આવે છે. જો કે, હકિકતે થતા લાભનો આંકડો તો ક્યાંય મોટો હશે. આમછતાં રાજ્ય સરકાર કે સ્થાનિક તંત્ર દ્વારા અહી ખાસ કંઈ સુવિધા યાત્રિકો માટે ઉભી કરવામાં આવતી નથી.

સંસ્થાઓને પરેશાન કરતા તંત્ર અને સરકારે સામેથી મફતમાં સુવિધા પુરી પાડવી જોઈએ
મુસાફરી, નાસ્તો, વ્યસન, રહેવા-જમવા માટે દરેક યાત્રિક દીઠ કરાતો રૂ.રપ૦ નો ખર્ચ

એક તબક્કે આખો મેળો ધાર્મિક, જ્ઞાતિ સમાજ અને સેવાભાવિ સંસ્થાઓના કારણે જ ચાલે છે. શિવરાત્રિના મેળામાં યાત્રિકોને ભલે વિનામુલ્યે રહેવા-જમવાની વ્યવસ્થા મળી રહેતી હોય, ભક્તિ અને ભજન મેળાની ઓળખ ભલે હોય, પરંતુ આ મેળાથી જૂનાગઢને મોટો આર્િથક લાભ થાય છે. અર્થશાસ્ત્રીઓ દ્વારા માંડવામાં આવતી ગણતરી પ્રમાણે મેળામાં સરેરાશ ૧૦ લાખ યાત્રિકો ઉમટી પડે અને એક યાત્રિક દીઠ ફક્ત રૂ.રપ૦ નો ખર્ચ ગણવામાં આવે તો પણ રૂ.રપ કરોડની રકમ થવા જાય છે.વિગતવાર વિશ્લેષણ કંઈક એવું થાય છે કે, યાત્રિકો બસ, ટ્રેન કે ખાનગી વાહનોમાં જૂનાગઢ સુધી પહોંચે છે. અને જૂનાગઢ પહોંચ્યા બાદ લોકલ ટ્રાન્સપોર્ટેશન વ્યવસ્થા પ્રમાણે ભવનાથ સુધી પહોંચે છે. ભવનાથ આવ્યા બાદ આ ક્રમ પ્રમાણે જ પરત જાય છે. આ ઉપરાંત અહી આવનાર યાત્રિકો એકાદ-બે દિવસનું રોકાણ કરે છે. સાથે સાથે શહેરના જોવા લાયક સ્થળોની પણ મૂલાકાત લે છે. આ પ્રવાસન ખર્ચમાં આજના મોંઘવારીના સમય અનુસાર રૂ.૧રપ થી રૂ.૧પ૦ જેટલો ખર્ચ એક યાત્રિક દીઠ થાય છે. આ ઉપરાંત મેળામાં આવનાર યાત્રિક જૂનાગઢ શહેર કે ભવનાથમાંથી જીવન-જરૂરી ચિજવસ્તુ, ચા-પાણી, પાન-માવા કે હળવા નાસ્તા માટે રૂ.પ૦ થી ૭પ નો ખર્ચ સામાન્ય સંજોગોમાં કરી નાખે છે. તો મેળાની યાદગીરી રૂપે ધર્મને લગતી ચિજવસ્તુઓ, બાળકોના રમકડા વગેરે પાછળ રૂ.પ૦ થી ૭પ નો ખર્ચ થઈ જાય છે. આમ સરેરાશ એક યાત્રિક દીઠ રૂ.રપ૦ નો ખર્ચ થતો હોવાનું ગણતરીકારો અનુમાન લગાવી રહ્યા છે. બીજી તરફ ભવનાથ વિસ્તારમાં ગોઠવાતા ફજેત ફાળકા, ખાણી-પીણીના સ્ટોલ, રમકડાના સ્ટોલ, ધાર્મિક ચિજ-વસ્તુઓ વેંચતા સ્ટોલ વગેરેના ધંધાર્થીઓ મેળા અને પરિક્રમા દરમિયાન વર્ષની અડધી કમાણી કરી લેતા હોય છે. મેળા, પરિક્રમા અને શિયાળાની પ્રવાસની સિઝન દરમિયાન આવતા લાખ્ખો યાત્રિકો આ ધંધાર્થીઓના મુખ્ય ગ્રાહકો હોય છે. બાકી આખુ વર્ષ ખાસ કંઈ ગ્રાહકો હોતા નથી. આવી રીતે જ શહેરના વેપારીઓ માટે પણ આ બાબત જ લાગું પડે છે.
ખુદ સરકાર સંચાલિત એસ.ટી. કે રેલવે દ્વારા પણ કમાણી કરવા માટે વધારાની વ્યવસ્થા ગોઠવવામાં આવે છે. એકસ્ટ્રા બસો કે ટ્રેનો શરૂ કરીને પ્રવાસીઓ પાસેથી મળતું ભાડું આ બન્ને તંત્ર માટે મોટી આવક બની રહે છે. જો કે મેળો આવકનું આટલું મોટુ સાધન હોવા છતાં સ્થાનિક તંત્ર કે રાજ્ય સરકાર દ્વારા ખાસ કંઈ વ્યવસ્થા ગોઠવવામાં આવતી નથી. ઉલટાનું અહી પોતાના ખર્ચે સેવા કરવા માટે આવતી સંસ્થાઓને પ્લોટ ફાળવણી કે પાસ, પરમીટ અને મંજૂરી જેવા મુદ્દાઓને લઈને માનસિક હેરાનગતિ કરવામાં આવી રહી છે. એક સમયે મેળા માટે નવાબ અને સરકાર દ્વારા સહાય કરવામાં આવતી હતી. જેની સામે આજે તમામ તંત્ર દ્વારા બજાર ભાવ પ્રમાણે ભાડુ વસુલવામાં આવે છે. ભાડામાં પણ કોઈ રાહત આપવામાં આવતી નથી. મેળામાં આવતા લાખ્ખો યાત્રિકોની વ્યવસ્થા ફક્તને ફક્ત ધાર્મિક કે સેવાભાવી સંસ્થાઓને જ આભારી છે. આ યાત્રિકો માટે વિનામુલ્યે રહેવા-જમવાની વ્યવસ્થા આ સંસ્થાઓ જ પુરી પાડે છે. આટલી વ્યવસ્થા કરવી એ સરકાર કે તંત્ર માટે ગજા બહારની વાત છે. ત્યારે કમ સે કમ શહેરના અર્થતંત્રને ધ્યાને રાખીને પણ મેળાના વિકાસ અને યાત્રિકોની સુવિધા માટે રાજ્ય સરકાર દ્વારા કોઈ વ્યવસ્થા કરવામાં આવે તે જરૂરી બની ગયું છે.

મેળાની હાઈલાઈટ્સ

મેળામાં જ્ઞાતિ સમાજના ઉતારા

* પટેલ સમાજ * તળપદા કોળી

* ઘેડિયા કોળી * ચુંવાળીયા કોળી

* ક્ષત્રિય સમાજ * ગુર્જર ક્ષત્રિય કડિયા

* દલિત સમાજ * રબારી

* ભરવાડ * સતવારા સમાજ

* લુહાર * મચ્છુ કઠીયા સઈ સુતાર

* વાલ્મિકી સમાજ* અન્ય સમાજ

મેળામાં ‘ઝૂંપડી’ ઉતારા

* બટુક વ્યાસનો ઉતારો

* ઉદા ભગતનો ઉતારો

* ચારણ સમાજનો ઉતારો

* હરીગીરી સ્વામીની જગ્યા

મેળામાં શું શું હશે ??

* ફજત ફાળકા

* ખાણી-પીણીના સ્ટોલ

* સ્પર્ધાના સ્ટોલ

* માળા-કંઠીના સ્ટોલ

* જનજાગૃતિના સ્ટોલ

* ફંડ-ફાળો કરતા સ્ટોલ

* રમકડાંના સ્ટોલ

* ધાર્મિક, મૂર્ત્તિ, છબી, કેસેટો વેંચતા સ્ટોલ
મેળામાં ચાલતા મુખ્ય અને વિશાળ અન્નક્ષેત્રો
* શેરનાથબાપુ સંચાલિત ગોરક્ષનાથ આશ્રમનું અન્નક્ષેત્ર
* મહામંડલેશ્વર ભારતીબાપુના આશ્રમનું અન્નક્ષેત્ર
* મહંત ગોપાલાનંદજી સંચાલિત પંચ અગ્નિ અખાડાનું અન્નક્ષેત્ર
* વસ્ત્રાપથેશ્વર મંદિરે ચાલતું અન્નક્ષેત્ર

* બ્રહ્મેશ્વર મંદિરનું અન્નક્ષેત્ર

* ગોવિંદાચાર્યજીના ઉતારાનું અન્નક્ષેત્ર

* ખોડિયાર રાસ મંડળનું અન્નક્ષેત્ર

* મેઘાનંદજી સંચાલિત ગિરનારની સીડી પરનું અન્નક્ષેત્ર
* ખાખચોક જગ્યામાં મહંત રામદાસજી સંચાલિત અન્નક્ષેત્ર

* પ્રેરણાધામ અન્નક્ષેત્ર

વ્યવસ્થા જાળવવામાં ભાગ લેતા તંત્ર

* વહીવટી તંત્ર * મહાનગર પાલિકા

* પોલીસ તંત્ર * વનવિભાગ

* વીજતંત્ર * એસ.ટી. તંત્ર

* રેલવે વિભાગ * આરોગ્ય વિભાગ

Source: http://www.sandesh.com/article.aspx?newsid=35807

તાલાલાનાં ધાવા અને રમળેચીમાં કિંમતી ચંદનનાં વૃક્ષોનું કટિંગ.

2012-02-18T13:05:00.000+05:30

Source: Bhaskar News, Talala | Last Updated 2:52 AM [IST](18/02/2012)

- તાલાલા પંથકમાં ચંદન ચોર ટોળકી ફરી ઝળકી
- વનવિભાગ ઘોર નિંદ્રામાં
તાલાલા પંથકના જંગલ અને ગ્રામ્ય વિસ્તારમાં ફોરેસ્ટ વિભાગનાં પી.એફ. વિસ્તારમાં અવાર-નવાર ચંદનના કિંમતી વૃક્ષોની ચોરી થયેલ છે છતાં વનવિભાગ તરફથી સતકર્તા રાખવામાં આવતી ન હોય ચંદન ચોરોએ કાલે ધાવા (ગીર) અને આજે રમળેચી (ગીર)માંથી દસ વર્ષથી જુના ચંદનનાં વૃક્ષોનું કટિંગ કરી ચોરી કરી ગયા છતા વનવિભાગ સાવ નિંદ્રામાં હોય તેવો તાલ જોવા મળી રહ્યો છે.
ગીર જંગલમાં થતી કિંમતી વનસ્પતી અને વૃક્ષો મબલખ રૂપિયા રળી આપતા હોય તસ્કરો ચંદન વૃક્ષની ચોરી અગાઉ કરી ગયા હોવાના બનાવો બનેલા છે. અગાઉનાં બનાવો બાદ પણ સ્થાનિક તાલાલા વનખાતાની કચેરી તરફથી ફેરણાં-પેટ્રોલીંગના નામે નાટકો થતા રહેતા હોય ચંદનની ચોરી કરતી ટોળકી ફરી તાલાલા પંથકમાં ઉતરી આવી અને ગઈકાલે ધાવા(ગીર) ગામે સ્વામીજીની વાડીમાંથી દસ વર્ષનાં ચંદનના એક ઝાડનું ઈલેકટ્રીક કટરથી કટિંગ કરી ઝાડની ચોરી કરી ગયેલ.
ધાવા ગીરની વિગત હજુ તો તાલાલા વનવિભાગને મળે ત્યાં સવાર પડતા રમળેચી (ગીર) ગામે હીરણ નદીનાં કાંઠે આવેલ વજુભાઈ ડેડાણીયાની વાડી આગળથી સાત વર્ષનાં ચંદનનાં વૃક્ષનું કુહાડાથી કટિંગ કરી ચંદનચોરો તસ્કરી ગયા. રમળેચી ગામની સીમમાં આ સિવાય અન્ય ચારથી પાંચ ચંદનનાં વૃક્ષોની ચોરી થઈ હોવાનું ગામમાં ચર્ચાઈ રહ્યું છે.
સ્થાનિક વનવિભાગ આળસ ખંખેરી કિમતી વન્યસંપદાના રક્ષણ માટે સાચા અર્થમાં ફેરણા-પેટ્રોલીંગ કરી કિંમતી વનસ્પતી-વૃક્ષોની તસ્કરી અટકાવી ચંદનનાં વૃક્ષોની ચોરી કરનાર ટોળકીને તાકીદે ઝબ્બે કરી કાપેલા ચંદનનાં વૃક્ષો મેળવે તેની ગીર પંથકમાંથી ઉગ્ર લોક માંગ ઉઠી છે.
Source: http://www.divyabhaskar.co.in/article/SAU-chandan-trees-cutting-out-in-talala-two-viilage-2876913.html

ધારી નજીક બિમાર સિંહણને પકડી સારવારમાં ખસેડાઇ.

2012-02-17T13:32:00.005+05:30

Source: Bhaskar News, Dhari | Last Updated 1:38 AM [IST](17/02/2012)

- ૨૪ કલાકમાં વનતંત્રએ બે બિમાર સિંહણને પાંજરે પુરી
ધારી તાલુકાના રાજસ્થળી ગામે એક સિંહણ બિમાર અવસ્થામાં આંટા મારતી હોવાની બાતમી મળતા દલખાણીયા રેંજના સ્ટાફે આ બિમાર સિંહણને પાંજરે પુરી સારવાર માટે જસાધારના એનીમલ કેર સેન્ટરમાં ખસેડવામાં આવી છે.
ગીર પૂર્વની જસાધાર રેંજમાં ગઇકાલે એક બિમાર સિંહણને પકડી સારવાર માટે ખસેડાયાની ઘટના તાજી છે ત્યાં આજે ગીર પૂર્વની દલખાણીયા રેંજમાં વધુ એક સિંહણ બિમાર હોવાની બાતમી મળતા દલખાણીયા રેંજના આરએફઓ ઠાકર, સ્ટાફના નિલેષભાઇ વગેરેએ આ સિંહણને પકડવા સીમમાં પાંજરૂ ગોઠવ્યુ હતું.
પુખ્ત ઉંમરની આ સિંહણ પાંજરામાં સપડાઇ જતા તેને સારવાર માટે જસાધારના એનીમલ કેર સેન્ટરમાં ખસેડાઇ છે. ગીરની શાન સમા સાવજોની જાણે માઠી દશા બેઠી છે. સાવજોના કમોતની જેમ એક પછી એક ઘટનાઓ બહાર આવે છે તેવી જ રીતે બીમાર કે ઘાયલ સાવજોની સંખ્યા પણ વધી રહી છે.
બીમાર કે ઘાયલ સિંહ-સિંહણને સમયસર સારવાર મળી જાય તો વાંધો નથી આવતો પરંતુ તેમની બિમારી કે ઇજા વનતંત્રની જાણ બહાર રહે તેવા સંજોગોમાં તેમના પર જોખમ વધી જાય છે.
Source: http://www.divyabhaskar.co.in/article/SAU-lioness-caugt-in-cage-near-dhari-2871665.html

લીલીયા નજીક સાવજોની ડણક એટલે ‘મર્નિંગ એલાર્મ’.

2012-02-17T12:31:00.000+05:30

Source: Bhaskar News, Liliya | Last Updated 1:51 AM [IST](17/02/2012)

- બૃહદ ગીરમાં ૪૧૧ સાવજો વસે છે જેમાં લીલીયા, સાવરકુંડલા પંથકમાં વસતા ૨૮ સાવજો
- લોકો સિંહથી ભયભીત થવાને બદલે ભેરૂ બની ગયા છે
લીલીયા તાલુકાના ક્રાંકચ, શેઢાવદર, ભોરિંગડા, ઇંગોરાળા, જુના સાવર, કેરાળા, ખાલપર વગેરે ગામના લોકો માટે વહેલી સવારે સાવજની ડણક સંભળાઇએટલે જાણે મોર્નીગ એલાર્મ વાગી ગયો. એક દાયકા પહેલા અહી આવી સ્થિતિ ન હતી. પરંતુ હવે આ વિસ્તારમાં ૨૮ જેટલા સાવજોનો વસવાટ છે. ગ્રામ્ય વિસ્તારોમાં વહેલી સવારે આ સાવજોની ડણકો અચુક સંભળાય છે.
લીલીયા તાલુકાના શેત્રુંજી નદીના કાંઠે આવેલા બીડ વિસ્તારમાં આ સાવજો વસે છે. સિંહ, સિંહણ અને તેના બચ્ચાઓ જુદાજુદા જુથમાં અલગ અલગ વિસ્તારમાં ડેરાતંબુ તાણીને પડ્યા રહે છે. અવારનવાર સાવજો રાત્રીના સમયે ગામમાં પણ ઘુસી આવે છે. ક્રાંકચની સાંકડી બજારમાં સાવજ આંટા મારવા નીક્યા હોય તેવુ એનક વખત બન્યું છે. ગામના પાદરમાં આવીને પશુઓના મારણ કરવાની ઘટના તો વારંવાર બને રાખે છે.
બ્úહદ ગીરમાં ૪૧૧ સાવજો વસે છે તે પૈકી ૨૮ સાવજો ક્રાંકચ વિસ્તારમાં હોય અહીના લોકોને તેનો ગર્વ છે. કારણ કે સિંહ દર્શન ગીરમાં લાંબી રઝળપાટ બાદ પણ દુર્લભ બની જાય છે. પરંતુ અહી શેત્રુંજીના કાંઠાળ વિસ્તારમાં બાવળની કાટમાં લોકોને સરળતાથી સિંહ દર્શન થાય છે.
આ વિસ્તારના લોકો સાવજોથી ભયભીત બનવાને બદલે તેના ભેરૂ બની ગયા છે. ગ્રામ્ય જનતા રેડીયો કોલર સિંહણ, માકડી, ભુરી, ભોડી, રાતડી સિંહણ વગેરે નામની ઓળખે છે. ક્રાંકચના આગેવાન કે.ડી.ડાવેરા જણાવે છે કે સાવજોની નિયમિત ડણકોથી અમારી સવાર પડે છે.
સાવજોને ગીર કરતા વધારે મારણ મળી રહે છે- ફોરેસ્ટર બી.એમ.રાઠોડ -
આ વિસ્તારના ફોરેસ્ટર બી.એમ.રાઠોડ જણાવે છે કે અમે સતત પેટ્રોલીંગ કરીએ છીએ જરૂર પડે તો પોલીસને પણ સાથે રાખીએ છીએ. ગીર કરતા અહી સાવજોને સરળતાથી મારણ મળી રહે છે. આસપાસના લોકોનો પણ વનતંત્રને સહકાર મળે છે. સાવજોને કોઇ હેરાનગતિ ન કરે તેની પુરતી તકેદારી રખાઇ છે.
ક્યાં ક્યાં પોઇન્ટ પર સાવજો મળે ?
શેત્રુંજી કાંઠાના અમુક વિસ્તારોમાં પાણીના પોઇન્ટ આસપાસ સાવજો અચુક મળી જાય છે. ઉડબાની પાટ, ખાટની ઓઢ, દરબારી ઉડીયા, ખોડિયારની ખાણ, બેલુ, લીલીયાનો આરો વગેરે વિસ્તારમાં સાવજો અચુક હાજર હોવાના. અહી મોટી સંખ્યામાં લોકો સિંહ દર્શને આવે છે.
સાવજો માટે અમે પાણીની વ્યવસ્થા કરીએ છીએ: મહેન્દ્રભાઇ ખુમાણ
દ્રષ્ટિ પર્યાવરણ ટ્રસ્ટના પ્રમુખ મહેન્દ્રભાઇ ખુમાણ જણાવે છે કે સિંહોને આ વિસ્તાર અનુકુળ આવ્યો છે. ગરમીમાં તેને પાણીની અગવડતા ન પડે તે માટે કેટલાક પોઇન્ટ પર અમે ગામલોકોની મદદથી પાણીની વ્યવસ્થા કરીએ છીએ. પાણીની કુંડીઓ નિયમિત ભરતા હોવાથી સાવજો નિયમિત પાણી પીવા આવે છે.
સાવજો અમારા મહેમાન છે: ભુપતભાઇ ભરવાડ
સ્થાનિક માલધારી ભુપતભાઇ ભરવાડે જણાવ્યું હતું કે ગીરમાંથી સ્થળાંતર કરી અહી આવેલા આ સાવજો અમારા માટે મહેમાન છે. અને અમે તેને સાચવવાના છીએ. કોઇ અજાણી વ્યક્તિનો સીમમાં પગપેસારો થાય તો અમને તરત ખ્યાલ આવી જાય છે. દિવસમાં એક વખત સાવજો હોય તે સીમમાં હુ અચુક આંટો મારૂ છું.

જંગલની બોર્ડરે બનાવેલી ૧૪ રાવટી વન્યપ્રાણી અને લોકોનું રક્ષણ કરશે.

2012-02-16T17:29:00.000+05:30

જૂનાગઢ, તા.૧૫

મહાશિવરાત્રિના મેળા દરમિયાન ઉમટી પડનારા લાખ્ખો ભાવિકોના કારણે ગિરનાર અભયારણ્ય અને તેમા વસવાટ કરતા વન્યપ્રાણીઓના રક્ષણ માટે વનવિભાગ દ્વારા ખાસ વ્યવસ્થા ઉભી કરવામાં આવી છે. જંગલની બોર્ડર વિસ્તાર સહિત ભવનાથમાં ૧૪ રાવટીઓ ઉભી કરીને જંગલ અને લોકોના રક્ષણ માટે રાઉન્ડ ક્લોક સ્ટાફની નિમણૂંક કરવામાં આવી છે.
ગિરનાર ઉપર આવતા યાત્રિકોની ખાસ ગણતરી કરવામાં આવશે
ભવનાથ તળેટીમાં આવતીકાલથી મહાશિવરાત્રિના પૌરાણિક મેળાની શરૂઆત થઈ રહી છે. આ મેળામાં ભારતભરમાંથી લાખ્ખો યાત્રિકો ઉમટી પડશે. આ યાત્રિકોના કારણે ગિરનાર અભયારણ્યમાં વસતા વન્યપ્રાણીઓને ખલેલ ન પડે તેમજ જંગલને નુકશાની ન પહોંચે તે માટે સી.સી.એફ. જી.યાદૈયા તથા ડી.સી.એફ. આરાધના શાહુની સુચનાથી તૈયારીઓ કરવામાં આવી છે. જંગલની બોર્ડર વિસ્તારમાં ૧૪ જેટલી રાવટીઓ ઉભી કરવામાં આવી છે.
એ.સી.એફ. કે.એ.ગાંધીના માર્ગદર્શન હેઠળ આર.એફ. ઓ. પી.ટી. કનેરીયા, પી.જે.મારૂ, આર.ડી. વંશ અને ડી.વી.પડસાલાના નેજા હેઠળ ૬ ફોરેસ્ટર, ૩૪ ગાર્ડ અને ૩પ રોજમદારોને રાઉન્ડ ધ ક્લોક ફરજ સોંપવામાં આવી છે. આ ઉપરાંત વન્યપ્રાણીઓના કારણે લોકોને ખતરો ઉભો ન થાય તે માટે સક્કરબાગ ઝૂ ની એક ટ્રેકર્સ પાર્ટીને પણ તૈનાત રાખવામાં આવશે. દરવર્ષની માફક આ વર્ષે પણ ગિરનાર ઉપર આવતા ભાવિકોની વનવિભાગ દ્વારા ગણતરી કરવામાં આવશે. જેના માટે જૈન દેરાસર ખાતે ગણતરી પોઈન્ટ ઉભો કરવામાં આવ્યો છે.
એસ.ટી. દ્વારા શહેરમાંથી ભવનાથ જવા રૂટ શરૂ કરાયા
મહાશિવરાત્રિના મેળા સંદર્ભે એસ.ટી. વિભાગ દ્વારા દર વર્ષની જેમ આ વર્ષે પણ ૧પ૦ જેટલી બસ દોડાવવાનું આયોજન કરવામાં આવ્યું છે. શહેરમાં એસ.ટી. બસસ્ટેન્ડ ઉપરાંત રેલવે સ્ટેશન, મજેવડી દરવાજા, બાયપાસ, રામનિવાસ વગેરે સ્થળોએથી ભવનાથ સુધી જવા માટે બસ દોડાવવામાં આવશે. આ ઉપરાંત નજીકના યાત્રાધામો પરબ, સત્તાધાર, સોમનાથ તેમજ રાજકોટ, જામનગર, અમરેલી, ભાવનગર સુધી ભવનાથથી સીધી જ બસો પણ મુકવામાં આવશે.
Source: http://www.sandesh.com/article.aspx?newsid=35191

કોડીનાર નજીક સીમમાં સાવજો વચ્ચે ખેલાયું દ્વંદ્વ યુદ્ધ.

2012-02-16T17:24:00.004+05:30

Source: Bhaskar News, Una | Last Updated 4:18 AM [IST](16/02/2012)

- ઇજા પામેલા દોઢ વર્ષનાં સિંહનું સારવાર પહેલા મોત

કોડીનાર પંથકના અડવી ગામની સીમમાં સિંહનું એક ગ્રુપ ઘણા સમયથી આંટાફેરા મારતુ હતું. ત્યારે આજે સવારે બે સિંહ વચ્ચે ખેલાયેલ ઈનફાઈટમાં દોઢ વર્ષના પાઠડાને મણકા સહિતના ભાગમાં ભારે ઈજા થઇ હતી. અહીં પહોંચેલી વનવિભાગની ટીમ આ ઘાયલ બાળ સિંહને સાસણ એનીમલ કેર સેન્ટરમાં સારવાર માટે ખસેડે એ પહેલા જ રસ્તામાં સિંહ બાળનું મોત થયું હતું.
ઉલ્લેખનીય એ છે કે, સીમમાં આવેલી વાડીમાં આજે ઘાલય સિંહબાળ નજરે પડતા વાડી માલીકે અને ગામના સરપંચને કહેતા વનવિભાગની ટીમે કાર્યવાહી હાથ ધરી હતી. પરંતુ કારગત નીવડી ન હતી. જ્યારે મેટિંગમાં કે વચસ્ર્વ માટે આ લડાઈ ખેલાઈ હોવાનું મોડી સાંજ સુધી સ્પષ્ટ થયું નથી.
અડવીની સીમમાં સિંહોનું ગ્રુપ વસવાટ કરતુ હોય અને આ વિસ્તારમાં આવેલ બચુભાઈ ડોડીયાની વાડી પાસે આ સિંહોના ગ્રુપમાં અંદાજે ૬ થી ૭ સિંહોની સંખ્યામાં બે સિંહણ પણ હોવાનું બહાર આવ્યું હતું. દરમિયાન આજે સવારે સિંહ અને અંદાજે દોઢ વર્ષનો પાઠડો (સિંહ) વચ્ચે ઈનફાઈટ જામી હતી. આ લડાઈમાં પાઠડો (સિંહ)ને કમરના ભાગમાં મણકા સહિતમાં ભારે ઘા મારતા ઘાયલ થઈ અને આ વાડીમાં જ પડી ગયો હતો. દરમિયાન ઘઉં અને શેરડીના વાડ વચ્ચે શેઢા ઉપર ઘાયલ સિંહ જીવન-મરણ વચ્ચે ઝોલા ખાતો હોય તેવું વાડી માલીકે જોયું હતું.
તેઓએ તુરંત જ ગામના સરપંચને જાણ કરતાં તેઓએ પણ અહીં આવી સિંહની હાલત જોઈ વનવિભાગને જાણ કરતા આજે સવારે ૧૦:૩૦ વાગ્યાના અરસામાં જામવાળા આરએફઓ જશાધાર રેન્જના ટી.એ.મારૂ, એલ.એસ.સીસોદીયા સહિતની રેસ્કયુ ટીમ ઘટના સ્થળે પહોંચી ઈજાગ્રસ્ત સિંહની હાલત જોઈ પાંજરે પુરી સાસણ એનીમલ કેરમાં સારવાર અર્થે ખસેડયો હતો. જો કે, ઈનફાઈટમાં ઘવાયેલ પાઠડો સાસણ પહોંચે તે પહેલા જ રસ્તામાં જ તેનું મોત નીપજ્યું હતું.

ઉના નજીક સિંહણે પેરાલિસીસનો એટેક? પૂરાઈ પાંજરે.

2012-02-16T17:22:00.003+05:30

Source: Bhaskar News, Una | Last Updated 3:57 AM [IST](16/02/2012)

- ખિલાવડની સીમમાં ઇજાગ્રસ્ત સિંહણને રેસ્કયુ ટીમે પાંજરે પૂરી

- વનવિભાગની જશાધારની ટીમે ચતુરાઇથી સિંહણને પાંજરામાં લાવી
ઊના તાલુકાનાં જંગલની બોર્ડર નજીક આવેલા ગ્રામ્ય પંથકમાં સિંહોનો વસવાટ નિયમિત બની ગયો છે. ત્યારે આ વિસ્તારમાં વહિરતી એક બિમાર સિંહણને પાંજરે પૂરવાની જરૂરિયાત ઉભી થઇ હતી. વનવિભાગે તેને પકડવા પાંજરું ગોઠવ્યા બાદ ચાલાકીથી પાંજરે પૂરી બકરીને બચાવવામાં સફળતા મેળવી છે.
ઊના તાલુકાનાં ખિલાવડની સીમમાં આવેલી સવીજભાઇ બચુભાઇ મસીયાની વાડીમાં એક ઇજાગ્રસ્ત અને બિમાર સિંહણ મકાઇની વાડમાં આવી ગયાનું અને તે ઉભી પણ ન થઇ શકતી હોવાની જાણ વનવિભાગને કરાઇ હતી. આથી જશાધાર રેન્જનાં આરએફઓ બી. ટી. આહીર વનકર્મચારીઓ અને રેસ્કયુ ટીમ સાથે ઘટનાસ્થળે દોડી ગયા હતા. વનવિભાગે સિંહણને પકડવા વાડ પાસે પાંજરું ગોઠવી દીધું હતું. સિંહણ પાંજરા તરફ આકષૉય તે માટે તેમાં બકરું પણ બાંધી દેવાયું હતું. પરંતુ કલાકો સુધી સિંહણ પાંજરામાં આવી નહોતી.
આથી ધીમે ધીમે હાકોટા પાડી સિંહણને ધીમેધીમે પાંજરા સુધી લાવવામાં વનવિભાગને સફળતા મળી હતી. જોકે સિંહણ ઇજાગ્રસ્ત નહીં પરંતુ બિમાર હોવાનું અને તે પાછલા બે પગ પર ઉભી પણ થઇ ન શકતી હોવાનું માલુમ પડ્યું હતું.
સિંહણે પેરાલિસીસનો એટેક ?...
પકડાયેલી સિંહણને પેરાલિસીસનો એટેક આવ્યા બાદ તે પાછલા બે પગે ચાલી શકતી ન હોવાનું પ્રાથમિક તારણ નીકળ્યું હતું. જોકે, એનિમલ કેર સેન્ટરનાં તબીબોનાં પરિક્ષણ બાદ જ તેની બિમારીનું ખરું કારણ જાણવા મળી શકશે.
દરિયાઈ વિસ્તારમાં પણ હવે વનરાજાનો વસવાટ -
દેલવાડા-ઝાખરવાડા ગામ વચ્ચે આજે સાંજે રેઢીયાર ગાયનું મારણ કરી મીજબાની માણી હોવાના મોડી સાંજે અહેવાલ મળે છે આમ હવે જંગલને બદલે દરિયાઈ પટ્ટી પર વનરાજાનો વસવાટ થઈ રહ્યો હોવાનું પણ બહાર આવ્યું છે.

સિંહ-દીપડા પ્રજાતિમાં વિસ્તાર વર્ચસ્વનાં જંગનો સમય શરૂ.

2012-02-16T17:20:00.003+05:30

Source: Jitendra Mandaviya, Sasan | Last Updated 2:51 AM [IST](16/02/2012)

- અડવી ગામે બે સિંહોની ફાઇટમાં બાળ સિંહના મોત સાથે

જંગલનાં હિંસક ગણાતા વન્યપ્રાણીઓ સિંહઅને દીપડાની બંને પ્રજાતિમાં ટેરેટરી (વિસ્તાર) વધારી વર્ચસ્વ સ્થાપવાની લડાઇની આજે શરૂઆત થઇ ચૂકી છે.
ફેબ્રુઆરી-માર્ચ-એપ્રીલ માસનો તબક્કો આ બંને પ્રજાતિનાં પ્રાણીઓમાં અંદરો-અંદર વર્ચસ્વની લડાઇ માટેનો ગણાતો હોય આજે કોડીનારમાં અડવી ગામે વિસ્તારનાં વર્ચસ્વની લડાઇમાં દોઢ વર્ષની ઉંમરના પાઠડા સિંહબાળનું મોત થયુ હતુ. ટેરેટરી માટે થતી ઇનફાઇટમાં પીરીયડને લઇ વનવિભાગ સતર્ક બની ગયુ છે.

પરમતત્વ સાથે ‘કનેક્ટિવીટી’ વાયા ગિરનાર 'સર્વર'.

2012-02-16T16:47:00.002+05:30

Source: Bhaskar News, Junagadh | Last Updated 2:17 AM [IST](16/02/2012)

જીવ સાથે શિવના સંધાન માટેનાં ‘સર્વર’ જેવા ગિરનારની ગોદમાં ભવનાથના મેળામાં કાશ્મીરથી આવેલા જગમોહનગીર ગુરુ મહંત બનમંડીગીરીજી આમ તો ટોપલેસ અને બોટમલેસ છે પણ, પરમતત્વ સાથે સીધી કનેક્ટિવીટી સાધવા માટે લેપટોપનો ઉપયોગ કરતા હોય તેવું ભાસે છે. મોહમાયા અને ભૌતિક સુખોથી વિરક્ત તેમજ દિશાઓને જ વસ્ત્રો માનનાર દિગમ્બર સાધુ પણ લેપટોપથી દૂર રહી શક્યા નથી. શિવરાત્રીના મેળામાં આ સાધુએ સારું એવું આકર્ષણ જગાવ્યું છે.

- તમામ તસવીરો: મેહુલ ચોટલિયા

જશાધાર નજીક સીમના કુવામાં પડ્યો દિપડો.

2012-02-15T14:05:00.002+05:30

Source: Bhaskar News, Amreli | Last Updated 2:57 AM [IST](14/02/2012)

- વનતંત્રની રેસ્ક્યુ ટીમે ગણતરીની કલાકોમાં દિપડાને બહાર કાઢ્યો
ગીરપુર્વની જસાધાર રેંન્જના વાસોદ ગામની સીમમાં આવેલ એક વાડીમાં દિપડો કુવામાં પડી જતા વનવિભાગની રેસ્કયુ ટીમ ઘટના સ્થળે દોડી જઇ ગણતરીના કલાકોમાં જ દિપડાને કુવામાંથી બહાર કાઢી પાંજરામાં પુરી સારવાર માટે જસાધાર એનીમલ કેર સેન્ટરમાં લઇ જવાયો હતો.
પ્રાપ્ત વિગત અનુસાર જસાધાર રેન્જના ઉના તાલુકાના વાસોદ ગામે આવેલ ભાણાભાઇ નારણભાઇ આહિરની વાડીમાં બપોરના સુમારે ૪૦ થી ૫૦ ફુટ ઉંડા કુવામાં છએક માસનો દિપડો પડી જતા આ અંગે ભાણાભાઇએ વનવિભાગને જાણ કરી હતી. જસાધાર રેંન્જના આરએફઓ બી.ટી.આહિર અને રેસ્કયુ ટીમ તુરત ઘટના સ્થળે દોડી ગયા હતા. અને દિપડાને કુવામાંથી બહાર કાઢવા મહામહેનત ઉઠાવી હતી.
રેસ્કયુ ટીમે કલાકોની ગણતરીમાં આ દિપડાને કુવામાંથી બહાર કાઢયું હતું. છએક માસના આ દિપડાને પાંજરામાં પુરી સારવાર માટે જસાધાર એનીમલ કેર સેન્ટરમાં લઇ જવાયો હતો. આ વિસ્તારમાં અનેક વખત સિંહ, દિપડા છેક ગામ સુધી આવી પહોંચે છે.
Source: http://www.divyabhaskar.co.in/article/SAU-leopard-fell-down-in-well-near-jashadhar-2859508.html

વરવું સત્ય: આ લોકોનું ભવિષ્ય શું અંધકારમય રહેશે?

2012-02-15T14:03:00.001+05:30

Source: Bhaskar News, Liliya | Last Updated 1:21 AM [IST](12/02/2012)

- નેસના માલધારીઓ પાસે રેશનકાર્ડ પણ નથી

- ગીરના નેસડાઓમાં લાઇટ, પાણી, રસ્તા, શિક્ષણ, આરોગ્ય જેવી સુવિધાઓનો અભાવ
- શાળાના અભાવે અભણ બાળકોનું ભવિષ્ય અંધકારમય બની રહ્યું છે
ગીર જંગલના નેસમાં વસતા માલધારીઓ હજુ પણ જાણે અઢારમી સદીમાં હોય તેવા માહોલમાં જીવન વ્યતીત કરી રહ્યા છે. જંગલખાતાની આડોડાઇના કારણે ગીરના નેસડાઓમાં લાઇટ, પાણી, આરોગ્ય, રસ્તા, શિક્ષણ જેવી પાયાની કોઇ સુવિધા જોવા મળતી નથી. ધારીથી ૧૫ કી.મી. દુર આવેલ શીવતળીનેસના માલધારીઓ સરકાર સામે આશાભરી મીટ માંડીને બેઠા છે પરંતુ ઉત્સવોમાં વ્યસ્ત સરકારને આ માલધારીઓના નેસ સામે જોવાની ફુરસદ પણ નથી.
ધારી-વીસાવદર રોડ પર ધારીથી ૧૫ કી.મી. દુર ગીરકાંઠાના શીવતળીનેસમાં હાલમાં ૫૫ લોકો વસવાટ કરે છે. ગણ્યા ગાઠ્યા કુટુંબોનો આ નેસ આધુનીક સમયની કોઇ સુખ સગવડ ધરાવતો નથી. નેસમાં વસતા માલધારીઓ આખો દિવસ માલઢોર ચરાવે અને સાંજ પડયે પોતાના કુબે પરત ફરી જાય છે. તેમની રોજીરોટીનો મુખ્ય આધાર પશુપાલન પર છે. આ નેસમાં પીવાના પાણી માટે ડંકી, કુવો કે અન્ય કોઇ સુવિધા નથી. જેને પગલે મહિલાઓને પાણી માટે દુર દુર ભટકવુ પડે છે. આટલા નાના નેસ માટે સ્વાભાવીક રીતે જ શાળા કે શિક્ષકની પણ કોઇ વ્યવસ્થા થઇ નથી. જેને પગલે નેસના બાળકો શિક્ષણથી વંચીત રહે છે.
સરકાર દ્વારા શહેરી વિસ્તારોમાં વિવિધ આવાસ યોજનાઓ ચલાવવામાં આવે છે. ગ્રામ્ય વિસ્તારોમાં આવાસ યોજનાની સાથે મકાન સહાય પણ આપવામાં આવે છે. પરંતુ આ નેસના લોકો માટે જમીન-મકાન સહાય મળતી ન હોય તેઓ કંતાનના કુબામાં રહે છે. જેમાં લાઇટ કે પાણીની કોઇ સુવિધા હોતી નથી.
કુબાઓમાં તો ઠીક પરંતુ જાહેર ટ્રીટ લાઇટની પણ અહિં સુવિધા નથી. ગીરના અમુક નેસમાં સોલાર સ્ટ્રીટ લાઇટ ફાળવાઇ છે પરંતુ અહિં તે સુવિધા પણ નથી. નેસડામાં રહેતા માલધારીઓને રેશનીંગકાર્ડ જ ફાળવવામાં આવ્યા નથી. પરિણામે સરકારની કોઇ યોજનાઓનો લાભ તેને મળતો નથી. આ તમામ માલધારીઓની રોજીરોટી પશુપાલન પર ચાલે છે. ગાય, ભેંસના દુધના વેચાણની આવક પર તેમનું ગુજરાન ચાલે છે. માલધારીઓ સરકાર તેમની ભૌતિક સુવિધાઓ પ્રત્યે ધ્યાન આપે તેવી આશા રાખીને બેઠા છે.
પશુના મારણનું વળતર મળતું નથી : માલાભાઇ
શીવતળીનેસમાં વસતા માલધારી માલાભાઇ માણસુરભાઇએ જણાવ્યુ હતું કે જંગલમાંથી ચડી આવતા સિંહ-દપિડા દ્વારા અવાર નવાર તેમના ઉપયોગી દુધાળા પશુઓનું મારણ કરવામાં આવે છે. મારણની ઘટનાઓ અવાર નવાર બનતી રહે છે. પરંતુ વન વિભાગ દ્વારા મોટાભાગના કિસ્સામાં વળતર અપાતુ નથી. અને જ્યારે વળતર અપાઇ છે ત્યારે તેની રકમ ખુબ ઓછી હોય છે.
૪૦૦ ભેંસો અને ૫૦ ગાયો પર નિભાવ -
શીવતળીનેસમાં વસતા માલધારીઓનો પશુપાલન એ એકમાત્ર વ્યવસાય છે. તમામ માલધારીઓ પાસે મળીને કુલ ૪૦૦ જેટલી ભેંસ છે અને ૫૦ જેટલી ગાયો છે. આસપાસના વિસ્તારમાં ગાય-ભેંસો ચરાવી તેનું દુધ સવાર-સાંજે વેચી નાખવામાં આવે છે.
Source: http://www.divyabhaskar.co.in/article/SAU-what-is-the-future-of-this-peoples-2850680.html

શેર કભી ઘાસ નહીં ખાતા... દેખલો.

2012-02-15T14:01:00.003+05:30

Source: Bhaskar News, Savarkundla | Last Updated 2:49 AM [IST](11/02/2012)

સાવરકુંડલા રેવન્યુ વિસ્તારમાં અવારનવાર સાવજો આવી ચડે છે. અને દુધાળા પશુઓના મારણ કરી રહ્યાં છે. આ વિસ્તારની નજીક મિતીયાળા અભ્યારણ્ય આવેલ હોય સિંહો અવારનવાર રેવન્યુ વિસ્તારમાં હુમલો કરે છે. જેના કારણે વાડી ખેતરોએ જતા ખેડુતોને ભય લાગી રહ્યો છે. વનવિભાગ દ્રારા આ વિસ્તારોમાં પેટ્રોલીંગ વધારવું જોઇએ તેવું લોકો ઇચ્છી રહ્યાં છે.
- તસ્વીર : મહેશ મશરૂ

Source: http://www.divyabhaskar.co.in/article/SAU-lion-and-cubs-enjoying-food-2848778.html

અભરામપરા ગામ નજીક સાવજોએ બળદનું મારણ કર્યું.

2012-02-15T14:00:00.000+05:30

Source: Bhaskar News, Amreli | Last Updated 2:11 AM [IST](10/02/2012)

ડુંગરાળ વિસ્તારમાં છ સાવજોનું ટોળું આવી ચઢતા લોકોએ સિંહદર્શન કર્યા

સાવરકુંડલા તાલુકાના અભરામપરા ગામ નજીક આવેલ સિંહ ડુંગરા નામના વિસ્તારમાં ગઇરાત્રીના સાવજોનું ટોળુ આવી ચડયું હતું. અને આ વિસ્તારમાં આવેલ હિ‌રપરાની વાડી પાસે એક રેઢિયાળ બળદનું મારણ કરી મિજબાની માણી હતી.
સાવરકુંડલા રેવન્યુ વિસ્તારમાં અવારનવાર સાવજો આવી ચડે છે. અને દુધાળા પશુઓના મારણ કરી રહ્યાં છે. ગઇરાત્રીના અભરામપરા ગામ પાસે આવેલ સિંહ ડુંગરા વિસ્તારમાં છ સાવજોનું ટોળુ આવી ચડયું હતું. આ સિંહોનું ટોળુ હિ‌રપરાની વાડી નજીક આવી ગયું હતું. અને એક રેઢીયાળ બળદનું મારણ કર્યુ હતું.
છ સિંહણ અને એક સિંહે બળદને ફાડી ખાધો હતો. મારણની ઘટનાના સમાચાર વાયુવેગે પ્રસરતા લોકો સિંહ દર્શન માટે દોડી ગયા હતા. અત્રે ઉલલેખનીય છે કે આ વિસ્તારની નજીક મિતીયાળા અભ્યારણ્ય આવેલ હોય સિંહો અવારનવાર રેવન્યુ વિસ્તારમાં આવી ચડે છે. જેના કારણે વાડી ખેતરોએ જતા ખેડુતોને ભય લાગી રહ્યો છે. વનવિભાગ દ્રારા આ વિસ્તારોમાં પેટ્રોલીંગ વધારવું જોઇએ તેવુ લોકો ઇચ્છી રહ્યાં છે.

ન્યુ ડેસ્ટિનેશનઃગીરના સિંહ પરિવારને મળ્યુ નવું ઘર.

2012-02-15T13:58:00.005+05:30

Source: Bhaskar News, Amreli | Last Updated 2:35 AM [IST](08/02/2012)

તાલુકાનો ખારાપાટ વિસ્તાર શેત્રુંજી અને ગાગડીયો નદીની ભેખડો બાવળના જંગલ સાવજો માટે સ્વર્ગથી કમ નથી
ગીરનાં સાવજોએ વધતી વસતિનાં પગલે પોતાનાં નવા નવા અનેક રહેઠાણો શોધ્યા. ગીર બહાર રેવન્યુ વિસ્તારમાં અનેક સ્થળે સાવજોનો વસવાટ થયો પરંતુ આ નવા વસવાટોમાં સાવજોને જો કોઇ સ્થળ વધુ માફક આવ્યુ હોય તો તે છે લીલીયા તાલુકામાં ક્રાંકચનો બીડ વિસ્તાર, શેત્રુજી નદીનાં કાંઠે બાવળનું આ જંગલ સાવજોએ એવું તો ભાવી ગયુ છે કે તેમના આ ઘરમાં સાવજોનાં પરિવાર ફુલીફાલી રહ્યા છે. હાલમાં આ વિસ્તારમાં ૨૮ સાવજો છે. ખૂબ જ ટુંકાગાળામાં અહિંના કેટલાક સાવજોને પોતાના માટે નવું ઘર શોધવુ પડશે.
લીલીયા તાલુકાનાં ખારાપાટ વિસ્તાર શેત્રુજી અને ગાગડીયો નદીની ભેખડો અને બાવળનાં જંગલને કારણે સાવજો માટે જાણે સ્વર્ગથી કમ નથી. કારણ કે આજુબાજુનાં આઠ-દસ ગામડાનાં માલધારીઓનાં માલઢોર પણ આ સાવજો માટે મારણ માટે સદાય હાથવગા રહે છે. પીવાના પાણીની પણ કોઇ તંગી નથી. લોકોની થોડી કનડગત છે પરંતુ અહિંના સાવજો હવે લોકોની હાજરીથી ટેવાઇ ગયા છે.
આશરે એકાદ દાયકા પહેલા આ વિસ્તારમાં સૌ પ્રથમ એક સિંહણ આવી હતી ત્યારે લોકોને ઘણુ આશ્ચર્ય થયુ હતુ કે ગીરથી આટલે દૂર છેક સાવજ કઇ રીતે આવી શકે ? પરંતુ પાછળથી આ વિસ્તારમાં સિંહની વસતી વધતી ચાલી અને પરિવારમાં નવા બચ્ચાનો જન્મ થતો ગયો તેમ પરિવાર મોટો થતો ગયો.
હાલમાં ક્રાંકચ, બવાડી, બવાડા, શેઢાવદરથી લઇને સાવરકુંડલા તાલુકાની હદ સુધીનાં આશરે ૨૫ કી.મી.ના વિસ્તારમાં આ સાવજ પરિવારનું રાજ છે. પોતાનાં ઇલાકા અહિંના સાવજો સતત સિમાડાઓની ર-ાા કરતા રહે છે. અન્ય વિસ્તારના કોઇ સાવજને આ પરિવાર પોતાના વિસ્તારમાં ઘુસવા દેતો નથી. પરંતુ નવા નવા સિંહબાળનાં જન્મ સાથે આ પરિવારની સભ્યસંખ્યા છેક ૨૮ સુધી પહોંચી ગઇ છે. સિંહ-સિંહણ અને બચ્ચા જુદા જુદા જૂથમાં આમથી તેમ ફરતા રહે છે. પરંતુ એક જ પરિવાર હોવાની આ જુથ સામસામા અથડાતા નથી.
સાવજ માટે અહિં મારણની ભરમાર છે. નિલગાય, હરણ અને ભૂંડની સંખ્યા તો પુષ્કળ છે જ સાથે સાથે આજુબાજુનાં ગામડાઓનાં માલધારીઓ અને ખેડૂતોનાં પશુઓ પણ આ સાવજો માટે હાથવગા છે. ચેકડેમનાં કારણે શેત્રુંજી નદીમાં પાણી ભરાયેલા રહેતા હોય સાવજો માટે પીવાના પાણીની પણ કોઇ તંગી નથી.
સાવજો માટે અહિં સૌથી મોટી મુશ્કેલી માણસો દ્વારા થતી કનડગત છે. સાવજ દ્વારા જ્યારે પણ પશુનું મારણ કરવામાં આવે ત્યારે લોકોથી તે છાનુ રહેતું નથી.
મોબાઇલનાં આ યુગમાં તુરંત સંદેશાઓની આપ-લે થઇ જાય છે અને જોતજોતામાં મારણનાં સ્થળે સિંહદર્શન માટે લોકોનો કાફલો ઉમટી પડે છે.

હામાપુરમાં સિંહોએ બે ગાય અને એક રોઝનું મારણ કર્યું.

2012-02-15T13:54:00.005+05:30

Source: Bhaskar News, Bagasara | Last Updated 2:31 AM [IST](02/02/2012)

- ત્રણ સિંહોના આગમનથી ખેડુતોમાં ફફડાટ ફેલાયો

બગસરા તાલુકાના હામાપુર ગામે જંગલમાંથી ત્રણ સિંહ અને બે બચ્ચા સાથેનો પરિવાર ખેતરોમાં આવી ચડતા ખેડુતોમાં ફફડાટ વ્યાપી ગયો હતો. આ પરિવારે બે ગાય અને એક રોઝનું મારણ કરી મજિબાની માણી હતી.
પ્રાપ્ત વિગત અનુસાર બગસરા તાલુકાના હામાપુર ગામે ગઇરાત્રીના સિંહ પરિવાર આવી ચડયો હતો. ધારી રોડ પર ઉપલી ધાર વિસ્તારમાં આવેલા રમેશભાઇ ગોહિલના ખેતરમાં આ પીરવારે ધામા નાખ્યા હતાં. અને ખેતરના ફરજામાં બાંધેલી એક ગાય અને વાછરડીનું મારણ કર્યું હતું.
આ ઉપરાંત ખેતરમાં રખડતા એક રોઝનું પણ મારણ કરી આ પરિવારે મજિબાની માણી હતી. સવારના સમયે ખેડુતોની અવરજવર થતા તમામ લોકોએ સિંહ દર્શનનો લ્હાવો લીધો હતો. બાદમાં સિંહ પરિવારે જંગલની વાટ પકડી લીધી હતી.
આ અંગે વનવિભાગને પણ જાણ કરવામાં આવી હતી. હવે છેક જંગલમાંથી સિંહો ગામમાં આવી જતા હોય ખેડુતોએ માલઢોરની સવા બે કરવાની વ્યવસ્થા ગોઠવી છે.
Source: http://www.divyabhaskar.co.in/article/SAU-lions-hunting-two-cow-and-one-akin-to-horse-in-hamapur-2814266.html

પોરબંદર: દોઢ લાખ જળપ્લાવિત પક્ષી નજરે ચઢ્યા.

2012-02-15T13:46:00.003+05:30

Source: Bhaskar News, Porbandar | Last Updated 1:54 AM [IST](15/02/2012)

- ર૧ થી પણ વધુ જળપ્લાવિત વિસ્તારમાં ગણતરી કરાઇ

- વિદેશી પક્ષીઓમાં પેણ, કુંજ, ગયણા, સફેદ ઢોંક, સ્પુનબીલ દેખાયા
સુરખાબી નગર અને ત્યારબાદ પક્ષીનગરની ઉપમા મેળવનાર પોરબંદરમાં શિયાળાના સમયમાં મોટી સંખ્યામાં વિદેશી પક્ષીઓ આતિથ્ય માણવા આવી પહોંચે છે. આમ તો દર વર્ષે આ વિદેશી પક્ષીઓની સંખ્યા લાખોમાં થવા જાય છે. પરંતુ પક્ષી ગણતરી દરમિયાન પક્ષીઓની સંખ્યાનો આંકડો જાણવા મળે છે. આ વર્ષે પક્ષી ગણતરી કરવામાં આવી હતી, જે તાજેતરમાં જ સંપન્ન થઈ છે. આ ગણતરી દરમિયાન અંદાજે દોઢ થી પોણા બે લાખ જેટલા પક્ષીઓ નજરે ચડ્યા હોવાનું જાણવા મળે છે.
પક્ષીઓનું મનગમતું નગર હોય તો એ છે પોરબંદર. કારણ કે અહીં અનેક જળપ્લાવિત વિસ્તારો આવેલા છે. આ વિદેશી પક્ષીઓને આબોહવા અને ખોરાક પણ અનુકુળ હોવાથી શિયાળો શરૂ થતા જ આ વિદેશી મહેમાનો પોરબંદરના આંગણે આવી પહોંચે છે. જળપ્લાવિત વિસ્તારોમાં વિદેશી મહેમાનો વહિરતા નજરે પડે છે અને આ અદ્ભુત નજારો જોવો પણ એક લહાવો હોય છે. કેટલા પક્ષીઓ પોરબંદર જિલ્લામાં આવે છે તેના આંકડા દર ત્રણ વર્ષે થતી પક્ષી ગણતરી દરમિયાન જાણવા મળે છે.
પોરબંદર સહિત રાજ્યભરમાં વન વિભાગ દ્વારા પક્ષી ગણતરી કરવામાં આવી હતી. જેમાં પોરબંદરમાં તા. રર મી જાન્યુઆરીથી પ ફેબ્રુઆરી સુધી આ પક્ષી ગણતરી કરવામાં આવી હતી. જળચર પક્ષીઓની ગણતરી કરવામાં આવી હતી. જેમાં દેશી પક્ષીઓની વાત કરીએ તો ટીટોડી, તારોડીયા, ગલ, ફ્લેમિંગો સહિતના પક્ષીઓ જ્યારે વિદેશી પક્ષીઓમાં પેણ, કુંજ, ગયણા, સફેદ ઢોંક, સ્પુનબીલ સહિતના વિદેશી પક્ષીઓની ગણતરી કરવામાં આવી હતી. વન વિભાગના જણાવ્યા અનુસાર વન વિભાગના કર્મચારીઓ દ્વારા પક્ષી ગણતરી હાથ ધરવામાં આવી હતી. જેમાં સામાજીક સંસ્થાઓનો પણ સહયોગ લેવામાં આવ્યો હતો.
પોરબંદર જિલ્લાના જળ પ્લાવિત વિસ્તારોમાં મોકર સાગર, બરડા સાગર, કુછડી રણ, છાંયા રણ, કર્લી જળાશય સહિત ર૧ જેટલા જળ પ્લાવિત વિસ્તારોમાં પક્ષી ગણતરી કરવામાં આવી હતી. આ દરમ્યાન અંદાજે દોઢ થી પોણા બે લાખ જેટલા પક્ષીઓ નજરે ચડ્યા હોવાનું આધારભૂત સુત્રોએ જણાવ્યું હતું. કુંજ પક્ષીની સંખ્યા સૌથી વધુ હોવાનું પણ સુત્રોએ જણાવ્યું હતું. અત્રે નોંધનીય બાબત એ છે કે પોરબંદરમાં સૌથી વધુ પક્ષીઓ આવતા હોય ત્યારે શિયાળાના સમયમાં આ પક્ષીઓને નિહાળવા માટે મોટી સંખ્યામાં પક્ષીવિદો પણ આવી પહોંચે છે. એટલે જ પોરબંદરને પક્ષીનગર તરીકેની ઉપમા આપવામાં આવી છે.
કઈ રીતે કરવામાં આવે છે પક્ષી ગણતરી ?
પક્ષી ગણતરીની કામગીરી નહિાળવી એ પણ એક લહાવો હોય, જો કે દર ત્રણ વર્ષે આ પક્ષી ગણતરી હાથ ધરવામાં આવે છે. આ પક્ષી ગણતરી કઈ રીતે થાય છે ? તેવો સવાલ હરકોઈ વ્યક્તિના મનમાં ઉઠતો હોય છે. વન વિભાગના કર્મચારી દ્વારા દુરબીન, ટેલીસ્કોપની મદદ લેવામાં આવતી હોય છે અને પક્ષીઓની ઓળખ માટે એક બુક આપવામાં આવે છે. જેના આધારે આ પક્ષી ગણતરી કરવામાં આવતી હોય છે.
કુંજ મગફળીની સાથે હવે ચણા પણ આરોગે છે -
પોરબંદર પંથકમાં મગફળીનું વાવેતર સૌથી વધુ થતું હોવાથી વિદેશી પક્ષીઓમાં કુંજ સૌથી વધુ આ વિસ્તારમાં જોવા મળે છે. મગફળી વાડી-ખેતરમાંથી ઉપાડી લીધા બાદ તેમાં રહી ગયેલી મગફળી કુંજ આરોગે છે અને ઝુંડ ના ઝુંડ આ વાડી ખેતરોમાં જોવા મળે છે. હવે કુંજે ચણાને પણ આરોગવાનું શરૂ કર્યું હોય તેમ ઘેડ પંથકમાં ચણાનું વાવેતર વિપુલ પ્રમાણમાં થતું હોય ત્યાં પણ કુંજનું ઝુંડ ખાબકતા ખેડૂતો માટે મુશ્કેલીરૂપ બની ગયું છે. આ કુંજ ચણા આરોગે નહીં તે માટે ખેડૂતોએ રખોલીયા રાખવા પડે તેવી સ્થિતિ જોવા મળે છે.

અમીત જેઠવા કેસ: ૨૦ શખ્સોને સુરેન્દ્રનગર એસ.પી.નું તેડું.

2012-02-15T13:44:00.002+05:30

Source: Bhaskar News, Junagadh | Last Updated 11:39 AM [IST](14/02/2012)

- બહુચર્ચિત આરટીઆઇ એક્ટિવીસ્ટ અમીત જેઠવા હત્યા કેસમાં
- સાંસદના અંગત માણસોની પૂછપરછથી અનેક અટકળો
સમગ્ર રાજ્યમાં ખળભળાટ મચાવનાર આરટીઆઇ એક્ટીવીસ્ટ અમીત જેઠવા હત્યા કેસમાં હાઇકોર્ટના આદેશથી સુરેન્દ્રનગર જિલ્લા પોલીસ વડા હત્યાના મૂળ સુધી પહોંચવા તપાસ કરી રહ્યા છે. ત્યારે તપાસ કરનાર અધિકારીએ કોડીનાર પંથકના ૨૦ શખ્સોને સમન્સ પાઠવી તપાસના કામ અર્થે હાજર રહેવા ફરમાન કરતા સમગ્ર મામલો ચર્ચાના ચકડોળે ચડ્યો હતો.
ગત ૨૦૧૦માં ૨૦મી જુલાઈએ અમદાવાદમાં હાઈકોર્ટની સામે જ અમિત જેઠવાની નીર્મમ હત્યા પછી મૃતકના પિતા ભીખાભાઈ બાટાવાળાએ આ હત્યા જૂનાગઢના સાંસદ દિનુ સોલંકીના ઈશારે થઈ હોવાના આક્ષેપ સાથે આ તપાસ સીબીઆઈ કરે તેવી હાઈકોર્ટમાં ઘા નાંખી હતી.
જે અંતર્ગત હાઈકોર્ટે તેઓની અરજી ગાહ્ય રાખી આઈ.પી.એસ.કક્ષાના અધિકારી દ્વારા તપાસ થાય તેવો આદેશ કર્યો હતો. જેમાં સુરેન્દ્રનગરના એસ.પી. રાઘવેન્દ્રવત્સના માર્ગદર્શન હેઠળ તપાસ ચાલુ છે ત્યારે તાજેતરમાં મૃતકના પિતાએ તેમના પુત્રની હત્યાના મામલામાં કેટલાક પુરાવાઓ તપાસનીશ અધિકારીને આપ્યા હતા. ઉપરાંત મોબાઇલ કોલ ડિટેઇલની વિગતને ધ્યાને લઇને સમગ્ર કેસની મહત્વની કડી મેળવવા માટે ડીએસપી રાઘવેન્દ્ર વત્સે સાંસદના અંગત માનવામાં આવતા કેટલાંક માણસોની સાથે કુલ ૨૦ શખ્સોને સમન્સ ઇસ્યૂ કરતા કોડીનાર પંથકમાં રાજકીય ગરમાવો વ્યાપી ગયો છે.
તમામ શખ્સોને આજે નિવેદન આપવા માટે સુરેન્દ્રનગર હાજર થવા સમન્સમાં જણાવવામાં આવ્યું છે. રાજ્યમાં ખળભળાટ મચાવનાર અમીત જેઠવા હત્યા કેસમાં હજુ પણ ચોંકાવનારી વિગતો બહાર આવવાની ચર્ચાઓ ચાલી રહી છે.
Source: http://www.divyabhaskar.co.in/article/SAU-sp-called-kodinars-20-people-in-amit-jethva-murder-case-2857702.html

ગિરનારની ગોદમાં કાલથી શિવરાત્રીના મેળાનો પ્રારંભ.

2012-02-15T13:43:00.000+05:30

Source: Bhaskar News, Junagadh | Last Updated 12:06 AM [IST](15/02/2012)

- ગરવા ગિરનારની ગોદમાં માનવ કીડિયારું ઊભરાશે
- તૈયારીઓને આખરી ઓપ
ગરવા ગિરનારની ગોદમાં મહા વદ ૯ નાં દિવસે ભવનાથ મહાદેવનાં મંદિર ઉપર ધ્વજારોહણ સાથે મહાશિવરાત્રી મેળાનો મંગલ પ્રારંભ થશે. આ મેળો ૧૫નાં દિવસે એટલે કે, મહાશિવરાત્રીની મધ્યરાત્રીએ નાગાબાવાની રવાડી અને મૃગીકુંડમાં શાહીસ્નાન, મહાદેવની મહાપુજા અને મહાઆરતી સાથે પુર્ણ થશે.તંત્ર દ્વારા મેળાની તૈયારીઓને આખરી ઓપ આપી દેવામાં આવ્યો છે.
પાંચ દિવસ ચાલનારા મહાશિવરાત્રીનાં મેળામાં ‘બમ બમ ભોલે’ ‘જય ગીરનારી’નો નાદ ગુંજી ઉઠશે. આ સાથે દરવર્ષની માફક લાખ્ખો શ્રધ્ધાળુઓ જીવ અને શિવનો સાક્ષાત્કાર કરવા ભવનાથ તળેટીમાં પહોંચી જશે. આ મેળો માત્ર ગુજરાત નહીં, ભારતભરમાં આગવું સ્થાન ધરાવે છે. જેમાં ભારતભરના વિવિધ અખાડાઓનાં સાધુ સંતો મેળામાં પધારશે અને સવારે ૬ વાગ્યે ધ્વજારોહણ સાથે ધૂણાં ધખાવશે.
એ સાથેજ મેળા દરમ્યાન ભોજન અને ભજનની સરવાણી શરૂ થઇ જશે. ૩પ૦ થી વધુ ઉતારાઓમાં અન્નક્ષેત્રો પણ ચાલશે. વિવિધ ધાર્મિક જગ્યાઓ તેમજ ઉતારાઓમાં રાત્રિનાં સમયે સંતવાણી સહિતનાં ધાર્મિક કાર્યક્રમોનું આયોજન કરવામાં આવ્યું છે. તંત્ર દ્વારા મેળાની તૈયારીઓને લઇને રાત‘દિ એક કરાઇ રહ્યા છે.
ક્યાંથી એસટી બસ ઉપડશે ?
ઉપડવાનું સ્થળ...............................................ભાડુ
બસ સ્ટેશનથી ભવનાથ....................................૧૦રૂ.
મજેવડીથી ભવનાથ.......................................૧૦ રૂ.
રેલ્વે સ્ટેશનથી ભવનાથ.................................૧૦ રૂ.
રામનીવાસથી ભવનાથ..................................૧૦ રૂ.
આંબેડકરનગરથી ભવનાથ..............................૧૦ રૂ.
ટિંબાવાડી બાયપાસ થી ભવનાથ.........................૧પ રૂ.
અહીં રહેશે વાહન પાકિઁગ -
૧) મનપાની સીટી બસો - રૂપાયતનનાં પાટિયા પાસે
૨) એસટી બસો - જિ.પં. ગેસ્ટ હાઉસ સામે
૩) રીક્ષા માટે - રૂપાયતનનાં પાટિયા પાસે
૪) મોટરસાઇકલ માટે - દુધેશ્વરની જગ્યાની પશ્ચિમે
૫) ખાનગી/લકઝરી બસો અને ટ્રકો માટે - અ) સાયન્સ મ્યુઝિયમની સામે, બ) નીચલા દાતાર પાસેનાં મેદાનમાં, ક) નીચલા દાતાર પાસે મેર નાગાજણની વાડીમાં, ડ) દીપકભાઇ યાદવની વાડીમાં.
૬) ફોર વ્હીલ વાહન માટે - પ્રકૃતિધામ પટેલ સમાજની વાડીમાં
રિક્ષા કરતાં એસટી ભાડું એકરૂપિયો મોંઘું -
તંત્ર દ્વારા મેળા દરમિયાન રિક્ષાભાડાનું બાંધણું કરવામાં આવ્યું છે. જેમાં ૯ થી લઇને ૧૪ રૂપિયા સુધીનું ભાવ બાધણું થયું છે. જ્યારે એસ.ટી.બસનું ભાડું ૧૦ થી ૧પ રૂપિયા સુધીનું નક્કી થયું છે. જે રિક્ષા ભાડા કરતા એક રૂપિયો વધારે છે.
મેળા દરમિયાન ૧૫૦ એસટી બસો દોડશે -
મહાશિવરાત્રીનાં મેળા દરમિયાન જૂનાગઢ એસટી દ્વારા ૧૫૦ બસો વધુ ફાળવવામાં આવી છે. જેનો તા.૧૬ ફેબ્રુઆરીથી પ્રારંભ થશે. જે મેળાની પૂણૉહુતિ સુધી ચલાવવામાં આવશે. એસટી નિગમે જૂનાગઢથી જામનગર, રાજકોટ, ભાવનગર, વડોદરા, અમદાવાદ, મહુવા પરત જવા માટે પણ વ્Ûવસ્થા ઉભી કરી છે.
મેળામાં જવા અહીંથી એસટી મળશે -
જૂનાગઢનું મુખ્ય એસ.ટી. બસ સ્ટેશન, મોતીબાગ પાસે, રેલ્વે સ્ટેશન, જનતા ચોક, દુબડી પ્લોટ, ગિરનાર દરવાજા પાસે, રામ નિવાસ, મજેવડી દરવાજા, બિલનાથથી એસ.ટી. તંત્ર દ્વારા વ્યવસ્થા કરવામાં આવી છે.
Source: http://www.divyabhaskar.co.in/article/SAU-shivratri-fairs-start-from-tomorrow-in-girnar-2861892.html

શિવરાત્રિનાં મેળામાં ૨૪ કલાક ચોકી કરશે ૧૪ કેમેરા.

2012-02-15T13:38:00.003+05:30

Source: Bhaskar News, Junagadh | Last Updated 2:35 AM [IST](14/02/2012)

- શહેરનાં આગેવાનો સાથે પોલીસે શાંતિ સમિતીની બેઠક યોજી

ગરવા ગઢ ગિરનારની ગોદમાં યોજાતા મહાશિવરાત્રિનાં મેળામાં આ વખતે અસામાજીક તત્વો તેમજ ભીડ વખતે અસરકારક પગલાં લેવાનો ખ્યાલ આવે તે માટે ૧૪ સીસી ટીવી કેમેરા લગાવાશે. એમ આજે પોલીસે શહેરનાં રાજકીય અને સામાજીક આગેવાનો સાથે એ ડીવીઝન પોલીસ સ્ટેશને યોજેલી શાંતિ સમિતીની બેઠકમાં જણાવ્યું હતું.
આ અંગેની વીગતો આપતાં જૂનાગઢ વિભાગનાં ડીવાયએસપી પી. પી. ભટ્ટે જણાવ્યું હતું કે, તા. ૧૫ થી ૨૧ દરમ્યાન ભવનાથમાં યોજાનાર મહાશિવરાત્રિનાં મેળામાં અંદાજે ૧૪ સીસી ટીવી કેમેરા લગાવાશે. જોકે, એક કેમેરાનો ખર્ચ R ૪૫ હજાર જેવો થતો હોઇ તેમાં લોકભાગીદારી આવશ્યક બની રહે છે. જેમાં હાલ પાંચ થી છ કેમેરાનું આયોજન તો ફાઇનલ જ છે. બાકીનાં કેમેરા માટે મનપા, અન્ય સંસ્થા કે લોકોનો સહયોગ અનિવાર્ય બની રહેશે.
તેમણે વધુમાં ઉમેર્યું હતું કે, મેળાને ૩ વિભાગ (સેક્ટર) માં વ્હેંચી દેવાયો છે. અને પ્રત્યેક સેક્ટરનાં ઇન્ચાર્જ ડીવાયએસપી કક્ષાનાં અધિકારી રહેશે. મેળા માટે પોલીસ, એસઆરપી, હોમગાર્ડ સહિત ૧૫૦૦ જવાનોનો બંદોબસ્ત કરાયો છે. મેળામાં લાખ્ખો લોકો ભવનાથ મહાદેવનાં દર્શનાર્થે આવે છે ત્યારે ભાવિકોને દર્શનમાં તેમજ મેળામાં તકલીફ ન પડે, તેઓનાં વાહનોને પાકિઁગની તકલીફ ન પડે કે તેઓનો સામાન ચોરાય નહીં તે માટે પોલીસ અને આગેવાનો ખભેખભા મિલાવીને કામ કરે તે માટે આજની આ બેઠક બોલાવાઇ હતી. જેમાં શહેરનાં આગેવાનોનો સારો સહકાર મળ્યો છે.

બેઠકમાં ડીવાયએસપી ભટ્ટે ઉપસ્થિત આગેવાનો પાસે પોલીસની કામગીરીને લગતાં સુચનો માંગ્યા હતા. તેમણે એમ પણ જણાવ્યું હતું કે, અમુક અસામાજીક તત્વો જાહેરમાં સ્વચ્છંદી વર્તન કરી સામાન્ય નાગરિકોને પરેશાન કરતા હોય છે. આવા લોકોને રાજકીય આગેવાનોનો મોરલ સપોર્ટ હોય છે. ત્યારે જો આગેવાનો તેમને સપોર્ટ ન આપે તો મેળા દરમ્યાન યુવતીઓ-મહિલાઓની થતી છેડતીનાં બનાવો રોકી શકાય.
બેઠકમાં જિલ્લા કોંગ્રેસ પ્રમુખ લીલાભાઇ ખુંટી, ભાજપનાં અગ્રણી પ્રદિપ ખીમાણી, નિર્ભય પુરોહિત, અમૃત દેસાઇ, કોર્પોરેટરો કાળુભાઇ સુખવાણી, ચંદ્રિકા રાખશીયા, કોંગ્રેસ શાસક પક્ષનાં નેતા હુસેન હાલા, કિશોર અજવાણી, લઘુમતી આગેવાન ઇકબાલ મોટનવાલા, એડવોકેટ-નોટરી ભરત રાવલ, અમુભાઇ પાનસુરિયા, મનહર સુચક, યોગી પિઢયાર, દાતારનાં સેવક બટુક બાપુ, વગેરે આગેવાનો તેમજ એ ડીવીઝનનાં પીઆઇ એન. બી. ચુડાસમા અને બી ડીવીઝનનાં પીઆઇ એ. આર. ઝણકાટ ઉપસ્થિત રહ્યા હતા.
ડીવાયએસપીએ માંગ્યો લોકોનો સહયોગ -
ડીવાયએસપીએ આગેવાનો સમક્ષ વિનંતી કરી હતી કે, મેળા દરમ્યાન શહેરમાં નાઇટ પેટ્રોલિંગ માટે જુદા જુદા વિસ્તારોમાં સ્થાનિક યુવાનોની ટુકડી ધ્યાન રાખે તો પોલીસનો કાર્યભાર જરા હળવો બને.
આગેવાનોએ કરેલાં સુચનો -
૧) કાળવા ચોકનું સીગjલ પાંચ દિવસ બંધ રાખવામાં આવે - હુસેન હાલા
૨) ત્રિલોકીનાથની જગ્યા વાળી ગલીમાંથી દર વર્ષે અસામાજીક તત્વો ગાયો છુટી મુકતા હોઇ ત્યાં પોલીસ રાવટી અથવા કેમેરો મુકો - નિર્ભય પુરોહિત
૩) ઊતારાનાં વાહનોમાં માલસામાન ઉતારવા ચઢાવવા માટે સાથે આવતા કાર્યકરોને લઇને સાબલપુર ટ્રાફિક પોઇન્ટ ખાતે માનવીય અભિગમ દાખવાય - અમૃત દેસાઇ
૪) શિવરાત્રિનાં દિવસે ભવનાથ સુધીનું ભાડું બાંધતા રીક્ષા ચાલકો પુરૂં ભાડું વસુલે છે. પરંતુ તેમને ખબર હોય છે કે સ્મશાનથી આગળ જવા નહીં દેવાય. છતાં તે ઉંચું અને વળી પૂરેપૂરું ભાડું વસુલે છે. આ સ્થિતી નિવારવા માંગ.
Source: http://www.divyabhaskar.co.in/article/SAU-14-cctv-will-keep-people-safe-in-bhavnath-2859558.html

જૂનાગઢમાં શિવરાત્રિનાં મેળા માટે ‘મહા’ તૈયારીઓ.

2012-02-15T13:36:00.001+05:30

Source: Bhaskar News, Junagadh | Last Updated 12:23 AM [IST](13/02/2012)

- ઊતારા મંડળો, અન્નક્ષેત્રો ચલાવતી સંસ્થાઓએ મીટિંગોનો દોર આરંભી દીધો
ગરવા ગિરનારની ગોદમાં યોજાતો મહાશિવરાત્રિનો મેળો એટલે ભજન, ભોજન અને મનોરંજનનો ત્રિવેણી સંગમ. દર વર્ષે જેમાં આશરે ૧૦ થી ૧૨ લાખ લોકો આવે છે એ મહાશિવરાત્રિનાં મેળામાં ધૂણી ધખાવતા નાગાબાવા, જટાળા જોગીઓ, અવધૂતો, હઠયોગીઓની સાથે ઉતારા, અન્નક્ષેત્રો અને સંતવાણી તેનાં અભિÌા અંગો છે. જો આ અંગો ન હોય તો મેળો ‘સૂનકાર’ સમો ભાસે.
મેળો જેવડો મોટો હોય છે એવી જ ગંજાવર હોય છે તેની તૈયારીઓ. અને તેથીજ સેવાભાવી સંસ્થાઓ મેળાનાં ૨૦ થી ૨૫ દિવસ અગાઉથી મીટિંગોનો દોર શરૂ કરી દે છે. અત્યારે મોટાભાગની તૈયારીઓ અંતિમ તબક્કે પહોંચી ચૂકી છે.

મેળો અને પરિક્રમામાં દાયકાઓથી લાખ્ખો લોકોને જમાડવાનું કામ કરતી સંસ્થાઓની ‘મહા’ તૈયારીઓ પણ જાણવા જેવી હોય છે. આવી એક સંસ્થા ખોડીયાર રાસ મંડળનાં પ્રમુખ જાદવભાઇ મોહનભાઇ કાકડીયા કહે છે, અમે ખરીદીની કામગીરી આટોપી લીધી છે.
મેળા દરમ્યાન લાખ્ખો લોકોને જમાડવા હોય તો બુંદી-ગાંઠીયા-ખમણ માટે કુલ ૨૦૦ બાચકાં વેસણ, રોટલી મટો ૭૫ મણ ઘઉંનો લોટ, ૧૫૦ મણ ખીચડી, ૫૦ ડબ્બા રાજકોટ ડેરીનું ઘી, ૧૫૦ ડબ્બા તેલ, ૮૦ બાચકાં બટેટાં, ૧૦ મણ ડુંગળી, ૨૦ મણ રવો, ૫૦૦ કિલો ગાજર, ૩૦૦ કિલો છાશનો પાવડર, ૭૫ કિલો ચાની ભૂકી, વગેરે જોઇએ. શાક રોજેરોજનું આવે. આ ઉપરાંત તા. ૧૪ નાં રોજ ૩૦૦ કિલો લાલ મરચાં અને ગાજરનું અથાણું એક સાથે બની જશે.
અમારે ત્યાં ૨૫૦ થી ૩૦૦ કાર્યકરો સેવા આપે છે. જેમાં ચા વિભાગ, રસોડાં વિભાગ, પીરસણીયાનો વિભાગ અને મિષ્ટાન્નનો એમ કુલ ચાર વિભાગો છે. આ કાર્યકરો પૈકી જેઓ નોકરી કરતા હોય તેઓ એટલા દિવસની રજા અગાઉથીજ મૂકી દે. જ્યારે ધંધો કરનારા વૈકલ્પિક વ્યવસ્થા કરી દે. મેળા વખતે આ કાર્યકરોમાંથી ૨૫ લોકો સતત રોટલી વણવા, ફેરવવા, ચોપડવા અને સપ્લાયની કામગીરી કરે, ૨૫ લોકો સતત ખમણ જ બનાવે તો મિષ્ટા અને ફરસાણ હંમેશાં રાત્રિનાં સમયે જ બને. આ બધા આગામી મેળામાં આવવા થનગની રહ્યા છે. ખોડીયાર રાસ મંડળનાં જ ભીખાભાઇ આંબલિયા કહે છે, ઘરનાં લગ્ન કરતાંવધુ મોટા પાયે તૈયારીઓ આમાં કરવાની હોય છે. તા. ૧૫ ફેબ્રુ. એ સાંજ સુધીમાં અમે સામાન સાથે ભવનાથ પહોંચીશું અને તા. ૧૬ મીથી ‘હરિહર’ શરૂ થઇ જશે.
આ તો થઇ એક અન્નક્ષેત્રની વાત. આવાં તો અનેક અÌાક્ષેત્રો ચાલશે. દરેકમાં આવીજ રીતે તૈયારીઓ થઇ રહી છે. સેવાભાવી લોકો મેળામાં આવવા અને જીવને શિવમાં લીન કરી દેવા તત્પર બની રહ્યા છે.
સેવા એ જ અમારી ભક્તિ -
રાજકોટનાં એક સેવાભાવી કહે છે, સેવા કરવા આવીએ અને પાંચ દિવસ કામ કરીએ. એટલે વર્ષભરની ઉર્જા મળી જાય. લાખ્ખો માણસોની ભીડ અને કોલાહલમાં પણ મનને અજબ જેવી શાંતિની અનુભૂતિ થાય. એજ તો છે આ મેળાની વિશેષતા

Source: http://www.divyabhaskar.co.in/article/SAU-big-preparation-of-shivratri-in-junagadh-2854066.html

ભવનાથમાં મહાશિવરાત્રીનાં મેળામાં ૧૫૦થી વધુ ધૂણા ધખશે.

2012-02-15T13:34:00.003+05:30

Source: Bhaskar News, Junagadh | Last Updated 12:24 AM [IST](13/02/2012)

- વિવિધ અખાડાનાં સાધુ-સંતોનું જુનાગઢ તરફ પ્રયાણ
ભોજન, ભજન અને ભક્તિનો ત્રિવેણી સંગમ એવા મહાશિવરાત્રીનાં મેળા આડે ગણતરીનાં દિવસો બાકી છે. તે પહેલા અલગ અલગ અખાડાનાં સાધુ-સંતોએ જુનાગઢમાં આગમન કર્યું છે. અને શિવરાત્રીમાં અંદાજે ૧૫૦ થી વધુ ધૂણાઓ ચેતનવંતા થશે.
હર હર મહાદેવના નાદ સાથે મહા વદ નોમનાં દિવસે ભવનાથ મહાદેવનાં સાંનિધ્યમાં સવારે ધ્વજા ચડશે અને બમ બમ ભોલેનાં ધ્વની ઘોષ સાથે મહાશિવસાત્રીનાં મેળાનો પ્રારંભ થશે. તેરસ સુધી ચાલનાર આ મેળામાં માનવ મહેરામણ ઉમટી પડશે. દેશભરનાં અંદાજે પાંચથી સાત લાખ યાત્રાળુ ઉમટી પડશે. જુનાગઢમાં યોજાતા શિવરાત્રીનાં મેળામાં દેશભરનાં ૧૪ અખાડાનાં અને ચાર મઢીનાં સાધુ-સંતો આવશે. અને ધ્વજારોહણ સાથે ધૂણીઓ ધખાવશે.
મહાશિવરાત્રીનાં મેળા આડે હવે દશ દિવસનો સમય હોય સાધુ-સંતોનું આગમન જુનાગઢમાં થઇ રહ્યું છે. જ્યારે ઘણા સાધુઓ તો તેમની નિયત જગ્યાએ ધૂણીઓ બનાવવાનાં કામમાં પણ લાગી ગયા છે. મહાશિવરાત્રીનાં મેળા ૧૪ અખાડા અને ચાર મઢીના સાધુ-સંતો ભાગ લેશે.

મેળા દરમિયાન વધુ ટ્રેન દોડાવવા માંગ -
જુનાગઢ રેલ્વે કન્સલ્ટેટીવ કમિટીનાં સભ્ય પ્રદિપ ખીમાણીએ વેસ્ટર્ન રેલ્વેનાં જનરલ મેનેજરને રજુઆત કરી જણાવ્યું હતું. તા.૧૪ ફેબ્રુઆરીથી ર૧ ફેબ્રુઆરી સુધી યોજાતા મહાશિવરાત્રીનાં મેળા દરમિયાન અમદાવાદથી વેરાવળની બ્રોડગેજ રેલ્વે લાઇન તથા જુનાગઢ દેલવાડાની મીટરગેજ લાઇન પર દરરોજ ત્રણ-ત્રણ વધારાની ટ્રેન દોડાવવા તથા ચાલતી ટ્રેનમાં દરેકમાં પાંચ-પાંચ વધારાનાં કોચ જોડવાની માંગણી કરી છે.
સોરઠીયા રબારી સમાજ દ્વારા જ્ઞાતિજનો માટે વ્યવસ્થા કરાઇ -
મહાશિવરાત્રીનાં મેળા દરમિયાન સમસ્ત સોરઠીયા રબારી સમાજ ટ્રસ્ટ ભવન દ્વારા મેળામાં આવતા રબારી સમાજનાં જ્ઞાતજિનો માટે ભવનાથમાં રહેવા તથા જમવાની વ્યવસ્થા કરવામાં આવી છે. તેમ પ્રમુખ ભગુભાઇ મેરામણભાઇ વાંદાએ જણાવ્યું હતું.

Source: http://www.divyabhaskar.co.in/article/SAU-more-than-150-saint-will-come-in-mahashivratri-2854070.html

આખરે મેળા વખતે જંગલ પ્રવેશને મંજૂરી.

2012-02-15T13:29:00.003+05:30

Source: Bhaskar News, Junagadh | Last Updated 5:40 AM [IST](12/02/2012)

-શરતી મંજૂરી ફક્ત મેળાનાં દિવસો પૂરતી જ રહેશે

-બસ, આવી મંજૂરી છેલ્લી જ વખત
ભવનાથમાં આગામી મહા-શિવરાત્રિનાં મેળા દરમિયાન જંગલ વિસ્તારમાં ઉતરાઓ માટેની મંજૂરી સાધુ-સંતો અને ઉતારા મંડળે માંગી હતી. જેમાં આખરે વન વિભાગે, આ માટેની શરતી મંજૂરી આપી છે. આ મંજૂરી ફક્ત મેળાનાં દિવસો પૂરતી જ રહેશે એમ પણ જણાવાયુ છે.
વન વિભાગે મહાશિવરાત્રીનાં મેળામાં ખાસ કિસ્સા તરીકે જંગલ્ વિસ્તારમાં સેવાકિય પ્રવૃતિ માટેની મંજૂરી આપી છે. આ મંજૂરીઓ તા. ૧૬ થી ૨૦ ફેબ્રુ. સુધી અમલમાં રહેશે. મંજૂરી માટે વન વિભાગે ચોક્કસ શરતો રાખી છે. આ શરતોમાં માત્ર સેવાકિય પ્રવૃતિ કરતા ઉતારા-અન્નક્ષેત્રોને જ અભયારણ્ય વિસ્તારમાં ઉતારા-અન્નક્ષેત્ર રાખવા દેવાશે. વળી જંગલ વિસ્તારમાં કોઇ વન્ય પ્રાણીને નુકશાન થાય તેવી પ્રવૃતિ કે વનસ્પતિ - વાંસ કટીંગ કરી નહી શકાય.
મેળા દરમિયાન ઘોંઘાટ થાય તેવુ વાતાવરણ કે, લાઉડ સ્પીકર વગાડી નહી શકાય. રસોઇ માટે જંગલમાંથી લાકડાનો ઉપયોગ કરવાની મનાઇ ફરમાવી એ માટે ફક્ત ગેસનો જ ઉપયોગ સંસ્થાએ કરવા જણાવાયુ છે. મંજૂરી વાળા સ્થળે પાત, બીડી, સીગારેટ, તમાકુ, ગુટકા, પ્લાસ્ટીકની થેલી, સાબુ પાવડર અને પ્રતિબંધીત વસ્તુઓનું વેચાણ કે ઉપયોગ કરવો નહી કે થવા દેવો નહીં અને જંગલહિ‌તને નુકશાન થાય તેવી પ્રવૃતિ કરી નહી શકાય. મેળા દરમિયાન સોલીડ વેસ્ટ તથા અન્ય કચરા માટે મોટી કચરા પેટી રાખવાની રહેશે અને એ તમામ કચરો સંસ્થાએ જ બહાર લઇ જવાનો રહેશે. વળી જંગલ વિસ્તારમાં વન્યપ્રાણીઓનો વસવાટ કોઇ સાવચેતી રાખવી. કોઇપણ વન્યપ્રાણી દ્વારા ઇજા કે હુમલો થશે તો તે માટે વન વિભાગ જવાબદાર નહી રહે. સંસ્થાએ સેવાકીય પ્રવૃતિ માટે ઉપયોગમાં લીધેલી તમામ જગ્યા સાફ કરેલ છે એ અંગે ફોરેસ્ટરનું પ્રમાણપત્ર પણ લેવાનું રહેશે.
બસ, આવી મંજૂરી છેલ્લી જ વખત
વન વિભાગે આપેલી શરતી મંજૂરીમાં એવુ સ્પષ્ટપણે જણાવ્યુ હતુ કે આ મંજૂરી ફક્ત આ શિવરાત્રીનાં મેળા પુરતી છેલ્લી વખત આપવામાં આવે છે. અગાઉ જે પ૭ એકર જમીન વન વિભાગે મેળાનાં હેતુ માટે આપી હતી તેમાં જ આગામી મેળા દરમિયાન સંસ્થાઓએ વ્યવસ્થા કરવાની રહેશે.
Source: http://www.divyabhaskar.co.in/article/SAU-finally-the-fairs-allow-access-to-the-forest-2853400.html

સુત્રાપાડા નજીક દીપડાએ બાળકીને ફાડી ખાધી.

2012-02-15T13:25:00.002+05:30

Source: Bhaskar News, Sutrapada | Last Updated 1:34 AM [IST](11/02/2012)

- ગુરુવારના મોડી સાંજે ઝૂંપડાં પાસેથી ઉપાડી ગયો હતો
સુત્રાપાડાનાં ઘંટીયા ગામની સીમમાંથી ગુરૂવારનાં મોડી સાંજે દીપડો એક બાળકીને ઉપાડી ગયા બાદ આજે આ બાળકીનાં કપડાં અને હાથનાં હાડકાં-આંગળીનાં અવશેષો મળી આવતાં સમગ્ર પંથકમાં અરેરાટી છવાઈ જવા પામી હતી.
સુત્રાપાડાનાં ઘંટીયા ગામની સીમમાં ખેડૂત દીલીપભાઈ ઉકાભાઈ ગોહીલની વાડીએ રહી મજુરી કામ કરતાં મહારાષ્ટ્રીયન પરિવારની બાળકી સીંગાબેન લવભાઈ (ઉ.વ.૧૨)ને ઝૂંપડા પાસેથી ગુરૂવારનાં મોડી સાંજનાં સુમારે દીપડો ઉપાડી ગયા બાદ વનવિભાગ અને ગ્રામજનોએ આ બાળકીની આખી રાત શોધખોળ કરી હતી અને આજે સવારે બાળકીએ પહેરેલું પીળા કલરનું પેન્ટ અને કાળા કલરનો શર્ટ મળી આવતાં પરિવારજનોએ આ કપડાને ઓળખી બતાવ્યા હતા. તેમજ આ સ્થળેથી શરીરનાં બે અવશેષો પણ મળી આવતા આરોગ્ય કેન્દ્ર ખાતે પીએમ માટે લવાયા હતા. હાથનાં હાડકાં અને આંગળીનાં અવશેષો હોવાનું ડૉ.દાસે જણાવ્યું હતું.
આ અવશેષોને વધુ તપાસ અર્થે એફએસએલમાં મોકલી આપ્યા હતા. બાર વર્ષની બાળકીને દીપડાએ ફાડી ખાતા સમગ્ર પંથકમાં હાહાકાર મચી ગયો હતો.
મૃતક બાળકીનાં પરિવારને દોઢ લાખની સહાય અપાશે -
મૃતક બાળકીનાં પરિવારને વનખાતા તરફથી સહાયરૂપે રૂ.દોઢ લાખની રકમ આપવામાં આવશે તેમ વનાધિકારી એન.એચ.પટેલે ટેલીફોનીક વાતચીતમાં જણાવ્યું હતું.
આદમખોર દીપડાને પુરવા બે પાંજરા ગોઠવાયા -
આદમખોર દીપડાને કેદ કરવા સુત્રાપાડા અને વેરાવળ વનવિભાગની ટીમોએ જુદાં જુદા સ્થળોએ બે પાંજરા ગોઠવી કવાયત હાથ ધરી છે.
Source: http://www.divyabhaskar.co.in/article/SAU-child-hunted-by-leopard-near-sutrapada-2848254.html

ગીર કનકાઇ સુધી એસ.ટી. બસ શરૂ : ભાવિકોનો ધસારો.

2012-02-15T13:23:00.002+05:30

Source: Bhaskar News, Junagadh | Last Updated 3:32 AM [IST](09/02/2012)

પાટોત્સવની તૈયારી : ચૈત્રી નોરતાનું ભવ્ય આયોજન
વિશ્વવ્યાપ્ત વિભિન્ન ૪૬ જ્ઞાતિ-સમુદાયના આધ્ય-કુળદેવી મા કનકેશ્વરીના સાક્ષાત તીર્થધામ ગીર-કનકાઇ સુધી પહોંચવા એસ.ટી. નિગમે ખાસ બે બસ શરૂ કરતા કરોડો માઇભકતોને રાહત થવા પામી છે. વિશેષ કરીને આગામી બે ક માસમાં જ પાટોત્સવ તેમજ ચૈત્રી નોરતા જેવા ભક્તિસભર આયોજનો થવાના હોય, એસ.ટી.તંત્રએ કરેલી વ્યવસ્થા અત્યંત ઉપકારી નીવડશે.
એસ.ટી.તંત્ર (જૂનાગઢ અને ધોરાજી) તેમજ ગીર-કનકાઇ મંદિર સંલગ્ન સૂત્રોના જણાવ્યાનુસાર અમરેલીથી સવારે ૮-૧૫ કલાકેથી ઉપડનારી એસ.ટી. બસ વાયા ધારી થઇ બપોરના ૧૨ વાગ્યા આસપાસ ગીર કનકાઇ પહોંચશે. આવી જ રીતે ધોરાજીથી સવારના ૭-૪૫ કલાકેથી ઉપડનારી બસ ૯-૩૦ કલાકે જૂનાગઢ ૧૦-૩૦ કલાકે વીસાવદર તેમજ ૧૦-૪૫ કલાકે સતાધાર થઇ ૧૨-૪૫ કલાકે કનકાઇ તીર્થ આવી પહોંચશે.
યાત્રિકો મા કનકાઇના દર્શન પૂજન તેમજ પવિત્ર પ્રસાદનો લાભ લઇ શકે તે માટે બન્ને બસ એક એક કલાકનો વિરામ પણ કરશે. ગીર કનકાઇ સુધી જવા એસ.ટી.એ કરેલી વ્યવસ્થાના વાવડ પ્રસરતા જ સૌરાષ્ટ્ર-ગુજરાત, મુંબઇ સહિત દેશ-વિદેશમાં વસતા માઇભકત નાથિળયા ઉનેવાળ બ્રહ્મસમાજ, શાહ અટકધારી જૈન વણિકો, માવાણી શાખધારી પટેલો, કપોળ વણિક સમાજ, ઝાલા સરનેઇમ ધરાવતા કારડિયા રાજપૂતો, દેસાઇ અટકધારી નાગર બ્રાહ્મણો, દવે શાખ ધરાવતા ઔદિચ્ય બ્રાહ્મણો, રાજુલા પંથકના વાઘ શાખધારી આહીરો તેમજ મહારાષ્ટ્રીયન બ્રાહ્મણો વગેરેમાં હરખની હેલી વ્યાપી ગઇ છે.
Source: http://www.divyabhaskar.co.in/article/SAU-st-bus-start-to-gir-kankai-devotee-2841717.html

ભાયાધાર રાઉન્ડમાં ઘાયલ સિંહણની પાછળ વનકર્મીઓ.

2012-02-15T13:21:00.004+05:30

Source: Bhaskar News, Talala | Last Updated 2:36 AM [IST](08/02/2012)

પગે લંગડાતી સિંહણની ઇજા તપાસવા મથામણ
ગીરજંગલની જામવાળા રેન્જ હેઠળનાં ભાયાધાર રાઉન્ડનાં જંગલ વિસ્તારમાં ગઇકાલે ફેરણી કરી રહેલા વનકર્મીનાં ધ્યાને પગે લંગડાતી ચાલતી સિંહણ ધ્યાને આવતા એસીએફને ઇજાગ્રસ્ત સિંહણ વિશે જાણ કરતા આજે સાસણથી રેસ્કયુ વાન બોલાવી એસીએફ અંશુમન શર્માએ પગે લંગડાતી ચાલતી સિંહણની ઇજા તપાસવા કામગીરી હાથ ધરી હતી.
જામવાળા રેન્જ હેઠળનાં ભાયાધારનાં જંગલમાં અંદાજે નવ વર્ષની ઉંમરની એક સિંહણ પગે લંગડાતી ચાલતી ફેરણા કરી રહેલા વનકર્મીઓનાં ધ્યાને આવી હતી. આ અંગે જામવાળાનાં એસીએફ અંશુમન શર્માને જાણ કરતા તેમણે સિંહણ ઉપર ગઇકાલથી સતત વોચ ગોઠવી આજે સાસણથી ઘાયલ જણાતી સિંહણની પાછળ-પાછળ વનકર્મીઓને વોચમાં રાખ્યા હતા. ઘાયલ જણાતી સિંહને પગમાં કાંટો લાગ્યો હોવાનું પ્રાથમિક અનુમાન છે. સિંહણની ઇજા ચકાસવા વેટરનરી તબીબને બોલાવાયા હોવાનું જાણવા મળેલ છે.
Source: http://www.divyabhaskar.co.in/article/SAU-searching-for-injured-lioness-2837535.html

મહંત વિઠ્ઠલબાપુનાં આજથી આમરણાંત ઉપવાસ.

2012-01-30T12:13:00.001+05:30

Source: Bhaskar News, Junagadh | Last Updated 12:05 AM [IST](30/01/2012)

- જુનાગઢનાં ઉપલા દાતારનો વાહન માર્ગ તાકીદે ન ખોલાય તો જોયા જેવી
- વનવિભાગને જડ વલણ છોડી દેવા સંતોની અપીલ
- સાધુ-સંતોની ખાસ બેઠકમાં નિર્ણય
જૂનાગઢનાં ઉપલા દાતારની જગ્યાએ જવા માટે વાહન માર્ગ વનવિભાગે બંધ કરી દેતાં મહંત વિઠ્ઠલબાપુએ ગાયોનાં ચારા તેમજ ચાલતા અન્નક્ષેત્ર માટે પણ જડ વલણ ન અપનાવવા વનવિભાગને વિનંતી કરી હતી. જો આ મામલે કોઇ ઉકેલ ન આવે તો સોમવારથી આમરણાંત ઉપવાસની મહંત વિઠ્ઠલબાપુએ ચીમકી આપી છે.
કોમી એકતાનાં પ્રતિક સમી ઉપલા દાતારની જગ્યા ખાતે વર્ષોથી ચાલતા અÌાક્ષેત્ર અને જગ્યાની ગૌશાળામાં માલઢોરનાં નિભાવ માટે દાતા પાસેનાં માર્ગ ઉપર વર્ષોથી ટ્રોલી વિનાનાં ટ્રેકટર અને ઉંટ મારફત માલ પહોંચાડાય છે. અઠવાડિયે ત્રણ વખત આ માલસામાન સહેલાઇથી ઉપર ચઢી જતો હતો. પરંતુ વનવિભાગે ટ્રેકટરને મનાઇ ફરમાવી માર્ગ પર જેસીબી વડે મોટા પથ્થરો આડા મૂકી દેતાં ઉપલા દાતારનાં હજારો સેવકો, સાધુ-સંતોમાં રોષ ફાટી નીકળ્યો છે. અગાઉ વન વિભાગે માલ સામાન ચડાવવા ટ્રેકટર ચલાવવાની પરવાનગી આપી હતી. ત્યારે અચાનક જ એ માર્ગ બંધ કરી દીધો છે.
વિઠ્ઠલબાપુએ વધુમાં ઉમેર્યું છે કે, ગિરનાર તીર્થક્ષેત્રમાં હજારો વર્ષોથી તપશ્વર્યા કરતા સાધુ-સંતોની અસંખ્ય ધાર્મિક જગ્યાઓ આવેલી છે. તેઓ પર્યાવરણ અને વન્યપ્રાણીઓ પ્રત્યે પ્રેમ રાખે છે. ક્યારેય કોઇ ધાર્મિક જગ્યા તરફથી જંગલને નુકસાન કરાયું નથી. છતાં વનવિભાગ તેનાં જટિલ કાયદા બતાવી ધાર્મિક જગ્યાઓ પ્રત્યે ઉદાસીનતા દાખવે છે. અને સેવાકિય પ્રવૃત્તિમાં વિઘ્નો ઉભા કરી સરકાર અને તંત્રને સામસામે કરી દેવાની બેધારી નિતીનો વિરોધ કરીએ છીએ. જો આ પ્રશ્નનો બે દિવસમાં નિવેડો ન આવે તો આમરણ ઉપવાસ પર ઉતરવાની ફરજ પડશે એવી ચીમકી પણ અપાઇ છે.
અમારી સાથે જ ઓરમાયું વર્તન કેમ ?
વિઠ્ઠલબાપુએ વેધક સવાલ ઉઠાવતાં જણાવ્યું છે કે, ગિરનાર અભયારણ્યમાં બોરદેવી, કાશ્મીરી બાપુની ‘આમકુ’ ની જગ્યા, સરકડીયા હનુમાન, ઝીણાબાવાની મઢી, રામનાથ, મથુરેશ્વર, વગેરે સ્થળે વાહન મારફત માલ-સામાન પહોંચાડાય છે. ત્યારે દાતારની જગ્યા સાથે આડોડાઇ શા માટે ?
Source: http://www.divyabhaskar.co.in/article/SAU-saint-vithalbapus-lifelong-fast-starts-from-today-2800165.html

કચકડામાં થઈ ‘ક્લિક’ વન્ય જીવનની ‘વિરલ’ ઘટના.

2012-01-30T12:10:00.002+05:30

ગીરનું જંગલ એટલે વૈવિધ્યતાનો ખજાનો. બસ, જોવાની ‘દ્રષ્ટિ’ જોઇએ. આમ તો હરણ ટોળાંમાં જ ફરતાં હોય છે. પરંતુ માનવીના પગરવ સાંભળતા જ એ ગભરું પ્રાણી દૂર જતું રહે. ૧૭ મૃગલા એક સાથે પાણી પીતા હોય એવું ર્દશ્ય ભાગ્યે જ કેમેરામાં કેદ કરવાની તક મળે. અહીં કનકાઇનાં જંગલમાં આખા ‘હરણ પરિવાર’ને એક સાથે તરસ છીપાવતો ‘ક્લિક’ કરનારને એક ક્ષણ થયું હશે કે, ‘સાથે જીવવું, સાથે ખાવું-પીવું ને સમૂહમાં રહેવું.’ એ ઉક્તિને કદાચ માનવી કરતાં વન્યજીવો જ સાર્થક બનાવી શકે. - તસ્વીર : વરશીંગ ઝાલા
Source: http://www.divyabhaskar.co.in/article/SAU-hardly-17-deer-together-click-in-camera-2800299.html

Source: Bhaskar News, Junagadh | Last Updated 12:41 AM [IST](30/01/2012)

બિમાર થયેલા વનરાજા સાજા આખરે જંગલમાં વિહરતા થયા.

2012-01-30T12:06:00.003+05:30

Source: Bhaskar News, Dhari | Last Updated 12:24 AM [IST](29/01/2012)

થોડા સમય પહેલા રાજુલા શહેરમાં વન તંત્ર દ્વારા સરઘસ કાઢવામાં આવ્યું હતું

થોડા દિવસ પહેલા રાજુલા નજીકથી એક બિમાર સિંહ મળી આવતા તેને સારવારની બદલે રાજુલા શહેરમાં સરઘસ કાઢવામાં આવ્યું હતું. જે ઘટનાના ઘેરા પડઘા પડ્યા હતા. અને પ્રકૃતિ પ્રેમીઓમાં રોષ વ્યાપી ઉઠ્યો હતો. આરએફઓ અને સ્ટાફે આ બિમાર અને લાચાર સિંહને ત્રાસદાયક રીતે બજારમાં ફેરવ્યો હતો.
આ બિમાર સિંહ વીસેક દિવસથી જસાધાર એનીમલ કેર સેન્ટરમાં સારવાર હેઠળ હોય જે સ્વસ્થ જણાતા આજે રાત્રીના તેને જંગલમાં મુકત કરવામાં આવશે તેમ જાણવા મળ્યું છે. ખાંભા નજીકથી થોડા દિવસો પહેલા એક બિમાર સિંહ મળી આવતા વનવિભાગના આરએફઓ અને સ્ટાફ દ્રારા આ બિમાર સિંહની સારવાર કરવાના બદલે તેને શહેરમાં સરઘસ રૂપે ફેરવ્યો હતો.
આ ઘટનાના ઉચ્ચકક્ષા સુધી પડઘા પડ્યા હતા. તેમજ પ્રકૃતિ પ્રેમીઓમાં પણ રોષ ફેલાયો હતો. આ ઘટનાને પગલે આરએફઓની તાત્કાલિક બદલી પણ કરવામાં આવી હતી.
આ બિમાર સિંહને માથાના ભાગે ઘારૂ પડી ગયું હોય તેને સારવાર માટે જસાધાર એનીમલ કેર સેન્ટરમાં ખસેડવામાં આવ્યો હતો. ડૉ. વામજા વીસેક દિવસથી તેની સારવાર કરી રહ્યાં હોય હવે આ સિંહની તબીયતમાં સુધારો જણાતા આજે રાત્રીના ફરી તેને જંગલમાં મુકત કરી દેવામાં આવશે તેમ જાણવા મળ્યું છે.
Source: http://www.divyabhaskar.co.in/article/SAU-move-about-been-sick-in-the-wild-eventually-recover-lion-2797160.html

હજારો પક્ષીઓનો આ મેળો નીહાળવા લોકો આવે છે દુરદુરથી.

2012-01-30T12:05:00.000+05:30

Source: Arun Veghda, Dhari | Last Updated 12:29 AM [IST](29/01/2012)

મધ્યગીરમાં ખાંભા નજીક જસાધાર રેન્જમાં આવેલી સરની ખોડિયાર માતાજીની જગ્યામાં શાંતીદુત એવા કબુતરોનો છેલ્લા પંદરેક વર્ષથી અનોખો મેળો ભરાય છે. એક સાથે હજારો કબુતરો અહીં ચણ માટે એકઠા થાય છે. મહંત ગોકરણદાસબાપુ દ્રારા આ હજારો શાંતીદુતને ચણ નાખવામાં આવે છે. અને આ પક્ષીઓની સેવા કરવામાં આવી રહી છે. આ પક્ષીઓનો મેળાવડો જોવા દુરદુરથી લોકો અહીં આવી પહોંચે છે.

રાવલ ડેમ અને ચીખલકુબા ગામની વચ્ચે આવેલી સરની ખોડિયાર જગ્યામાં છેલ્લા પંદરેક વર્ષથી મહંત ગોકરણદાસબાપુ દ્રારા હજારો કબુતરોને ચણ નાખી સેવા કરવામાં આવી રહી છે. વર્તમાન સમયમાં શહેરોમાં સિમેન્ટ કોક્રીટના જંગલો ખડકાયા છે ત્યારે આ જગ્યામાં હજારો શાંતીદુતોને નીહાળવા એ પણ એક લ્હાવો છે.
સવારમાં દસેક હજાર કબુતરો અહી આવી પહોંચે છે અને મહંત ગોકરણદાસબાપુ તેને ચણ નાખે છે. આ હજારો પક્ષીઓનો મેળો નીહાળવા દુરદુરથી લોકો અહી આવે છે. કબુતરોને દરરોજ દસ મણએટલે કે ૨૦૦ કિલો જુવાર નાખવામાં આવે છે. આ જગ્યાના વિશાળ મેદાનમાં સવારમાં જ હજારો કબુતરો ચણ આરોગવા આવી પહોંચે છે. અહી આવતા પ્રવાસીઓ આ કબુતરોનો મેળો જોઇને પ્રભાવિત થઇ ઉઠે છે.
અહીં આવતા પ્રવાસીઓ તેમજ દાતાઓ દ્રારા કબુતરોના ચણ માટે યોગદાન આપે છે. દસેક હજાર જેટલા આ શાંતીદુતોના મેળાને નિહાળી લોકો પ્રભાવિત થાય છે. સરની ખોડિયાર જગ્યામાં ભજન કિર્તનની સાથે કબુતરોની અનોખી સેવા કરવામાં આવી રહી છે.
Source: http://www.divyabhaskar.co.in/article/SAU-thousands-of-birds-are-these-people-fair-seeing-2797169.html

સાવરકુંડલામાં અઢી ઈંચ લાંબી આફ્રિકન માખીનું આક્રમણ.

2012-01-26T13:31:00.003+05:30

સાવરકુંડલા તા.૨૪
સામાન્ય રીતે જંગલ અને ખેતરોમાં વસતી મોટી સાઈઝની આફ્રિકન મધમાખી હવે નાગરિક વિસ્તારમાં પણ આવવા લાગી છે. આજે બપોરે ત્રણ વાગ્યાના સુમારે બે થી અઢી ઈંચ લંબાઈની જમ્બોસાઇઝની મધમાખીનું એક મોટું ઝુંડ તીડની જેમ શહેરમાં ઘુસી ગયું હતુ. અને બાંધકામ થઈ રહેલા બંગલામાં મુકામ રાખી દેતાં તમામ બારી અને એલીવેશન ઢંકાઈ ગયા હતા. આ સમયે કામ કરી રહેલા મજુરો અને કડીયાઓમાં ફફડાટ ફેલાઈ ગયો હતો અને નાસભાગ મચી ગઈ હતી.
સામાન્ય મધમાખી કરતા અનેક ગણી મોટી એવી આ માખીઓનો ડંખ લોકો સહન કરી શકતા નથી અને શરીરમાં હિસ્ટેમાઈન નામનું દ્રવ્ય પેદા કરી દે છે. તેમજ એની સારવાર ચાલુ કરાય એ પહેલા આ દ્રવ્ય વધી જતાં દરદીની હાલત કફોડી બની જાય છે. તેમજ કોઈ કોઈ કિસ્સામાં મોત પણ નીપજે છે. જયારે ડંખ મારે ત્યારે ડંખના એરિયામાં લાલ ચકામું પડી જાય છે. કેટલીક વાર દરદી દવાખાને પણ પહોંચી શકતો નથી. આવી માખીઓ અહીં શહેરમાં આવી ચડતાં લોકોમાં ફફડાટ ફેલાઈ ગયો છે. ઉલ્લેખનીય છે કે અત્યાર સુધીમાં સાવરકુંડલા વિસ્તારમાં ઝેરી મધમાખી કરડવાથી ખેતમજુરો સહિત પ વ્યકિતઓના મોત નીપજી ચૂકયા છે. આ શહેર પર આવી પડેલી આફતને દુર કરવા લોકોમાં માંગ ઉઠી છે.
Source: http://www.sandesh.com/article.aspx?newsid=29496

સાવરકુંડલામાં દિપડાના બચ્ચાના રામ રમી ગયા.

2012-01-26T13:26:00.003+05:30

Source: Bhaskar News, Savarkundla | Last Updated 2:51 AM [IST](25/01/2012)

- રોડ ઉપર પસાર થતાં દિપડાના બચ્ચાના રામ રમી ગયા

સાવરકુંડલાના પાદરમાં મહુવારોડ પર ગઇરાત્રે એક દિપડી પોતાના બચ્ચા સાથે રસ્તો પસાર કરી રહી હતી ત્યારે અજાણ્યા વાહને હડફેટે લેતા દિપડીના ત્રણ માસના બચ્ચાનું મોત થયું હતું.
આ ઘટના ગઇકાલે રાત્રે નવેક વાગ્યાના સુમારે સાવરકુંડલાના મહુવા રોડ પર ખોડીયાર પાર્ક નજીક બની હતી. અહી એક દિપડી પોતાના બચ્ચા સાથે રસ્તો ક્રોસ કરી રહી હતી ત્યારે અજાણ્યા વાહને હડફેટે લેતા આ દિપડીના ત્રણ માસના બચ્ચાનું ઘટના સ્થળે જ મોત થયુ હતું.
બનાવની જાણ થતા આરએફઓ સી.બી.ધાંધીયા, એસ.એસ.બાબરીયા, કે.પી.રામાણી વગેરે ઘટના સ્થળે દોડી ગયા હતા. આજે સવારે દિપડીના આ બચ્ચાનું પોસ્ટમોર્ટમ કરાયુ હતુ અને બાદમાં લાશને સળગાવી દઇ તેનો નિકાલ કરાયો હતો.
Source: http://www.divyabhaskar.co.in/article/SAU-leopards-cubs-died-on-mahua-road-on-vehicle-collision-2788501.html

પર્યાવરણ સાથે મૈત્રી ધરાવતી ઈંટોની શોધ.

2012-01-24T14:03:00.000+05:30

Source: Bhaskar News, Bhavnagar | Last Updated 4:38 AM [IST](24/01/2012)

એન્ઝાઈમ દ્વારા નિર્મિત ઈંટો ઘરથી લઈ ગટર શુદ્ધિકરણ, કચરા નિકાલ, રોડ વિ. માટે ઉપયોગી
ભાવનગરમાં આ વર્ષે પ્રજાસત્તાક પર્વની રાજ્ય કક્ષાની ઉજવણી થઈ રહી છે ત્યારે સ્થાનિક બોરોન ઈનોવેશન દ્વારા નિર્મિત એન્ઝાઈમ દ્વારા નિર્મિત ઈંટોથી સસ્તા દરે ઘર બનાવવાની ટેક્નોલોજી દર્શાવતું અનોખું મોડેલ જવાહર મેદાનમાં ઉજવણીનાં સ્થળે પ્રદર્શિત કરાયું છે. આ ઘરના નિર્માણમાં ભઠામાં પકાવ્યા વગરની ઈંટો કે સિમેન્ટનો ઉપયોગ કરાયો નથી ! આ તદ્દન નવા અને ઈકો-ફ્રેન્ડલી એન્ઝાઈમના આવિષ્કાર અંગે પાર્થ દોશીએ જણાવ્યું હતું કે એક રૂમ-રસોડાનું ઘર જો કોઈ શ્રમજીવી પરિવાર બહારના મજુરો રાખ્યા વગર બનાવે તો માત્ર રૂ૧૫ હજારમાં તૈયાર થઈ જાય છે ? આ એન્ઝાઈમાંથી સસ્તી કિંમતે ઈંટો અને બ્લોક બનાવી તેમજ સિમેન્ટ તરીકે પણ ઉપયોગ કરવાથી સમાજના છેવાડાના નાગરિકનું ‘ઘરના ઘર’નું સ્વપ્ન પૂર્ણ થાય છે.
આ ઉપરાંત આ એન્ઝાઈમનો ઉપયોગ હાઈ-વે રોડનો બેઈઝ બનાવવા, ડાયવર્ઝનને પાકું બનાવવા, હેલીપેડ બનાવવા, કાચા રસ્તા ફૂટપાથને ધૂળ રહિત અને મજબૂત બનાવવામાં થાય છે.

આ એન્ઝાઈમ વાપરવાથી મકાન બનાવો તો જે પાયો ગાળો તેમાંથી જે માટી નીકળે તે માટીમાં એન્ઝાઈમ ભેળવી દેવાથી નજીવા સમયમાં ઈકો ફ્રેન્ડલી ઈંટ તૈયાર થઈ જાય છે. વળી, માટીનો ઉપયોગ હોય ટ્રાન્સપોટેંશનનો હજારો રૂપિયાનો ખર્ચ વચે છે. ડઝિલ બળે છે અને કિંમતી હૂંડિયામણ બચે છે. આ ઈંટો બનાવવા માટેના મોલ્ડ સ્થાનિક કારીગરો દ્વારા બનાવી શકાય છે. આ ઈંટો બનાવવામાં કુશળ કારીગરોની જરૂર ન હોવાથી સ્વરોજગારી કે ગૃહ ઉદ્યોગ દ્વારા ઉત્પાદન કરી ગૃહ ઉદ્યોગનો વિકાશ કરી રોજના ૨૫૦થી ૩૦૦ રૂપિયા કમાઈ શકાય છે.
આ એન્ઝાઈમ સેપ્ટીક ટેન્ક, ખેત પેદાશનો કચરો અને ગટર શુદ્ધિકરણમાં પણ કામ લાગે છે ત્યારે કચરો અને દુર્ગંધને દૂર કરે છે.આ એન્ઝાઈમ ખાળકૂવા અને ગટર સિસ્ટમમાં નાખવાથી કચરાનું વિઘટન કરી તે દૂર કરે છે. જળાશય, કુલીંગ ગાળા વિ.ને લીલ કે શેવાળ મુકત બનાવે છે. તો ખેત પેદાશના કચરાનો નિકાલ કરવા પણ સમર્થ છે. જે નૈસિર્ગક પ્રક્રિયાથી આ બધું કામ કરે છે.
ભાવનગર શહેરમાં પ્રજાસત્તાક ઉજવણીમાં જવાહર મેદાન ખાતે તા. ૨૫ થી ૨૭ જાન્યુઆરી સુધી આ ઈંટોનું ઘર જોવા મળશે.
Source: http://www.divyabhaskar.co.in/article/SAU-environment-friendly-brock-search-2785617.html

સિંહ સાથે સંવનનમાં ઇજાગ્રસ્ત થયેલી સિંહણ સારવારમાં.

2012-01-24T13:58:00.003+05:30

Source: Bhaskar News, Amreli | Last Updated 2:03 AM [IST](24/01/2012)

- ધારી ગીર પંથકમાં એક માસમાં જ સાવજના મોત અને ઘાયલ થવાની અનેક ઘટના બની છે

- સારવાર માટે એનીમલ કેર સેન્ટરમાં ખસેડી
- કૃષિશાળા નજીક એક દિપડાનો મૃતદેહ મળ્યો હતો
ધારી ગીરપુર્વ જંગલોમાં વસતા સાવજો પર જાણે માઠી બેઠી હોય તેમ એક પછી એક સાવજના મોતની કે ઘાયલ થવાની ઘટનાઓ બની રહી છે. પાણીયા રેંન્જમાં ભેરાળી બીટમાં એક સિંહણ ઘાયલ અને બિમાર હોવાની બાતમી મળતા વનતંત્રએ તેને પાંજરે પુરી સારવાર માટે એનીમલ કેર સેન્ટરમાં ખસેડી છે. આ સિંહણ સિંહ સાથે સંવનન દરમિયાન ઘાયલ થયાનું માનવામાં આવી રહ્યું છે.ધારી ગીર પંથકમાં એક માસમાં જ સાવજના મોત અને ઘાયલ થવાની અનેક ઘટના બની છે. જેમાં બે દિપડાના બચ્ચા કુવામાં ખાબકતા મોતને ભેટયા હતા. ઉપરાંત જસાધાર રેંન્જમાં સિંહબાળનું મોત થયું હતું. તેમજ ડેડાણમાં સિંહનો મૃતદેહ મળી આવ્યો હતો. અને કૃષિશાળા નજીક એક દિપડાનો મૃતદેહ મળ્યો હતો. જંગલમાં સાવજો પર જાણે માઢી બેઠી હોય તેમ એક પછી એક આવી ઘટનાઓ બની રહી છે.
પાણીયા રેંન્જમાં એક સિંહણ ઘાયલ અને બિમાર હોવાની બાતમી મળતા ડીએફઓ મુનીશ્વર રાજાની સુચનાથી રેસ્કયુ ટીમના અમીત ઠાકર, નાનુભાઇ મકરાણી, વેટરનરી ડોક્ટર હિતેષ વામજા સહિત ઘટના સ્થળે દોડી જઇ સિંહણને તપાસતા તેને ૧૦૫ ડિગ્રી તાવ હોવાનું જણાયુ હતું. ઉપરાંત આ સિંહણ સિંહ સાથે સંવનન દરમિયાન ઘાયલ થયાનું પણ જાણવા મળ્યું છે.
Source: http://www.divyabhaskar.co.in/article/SAU-lion-injured-when-meeting-with-lioness-and-geting-in-treatment-2784194.html

ઘાયલ સાવજોની સારવારમાં તંત્ર બેદરકાર.

2012-01-24T13:56:00.003+05:30

Source: Bhaskar News, Amreli | Last Updated 2:54 AM [IST](23/01/2012)

- ક્રાંકચ ચાંદગઢની સીમમાં ભટકતા બે ઘાયલ સાવજોની સારવાર જરૂરી
ગુજરાતને ગૌરવ અપાવનાર ગીરના સાવજોની રક્ષા માટે સરકાર ભલે કરોડો રૂપિયા ખર્ચ કરી રહી હોય પરંતુ સાવજના કમોતની ઘટના વધી છે. ઇજાગ્રસ્ત કે બિમાર સાવજાને સમયસર શોધી તેની સારવાર કરવામાં આવે તો આવી ઘટનાઓ નિવારી શકાય પરંતુ વનતંત્ર હજુ પણ આ મુદે ઘોર બેદરકાર છે. લીલીયા પંથકમાં સાવજનું એક બચ્ચુ પાછલા પગે લંગડુ ચાલે છે. ચાંદગઢની સીમમાં પણ એક સાવજ લંગડો ચાલી રહ્યો છે આમ છતા વનતંત્ર દ્રારા આ બંનેની સારવાર કરવામાં નિષ્કાળજી દાખવવામાં આવી રહી છે.
લીલીયા તાલુકાના ક્રાંકચ તથા આસપાસના પાંચેક ગામોની સીમમાં વસતા સાવજના ગૃપમાંથી એક બચ્ચુ પાછલા ઘણા દિવસથી લંગડા પગે ચાલી રહ્યું છે. આશરે એક વર્ષની ઉંમરનું આ સિંહબાળ પાછલા જમણા પગે ઇજાગ્રસ્ત છે. થોડા સમય અગાઉ લોકો પાસેથી જાણકારી મયાં બાદ વનતંત્ર દ્રારા આ સિંહબાળને સારવાર આપવા પકડવા માટે તજવીજ હાથ ધરાઇ હતી. પરંતુ આ બચ્ચાને પકડવામાં વનતંત્રને સફળતા મળી ન હતી. જો સમયસર આ બચ્ચાની સારવાર કરવામાં નહી આવે તો તેના ગંભીર પરિણામો પણ આવી શકે છે. મારણ ખાતી વખતે અન્ય સિંહ દ્રારા કરાયેલા હુમલામાં આ સિંહબાળ ઘાયલ થયું હોવાનું વનતંત્ર માની રહ્યું છે.
આવી જ રીતે અમરેલી તાલુકાના ચાંદગઢ ગામની સીમમાં પણ પાછલા ઘણા સમયથી ત્રણ સિંહનો પડાવ છે. જે પૈકીનો એક સિંહ પણ પગમાં ઇજા હોવાથી લંગડો ચાલે છે. વનતંત્ર દ્રારા આ સાવજોની કોઇ કાળજી લેવાતી હોય તે નજરે પડતુ નથી. વનવિભાગ નિયમિત પેટ્રોલીંગ કરે અને અને સાવજોને શોધી સારવાર કરાવે તે જરૂરી છે.
Source: http://www.divyabhaskar.co.in/article/SAU-tantra-is-useless-in-treatment-of-injured-lions-2780649.html

ધારી ગીરપૂર્વમાં સિંહણની સારવાર બાદ મુક્ત કરાઇ.

2012-01-24T13:54:00.002+05:30

Source: Bhaskar News, Dhari | Last Updated 2:49 AM [IST](24/01/2012)

- એક માસ પહેલાં ઘાયલ સિંહણને જશાધાર એનિમલ કેર સેન્ટરમાં ખસેડાઇ હતી
ધારી ગીરપુર્વના મુંઢીયા વિસ્તારમાંથી એક માસ પહેલા ઇજાગ્રસ્ત સિંહણને વનતંત્ર દ્રારા પાંજરે પુરી સારવાર માટે જસાધારના એનીમલ કેર સેન્ટરમાં ખસેડવામાં આવી હતી. આ સિંહણને માથાના ભાગે ઇજા પહોંચી હોય વનવિભાગને જાણ થતા રેસ્કયુ ટીમ દ્રારા આ સિંહણને પકડી લેવામાં આવી હતી. બાદમાં સિંહણને સારૂ થતા ફરી આ જ વિસ્તારમાં મુક્ત કરવામાં આવી છે.
ગીરપુર્વ જંગલમાં અનેક વખત સિંહ, સિંહણ તેમજ દિપડાઓ મારણ કરેલ પશુઓને ખાવા માટે અંદરો અંદર હુમલાઓ કરી બેસે છે અને ઘાયલ થાય છે. આવી જ રીતે ઘાયલ થયેલ એક ૮ થી ૧૦ વર્ષ ઉમરની એક સિંહણ ઘાયલ થતા તેને માથાના ભાગે ઇજા પહોંચી હતી.
એક માસ પહેલા ઘાયલ થયેલ આ સિંહણને રેસ્કયુ ટીમ દ્રારા સારવાર માટે પાંજરે પુરી જસાધારના એનીમલ કેર સેન્ટરમાં ખસેડવામાં આવી હતી. ત્યારબાદ આ સિંહણને સારૂ થઇ જતા ફરી આ જ વિસ્તારમાં તેને મુક્ત કરી દેવામાં આવી હતી. જો કે, આ ઘાયલ સિંહણને તાકિદે સારવાર આપી વન વિભાગે સિંહણને બચાવી લીધી હતી.
Source: http://www.divyabhaskar.co.in/article/SAU-lioness-leave-after-treatment-in-dhari-2784740.html

પાણીના હોજમાં પડી જતાં દીપડીના બે બચ્ચાનાં મોત.

2012-01-24T13:47:00.002+05:30

ધારી તા.૧૭

ધારી ગીર પુર્વના જંગલ વિસ્તારમાં અવાર-નવાર સીમ ખેતરોમાં આવેલા ખુલ્લા કુવામાં પડી જવાથી અનેક વન્ય પ્રાણીઓના મોત નિપજયાના બનાવો બન્યા છે ત્યારે તેમા વધુ એકનો ઉમેરો થયો છે. જેમાં દીપડીના બે બચ્ચાઓ સસલાનો શિકાર કરવા તેની પાછળ દોડતા પાણીના હોજમાં પડી જતા બંનેના ડુબી જવાથી મોત નિપજયા હતા.
· ધારીના અમૃતપુરમાં શિકાર પાછળ દોડવા જતાં
· ગીર પંથકના ગામોમાં અવાર-નવાર બનતી ઘટનાઓ
ધારી ગીરપુર્વમાં દલખાણીયા રેન્જમાં અમૃતપુર ગામના ખેડુત કૌશિકભાઈ જવેરભાઈની વાડીના છ ફુટના પાણીના હોજમાં દીપડીના બે બચ્ચાં પાણીમાં પડી ગયાની વાડીમાલિકને જાણ થતા તેણે ધારી વનવિભાગના ડી.એફ.ઓ. મુનીશ્વર રાજાને જાણ કરી હતી. તે તેમના સ્ટાફ સાથે ઘટનાસ્થળે દોડી ગયા હતા અને બંને બચ્ચાના મૃતદેહનો કબજો લઈ તેના પી.એમ.ની કાર્યવાહી કરાવી હતી. ડી.એફ.ઓ.ના જણાવ્યા મુજબ બંને બચ્ચા માત્ર ચાર માસના હતા અને સસલા શિકાર પાછળ દોડ લગાવી હોય પાણીના હોજમાં પડી ગયા હોવા જોઈએ તેવું અનુમાન રજુ કર્યુ હતું.
Source: http://www.sandesh.com/article.aspx?newsid=27687

પ્રેમપરા ગૌશાળામાં બે માસમાં ૧૦ વાછરડીનો શિકાર કરતા દીપડા.

2012-01-23T13:31:00.003+05:30

Source: Bhaskar News, Visavadar | Last Updated 2:57 AM [IST](21/01/2012)

- વનવિભાગની નિષ્ક્રિયતા સામે ગામ લોકોમાં રોષ
- વનવિભાગ દ્વારા કોઇ પણ પ્રકારની કાર્યવાહી કરવામાં ન આવી
વિસાવદરનાં પ્રેમપરા ગામે આવેલી ગૌશાળાની ૧પ ફૂટ ઉંચી ઠેકી બે માસમાં દીપડાએ દસ વાછરડાનાં શિકાર કર્યા હોવા છતાં વનવિભાગ દ્વારા કોઇ પણ પ્રકારની કાર્યવાહી કરવામાં આવી ન હોય લોકોમાં રોષ છવાયો છે.
પ્રેમપરા ગામનાં દાધીયાપરામાં કનૈયા ગૌશાળા આવેલી છે. આ ગૌશાળાની ૧પ ફૂટ ઉંચી દિવાલ ઠેકી છેલ્લા બે માસમાં દીપડાએ દસ જેટલી વાછરડીઓને મોતને ઘાટ ઉતારી દીધી છે.પ્રેમપરાનાં સીમ વિસ્તારમાં દસથી પંદર જેટલા દીપડાઓ વસવાટ કરી રહ્યા છે પરંતુ વનવિભાગ દ્વારા આજદિન સુધી આ હિંસક પ્રાણીઓને જંગલમાં ખદેડવા કે પાંજરે પુરવા કોઇ કાર્યવાહી કરવામાં ન આવતાં ગ્રામજનોમાં વનવિભાગ સામે રોષ છવાયો છે.
ખેડુતોએ ચોકી પહેરો ગોઠવી દીપડાને ભગાડ્યો -
ગુરૂવારનાં રાત્રિનાં દીપડાએ ગૌશાળામાં એક વાછરડીને ફાડી ખાધી હતી. ગાયોનાં ભાંભરવાનાં અવાજથી આસપાસનાં વાડી વિસ્તારનાં ખેડૂતોએ આખી રાત ચોકી પહેરો ગોઠવી દીપડાને ગૌશાળામાં ફરી ફરકવા દીધો ન હતો.
દીપડાએ ખેડુતોને ‘બાનમાં’ લઇ લીધા છે -
ગૌશાળાની બાજુમાં ખેતર ધરાવતાં છગનભાઇ માળવીયા અને તેમનો પુત્ર રાત્રિનાં પાણી વાળી રહ્યા હતા ત્યારે દીપડો આવી ચઢતાં મકાનમાં ઘુસી ગયા હતા. તો દીપડો મકાનની આસપાસ આંટાફેરા મારવા લાગ્યો હતો. આમ દીપડાએ ખેડુતોને બાન લઇ લીધા હોય તેમ સમુહમાં ખેતરે પાણી વાળવા જવુ પડે છે.
Source: http://www.divyabhaskar.co.in/article/SAU-10-heifers-hunted-by-leopard-in-premparas-in-two-month-2773513.html

વિસાવદર પાસેથી દીપડો અંતે પાંજરે પૂરાયો.

2012-01-23T12:50:00.002+05:30

Source: Bhaskar News, Visavadar | Last Updated 2:57 AM [IST](22/01/2012)

- હજુ પણ દસ જેટલાં દીપડાઓ વસવાટ કરી રહ્યાં છે
વિસાવદરનાં પ્રેમપરા ગામની ગૌશાળા પાસેથી છેલ્લાં ઘણાં સમયથી આતંક મચાવતો દીપડો અંતે પાંજરે પૂરાતાં ગામ લોકોએ રાહતનો શ્વાસ લીધો હતો. હજુ પણ દસેક જેટલાં દીપડાનો વસવાટ હોય વનવિભાગ આ ઝુંબેશ સતત ચાલુ રાખે તેવી ગ્રામજનોમાંથી માંગણી ઉઠી છે.
વિસાવદરનાં પ્રેમપરા ગામની કનૈયા ગૌશાળામાંથી છેલ્લાં બે માસમાં દસ જેટલી વાછરડીઓનાં શિકાર કરનાર દીપડો આજે વહેલી સવારે પાંજરામાં પૂરાતાં લોકોએ રાહતનો શ્વાસ લીધો છે. ગત તા. ૧૯નાં દીપડાએ ગૌશાળામાંથી વધુ એક વાછરડીનો શિકાર કરતાં ગૌશાળાનાં સંચાલકોએ પત્રકારોને સાથે રાખી વન વિભાગને જાણ કરતાં વન વિભાગનાં સ્ટાફે આળસ ખંખેરી હતી.
ગૌશાળા આસપાસનાં વિસ્તારમાં હજુ દસેક જેટલાં દીપડાનો વસવાટ હોવાનું ગ્રામજનો કહી રહ્યાં છે. અને વન વિભાગે દીપડા પકડવાની ઝુંબેશ સતત ચાલુ રાખવી જોઇએ તેવી ગ્રામજનોમાંથી માંગણી ઉઠી છે.
અત્રે એ પણ નોંધનીય બની રહેશે કે વિસાવદર રેન્જનાં સ્ટાફ દ્વારા પ્રેસને માહિતી આપવાનો ઇન્કાર કરી દેવાય છે. ત્યારે વન વિભાગે કોઇપણ પ્રકારનો પુર્વગ્રહ રાખ્યા વગર પોતાની ફરજ બજાવી જોઇએ તેવી પણ ગામ લોકોમાં લાગણી પ્રવર્તી રહી છે.
Source: http://www.divyabhaskar.co.in/article/SAU-leopard-atlast-caught-in-cage-near-visavadar-2777469.html

વિસાવદર રેન્જમાંથી ઈજાગ્રસ્ત સિંહ મળ્યો.

2012-01-23T12:47:00.001+05:30

Source: Bhaskar News, Visavadar | Last Updated 12:06 AM [IST](19/01/2012)

- ઈનફાઈટમાં ઘાયલ થયેલા સિંહને શોધવાની કવાયતમાં અન્ય દેખાયો
- સિંહના શરીરમાં જીવાત પડી ગઇ ત્યાં સુધી ધ્યાન ન અપાતા સિંહપ્રેમીઓમાં ભારે રોષ
- સાસણમાં સારવાર બાદ સિંહને મુકત કરાયો
- વન વિભાગના પેટ્રોલીંગમાં ઘાયલ સિંહ દેખાયો નહીં હોય ?
વિસાવદર રેન્જનાં રાજપરા રાઉન્ડમાં ઇનફાઇટમાં સિંહઘાયલ થયાના દિવ્ય ભાસ્કરે પ્રસિદ્ધ કરેલા અહેવાલ બાદ વન વિભાગનાં સ્ટાફે આ ઘાયલ સિંહને શોધવાની કવાયત હાથ ધરી છે ત્યારે આજ રેન્જનાં કુટીયા રાઉન્ડ જંગલ વિસ્તારમાંથી બીજો એક નર સિંહઘાયલ હાલતમાં મળી આવતા અને આ સિંહના શરીરમાં જીવાત પડી ગઇ ત્યાં સુધી ધ્યાન ન અપાતા સિંહપ્રેમીઓમાં ભારે રોષ ભભૂકયો છે.
વિસાવદર રેન્જનાં કુટીયા રાઉન્ડનાં જંગલ વિસ્તારમાંથી ત્રણ દિવસ પૂર્વે ૧૫ જાન્યુઆરીએ વન વિભાગનાં સ્ટાફને બિમાર હાલતમાં સિંહનજરે ચડ્યો હતો. આ બિમાર સિંહને પકડવા માટે સવારથી વન વિભાગનાં સ્ટાફે હાથ ધરેલા પ્રયાસો બાદ બપોરે ૩ કલાકે આ સિંહહાથમાં આવતા તેના શરીરનાં આગળનાં ભાગે, ચહેરા ઉપર, ડાબા ભાગે એમ ચાર થી પાંચ જગ્યાએ ગંભીર ઇજાઓ નજરે પડેલ અને આ જગ્યાઓમાં જીવાત પણ ખદબદી ઉઠી હતી.
આ રીતે બિમાર અને ઇજાગ્રસ્ત નર સિંહ૯ થી ૧૦ વર્ષનો હોવાનું બહાર આવ્યુ છે અને તેને તાત્કાલિક સાસણ એનિમલ કેર સેન્ટરમાં સારવાર માટે લઇ જવામાં આવેલ હતો.
જ્યાં તેની સારવાર કર્યા બાદ ફરી છોડી દેવામાં આવ્યો હતો. જો કે આ સમગ્ર હકિકતમાં એક વાત એ પ્રકાશમાં આવે છે કે વિસાવદર રેન્જમાં વન વિભાગનો સ્ટાફ જંગલમાં પેટ્રોલીંગ કરતો હોવા છતા આ નર સિંહકેમ ધ્યાનમાં નહી આવ્યો હોય તેમજ આ બિમાર સિંહને જીવાત ખદબદે ત્યાં સુધી વેઠવી પડેલી યાતના અંગે બેદરકારી બહાર આવી છે ત્યારે પ્રકૃતિ અને સિંહપ્રેમીઓમાં રોષ ભભૂકયો છે.

Source: http://www.divyabhaskar.co.in/article/SAU-injured-lion-got-in-visavadar-renge-2763789.html

સિંહણને સંવનન માટે તૈયાર કરવા સિંહે બચ્ચાંને મારી નાખ્યું.

2012-01-23T12:42:00.004+05:30

Source: Bhaskar News, Amreli | Last Updated 2:22 AM [IST](21/01/2012)

- ગીરપૂર્વની જસાધાર રેન્જમાં બનેલી ઘટના

- સાવજે સિંહબાળ પર હુમલો કર્યો ત્યારે ત્યાંથી પસાર થઇ રહેલા વન વિભાગના અધિકારીઓએ એક સિંહબાળને બચાવી લીધું
ગીર પુર્વની જસાધાર રેંન્જમાં કમંડર વિસ્તારમાં બે સિંહણ બચ્ચા સાથે પસાર થઇ રહી હતી ત્યારે બે સાવજોએ અચાનક હુમલો કરી સિંહણના બચ્ચાને ખતમ કરી નાખ્યું હતું. આશરે બે વર્ષની ઉંમરના સિંહબાળની લાશનો કબજો લઇ વનતંત્રએ આગળની તપાસ શરૂ કરી છે. સાવજોએ જો આ સિંહબાળ મરી જાય તો સિંહણ સંવનન માટે તૈયાર થાય તેવા હેતુથી તેને મારી નાખ્યાનું મનાય છે.
આ ઘટના આજે સવારે ગીર પુર્વની જસાધાર રેંન્જમાં આવેલા કમંડર વિસ્તારમાં બની હતી. કમંડર ડુંગર નજીકથી આજે સવારે બે સિંહણ તેના બચ્ચા સાથે પસાર થતી હતી ત્યારે ત્યાં આવી ચડેલા બે સાવજોએ સિધો જ બે બચ્ચા પૈકી એક પર હુમલો કરી દીધો હતો. આશરે બે વર્ષની ઉંમરના આ સિંહ બાળને સાવજોએ જોતજોતામાં ખતમ કરી નાખ્યું હતુ.
પોતાના બચ્ચાને બચાવવા સિંહણો બંને સિંહ સામે કોઇ પ્રતિકાર કરી શકી ન હતી. જોગાનુજોગ આ સમયે ત્યાંથી પસાર થઇ રહેલા વનવિભાગના સ્ટાફે હાકલા પડકારા કરી બંને સાવજોને ભગાડયા હતા. અને બાદમાં સિંહ બાળનો મૃતદેહ કબજે લઇ પોસ્ટમોર્ટમ કર્યું હતું અને છેલ્લે સિંહ બાળના અંતિમ સંસ્કાર કર્યા હતાં.
સિંહણના બચ્ચા નાના હોય ત્યારે તે સંવનન માટે તૈયાર થતી નથી. આ સિંહણોના બચ્ચા મરી જાય તો તે ઝડપથી સંવનન માટે તૈયાર થાય છે. કદાચ સાવજોએએટલે જ બચ્ચાને મારી નાખ્યાનું મનાય છે.
એક બચ્ચું હુમલામાંથી બચી ગયું -
અહીં પસાર થતી સિંહણો સાથે બે બચ્ચા હતા પરંતુ એક બચ્ચુ જ સિંહની ઝપટે ચડ્યું હતું. વનવિભાગે સિંહોને ખદેડી મુકતા બીજુ બચ્ચુ ઝપટે ચડ્યું ન હતું.
Source: http://www.divyabhaskar.co.in/article/SAU-lioness-hinting-her-baby-for-meeting-2772203.html

ભેંસને છોડાવવા માટે માલધારી યુવાને સિંહણ સાથે બાથ ભીડી.

2012-01-17T12:21:00.003+05:30

ખાંભા તા. ૧૦

ખાંભા તાલુકાના રેબડી નેસમાં ભેંસો ચરાવતી વેળાએ આવી ચડેલી સિંહણે એક ભેંસને દબોચી લેતાં સિંહણનાં સકંજામાંથી ભેંસને મુકત કરાવવા માલધારી યુવાને સિંહણ સાથે વિરતાપૂર્વક બાથ ભીડી હતી. ગિન્નાયેલી સિંહણે માલધારી યુવાન પર ત્રાટકી એક ઈંચ સુધી દાંત બેસાડી દેતા માલધારી યુવાનને લોહીલોહાણ હાલતમાં સારવાર માટે હોસ્પિટલમાં દાખલ કર્યો છે.

ગિન્નાયેલી સિંહણે યુવાન પર હુમલો કર્યો, શરીરે દાંત બેસાડી દીધા

વિગત મુજબ આજે સવારે સાડા નવ વાગ્યે ૧૯ વર્ષનો માલધારી યુવાન રામભાઈ લાખાભાઈ ભુવા તેની ભેંસોને ચરાવતો હતો. આ સમયે આવી ચડેલા એક સિંહ અને સિંહણે ભેસના ઝુંડ પાછળ પડી ભેંસને દબોચી હતી. આ સમયે ભેંસને છોડાવવા રામભાઈએ પ્રયાસો કરતા સિંહણ માલધારી યુવાન પર ત્રાટકી હતી. સિંહણે હુમલા દરમિયાન કમર અને પાછળના ભાગે સાત દાંત એક ઈંચ સુધી બેસાડી દીધા હતાં. જેના લીધે માલધારી યુવાન ગંભીર રીતે ઘાયલ થઈ ગયો હતો. આ જ સમયે માલધારી યુવાનનો ભાઈ આવી જતાં એણે હાકલા પડકારા કરતાં સિંહ અને સિંહણ નાસી છૂટયા હતાં. માલધારી યુવાને જીવની જેમ જતન કરેલી ભેંસને જીવ સટોસટની બાજી ખેલી બચાવી વીરતા દાખવી એની આ પંથકમાં ચોમેર પ્રશંસા થઈ રહી છે.
Source: http://www.sandesh.com/article.aspx?newsid=26151

ઉલ્ટી દિશામાં દોડતી કાર અંગે તપાસ નહીં !

2012-01-17T12:20:00.003+05:30

અમરેલી, તા.૯

ધારીના તુલસીશ્યામ નજીક છેલ્લા દસ દિવસથી ગુરૂત્વાકર્ષણના નિયમ વિરૂધ્ધ ઢાળ વાળા રોડ ઉપર ઉલ્ટી દિશામાં ચાલવા લાગતી હોવા અંગે અનેક લોકોએ અનુભુતિ કરી હોવા છતાં અને સરકારી તંત્રને જાણ હોવા છતાં આ બાબતે તપાસ માટે તંત્ર પાસે સમય નથી આનાથી લોકોમાં કુતુહલ સાથે ભયનો માહોલ વ્યાપ્યો છે.

સરકારી તંત્ર પાસે તપાસ કરવાનો પણ સમય નથી

સૌરાષ્ટ્રભરમાં છેલ્લા છ માસથી નાના મોટા ભૂકંપના અનેક આંચકાઓ આવી રહ્યા છે. ધરતીના પેટાળમાં હલચલ થઈ રહી છે. શિયાળાની સીઝનમાં ચોમાસા જેવો માહોલ, કુદરતના નિયમ વિરૂધ્ધની ઘટનાઓ બની રહી છે, ત્યારે તુલસીશ્યામ નજીક ગુરૂત્વાકર્ષણના નિયમ વિરૂધ્ધ ઢાળવાળા રોડ ઉપર કાર ઉલ્ટી દિશામાં ચાલવાની ઘટનાએ પણ આ વિસ્તારમાં લોકોને અચંબામાં નાખી દીધા છે.
આ ઘટના શાના કારણે બની રહી છે તે તપાસવા માટે તંત્ર પાસે સમય નથી. કરોડો રૂપિયાના ખર્ચે રાજયભરમાં સદભાવના મિશનના કાર્યક્રમોમાં વ્યસ્ત બનેલા વહીવટી તંત્ર પાસે લોકોને સીધે સીધા સ્પર્શતા ગંભીર પ્રશ્નોના નીવેડા માટે સમય નથી. જેનાથી લોકોમાં ભયનો માહોલ ફેલાયો છે.
Source: http://www.sandesh.com/article.aspx?newsid=25839

તુલસીશ્યામ રેન્જ નીચેનું જંગલ તંત્રની બેદરકારીથી રેઢુંપળ.

2012-01-17T12:19:00.003+05:30

ખાંભા, તા.૧૦:
ખાંભા નજીકના તુલસીશ્યામ રેન્જ નીચે આવતા વનતંત્રના કર્મચારીઓની બેદરકારથી જંગલ રેઢુંપળ બની ગયું હોવાનું જાણવા મળેલ છે. વન કર્મીઓને કરવાની કામગીરી રોજમદારો પર નાખી દેવામાં આવતી હોવાનું જાણવા મળે છે. આ કારણે લાકડા અને ઘાંસચોરી જેવી અસામાજીક પ્રવૃતિ પણ થતી હોવાનું જાણવા મળે છે.
વન કર્મીઓની કામગીરી રોજમદારો પર ઢોળી દેવાતી હોવાની ચર્ચા
વન વિભાગની કામગીરી ચર્ચાની એરણે ચડેલી જોવા મળી રહી છે તેના કારણ અંગે એવી ચર્ચા છે કે વન કર્મચારી અને અધિકારીઓની મીલી ભગતથી વિશાળ જંગલ અને જંગલી પ્રાણીઓ રેઢા રખડી રહ્યાં હોય અને જેની જવાબદારી છે તેઓ આ જવાબદારી રોજમદારો પર ઢોળી દેતાં હોવાનું બહાર આવેલ છે.તુલસીશ્યામ રેન્જ નીચે આશરે ૨૫ બીટ આવેલી છે. અહીં જંગલના ઘરેણા જેવા સાવજો અને અન્ય વન્યપ્રાણીઓની દેખરેખ અને રક્ષણ માટે ૫૦ જેટલા ગાર્ડ અને ફોરસ્ટરો જવાબદારી નિભાવવા મુકાયા છે. જંગલ વિસ્તારમાં પાડાગાળ તેમજ ડેમ જેવી કામગીરી પણ કરવામાં આવે છે. જંગલ અને જંગલી પ્રાણીઓ માટે સરકાર દ્વારા કરોડો રૂપિયા ખર્ચવામાં આવી રહ્યાં છે ત્યારે ફરજ બજાવતાં ઘણાં કર્મીઓ પોતાની જવાબદારી રોજમદારો પર ઢોળી એક આંટો મારવાની તસ્દી પણ લેતા ન હોવાનું કહેવાય છે. કહે છે કે આવા કર્મચારીઓની હાજરી પોતાની જગ્યાને બદલે રેવન્યુ વિસ્તારમાં જોવા મળતી હોવાનું જાણવા મળેલ છે. તુલસીશ્યામ વિસ્તારમાં કિંમતી લાકડું, ઉપયોગી તેમજ ઔષધીય વૃક્ષો અને ઘાંસની ચોરી થતી હોવાનું પણ ચર્ચાય છે. આ પાછળ વન તંત્રની બેદરકારી કે મીલીભગત હોવાની બુમો ઉઠી છે ત્યારે ઉચ્ચ કક્ષાએથી તપાસ હાથ ધરાય તેવું આ વિસ્તારની જનતા ઈચ્છી રહી છે.
Source: http://www.sandesh.com/article.aspx?newsid=25971

ધારીના તુલસીશ્યામ પાસે કાર આપોઆપ પાછળ ખેંચાવા માંડી.

2012-01-17T11:52:00.004+05:30

અમરેલી તા.૮

સૌરાષ્ટ્રમાં વધી રહેલા ધરતીકંપના આંચકાની ઘટના બાદ વધુ એક કુદરતના નિયમ વિરૂધ્ધ એક આશ્વર્યજનક ઘટના પ્રકાશમાં આવી છે.અમરેલી જિલ્લાના ધારીના તુલસીશ્યામ નજીક ગુરૂત્વાકર્ષણના નિયમની તદન વિરૂધ્ધ ઢાળવાળા રોડ પર ઉભી રાખવામા આવેલી કાર ઢાળ ઉતરવાને બદલે આપોઆપ પાછળ (રિવર્સ) ખેંચાવા લાગ્યાની ઘટના પ્રકાશમાં આવી છે. મોરબીના એક ઉદ્યોગપતિ સાથે બનેલી આ ઘટનાનું તેમણે વિડીયો રેકોર્ડીંગ કરાવી રાજય રસકારનું ધ્યાન દોર્યુ છે.

મોરબીના ઉદ્યોગપતિએ સમગ્ર ઘટનાનું વિડીયો રેકોર્ડીંગ કર્યુ

ગત તા.૧/૧/૧૨ના રોજ મોરબીના ઉદ્યોગપતિ રતિલાલ પરમાર તેમના મિત્રો સાથે તુલસીશ્યામ એસેન્ટ કારમાં જઈ રહયા હતા ત્યારે વિસામો ખાવા તુલસીશ્યામ નજીક ઢોળાવવાળા રસ્તા પર કાર અટકાવી હતી,કાર બંધ હતી અને હેન્ડ બ્રેક પણ મારેલી ન હતી, ત્યાં એકાએક તેની કાર ઢાળ ઉતરવાને બદલે પાછળની સાઈડ આપોઆપ ધીમે ધીમે ઢોળાવ ચડવા લાગી હતી અને તેમની કાર ૧૧૦ ફુટ જેટલી પાછળ જઈ ઉભી રહી ગઈ હતી તે જોઈને કારમાં બેઠેલા રતિલાલ આશ્વર્યચકિત થઈ ગયા હતા.જેથી તેમણે આ ઘટનાનું વિડીયો રેકોર્ડીંગ કરી લીધું હતું અને તેની સીડી બનાવી રાજય સરકારનું ધ્યાન દોર્યુ છે કે અહીં કુદરતના નિયમ વિરૂધ્ધ એન્ટીગ્રેવિટીની ઘટના હોવાનું માનવામા આવે છે.
રતિલાલે આ ઘટનાની ખાત્રી કરવા માટે વધુ એક પ્રયોગ સ્થળ પર કર્યા હતો,કાર પાછળ ચાલે તો ગમે તે વસ્તુ પાછળ જવી જોઈએ.તેમણે પાણીની બોટલમાંથી તેજ જગ્યા ઉપર પાણી રેડતા પાણી ઢાળમાં નીચે ઉતરવાને બદલે પાછળ ઢાળ ચડવા લાગ્યું હતું,તો આ ગુરૂત્વાકર્ષણના થયેલા ફેરફારની ઘટનાએ સમગ્ર પંથકમાં અચરજ પમાડી દીધું છે.આ વિશે તજજ્ઞોનું એવું માનવું છેકે આ ઘટના હાલમાં વધી રહેલી ભુકંપીય હલચલના કારણે બની રહી છે.આ ઘટના હાલ નેટ પર યુ.ટયુબ પર મુકવામા આવેલ છે.
Source: http://www.sandesh.com/article.aspx?newsid=25519

ખાંભા નજીક આધેડ પર દિપડાનો હુમલો.

2012-01-17T11:49:00.000+05:30

Source: Bhaskar News, Khambha | Last Updated 2:17 AM [IST](16/01/2012)

- સીમમાં ભેંસ ચરાવતા હતા ત્યારે દિપડો ત્રાટકયો

- વન્ય પ્રાણીના વધતા હુમલાથી લોકોમાં ફફડાટ
ખાંભા તાલુકાના નવા માલકનેશ ગામના આધેડ સીમમાં ભેંસ ચરાવી રહ્યાં હતા ત્યારે અચાનક ધસી આવેલા એક દિપડાએ તેમના પર હુમલો કરી ઘાયલ કરી દેતા તેમને સારવાર માટે ખાંભા દવાખાને ખસેડાયા છે. હજુ થોડા દિવસ પહેલા જ ખાંભા નજીક રેબડી નેશમાં યુવક પર સિંહે હુમલો કર્યો હતો. ત્યાં આજે દિપડા દ્રારા હુમલાની ઘટના બની હતી.
દિપડાએ આધેડ પર હુમલો કર્યાની આ ઘટના ખાંભા તાલુકાના નવા માલકનેશ ગામની સીમમાં શનિવારે બપોરે બની હતી. ગામના નાજાભાઇ હિરાભાઇ સોલંકી (ઉ.વ.૫૦) નામના આધેડ બપોરે બે વાગ્યાના સુમારે સીમમાં ભેંસો ચરાવી રહ્યાં હતા ત્યારે અચાનક પાછળની તરફથી ધસી આવેલા દિપડાએ સીધો જ તેમના પર હુમલો કરી દીધો હતો.
દિપડાએ તેમને છાતીમાં નહોર ભરાવી દીધા હતા. ઉપરાંત હાથ પર પણ ઇજા પહોંચાડી હતી સીમમાં કામ કરતા અન્ય લોકોએ દોડી આવી હાકલા પડકારા કરી દિપડાને ભગાડી મુકયો હતો. તો બીજી તરફ નાજાભાઇ સોલંકીને લોહીલુહાણ હાલતમાં સારવાર માટે ખાંભા દવાખાને ખસેડાયા હતા.
જ્યાં હાથમાં તેને નવ ટાંકા લેવા પડ્યા હતા. ખાંભા પંથકમાં વન્ય પ્રાણીઓના હુમલાની ઘટનાઓ વધી પડી છે. પાંચ દિવસ પહેલા જ ખાંભાના રેબડી નેશમાં ૧૯ વર્ષીય યુવાન પર સિંહે હુમલો કરી તેને ઘાયલ કરી દીધો હતો.
Source: http://www.divyabhaskar.co.in/article/SAU-leopard-attack-on-adult-near-khambha-2754385.html

ખાંભા નજીક સિંહણ દ્વારા બળદનું મારણ.

2012-01-17T11:45:00.004+05:30

Source: Bhaskar News, Khambha | Last Updated 12:43 AM [IST](17/01/2012)

ખાંભા તાલુકાના ભાવરડી ગામે વાડીમાં ગઇકાલે બપોરના સુમારે સિંહણ અને બે બચ્ચાઓ દ્રારા એક બળદનું મારણ કરવામાં આવ્યું હતું. વાડીએ સિંહણ દ્રારા બળદનું મારણ કરવામાં આવતા ગામલોકો સિંહ દર્શન માટે દોડી આવ્યા હતાં.
ભાવરડી ગામે રહેતા અને ડેડાણ રોડ પર વાડી ધરાવતા આલીંગભાઇ મોભ બપોરના ચારેક વાગ્યાના સુમારે વાડીએ બળદને ચરાવતા હતા ત્યારે અચાનક એક સિંહણ અને બે બચ્ચાઓ આવી ચડયા હતા. અને આલીંગભાઇ થોડા દુર જતા જ સિંહણે બળદનો શિકાર કરી દીધો હતો. આલીંગભાઇ કંઇ વિચાર કરે તે પહેલા તો બળદના રામ રમાડી દીધા હતા. બળદનો શિકાર કરી સિંહણે બચ્ચાઓ સાથે મિજબાની માણી હતી.
વાડીએ સિંહણે બળદને ફાડી ખાધાના સમાચાર ગામમાં ફેલાતા ગામલોકો સિંહ દર્શન કરવા વાડીએ દોડી આવ્યા હતા. સિંહણ અને બચ્ચાઓએ મજિબાની માણી જંગલ તરફ વાટ પકડતા લોકોએ હાશકારો અનુભવ્યો હતો.

Source: http://www.divyabhaskar.co.in/article/SAU-lioness-hunting-bullock-near-khambha-2755877.html

યુવાને ખાધી સીંગ અને થઈ ગયો ‘બેભાન’.

2012-01-17T11:40:00.001+05:30

Source: Bhaskar News, Khambha | Last Updated 2:43 AM [IST](16/01/2012)

- દાઢીયાળીની સીમમાં અજાણ્યા છોડની સીંગ ખાતા યુવાન બેભાન
ખાંભા તાલુકાના દાઢીયાળી ગામના એક ખેડુત યુવાને સેઢે ઉભેલા છોડમાંથી વાલપાપડી સમજીને સીંગ તોડીને ખાધા બાદ આ યુવકને ઝેરી અસર થતા સારવાર માટે ખાંભા દવાખાને ખસેડાયો છે.
સામાન્ય રીતે સીમમાં કામ કરતા ખેડુતો દરેક વનસ્પતિ અંગે સારી એવી જાણકારી ધરાવે છે. આમ છતા જાણકાર માણસોને પણ ક્યારેક પ્રકૃતિની છેતરામણી ચાલનો કડવો અનુભવ વેઠવો પડે છે.
આવુ જ કંઇક ખાંભા તાલુકાના દાઢીયાળી ગામના જયતુભાઇ મોભ (ઉ.વ.૩૦)નામના યુવાન સાથે થયું છે. આ યુવાન આજે પોતાની વાડીના શેઢે ઉભો હતો ત્યારે એક છોડમાંથી વાલપાપડીની સીંગ છે તેમ સમજી સીંગ ખાધી હતી. પરંતુ તુરંત જ તેના મોઢામાંથી ફીણ નીકળવા માંડયા હતા. અને ઝેરી અસર થતા આ યુવાન બેભાન બની ગયો હતો.
યુવકને તાબડતોબ સારવાર માટે ખાંભા દવાખાને ખસેડાયો હતો. સારવાર બાદ આ યુવક ભાનમાં આવી જતા ઘટના અંગે તેણે પરિવારને જાણકારી આપી હતી.
Source: http://www.divyabhaskar.co.in/article/SAU-young-farmer-ate-unknown-pod-and-being-unconscious-2754394.html

અને અચાનક સિંહે શ્રમિકના પાછળના ભાગે માર્યા પંજા.

2012-01-17T11:36:00.000+05:30

Source: Bhaskar News, Talala | Last Updated 12:02 AM [IST](16/01/2012)

- બામણાસામાં શ્રમિક પર સિંહનો હુમલો

તાલાલાના બામણાસા (ગીર) ગામે વલ્લભભાઈ ઉકાભાઈ જાવંધ્રાની આંબાવાડીમાં શનિવારના પાંચ વાગ્યાની આસપાસ આંબાના પાન (ખાખા) ભેગા કરવાનું ખેતીકામ કરી રહેલા ખેત મજુર જીકાભાઈ જીણાભાઈ પારડી (ઉ.વ.૩૭) દરબાર યુવાન પર અચાનક સિંહે આવી ચઢી યુવાનના પાછળના ભાગે પંજાની થપાટો મારી પછાડી દીધેલ.
સિંહથી બચવા યુવાને હાથમાં આવી થયેલ લાકડુ લઈ સિંહના મોઢે ફટકારતા સિંહ થોડોક દૂર ચાલ્યો ગયો હતો. મજુરે સિંહથી બચવા રાડારાડી કરી મૂકતા આસપાસના ખેતરોમાં કામ કરતા અન્ય મજુરોએ દોડી આવી હાકલા-પડકારા કરતા સિંહ ખેતરમાંથી દૂર ચાલ્યો હતો.
સિંહે મારેલ થપાટમાં ધારદાર નહોરથી મજુર યુવાનની પીઠ ચીરાઈ ગઈ હતી. ઈજાગ્રસ્ત યુવાનને પ્રથમ તાલાલા અને વધુ સારવાર માટે જુનાગઢ ખસેડવામાં આવેલ હતો. સિંહે ખેતમજુર ઉપર કરેલા હુમલાના સમાચારથી વનવિભાગનો કાફલો દોડી ગયો હતો. સિંહના હુમલાથી ખેતમજુરોમાં ભય વ્યાપી ગયો છે.
Source: http://www.divyabhaskar.co.in/article/SAU-lion-attacked-to-labourer-near-talala-2752325.html?OF5=

ખંભાળિયા નજીક દીપડાએ કયું વાછરડાનું મારણ.

2012-01-17T11:24:00.001+05:30

Source: Bhaskar News, Khambhalia | Last Updated 12:57 AM [IST](17/01/2012)

- દીપડાને પાંજરે પૂરવા વન વિભાગને રજૂઆત
ખંભાળિયા તાલુકાના ધરમપુર વિસ્તારમાં આવેલ કડિયારવાડી વિસ્તારમાં એક સતવારા ખેડૂતની વાડીમાં ગત રાત્રે દીપડાએ દેખા દીધી હોવાનું અને નજીકમાં જ એકાદ વાછરડીનું મારણ કર્યાનું બહાર આવેલ છે.
દીપડાએ દેખા દીધાના જાણ અહીંના સતવારા જ્ઞાતિના અગ્રણી હરીભાઇ નકુમને થતાં તેમણે તાત્કાલિક અહીંના ડીવાયએસપી રાવલ, વન વિભાગ જામનગરના અધિકારી કનેરીયા તેમજ ખંભાળિયાના જંગલ ખાતાના અધિકારીને જાણ કરી આ દીપડાને તાત્કાલિક ઝબ્બે કરવાની રજૂઆત કરતાં દીપડાના પગલાના નિશાન પર તગારા ઢાંકી દઇ તેના સગડ મેળવવા કાર્યવાહી હાથ ધરી હોવાનું જાણવા મળેલ છે.
થોડા દિવસો પહેલાં ખંભાળિયાના કોઠા વિસક્ષેત્રીની સીમમાં દીપડાની અવરજવરે ભયનું વાતાવરણ સર્જી દીધું હતું. ત્યારે ધરમપુર વાડી વિસ્તારમાં લોકો ભયની લાગણી અનુભવી રહ્યા છે. ખંભાળિયા નજીક કોટા ગામની સીમમાં નદીની આસપાસ પહાડી એરીયાની કોતરો અને જંગલની ઝાડીઓમાં કદાચ દીપડો છુપાયો હોવાની આશંકા પણ જાણકારો સેવી રહ્યા છે.

Source: http://www.divyabhaskar.co.in/article/SAU-leopard-hunting-calf-near-khambhaliya-2755844.html

રાતે જંગલમાં ફરવા જવાનું અમદાવાદીઓને ભારે પડ્યું.

2012-01-17T11:20:00.002+05:30

Source: Manish Trivedi, Rajkot | Last Updated 2:17 PM [IST](16/01/2012)

- વેરાવળ રેન્જનાં બાબરા વીડીમાં મોડી રાતે સિંહ જોવા ગયા હતા

- અમદાવાદનાં આંઠ શખ્સોને વન વિભાગે દંડ ફટકારી મુકત કર્યાવેરાવળ રેન્જમાં બાબરા વીડીનાં પીલીધાર વિસ્તારનાં જંગલમાં મોડી રાત્રે સિંહ જોવા ગયેલા અમદાવાદનાં આઠ મુસ્લિમ શખ્સને ડીએફઓ સાહુ સહિતનાં સ્ટાફે પેટ્રોલીંગ દરમિયાન ઝડપી લીધા હતા.
પ્રાણીઓનાં શિકાર કરવા આવ્યા હોવાની શંકાએ વન વિભાગનાં અધિકારીઓએ આંઠેય મુસ્લિમ શખ્સની આકરી પુછપરછ કરતા તેઓ સિંહને જોવા માટે જ જંગલમાં ગયા હોવાનું જણાવ્યું હતુ.
મોડી રાત્રે ગેરકાયદેસર રીતે જંગલમાં જવા બદલ વન વિભાગે આંઠેય શખ્સને રૂ.૧૬ હજારનો દંડ ફટકારી મુકત કર્યા હતા.
Source: http://www.divyabhaskar.co.in/article/SAU-RJK-c-120-2218-2755381.html

રાજુલામાં સિંહનું ભર બજારે ‘સરઘસ’ કાઢવું પડ્યું ભારે પડ્યું.

2012-01-15T17:50:00.001+05:30

Source: Bhaskar News, Amreli | Last Updated 2:15 AM [IST](15/01/2012)

- ગીર નેચરલ ક્લબ દ્વારા રાજ્યપાલને આવેદન
- સિંહનું ભર બજારે સરઘસ કાઢવાના ઘેરા પડઘા
- રાજુલામાં તાકીદે આરએફઓની નિમણુંક
રાજુલામાં બિમાર સિંહની સારવાર કરવાના બદલે વન વિભાગ દ્વારા તેને શહેરની મેઇન બજારમાં સરઘસ કાઢીને ફેરવવાની ઘટનાને પગલે ગીર નેચર યુથ ક્લબ દ્વારા હવે આ અંગે ગુજરાતના રાજ્યપાલને આવેદનપત્ર પાઠવી પગલા લેવા માંગ કરવામાં આવી છે.
ગીર નેચર યુથ ક્લબના પ્રમુખ ભીખુભાઇ બાટાવાળાએ આ અંગે ગુજરાતના રાજ્યપાલને આવેદનપત્ર પાઠવી રજુઆત કરી છે. જેમાં જણાવ્યુ છે કે રાજુલામાં વન વિભાગ દ્વારા બિમાર સિંહને મુખ્ય બજારમાં સરઘસાકારે ફેરવવામાં આવ્યો હતો. બિમાર સિંહને જોવા માટે લોકોને માઇક દ્વારા આમંત્રણ આપવામાં આવ્યુ હતું. વન વિભાગના નિયમ અનુસાર આવા વન્ય પ્રાણીઓને પાંજરામાં લઇ જવાતા હોય ત્યારે તેના પર તે કપડુ બાંધવું જોઇએ પરંતુ તેના બદલે અધિકારીઓએ લોકોને સિંહ જોવા માટે નિમંત્રણ આપ્યુ હતું.
હકીકતમાં આ સિંહ જયાથી પકડાયો ત્યાંથી જસાધાર તદન નજીક છે પરંતુ ત્યાં જવાને બદલે સિંહને રાજુલા લઇ જવાયો હતો. વન કચેરીએથી સિંહને લઇ જવા માટે અનેક રસ્તા છે આમ છતાં ગીચ બજારમાંથી તેને લઇ જવાયો. વન વિભાગના અધિકારીઓ નીચે રેલો આવતા સિંહને આ રસ્તે હલાવવા માટેના ખોટા બહાના પણ બનાવી રહ્યા છે. ગીર નેચર યુથ ક્લબે સિંહ પર અત્યાચાર ગુજારનારા જવાબદારો કાયદામાંથી ન છટકે તે જોવા માંગ કરી હતી. એટલુ જ નહી બિમાર સિંહને આઠ-દસ કલાક સારવાર નહી આપવા સબબ જવાબદારો સામે પગલા લેવાવા જોઇએ તેવી તેણે માંગ કરી હતી.
રાજુલામાં થોડા દિવસ પહેલા વનખાતા દ્વારા બિમાર સિંહનું ભરબજારે સરઘસ કાઢી માભો જમાવવાનો પ્રયાસ કરાયા બાદ આ ઘટનાના ઘેરા પડઘા પડતા આજે અહિં આરએફઓ તરીકે વિસાવદરથી બી.એસ. બ્લોચને મુકી દેવામાં આવ્યા હતા અને ફોરેસ્ટર મોર પાસેથી આરએફઓનો ચાર્જ લઇ લેવામાં આવ્યો હતો.
રાજુલાની વન કચેરીમાં લાંબા સમયથી આરએફઓનો ચાર્જ ફોરેસ્ટર કક્ષાના કર્મચારી રામભાઇ મોરને આપવામાં આવ્યો હતો. તેઓ અહિં વર્ષોથી ફરજ બજાવે છે અને અનેક વિવાદમાં પણ ઘેરાયેલા છે. આ દરમીયાન થોડા દિવસ પહેલા તેમણે નાગેશ્રી પંથકમાંથી બિમાર હાલતમાં મળી આવેલા એક સિંહનું જાહેરમાં સરઘસ કાઢીને તો હદ કરી નાખી હતી. આ સિંહને નીયમાનુસાર સારવારમાં લઇ જવાને બદલે લોકો વચ્ચે લાવી તમાશો કરી પોતાનો માભો પાડવા પ્રયાસ થયો હતો.
દરમીયાન આ ઘટનાને લઇને વનતંત્રની આકરી ટીકા થતા તેના ઘેરા પડઘા પડ્યા હતા. અને લાંબા સમયથી અહિં ખાલી પડેલી આરએફઓની જગ્યા આજે પુરવામાં આવી હતી. અહિં વિસાવદરથી બી.એસ. બ્લોચને આરએફઓ તરીકે મુકવામાં આવ્યા છે. અત્યાર સુધી આ ચાર્જ રામભાઇ મોર પાસે હતો. આ પ્રકરણમાં હજુ અનેક સામે પગલા તોળાઇ રહ્યા હોવાનું કહેવાય છે.
Source: http://www.divyabhaskar.co.in/article/SAU-gir-natural-clubs-complaint-to-gujarats-governer-2748050.html

ખાંભા: યુવાન પર સિંહે નવ દાંત બેસાડી દેતા લોહીની નદી વહી.

2012-01-15T11:51:00.001+05:30

Source: Bhaskar News, Khambha | Last Updated 2:05 AM [IST](11/01/2012)

- શરીરમાં નવ દાંત બેસાડી દેતા યુવાન લોહીલુહાણ
ગીરના સાવજો દ્વારા માણસ પર હુમલાની ઘટનાઓ સતત વધતી જ જાય છે. આજે ખાંભા નજીક રેબડીનેસમાં ભેંસ ચરાવી રહેલા એક યુવાન પર સાવજે અચાનક જ હુમલો કરી તેના નવ દાંત આ યુવકના શરીરમાં બેસાડી દેતા તેને લોહી લુહાણ હાલતમાં સારવાર માટે ખાંભા દવાખાને ખસેડાયો છે.
આ ઘટના આજે સવારે સાડા નવેક વાગ્યાના સુમારે ખાંભાથી ૩૦ કી.મી. દુર ભાણીયા જંગલની બાજુમાં આવેલા રેબડીનેસમાં બની હતી. આ નેસમાં ગણ્યાગાઠ્યા કુટુંબો રહે છે. આજે સવારે રામ બાવભાઇ ભુવા (ઉ.વ. ૧૯) નામનો યુવાન પોતાની પાંચ ભેંસ લઇ જંગલમાં ચરાવવા માટે ગયો હતો. આ સમયે એક સિંહ અને સિંહણ ત્યાં અચાનક આવીચડ્યા હતા.
સિંહે કોઇ અકળ કારણે સીધો જ આ યુવાન પર હુમલો કરી દીધો હતો. યુવકને જમીન પર પછાડી દઇ સિંહ તેના પર સવાર થઇ ગયો હતો અને યુવકના શરીરમાં નવ દાંત બેસાડી દેતા તે લોહી લુહાણ થઇ ગયો હતો. આ સમયે યુવકના નાના ભાઇએ હાંકલા પડકારા કરી મહામહેનતે સિંહને ભગાડી તેની પકડમાંથી તેના ભાઇને છોડાવ્યો હતો.
રામ ભુવાને ૧૦૮ એમ્બ્યુલન્સની મદદથી સારવાર માટે ખાંભા દવાખાને ખસેડવામાં આવ્યો હતો.
જંગલખાતાનો સ્ટાફ અહિં છેક બપોર બાદ દેખાયો હતો. ગીર કાંઠાના ખાંભા, ધારી, સાવરકુંડલા, રાજુલા વગેરે તાલુકામાં સાવજો દ્વારા માણસ પર હુમલાની ઘટનાઓ સતત વધતી જ જાય છે.
Source: http://www.divyabhaskar.co.in/article/SAU-lion-attack-on-man-near-khambha-rushed-him-to-hospital-2736426.html

બિમાર સિંહનું સરઘસ કાઢતા અધિકારીઓ સામે પગલા લો.

2012-01-15T11:49:00.002+05:30

Source: Bhaskar News, Rajula | Last Updated 1:09 AM [IST](09/01/2012)

- ગિરનેચર યુથ ક્લબે વન અને પર્યાવરણ મંત્રીને પત્ર પાઠવ્યો
ખાંભામાં વનતંત્ર દ્રારા આજે બિમાર સિંહને સરઘસના રૂપમાં બજારમાં ફેરવવાનું કૃત્ય આચરાતા ગીર નેચર યુથ ક્લબે તેનો ઉગ્ર વિરોધ કરી વન અને પર્યાવરણ મંત્રીને પત્ર પાઠવી આ માટે જવાબદાર અધિકારીઓ સામે કડક પગલા લેવા માંગણી કરી છે.
ગીર નેચર યુથ ક્લબના પ્રમુખ ભીખુભાઇ બાટાવાળા તથા રાજુલાના માહિતી અધિકાર નાગરિક મંડળના પ્રમુખ વિનોદભાઇ પરમારે આજે વન અને પર્યાવરણ મંત્રી મંગુભાઇ પટેલને ફેકસ દ્રારા આ અંગે રજુઆત કરી હતી. જેમાં તેમણે જણાવ્યું છે કે રાજુલામાં સવારે દસેક વાગ્યે બિમાર અને લાચાર સિંહનું ફોરેસ્ટ કચેરીથી મેઇન બજાર સુધી સરઘસ કાઢવામાં આવ્યું હતું. આશરે બે હજાર માણસોના ટોળાએ ચીચીયારીઓ બોલાવી આ લાચાર અને બિમાર સિંહ માટે ત્રાસદાયક વાતાવરણ ઉભુ કરી દીધુ હતું.
આ સિંહ જાણે મનોરંજનનું સાધન હોય તેમ આરએફઓ મોર તથા સ્ટાફે ત્રાસદાયક રીતે તેને શહેરમાં ફેરવ્યો હતો. આ ધ્રુણાસ્પદ ઘટના અંગે તાત્કાલિક તપાસ કરી ફરી કોઇ વન્ય પ્રાણી સાથે આવુ ન બને તે માટે જવાબદારો સામે કડક પગલા લેવા બંને સંસ્થાએ માંગ ઉઠાવી છે.
Source: http://www.divyabhaskar.co.in/article/SAU-take-steps-against-illness-lion-circus-uotside-people-2727282.html

'વનરાવનનો રાજા ગરજે' નહીં પણ એની આંખો વરસે.

2012-01-15T11:47:00.003+05:30

Source: Bhaskar News, Rajula | Last Updated 12:20 AM [IST](09/01/2012)

- રાજુલામાં ઊભી બજારે બીમાર સિંહનું સરઘસ: લોકોના ટોળે-ટોળાં
- અંતે ‘ઉપર’થી આદેશ આવ્યા બાદ સરઘસ સમેટી લેવાયું
રાજુલા તાલુકાના ચૌત્રા ગામેથી ગઇરાત્રે એક બિમાર સિંહને પાંજરે પુરવામાં આવ્યા બાદ રાજુલાની વન કચેરીમાં આખી રાત સારવાર તો ન કરાય પરંતુ સવારે પોલીસ બંદોબસ્ત સાથે આરએફઓ દ્રારા રાજુલાની ઉભી બજારે આ સિંહનું સરઘસ કાઢવામાં આવતા ચકચાર મચી જવા પામી છે.
બજારમાં સિંહને જોવા સેંકડો લોકોના ટોળા પાછળ પાછળ ફર્યા હતા. જંગલખાતાના આ જંગલી કૃત્ય સામે પ્રકૃતિપ્રેમીઓ દ્રારા તાબડતોબ ઉપર સુધી રજુઆત કરાતા ઉપરથી છુટેલા આદેશને પગલે તાત્કાલિક આ સરઘસ સમેટી લેવામાં આવ્યું હતું.
રાજુલાની વન કચેરીના કર્મચારીઓ હંમેશા ઘરની ધોરાજી ચલાવવા માટે પંકાયેલા છે. આજે તો એક બિમાર સિંહ જાણે કોઇ આરોપી હોય તેમ ઉભી બજારે તેનું સરઘસ કઢાયુ અને સાયરન વગાડી સિંહ દર્શન માટે લોકોને આહવાન કરાયુ. પોતાનો માભો જમાવવા માટે વનતંત્રએ આ સીન તો નાખ્યો પરંતુ બિમાર સિંહની સારવાર પણ નહી કરી ઘોર અપરાધ પણ કર્યો હતો.
ચૌત્રા ગામની સીમમાં આંબાના ઝાડ નીચે એક બિમાર સિંહ હોવાની બાતમી મળતા વનતંત્ર દ્રારા ગઇરાત્રે આ બિમાર સિંહને પાંજરે પુરવામાં આવ્યો હતો. સિંહને રાજુલાની વન કચેરીએ લવાયો ત્યારે સેંકડો લોકો સિંહ દર્શન માટે એકઠા થયા હતા. વનખાતાના સ્ટાફે લોકોને સિંહ દર્શનનો મોકો આપ્યો હતો. લોકોની ભીડ વધારે હોય zરાત્રે જ પોલીસ બંદોબસ્ત માંગી લેવાયો હતો.
સવારે આરએફઓ અને વન કર્મચારીઓને શહેરમાં માભો જમાવી દેવાની ચાનક ચડી હતી. જેને પગલે આ બીમાર સાવજના પાંજરાને વાહનમાં નાખી ગામમાં તેનુ સરઘસ કાઢવામાં આવ્યું હતું. આગળ સાયરન વગાડતી ગાડી અને પાછળ સેંકડો લોકોનું ટોળુ પ્રથમ બસ સ્ટેન્ડ વિસ્તાર અને ત્યાર બાદ ટાવરચોક હવેલી ચોક વીગેરે વિસ્તારમાં ફયું હતું. લોનો કીકીયારી અને દેકારાથી સાવજ પણ રઘવાયો થયો હતો. વન ખાતાના સ્ટાફે ઠેકઠેકાણે ઉભા રહી લોકોને સાવજના દર્શન કરાવ્યા હતાં.
બીજી તરફ આ ઘટનાની પ્રકૃતિ પ્રેમીઓએ તાબડતોબ ઉપર સુધી જાણ કરતા ઉપરથી આવેલા આદેશને પગલે અધવચ્ચે જ સરઘસ અટકાવી સિંહને પાછો લઇ જવાયો હતો. આ પ્રકારે સિંહનુ સરઘસ કાઢવામાં આવ્યું હોય તેવી ઇતીહાસમાં પ્રથમ ઘટના બની હતી. ઘાયલ સિંહને સારવાર ભલે ન મળી પરંતુ રાજુલામાં વન અધીકારીઓએ પોતાનો માભો જમાવવા પ્રયાસ જરૂર કરી લીધો.
રેવન્યુ વિસ્તારમાં કોઇ રોડ પર ઉભા રહી સિંહ જોતુ હોય તો તેની પાસેથી પણ દંડ વસુલનાર વનતંત્ર દેશની અમૂલ્ય ધરોહર એવા ગીરની શાન સમાન સાવજની પોતાની અંગત જાગીર હોય તેમ આ રીતે તેની અવદશા કરે તેની સામે પ્રકૃતિ પ્રેમીઓમાં ઘેરો રોષ ભભૂકી ઉઠયો છે.જવાબદારોની શાન કોઇ ઠેકાણે લાવશે ખરૂ ?
વન તંત્રનો લુલો બચાવ -

આ ઘટના બાદ રાજુલાના જંગલખાતાના સ્ટાફે એવો લુલો બચાવ કર્યો હતો કે આ સિંહને તો અમે સારવાર માટે ખાંભા લઇ જતાં હતાં. ત્યારે સવાલ એ ઉઠયો છે કે શું દર વખતે સિંહને સારવાર માટે આ રીતે લઇ જવાય છે? રાત્રે વેટરનરી ડોક્ટરને બોલાવવાના બદલે લોકોના ટોળા કોણે એકઠા કર્યા ? આગળ પોલીસ અને વન કર્મચારી ચાલતા હોય અને સિંહની પાછળ સેંકડો લોકોનુ ટોળુ હોય તે રીતે સાવજને સારવાર માટે લઇ જવાની ઘટના પ્રથમ વખત ઘટી છે.
આરએફઓ મોરની વિવાદાસ્પદ કામગીરી -
રાજુલાના આરએફઓ મોરની કામગીરી કાયમ માટે વિવાદાસ્પદ રહી છે. નીચલી પાયરીના કર્મચારી હોવા છતાં વર્ષોથી તે આરએફઓના ચાર્જમાં છે. થોડા સમય પહેલા તેની નજર સામે જ ફાંસલામાં સપડાયેલો દીપડો તરફડીને મૃત્યુ પામ્યો હતો. છતાં આ તેમની સામે કોઇ પગલા લેવાયા ન હતાં. ત્યારે આજે તેમણે સિંહનુ સરઘસ કાઢી નાખ્યું હતું.
Source: http://www.divyabhaskar.co.in/article/SAU-lion-health-is-bad-in-rajula-2726542.html
- તમામ તસવીરો: કનુભાઈ વરૂ

કોડીનારના પણાંદરમાં બે બળદનું મારણ કરતા સાવજ.

2012-01-15T11:40:00.001+05:30

Source: Bhaskar News, Kodinar | Last Updated 12:53 AM [IST](13/01/2012)

રેવન્યૂ વિસ્તારમાં જંગલી પ્રાણીઓની અવરજવરથી ભય
કોડીનારનાં પણાંદર ગામની સીમમાં સિંહપરિવારે બે બળદનો શિકાર કરી નિરાંતે મારણની મિજબાની માણી હતી. જ્યારે પીપળી ગામે ઘાયલ મોરનું મોત નિપજ્યું હતુ.
જાણવા મળતી વિગત અનુસાર, કોડીનાર તાલુકાનાં પણાંદર ગામે સીદુરીયા પા નામે ઓળખાતી સીમમાં લખમણભાઇ રાજાભાઇ કામળીયાની વાડીમાં ગત રાત્રિનાં સિંહ, સિંહણ અને તેના બે બચ્ચાએ આવી ચઢી ઢાળીયામાં બાંધેલા બે બળદનો શિકાર કરી નિરાંતે મારણની મજિબાની માણી હતી. સિંહપરિવારનાં સીમ વિસ્તારમાં આગમનથી ખેડૂતોમાં ગભરાટની લાગણી છવાઇ જવા પામી છે.
આ સિંહપરિવારનું લોકેશન મેળવવા છારા બીટનાં ફોરેસ્ટર પરમાર, ભરવાડ સહિતનાં સ્ટાફે કવાયત હાથ ધરી છે. જ્યારે અન્ય એક બનાવમાં તાલુકાનાં પીપળી ગામની સીમમાં રઘુભાઇ ગોહિલની વાડી પાસે એક ઘાયલ મોર મળી આવ્યો હતો. આ ઘાયલ મોરની વેટરનરી તબીબે સારવાર શરૂ કરી હતી પરંતુ ગંભીર ઇજા હોવાથી મોર મોતને ભેટી ગયો હતો.
Source: http://www.divyabhaskar.co.in/article/SAU-bullock-of-than-two-killer-lions-2742146.html

ડોળાસા નજીક દરવાજો તોડી ૩ ઢોરનું મારણ કરતા બે સાવજ.

2012-01-15T11:38:00.003+05:30

Source: Bhaskar News, Dolasa | Last Updated 2:57 AM [IST](12/01/2012)

- ઘઉંના પિયત ટાણે હિંસક પ્રાણીઓનાં હુમલાથી લોકોમાં ફફડાટ

કોડીનારનાં ડોળાસા નજીક આવેલા બોડીદર ગામની સીમમાં આજે વહેલી સવારે બે સિંહચઢી આવ્યા હતા અને ઢોરને બાંધ્યા હતા તે ઓરડીનો દરવાજો તોડી ૩ પશુનું મારણ કરતા ખેડૂત પરિવાર મૂંઝવણમાં મૂકાયો છે. હાલ ઘઉંના પિયતની સીઝન શરૂ થવાની સાથોસાથ હિંસક પ્રાણીઓનાં હુમલાઓ વધતા ખેડૂતો સહિત લોકોમાં પણ ફફડાટ મચ્યો છે.
બોડીદરનાં દાનાભાઇ અરજણભાઇ મોરાસીયાની જાંજરીયા - કાણકીયા રોડ પર આવેલી વાડીમાં આજે વહેલી સવારનાં ૬ વાગ્યાનાં અરસામાં બે સિંહચઢી આવ્યા હતા. દાનાભાઇએ માલઢોર માટે બનાવેલા અલગ એક પાકા મકાનનો દરવાજો તોડી સાવજોએ બે બળદ અને એક ગાયને ફાડી ખાધી હતી.
બે સિંહોનો ઘુરકાટ અને બળદોનાં ભાંભરડા સાંભળી ખેડૂત પરિવાર જાગી ગયો હતો અને તેની નજર સામે જ આવી ચઢેલા બે સિંહે સવારનાં ૬:૩૦ વાગ્યા સુધી મારણની મજિબાની માણી હતી. આ અંગે વન વિભાગને જાણ કરતા જશાધાર બીટનો સ્ટાફ દોડી આવ્યો હતો.
Source: http://www.divyabhaskar.co.in/article/SAU-two-lion-hunting-three-cattle-near-dolasa-2740500.html

કૂવામાં પડેલા સિંહબાળને બચાવી તંત્રે સિંહણ સાથે મિલાપ કરાવ્યો.

2012-01-15T11:36:00.005+05:30

Source: Bhaskar News, Dhari | Last Updated 1:58 AM [IST](10/01/2012)

ગીર પુર્વની જસાધાર રેન્જમાં ગીર ગઢડા ગામની સીમમાં આવેલ એક વાડીના કુવામાં ગઇરાત્રે સિંહણનું બચ્ચુ કુવામાં પડી જતા સિંહણ વહિવળ બની હતી. વનવિભાગની રેસ્કયુ ટીમે બે કલાકની જહેમત ઉઠાવી બચ્ચાને કુવામાંથી જીવીત બહાર કાઢી માતા સાથે મિલાપ કરાવ્યો હતો.
ગીર પુર્વના જસાધાર રેંન્જમાં ગીર ગઢડાની સીમમાં ઉના રોડ પર આવેલ પ્રતાપભાઇ મોરીની વાડીએ ગઇરાત્રીના બે સિંહણ પોતાના ત્રણ બચ્ચા સાથે આવી ચડી હતી. કડકડતી ઠંડીમાં સિંહણ પોતાના બચ્ચા સાથે વાડીમાં આવેલ કુવાકાંઠે ગમ્મત કરતી હોય અચાનક એક બચ્ચુ કુવામાં પડી જતા સિંહણે આક્રંદ કરી મુકયુ હતું.
વાડી માલિક પ્રતાપભાઇ અવાજ થતા જાગી ઉઠયાં હતા અને કુવામાં લાઇટ કરી જોયુ તો સિંહણનું બચ્ચુ તરતુ હતુ. તુરત જ તેઓએ વનતંત્રને જાણ કરતાં રેસ્કયુ ટીમ ઘટના સ્થળે દોડી ગઇ હતી. અને કુવામાં ખાટલો નાખી બે કલાકની જહેમત ઉઠાવી રેસ્કયુ ઓપરેશન હાથ ધરી સિંહના બચ્ચાને જીવીત બહાર કાઢયું હતું. બંને સિંહણો વાડી નજીક જ ઉભી હોય બચ્ચુ જીવીત હોય માતા ગેલમાં આવી ગઇ હતી.
Source: http://www.divyabhaskar.co.in/article/SAU-tantra-saved-baby-lion-and-give-to-lioness-2731040.html

ફાંસલામાંથી બચાવાયેલા સિંહબાળનું સારવારમાં મોત.

2012-01-15T11:33:00.005+05:30

Source: Bhaskar News, Junagadh | Last Updated 1:36 AM [IST](14/01/2012)

- લોહી વહી ગયા બાદ સક્કર બાગ ઝૂ ખાતે રખાયું‘તું

- હિમોગ્લોબિન ઘટી જતાં મૃત્યુ થયાનું પ્રાથમિક તારણ
ગીરનાર જંગલની ઉત્તર રેન્જમાં રતનપરા બીટ પાસેથી ગત માસે ફાંસલામાં ફસાયેલા એક સિંહબાળને બચાવી જૂનાગઢનાં સક્કરબાગ ઝૂ ખાતે મોકલાયું હતું. આ સિંહબાળનાં પગની બે આંગળીઓ કપાઇ ગઇ હતી. અને લોહી વહી જતાં હીમોગ્લોબીન ઓછું થઇ ગયું હતું. પરિણામે તેનું સારવાર દરમ્યાન મોત થયું હતું.
ગીરનાર જંગલની ઉત્તર ડુંગર રેન્જમાં રણશીવાવ રાઉન્ડની રતનપરા બીટ પાસે રેવન્યુ વિસ્તારમાં ગત તા. ૧૪-૧૨-૨૦૧૧ નાં રોજ એક સિંહ બાળ ફાંસલામાં ફસાઇ ગયું હતું. ફોરેસ્ટ સેટલમેન્ટની જમીનમાં રાનીપશુઓની રંજાડને કારણે વાડી સંચાલક મેરૂ હસન હોથીએ ફાંસલો ગોઠવ્યો હતો. જેમાં દોઢ વર્ષનું સિંહબાળ ફસાઇ ગયું હતું. ફાંસલામાંથી છુટવા માટે આ બાળ વનરાજે ફાંફાં મારતાં તેનાં જમણા પગની બે આંગળી પોંચામાંથી જ કપાઇ ગઇ હતી. અને શરીરમાંથી પુષ્કળ પ્રમાણમાં લોહી વહી ગયું હતું.
પરિણામે તેને સારવાર માટે સક્કરબાગ ઝૂ ખાતે લાવવામાં આવ્યું હતું. જ્યાં બે દિવસ પહેલાં તેનું મૃત્યુ થયું હતું. તેનાં મૃતદેહની અંતિમક્રિયા ઝૂ ખાતે જ કરાઇ હતી. આ અંગે ઝૂનાં ડાયરેક્ટર ડી.એફ.ઓ. વી. જે. રાણાએ જણાવ્યું હતું કે, તેનું હીમોગ્લોબિન ૫૦ ટકાથી વધુ ડાઉન થતાં રીકવરી નહોતી આવી અને કાર્ડીયાક ફેલ્યોર (હૃદય બંધ) થઇ ગયું હતું. તેમણે વધુમાં ઉમેર્યું હતું કે, માનવીને જો લોહીમાં હીમોગ્લોબિન ઘટી જાય તો બનતાં પ્રાણી જેટલી જ વાર લાગે પરંતુ તેને બ્લડ ટ્રાન્સફ્યુઝન કરી શકાય પરંતુ પ્રાણીઓમાં એ શક્ય નથી.
Source: http://www.divyabhaskar.co.in/article/SAU-baby-lion-dies-near-ratanpara-beat-2746643.html

ગીરના ‘સાવજો’ જોવા ઉપરાષ્ટ્રપતિ આજે સાસણ આવશે.

2012-01-08T12:23:00.001+05:30

Source: Bhaskar News, Sasan(Gir) | Last Updated 12:27 AM [IST](08/01/2012)

- ઉપરાષ્ટ્રપતિની મુલાકાતને લઇને વહીવટી અને પોલીસ તંત્ર સાબદુ

- રાત્રે સિંહ સદનમાં સીદી ધમાલ નૃત્ય સહિત નિહાળશે
ગીર પંથકની શાન સમા ‘સિંહો’ ને જોવા લ્હાવો હોય તે લ્હાવો લેવા ભારતનાં ઉપરાષ્ટ્રપતિ હામીદ અંસારી આવતીકાલે રવિવારે સિંહદર્શન કરવા સાસણની મુલાકાતે આવી રહ્યા છે. ઉપરાષ્ટ્રપતિનાં એક દિવસનાં રોકાણમાં સિંહદર્શન, સીદી ધમાલ ન્úત્ય, ગુજરાતી રાસ ગરબા અને વાઇલ્ડ લાઇફ મુવી સહિતનાં કાર્યક્રમો તેઓ નહિાળનાર છે જ્યારે તેઓની મુલાકાતને લઇને રેવન્યુ, પોલીસ, વનતંત્રનાં ઉચ્ચ અધિકારીઓ સાસણ પહોંચી ગયા છે અને ચુસ્ત બંદોબસ્ત ગોઠવી દીધો છે.
સાસણ (ગીર) ખાતે આવતીકાલે આવનારા ભારતનાં ઉપરાષ્ટ્રપતિ અંસારી રવિવારે બપોરે એક વાગ્યા આસપાસ ભાલછેલ ખાતે બનાવાયેલા હેલીપેડ ઉપર વાયુદળનાં હેલીકોપ્ટર મારફત આવી પહોંચશે. ત્યાં રાજ્ય સરકાર વતી મંત્રી જયનારાયણ વ્યાસ, મંગુભાઇ પટેલ, ઇન્ચાર્જ કલેક્ટર વિભ્રભાલ સહિત અધિકારીઓ તેમનું સ્વાગત કરી સીધા તેમને સાસણ સિંહસદન ખાતે લઇ જવાશે. ઉપરાષ્ટ્રપતિ હામીદ અંસારી અને તેમના ધર્મ પત્ની સહિત અહીના સિંહસદનમાં સ્પે. સ્યુટ ‘ધ ગીર’માં રોકાણ કરશે.
બપોરનું લંચ સિંહસદનમાં લઇ ચાર વાગ્યા આસપાસ વન વિભાગનાં અધિકારીઓ સાથે ઉપરાષ્ટ્રપતિ સહિત કાફલો સિંહદર્શન કરવા ગીર અભયારણ્યમાં જશે. ત્યારબાદ પરત ફરી સિંહસદનમાં વાઇલ્ડ લાઇફ આધારીત ડોકયમેન્ટ્રી ફિલ્મ નહિાળશે. બાદમાં સાંજે સીદી ધમાલ ન્úત્ય અને ગુજરાતી ગરબાનાં કાર્યક્રમો માણ્યા બાદ ડીનર લઇ સિંહસદનમાં આરામ કરશે. જો કે સવારે ફરી ગીર જંગલની મૂલાકાત જશે. ત્યાંથી પરત ફરી લંચ લઇ બપોરે દિલ્હી પરત જવા રવાના થનાર છે.
સલામતી વ્યવસ્થા ગોઠવાઇ -
ઉપરાષ્ટ્રપતિનાં ૨૪ કલાકનાં રોકાણનાં કાર્યક્રમને લઇ વહિવટીતંત્ર એ તમામ તૈયારીઓ પૂર્ણ કરી લીધી છે. સાસણથી ભાલછેલ હેલીપેડ સુધી પોલીસનું સતત પેટ્રોલીંગ અને બંદોબસ્ત રહેશે. ઉપરાષ્ટ્રપતિનાં આગમનને લઇ સાસણ પંથકમાં સુરક્ષાની કિલ્લેબંધી કરી દેવામાં આવી છે.
Source: http://www.divyabhaskar.co.in/article/SAU-hameed-anasari-will-come-today-in-sasan-for-see-lions-2723310.html

‘સાવજો જ્યાં-જ્યાં વસ્યા તેને અભયારણ્ય જાહેર કરવા જોઇએ’.

2012-01-08T12:21:00.001+05:30

Source: Arjun Dangar, Junagadh | Last Updated 1:18 AM [IST](08/01/2012)

- સિંહો જે રસ્તે જતાં હોય તે રસ્તા બચાવવા પણ અભ્યાસ કરવો જોઇએ
- જે રીતે વસ્તી વધે તે જોતા સિંહોનાં સંવર્ધન-સંરક્ષણ માટે ભવિષ્યનું આયોજન કરવું જરૂરી
હાલ ગીર જંગલમાં સાવજોની સંખ્યા ૪૧૧ હોવાનું છેલ્લી ગણતરીમાં જાહેર થયું છે. આગામી વર્ષોમાં હજુ પણ સિંહોની સંખ્યા વધશે ત્યારે સિંહોએ અન્ય જે જગ્યાઓ પર વસવાટ કર્યો છે તેવા વિસ્તારોને પણ અભ્યારણ જાહેર કરી ભવિષ્યનું આયોજન કરવું જોઇએ તેમ જુનાગઢ આવેલા નેશનલ વાઇલ્ડ લાઇફ બોર્ડની સ્ટેન્ડીંગ કમિટીનાં સભ્યો ડૉ. દિવ્યભાનુસિંહ ચાવડાએ ‘દિવ્ય ભાસ્કર’ સમક્ષ જણાવ્યું હતું.
ડૉ. દિવ્યભાનુસિંહ ચાવડાએ જણાવ્યું હતું કે, ગુજરાત સરકારે સિંહોનાં સંવર્ધન અને સંરક્ષણ માટે ચોક્કસપણે સારૂં કામ કર્યું છે. પરંતુ ભવિષ્યમાં હજુ પણ સિંહોની સંખ્યા વધવાની છે.
ત્યારે અભ્યાસ કરીને સિંહો જે રસ્તા પર વધુ જતાં હોય તે રસ્તા બચાવવા જોઇએ. ઉપરાંત હાલ સિંહોએ વિરડી કે નાના જંગલોમાં જ્યાં વસવાટ કર્યો છે તે બધાને અભ્યારણ્ય જાહેર કરવા જોઇએ. તેમણે કહ્યું હતું કે, વનવિભાગ દ્વારા આ દિશામાં અભ્યાસ થઇ રહ્યો છે કે નહીં એ મને ખબર નથી. પરંતુ જો ન થયો હોય તો લોકોને સાથે લઇ આવું આયોજન કરવું જોઇએ. આ માટે જે જમીન ખરીદવાની થતી હોય તો સરકારે તે માટે બજાર કિંમત જ ચૂકવવી જોઇએ તેવું પણ તેમણે જણાવ્યું હતું.
અમુક સિંહો એમપી મોકલવામાં વાંધો નથી: ડૉ. ચાવડા
ડૉ. દિવ્યભાનુસિંહ ચાવડાએ કહ્યું કે, અમુક સિંહોને સૌરાષ્ટ્રથી દૂર મોકલવામાં વાંધો નથી. તાન્જાનીયામાં જે બન્યું હતું તે રીતે કોઇ રોગ આવે તો ખતરો ઉભો થઇ શકે. અહીં જે સિંહો છે તેમાંથી થોડા મધ્યપ્રદેશ મોકલાય તો કંઇ ખોટું નથી.
અગાઉ ક્યા-ક્યા હતો સાવજોનો વસવાટ -
ગત શતકમાં દક્ષિણ અને ઉત્તર ગુજરાતમાં અનેક સ્થળે સિંહનો વસવાટ હતો. જેમાં ઇ.સ. ૧૮૧૪-પાલણપુર, ૧૮૩૦-અમદાવાદ, ૧૮૩૨-વડોદરા, ૧૮૩૪-હરિયાણા, ૧૮૩૬-અમદાવાદ, ૧૮૬૦-ગુણા (આરાવળ), ૧૮૭૨-અનાદરા, ૧૮૭૮-ડીસા, ૧૮૮૦-પાલણપુર, ૧૮૮૧,૧૮૯૧-આબુ. જો કે, આજે સાવજોનો વસવાટ ગીરપ્રદેશમાં હોવાનો પણ બ્લેન્ફોર્ડે એક બુકમાં ઉલ્લેખ કર્યો છે.
Source: http://www.divyabhaskar.co.in/article/SAU-wherever-lions-lived-it-shoul-be-abhyaranya-2725000.html?OF1=

ઘાયલ સિંહને પાંજરે પૂરી સારવારમાં ખસેડાયો.

2012-01-08T12:17:00.003+05:30

Source: Bhaskar News, Amreli | Last Updated 1:50 AM [IST](08/01/2012)

જાફરાબાદ તાલુકાના ચૌત્રા ગામની સીમમાં એક આઠેક વર્ષની ઉંમરનો બિમાર સિંહ સુનમુન અવસ્થામાં ઝાડ નીચે બેઠો હોય વનતંત્રને જાણ થતા તેમના સ્ટાફે આ સિંહને પાંજરે પુરી સારવાર માટે એનીમલ કેર સેન્ટરમાં ખસેડયો છે. સિંહ બિમાર હોવાની લોકોએ જાણ કરી ત્યારે છેક વનતંત્રને ખબર પડી હતી.
સાવજોની રક્ષા માટે સરકાર કરોડો રૂપીયાનો ખર્ચ કરે છે. આમ છતાં સરકારી કર્મચારીઓ દિલ દઇને કામ કરતા નથી. તો બીજી તરફ લોકોમાં સાવજોની રક્ષા માટે જાગૃતિ વધતી જાય છે. જેને પરીણામે ઘાયલ કે બિમાર સિંહ ક્યાંય હોય તો વનતંત્ર પહેલા આમ જનતાને ખબર પડી જાય છે. આવું જ જાફરાબાદ તાલુકાના ચૌત્રા ગામે બન્યુ છે. જ્યાં એક બિમાર સિંહ મોતને ભેટે તે પહેલા લોકોએ વનતંત્રને તેની જાણ કરી સારવારમાં ખસેડવામાં મહત્વપૂર્ણ ભૂમિકા ભજવી છે. આશરે આઠેક વર્ષની ઉંમરનો એક સિંહ બિમાર હોય સુનમુન બની ગયો હતો અને ચૌત્રા ગામની સીમમાં આંબાના વૃક્ષ નીચે બેઠો હોય આ સિંહને જોવા માટે લોકોના ટોળેટોળા દોડી ગયા હતા.
બીજી તરફ હિંમતભાઇ હરીભાઇ ભંડેરીની વાડીમાં એક સિંહ બિમાર હોવાની વનતંત્રને જાણ કરાતા જંગલખાતાની રેસ્કયુ ટીમ તેના ફોરેસ્ટર એન.બી. ડેર વગેરે અહિં દોડી ગયા હતા અને આ સિંહને પાંજરે પુરી સારવાર માટે એનીમલ કેર સેન્ટરમાં ખસેડયો હતો.
Source: http://www.divyabhaskar.co.in/article/SAU-injured-lion-sent-to-treatment-in-chautras-farm-2724682.html

ખાંભા પંથકમાંથી દુર્લભ સરિસૃપ 'ક્રેમલીન' મળ્યું.

2012-01-07T12:54:00.000+05:30

અમરેલી તા. ૩
ખાંભા તાલુકાનાં જીકીયાળી નજીકથી ક્રેમલીન નામનું દુર્લભ પ્રજાતિનું પ્રાણી મળી આવતા એ પ્રાણીને ટીખળીખોરોના પંજામાંથી છોડાવી સુરક્ષિત સ્થળે છોડી દેવાયું હતું.
વિગત મૂજબ સાવરકુંડલા ખાંભા રોડ પર જીકીયાળી નજીક આજે આ દુર્લભ પ્રજાતિનું, સરિસૃપ પ્રકારનું પ્રાણી મળી આવ્યું હતુ. આ પ્રાણી રેરેસ્ટ ઓફ ધી રેરની વ્યાખ્યામાં આવે છે. ભાગ્યેજ જોવા મળે છે. આ પ્રાણી જીકીયાળી નજીક રોડ પર ચડી આવતા કેટલાક નાના બાળ ટીખળીઓએ એના ગળામાં ગાળિયો નાંખી બાંધી રમૂજ કરતા હતા.

ટીખળીખોરોનાં હાથમાંથી છોડાવી સુરક્ષિત સ્થળે છોડાયું

આ દરમિયાન, ખાંભાથી સાવરકુંડલા પરત ફરી રહેલા દેવ આસ્થા ટ્રષ્ટના સદસ્ય નીલેશ મહેતા અને હરદીપ ચાંદુની નજર પડતાં તેમણે આ વિચિત્ર લાગતા પ્રાણીને ટીખળીખોરોના હાથમાંથી છોડાવી તસવીરો લઈ બાદમાં સુરક્ષિત સ્થળે છોડી મુકવામાં આવ્યું હતું. વન્ય પ્રેમીઓના મતે કાંચીડાની પ્રજાતિ અને સરિસૃપ વ્યાખ્યામાં આવતું ક્રેમલિન મધ્ય ગીર અને બરડા ડુંગર, કચ્છ, પાલીતાણા વિસ્તારના ડુંગરાળ વિસ્તારમાં નામશેષ અવસ્થામાં રહ્યા છે. એ એકદમ બિનઝેરી હોય છે. લીલા કાચ જેવો કલર હોય છે. આ પ્રાણીને ઝેરી સમજી લોકો મારી નાંખતા હોય છે.
Source: http://www.sandesh.com/article.aspx?newsid=24008

લીલીયાના ખારાપાટ વિસ્તારમાં વધતી સિંહોને રંઝાડવાની ઘટનાઓ.

2012-01-07T12:52:00.001+05:30

અમરેલી, તા.૨૯

લીલીયાના ખારાપાટ વિસ્તારમાં વસવાટ કરતા સિંહોને રંજાડવાના બનાવો વધી રહ્યાં છે. રાત્રિના સમયે બહારથી આવતા શખ્સો દ્વારા આરામ ફરમાવતાં સિંહોની પાછળ વાહનો દોડાવવાના બનાવો પ્રકાશમાં આવવા છતાં અસરકારક પગલાંના અભાવે તાજેતરમાં જ સંવનનમાં મશગુલ સિંહ યુગલ પાછળ વાહન દોડાવવાનો બનાવ પ્રકાશમાં આવ્યો છે.

સંવનનમાં મશગુલ સિંહ યુગલ પાછળ વાહન દોડાવાયું

અમરેલી જિલ્લાના ગ્રામ્ય વિસ્તારમાં સિંહોનો વસવાટ વધી રહ્યો છે. અહીં વસવાટ કરતા સિંહોને ખલેલ પહોંચાડવાની ઘટનાઓ સમયાંતરે ઘટતી રહે છે. થોડા સમય પહેલા સાવરકુંડલાના વડાલ વિસ્તારમાં મારણ બાંધીને સિંહોને બોલાવીને તેની પાછળ બાઈક દોડાવવાનો બનાવ બહાર આવ્યો હતો. ત્યાર બાદ લીલીયાના ક્રાંકચ ગામ નજીક શેત્રુજી નદીના પટમાં એસ.ટીના અધિકારીઓ દ્વારા સિંહની પાછળ જીપ દોડાવવાની ઘટના બની હતી. આવી ઘટનાઓ પ્રકાશમાં આવી છે છતા સંબંધીત તંત્ર દ્વારા કડક પગલાંના અભાવે બહારના શખ્સો સિંહોને ખલેલ પહોંચાડવાના હિન કૃત્યો આચરી રહ્યાં છે. આવો જ એક વધુ બનાવ બહાર આવ્યો છે. લીલીયાના ખારાપાટ વિસ્તારમાં ૨૪ જેટલા સિંહ વસવાટ કરી રહ્યાં છે તે ખારાપાટમાં એક સિંહ યુગલ સંવનન કરી રહ્યું ત્યારે કેટલાક શખ્સો એક વાહનમાં આવ્યા હતાં અને સંવનન કરતા સિંહ યુગલની નજીક વાહન લઈ ગયાં હતાં. સિંહ યુગલે પરેશાન થઈ સંવનન પડતું મુકી દીધુ હતું. આ ઘટના બાદ સફેદ કલરની જીપમાં આવેલા કેટલાક શખ્સોએ ખારાપાટમાં જ સિંહો પાછળ વાહન દોડાવી સિંહોને પરેશાન કરી મુક્યા હતાં. આવી ઘટનાઓ ખારાપાટ વિસ્તારમાં સમયાંતરે બની રહી હોય વન વિભાગ દ્વારા ઘટતાં પગલાં લેવાની જરૂર જણાઈ રહી છે.
Source: http://www.sandesh.com/article.aspx?newsid=22687

૧૧ કુંજ પક્ષીનો શિકાર કરનારા પાંચ મુસ્લિમ શખ્સોની ધરપકડ.

2012-01-07T12:48:00.003+05:30

કોડીનાર તા.૫:

વિદેશથી અહીંના વેલણના દરિયાકિનારે આવેલા યાયાવર ૧૧ કુંજ પક્ષીઓનો શિકાર કરવામાં સંડોવાયેલા અને પોલીસને જોઈ નવા નકોર બાઈકો છોડીને નાસી છુટેલા છ પૈકી પાંચ શખ્સોને આજે પોલીસે પકડી લીધા હતાં. જયારે એક નાસી છુટવામાં સફળ થયો હતો. પકડાયેલા તમામ શિકારી શખ્સો મુસ્લિમ છે. આવતીકાલે આ બધાને અદાલતમાં વનવિભાગ રજુ કરશે અને તપાસ માટે રિમાન્ડ માંગશે.

એક શખ્સ હજૂ ફરાર : કાલે અદાલતમાં રજુ કરી રિમાન્ડ માંગવામાં આવશે

ગત તા.૩૧મીએ સ્થાનિક પોલીસ અધિકારીઓએ દરિયા વિસ્તારમાં જઈ શિકારના ઈરાદે આવેલા શખ્સોને પડકારતા છ શખ્સો નવા બાઈક છોડીને મુઠ્ઠીઓ વાળીને નાસી છુટયા હતા. કોડીનાર પોલીસે શિકાર બનેલા ૧૧ કુંજ પક્ષીઓના મૃતદેહ વનવિભાગને સોંપ્યા હતા. બાદમાં જામવાળા રેન્જના એસીએફ ડો.અંજુમન શર્માએ તપાસ હાથ ધરી હતી. તપાસના ધમધમાટ દરમિયાન આજે શિકાર કરનારા આરોપીઓને જાલેશ્વર નજીકથી પકડી પાડયા હતા.
જુમાં સલીમ નુરા ભેંસાનીયા, ગફુર સુલેમાન , અસલમ સુલેમાન, યુસુફ સુલેમાન, તમામ જાલેશ્વરનો સમાવેશ થાય છે. જ્યારે ફિરોઝ હુશેન ઢાકી ફરાર થઈ ગયો હતો. જેની શોધખોળ ચાલુ કરાઈ છે. આ બધાને આવતીકાલ અદાલતમાં રજૂ કરવામાં આવશે. બનાવ અંગે આરએફઓ પી. પુરૂષોત્તમ અને ફોરેસ્ટર એમ.એમ. ભરવાડ તપાસ ચલાવી રહ્યા છે.

શિકારીઓ કેવી રીતે શિકાર કરતા હતા ?

કોડીનાર : જામવાળા રેન્જના એસીએફ ડો.અંજુમન શર્માએ જણાવ્યું હતું કે, શિકારીઓ પતંગ આકારની બે જાળો દરિયા કિનારે રાખે છે. જાળ વચ્ચે અંતર રાખી તાર વડે વચ્ચેની જાળ બાંધી દે છે. પક્ષીઓ પાણીમાં રહેલી જાળમાં બેસે એટલે બન્ને બાજુથી પતંગની જાળો તારથી તેને હવામાં ખેંચી એ સાથે જ વચ્ચેની જાળમાં ફસાઈ પક્ષી ઉપર આવે છે. તેને પકડીને શિકારીઓ મારી નાંખે છે.
Source: http://www.sandesh.com/article.aspx?newsid=24780

સિંહદર્શન માટે જંગલમાં મંજૂરી વગર પ્રવેશેલા છ શખ્સ ઝડપાયા.

2012-01-07T12:43:00.001+05:30

વેરાવળ તા.૩૦

બાબરા વીડીમાં વાસધાર વિસ્તારમાં આજે બપોરે ગેરકાયદે સિંહ દર્શન કરવા આવેલા છ જેટલા પ્રવાસીઓને વનવિભાગે ઝડપી લઇ પાંચ હજારનો સ્થળ પર જ દંડ વસૂલ કરાયો હતો.
· બાબરા વીડીમાં વાસધાર વિસ્તારમાં
· સ્થળ પર જ વન વિભાગ દ્વારા પાંચ હજારનો દંડ વસૂલ કરાયો
સિંહ દર્શન કરવા જીવનનો એક લ્હાવો છે. પરંતુ વનવિભાગની મંજૂરી લીધા વગર ગેરકાયદે જંગલમાં પ્રવેશ કરી સિંહ દર્શન કરવો એ એક ગુન્હો બને છે. જો કે, ઘણા પ્રવાસીઓ આવી ભુલ કરે છે. ત્યારે આજે બપોરે ૨-૩૦ વાગે અમદાવાદના રાજુભાઇ ધુલજીભાઇ પટેલ, સમીરભાઇ રમેશભાઇ પટેલ, કિશન જેન્તીલાલ તેમજ જૂનાગઢના પ્રકાશ અરજણભાઇ આહિરને બાબરાના બાલા અરજણ ચાવડા તથા ભીમશી અરજણ વાળા સિંહ દર્શન કરાવવા માટે જંગલમાં ગેરકાયદે પ્રવેશ કરી બાબરા વીડીમાં વાંસધાર વિસ્તારમાં જતાં હતા ત્યારે ગડુ રાઉન્ડ ફોરેસ્ટર યુ.જી.યોગેશ્વર અને ફોરેસ્ટ ગાર્ડ બાબરા પી.એમ.રાઠોડે ઝડપી લીધા હતા. આ શખ્શો સામે ગુનો નોંધી સ્થળ પર જ પાંચ હજાર રૂપિયાનો દંડ વસુલ કર્યો હતો.
Source: http://www.sandesh.com/article.aspx?newsid=23175

આઠમીએ ઉપરાષ્ટ્રપતિ ગીર જંગલની મુલાકાતે.

2012-01-07T12:41:00.003+05:30

જૂનાગઢ, તા.૨૯

વિશ્વ પ્રસિદ્ધ એશિયાઈ સાવજો જ્યાં વસવાટ કરે તે ગિર જંગલની મૂલાકાતે આગામી તા.૮ ના રોજ ઉપરાષ્ટ્રપતિ આવી રહ્યા છે. તેમનો સત્તાવાર કાર્યક્રમ પણ તંત્ર પાસે આવી ગયો છે.

વનવિભાગ અને પોલીસ તંત્ર દ્વારા તૈયારીઓ શરૂ

થોડા સમય પહેલા રાષ્ટ્રપતિ પ્રતિભા પાટીલે ગિર જંગલની મૂલાકાત લઈને સિંહો નિહાળ્યા હતાં. દરમિયાનમાં મળતી વિગતો અનુસાર આગામી તા.૮ જાન્યુઆરીના રોજ ઉપરાષ્ટ્રપતિ પણ ગિર અભયારણ્યની મૂલાકાતે આવી રહ્યા છે. તેમનો સત્તાવાર કાર્યક્રમ પણ તંત્ર પાસે આવી જતા વહીવટી તંત્ર, વનવિભાગ અને પોલીસ તંત્ર દ્વારા તૈયારીઓ શરૂ કરી દેવામાં આવી છે. અત્રે ઉલ્લેખનીય છે કે, ખૂશ્બુ ગુજરાત કી ફિલ્મ બાદ સાસણમાં પ્રવાસીઓનો ધસારો વધી ગયો છે.
Source: http://www.sandesh.com/article.aspx?newsid=22715

વન વિભાગે ૩૬ લાખના ખર્ચે વાવેલા વૃક્ષોમાંથી ૯પ ટકા વૃક્ષો ઉગ્યા નથી.

2012-01-07T12:38:00.000+05:30

પોરબંદર તા.ર૭

પોરબંદરના વન વિભાગ દ્વારા છેલ્લા ૩ વર્ષમાં રૂ.૩૬ લાખના ખર્ચે વાવેતર કરાયેલા અઢી લાખ જેટલા વૃક્ષોમાંથી કેટલા વૃક્ષો જીવંત છે તેની કોઈ જ માહિતી વન વિભાગ પાસે નથી. વન વિભાગ પાસે આ અંગે માહિતી માંગનાર એડવોકેટ અને આર.ટી.આઈ એકટિવિસ્ટે આક્ષેપ કરી મુખ્યમંત્રીને ફરિયાદ કરી છે કે, વન વિભાગ દ્વારા વાવેતર કરાયેલ આ વૃક્ષોમાંથી ૯પ ટકા વૃક્ષો નાશ પામ્યા છે.

ત્રણ વર્ષમાં વાવેતર કરાયેલા ર,૬૮,૪પ૭ વૃક્ષોમાંથી કેટલા વૃક્ષો જીવંત છે ?

પોરબંદરના આર.ટી.આઈ એકટિવિસ્ટ ભનુભાઈ ઓડેદરાએ પોરબંદર વન વિભાગ પાસે છેલ્લા ૪ વર્ષમાં વન વિભાગે વાવેલા વૃક્ષો અંગે અને આ વૃક્ષોના વાવેતર પાછળ થયેલા ખર્ચ અંગે તથા હાલ આ વાવેતર કરાયેલા વૃક્ષોમાંથી કેટલા વૃક્ષો હયાત છે ? તે અંગે માહિતી માંગી હતી.
જે માહિતીના જવાબમાં વન વિભાગે ભનુભાઈને જણાવ્યું હતું કે, વન વિભાગ દ્વારા રૂ.૩પ લાખ ૭૪ હજાર ૧૮૩ ના ખર્ચથી કુલ ર,૬૮,૪પ૭ રોપાનું વાવેતર કર્યુ હતું. અને હાલ આ રોપામાંથી કેટલા રોપાઓ જીવંત છે તેની માહિતી કે, તેની કોઈ ટકાવારી વન વિભાગ પાસે ઉપલબ્ધ નથી તેવો જવાબ આપતા સરકારી પૈસાનો ધુમાડો કર્યા બાદ આ ખર્ચ કરાયેલા રૂપિયાની સરકારી બાબુઓ દ્વારા કોઈ જ ખેવના નહી રખાતી હોવાનો ભનુભાઈએ આક્ષેપ કર્યો હતો. ભનુભાઈએ વધુમાં કહ્યું હતું કે, તેમની પાસે પ્રાપ્ત માહિતી મુજબ હાલ આ વૃક્ષોમાંથી ૯પ ટકા વૃક્ષો નાશ પામ્યા છે.
Source: http://www.sandesh.com/article.aspx?newsid=22099

રાજુલા નજીક ચાર સાવજોએ બે પશુઓનું મારણ કર્યું.

2012-01-07T12:14:00.000+05:30

Source: Bhaskar News, Rajula | Last Updated 1:49 AM [IST](07/01/2012)

- દુધાળા પશુઓનું મારણ થતાં માલધારીઓ પરેશાન
રાજુલા તાલુકાના ભચાદર અને રામપરા ગામે ગતરાત્રીના ચાર ડાલામથ્થા સાવજો આવી ચડયા હતા. ભચાદરમાં એક બળદનો અને રામપરામાં એક ધણખુટનું મારણ કરી મિજબાની માણી હતી. આ વિસ્તારમાં અનેક વખત સાવજો આવીને દુધાળા પશુઓના મારણ કરી રહ્યાં છે.
પ્રાપ્ત વિગત અનુસાર રાજુલા તાબાના ભચાદર અને રામપરા ગામે ગતરાત્રીના ચાર ડાલામથ્થા સાવજો પોતાની ભુખ સંતોષવા શિકારની શોધમાં છેક ગામ સુધી આવી ચડયા હતા. અને ભચાદર ગામે એક બળદને ફાડી ખાધો હતો. ત્યારબાદ આ સાવજો વધુ શિકાર મેળવવા રામપરા ગામે પહોચ્યા હતા જ્યાં એક ધણખુટનો શિકાર કરી નિરાંતે મજિબાની માણી હતી.
આ વિસ્તારોમાં અવારનવાર જંગલમાંથી સાવજો આવી જાય છે અને દુધાળા પશુઓનો શિકાર કરે છે. ગામમાં સાવજો આવી જતા ગામલોકોમાં ભય ફેલાયો હતો. ગામના ઘણા લોકોએ સિંહ દર્શનનો લ્હાવો લીધો હતો.
Source: http://www.divyabhaskar.co.in/article/SAU-four-lion-hunting-two-animal-near-rajula-2720683.html

લીલીયાના ક્રાંકચ નજીક બે સાવજોએ પાડાનું મારણ કર્યું.

2012-01-07T12:12:00.001+05:30

Source: Bhaskar News, Liliya | Last Updated 12:06 AM [IST](05/01/2012)

- શેત્રુંજી નદીના વહરાના આરા વિસ્તારમાં બનેલી ઘટન

લીલીયા તાલુકાના ક્રાંકચમાં શેત્રુંજી નદીના વહરાના આરા વિસ્તારમાં આજે સાંજના સુમારે બે સાવજો આવી ચડયા હતા અને એક પાડાનું મારણ કરી મજિબાની માણી હતી. આ પંથકમાં સાવજોની સંખ્યા વધારે હોય ગામડાઓમાં અવારનવાર સાવજો આવી જઇ દુધાળા પશુઓનું મારણ કરે છે.
પ્રાપ્ત વિગત અનુસાર લીલીયા તાલુકાના ક્રાંકચ ગામના વહરાના આરા વિસ્તારમાં આજે સાંજના સાતેક વાગ્યાના સુમારે બે ડાલામથ્થા સાવજો પોતાની ભુખ સંતોષવા શિકારની શોધમાં આવી ચડયા હતા. ત્યારે આ વિસ્તારમાં રામકુભાઇ બાબુભાઇ ખુમાણની માલિકીનો પાડો આંટા ફેરા મારતો હોય સાવજોની નજરે ચડતા બે સાવજો પાડા પર તુટી પડ્યાં હતાં.
સાવજોએ પાડાનું મારણ કરી નિરાંતે મજિબાની માણી હતી. મારણની આ ઘટના અંગે રામકુભાઇએ વનવિભાગને જાણ કરી હતી. સાવજોએ મારણ કર્યાના સમાચાર મળતા જ સિંહ પ્રેમીઓ સાવજના દર્શન કરવા આવી પહોંચ્યાં હતાં.
Source: http://www.divyabhaskar.co.in/article/SAU-two-lion-hunting-he-buffaloes-in-liliyas-krankach-2711945.html

ગીરમાં ફાંસલામાં ફસાવી વન્ય જીવોના આમ થાય છે ‘શિકાર’.

2012-01-07T12:10:00.001+05:30

Source: Bhaskar News, Amreli | Last Updated 12:59 AM [IST](03/01/2012)

- વાડીમાં ગેરકાયદે ફાંસલાઓ સામે ગીર નેચર યુથ ક્લબે વન મંત્રીને વિગતવાર રજૂઆત કરી

- પ્રવૃતિ અટકાવવા તાકીદની માંગ
ગીર કાંઠાના ગામડાઓમાં શીકારીઓ દ્વારા વન્ય પ્રાણીઓના શીકાર માટે ખુલ્લેઆમ ફાંસલાઓનો ઉપયોગ કરવામાં આવી રહ્યો છે. ગીર કાંઠાના ક્યાં ક્યાં વિસ્તારોમાં આ પ્રકારની શીકારી પ્રવૃતિઓ ચાલી રહી છે તે અંગે ગીર નેચર યુથ ક્લબે વન મંત્રીને વિગતવાર રજુઆત કરી આ પ્રવૃતિ તાકીદે અટકાવવા માંગ કરી છે.
ગીર નેચર યુથ ક્લબના પ્રમુખ ભીખુભાઇ બાટાવાળા દ્વારા વનમંત્રી મંગુભાઇ પટેલને આ અંગે આજે લેખીત રજુઆત કરવામાં આવી હતી. જેમાં તેમણે જણાવ્યુ હતું કે ગીર પૂર્વની તુલશીશ્યામ રેંજમાં લાસા ગામના ધોકાધાર વિસ્તાર તથા જંગલની નજીક આવેલ વાડી-ખેતરો ધાવડીયા ગામ નજીક આવેલ ભુતપતી વિસ્તારમાં જંગલ તથા રેવન્યુ ક્ષેત્રમાં ગેરકાયદે ફાંસલા બાંધી નાના પશુ તથા પક્ષીઓનો શિકાર થઇ રહ્યો છે.
તેમણે જણાવ્યુ છે કે આ પ્રકારના ફાંસલામાં રક્ષીત પ્રાણીઓની સાથે સિંહ, દિપડા, જંગલી બિલાડી વગેરે પણ ફસાવાની શક્યતા રહે છે. કારણ કે થોડા સમય પહેલા રાજુલા પંથકમાં ફાંસલામાં ફસાઇને દિપડો મોતે ભેટ્યો હતો.
આવી જ રીતે ખાંભા તાલુકાના ભાણીયાના જંગલમાં તથા પીપળવા, ખડાધારના ખેતરાઉ કાચા રસ્તે ઉપરાંત ધાવડીયાનું જંગલ, ભાંગલવડ આશ્રમની આસપાસનો વિસ્તાર, નાનુડીનો લાપાળા ડુંગર તથા મીતીયાળા અભ્યારણ્યમાં વસવાટ કરતા સાવજ પરિવારો જ્યારે પણ મારણ કરે ત્યારે સિંહ દર્શન માટે મોટી સંખ્યામાં લોકો ભેગા થઇ જાય છે. આ તમામ પ્રવૃતિઓ ડામવા ગીર નેચર યુથ ક્લબે માંગ ઉઠાવી છે.
જિલ્લામાં સિંહ દર્શનની ગેરકાયદે પ્રવૃતિ
અમરેલી તથા જુનાગઢ જીલ્લામાં ગીર જંગલ તથા સિંહોના વિસ્તારમાં ઘુસી સિંહ દર્શનની ગેરકાયદે પ્રવૃતિ મોટાપાયે ચાલી રહી હોય અને વનતંત્ર મૌન હોય ગીર નેચર યુથ ક્લબે આ અંગે વનમંત્રીને રજુઆત કરી તાત્કાલીક પગલા લેવા માંગ કરી છે.
ગીર નેચર યુથ ક્લબે વનમંત્રીને પત્ર દ્વારા કરેલી રજુઆતમાં જણાવ્યુ છે કે લીલીયા તાલુકાના ક્રાંકચ વિસ્તાર, જુનાગઢ જીલ્લામાં બાબરાગીરી, રાજુલા-જાફરાબાદ પંથકના દરીયાકાંઠે વસવાટ કરતા સાવજોને લોકોની હેરાનગતી વધી છે. આ વિસ્તારમાં ગેરકાયદે સિંહ દર્શનની પ્રવૃતિ વધી પડી છે.
આ વિસ્તારમાં જ્યારે પણ મારણની ઘટના બને છે ત્યારે લોકોને ઝડપથી સંદેશાઓ પહોંચી જાય છે. બાદમાં લોકો દ્વારા કાંકરી ચાળો કરવામાં આવે છે .
સિંહોને તેમનો ખોરાક ખાવા દેવામાં આવતો નથી. અમુક કિસ્સામાં તો સિંહો પાછળ વાહન દોડાવવા જેવી ઘટનાઓ બને છે. વાહનોનો અવાજ, મોબાઇલના રિંગટોન કે પત્થરોના ઘા મારી સાવજોને પરેશાન કરવામાં આવે છે .વનખાતુ આ પ્રવૃતિ કરવાને બદલે નિષ્ક્રિય રહેતુ હોય સાવજોને કનડગત વધી છે.
ગીર નેચર યુથ ક્લબે એવી માંગણી પણ ઉઠાવી છે કે વનકર્મચારીઓ પેટ્રોલીંગ કરતા ન હોય જે વિસ્તારમાં ગેરકાયદે સિંહ દર્શનની પ્રવૃતિ પકડાઇ તે વિસ્તારના કર્મચારી કે અધિકારી સામે પગલા લેવાવા જોઇએ.
Source: http://www.divyabhaskar.co.in/article/SAU-forest-animal-hunting-like-strange-mathod-in-gir-2703972.html

ભલભલાને ધ્રુજાવનાર સાવજ પોતે જ ધ્રુજી ઉઠ્યો !

2012-01-07T12:08:00.000+05:30

Source: Bhaskar News, Amreli | Last Updated 2:40 AM [IST](02/01/2012)

- પગમાં કાંટો લાગતાં સાવજ હોસ્પિટલમાં..!
જંગલનો રાજા સાવજ સામે આવનાર ભલભલા પ્રાણીને ધ્રુજાવી નાંખે છે. પરંતુ સેમરડીના જંગલમાં એક સાવજને નાનો એવો કાંટો વાગતા તે લંગડો બની ગયો છે. લંગડાતા પગના કારણે તે શિકાર કરી શકે તેમ ન હોય અને તેના કારણે સાવજના જીવ પર જોખમ હોય વનતંત્રએ આ સાવજને પકડી સારવાર શરૂ કરી છે.
ગીરની શાન સમા સાવજને ભલે કોઇનો ડર ન હોય કે સાવજ સિવાય અન્ય કોઇ પ્રાણી ભલે તેના માટે જીવનું જોખમ ન હોય પરંતુ એક નાનો એવો કાંટો સાવજ માટે જીવનું જોખમ બની ગયો છે. ગીર પુર્વની દલખાણીયા રેંન્જમાં સેમરડીના જંગલમાં એક પુખ્ત ઉમરના સાવજને પગમાં કાંટો વાગી જતા પાક થઇ ગયો છે.
પાકના કારણે આ સાવજ લંગડા ચાલતો હોય શિકાર કરી શકતો ન હતો. જો જાજા દિવસ સાવજ શિકાર ન કરી શકે તો તેના જીવ સામે જોખમ ઉભુ થાય તેમ હોય વનતંત્રનું ધ્યાન પડતા આ સાવજને પાંજરે પુરવામાં આવ્યો હતો.
જંગલખાતાએ સાવજને પકડી સારવાર માટે જસાધારના એનીમલ કેર સેન્ટરમાં ખસેડવામાં આવ્યો છે. જ્યાં આ સાવજની સારવાર કર્યા બાદ તેને ફરી સેમરડીના જંગલમાં મુકત કરી દેવામાં આવશે.
Source: Bhaskar News, Amreli | Last Updated 2:40 AM [IST](02/01/2012)

મોટી કુંકાવાવમાં ફોરેસ્ટ કર્મી દ્વારા પત્રકાર પર હુમલો.

2012-01-07T12:06:00.001+05:30

Source: Bhaskar News, Vadiya | Last Updated 12:02 AM [IST](02/01/2012)

- પત્રકારોએ હુમલાખોર સામે કડક પગલા લેવા માંગ કરી
- પત્રકારને સારવાર માટે અમરેલી ખસેડાયો
- પત્રકાર જગતમાં ઘેરા રોષની લાગણી
મોટી કુંકાવાવમાં આજે ફોરેસ્ટ વિભાગના માથાભારે કર્મચારીએ કોઇ કારણ વગર જ સ્થાનિક પત્રકાર પર હુમલો કરી તેને માર મારતા આ પત્રકારને સારવાર માટે દવાખાને ખસેડાયા છે. ઘટનાને પગલે સ્થાનિક પત્રકાર જગતમાં ઘેરા રોષની લાગણી ફરી વળી છે. અને તેમણે કડક પગલા લેવા માંગ ઉઠાવી છે.
આ ઘટના આજે બપોરે કુંકાવાવમાં બસ સ્ટેશન પાસે બની હતી. સ્થાનિક પત્રકાર રાજુભાઇ યાદવ ખોડીયાર ટ્રાવેલ્સની ઓફિસ પાસે બેઠા હતા ત્યારે ફોરેસ્ટ વિભાગના માથાભારે કર્મચારી વાઘજી મુળજીભાઇ ડવે તેની સાથે કારણ વગર જ બોલાચાલી કરી હુમલો કર્યો હતો. તેમને ઢીકાપાટુનો મારમારી ઇજા પહોંચાડી મારી નાખવાની ધમકી આપી હતી.
ઘવાયેલા રાજુ યાદવને સારવાર માટે અમરેલી દવાખાને ખસેડવામાં આવેલ છે આ બારામાં તેણે વાઘજી ડવ સામે વડીયા પોલીસમાં ફરિયાદ નોંધાવી છે. બીજી તરફ આ ઘટનાને પગલે વડીયા કુંકાવાવ પત્રકાર જગતમાં ઘેરા રોષની લાગણી ફરી વળી છે. પત્રકારોએ હુમલાખોર સામે કડક પગલા લેવા માંગણી કરી છે.
Source: http://www.divyabhaskar.co.in/article/SAU-attack-on-journalist-by-forest-officer-in-moti-kunkavav-2700368.html

અને સાવજનું ટોળું શાળામાં ઘૂસી ગયું.

2012-01-07T12:04:00.001+05:30

Source: Bhaskar News, Liliya | Last Updated 12:07 AM [IST](01/01/2012)

લીલીયા તાલુકાના ક્રાંકચ ગામના પાદરમાં આજે વહેલી સવારે સાવજનું એક ટોળુ માધ્યમિક શાળામાં ઘુસી ગયુ હતું. બાદમાં સાવજનુ આ ટોળુ ગામની અંદર પણ ઘુસ્યુ હતું અને રામજી મંદિર પાસે વાછરડીનું મારણ કર્યું હતું.
ખારા પાટ વિસ્તારમાં વસતા સાવજો મારણની લ્હાયમાં છેક ગામડાઓની અંદર ઘુસી જતા પણ ખચકાતા નથી. આજે લીલીયા તાલુકાના ક્રાંકચ ગામમાં વહેલી સવારે સાવજોએ લટાર મારી હતી.
સૌ પ્રથમ સાવજો ગામના પાદરમાં આવેલી માધ્યમિક શાળામાં ઘુસ્યા હતાં. બાદમાં સાવજોનું આ ટોળુ ગામમાં ઘુસ્યુ હતું.
Source: http://www.divyabhaskar.co.in/article/SAU-lions-group-came-in-school-near-krankach-village-2697663.html

જાફરાબાદ નજીક સાવજે વાછરડાનું મારણ કર્યું.

2012-01-07T12:02:00.003+05:30

Source: Bhaskar News, Rajula | Last Updated 12:34 AM [IST](28/12/2011)

જાફરાબાદ તાલુકાના લોર ગામે ગતરાત્રીના એક સાવજે ગામમાં ઘુસી ફરજામાં બાંધેલ વાછરડાનો શિકાર કરી મિજબાની માણી હતી. રાત્રીના ગામમાં સાવજ આવી જતા લોકોમાં ફફડાટ ફેલાયો હતો. ગામમાં જ ઘુસીને સાવજે મારણ કરતા લોકોએ સિંહ દર્શનનો લ્હાવો પણ લીધો હતો.ગીરના સાવજો હવે ધીમે ધીમે ગામડાઓમાં ઘુસી રહ્યાં છે અને દુધાળા પશુઓના મારણ કરી રહ્યાં છે. ગીર જંગલની નજીક આવેલા ગામડાઓમાં અવારનવાર સાવજો આવી પહોંચે છે. જાફરાબાદના લોર ગામે ગતરાત્રીના ત્રણેક વાગ્યાના સુમારે એક સાવજ આવી ચડયો હતો. અને નાજાભાઇ રાણાભાઇ કળસરીયાના ફરજામાં બાંધેલ બે વર્ષના વાછરડાનો શિકાર કર્યો હતો.સાવજે ફરજામાં બાંધેલ વાછરડાને ઉપાડી દિવાલ ઠેકીને બાજુમાં આવેલા લીંબુડીના ઝાડ નીચે લઇ જઇ નિરાંત મજિબાની માણી હતી. વાછરડાઓ ભાંભરડા નાખતા નાજાભાઇ જાગી ગયા હતા પરંતુ ત્યાં તો સાવજ વાછરડાને પુરેપુરો ખાઇ ગયો હતો. ગામમાં સાવજ આવી ચડયાના સમાચાર ફેલાતા લોકોમાં ભય ફેલાયો હતો. લોકોએ સિંહ દર્શનનો લ્હાવો લીધો હતો.
Source: http://www.divyabhaskar.co.in/article/SAU-heifer-hunting-by-lion-near-jafrabad-2682739.html

વેરાવળ નજીક ૧૫૦ ફૂટ ઊંડા કૂવામાં દીપડી ખાબકી.

2012-01-07T11:58:00.001+05:30

Source: Bhaskar News, Veraval | Last Updated 2:22 AM [IST](07/01/2012)

- વનવિભાગે રેસ્કયુ ઓપરેશન હાથ ધરી

- ખાટલા વડે બહાર કાઢી બચાવી લેવાઈ
વેરાવળ તાલુકાના મલુઢા ગામે આવેલ વાડીના ૧૫૦ ફૂટ ઉંડા કુવામાં ગતરાત્રીના બારેક વાગ્યા આસપાસ એક વરસની દીપડી ખાબકતા તેને આજે સવારે રેસ્કયુ ઓપરેશન હાથ ધરી ખાટલા વડે બહાર કાઢી બચાવી લઈ સાસણ એનીમલ કેર સેન્ટર ખાતે મોકલી દીધેલ હોવાનું જાણવા મળેલ છે.
પ્રાપ્ત વિગતોનુસાર વેરાવળ તાલુકાના મલુંઢા ગામે કાદરભાઈ પીરભાઈની વાડીના કુવામાં ગત રાત્રીના બારેક વાગ્યા આસપાસ એક વર્ષની દીપડી ૧૫૦ ફુટ ઉંડા કુવામાં ખાબકી હતી. જેની જાણ કરાતા રાત્રીના સમયે જુનાગઢ ડીએફઓ આરાધના સાહુની સૂચનાથી વેરાવળના આર.એફ.ઓ. પરસાણા તથા ફોરેસ્ટર અપારનાથી સ્ટાફ સાથે ઘટના સ્થળે પહોચી જઈ કૂવામાં ખાબકેલ દિપડીની ખરાઈ કરેલ હતી.
ત્યારબાદ રાત્રીના સમયે દોરડા વડે ૧૫૦ ફૂટ ઉંડા કુવામાં જેમાં ૫૦ ફુટ પાણી ભરેલ હતું. કુવામાં ખાટલો ઉતારી રાત્રીના સમયે દિપડીને ખાટલામાં લઈ વીસેક ફુટ ઉંચી લઈ લીધેલ હતી. ત્યારબાદ આજે સવારે સાસણથી રેસ્કયુ ટીમ આવી ત્યારબાદ પાણીના કુવાની બાજુમાં પિંજરુ ગોઠવી રેસ્કયુ ઓપરેશન હાથ ધરવામાં આવેલ હતું. બે કલાકના રેસ્કયુ બાદ દિપડીને કુવામાંથી બહાર કાઢી તેને પાંજરે પુરવામાં વનવિભાગને સફળતા મળી હતી. દીપડીને કુવામાંથી બહાર કાઢી તેને પિંજરામાં પુરી સાસણ ખાતે એનીમલ કેર સેન્ટર ખાતે મોકલી દીધી હતી.
Source: http://www.divyabhaskar.co.in/article/SAU-leopard-fell-down-in-150-foot-deep-well-near-veraval-2721845.html

ડોળાસા નજીક સીમમાં સાવજ પરિવારના ધામા.

2012-01-07T11:56:00.001+05:30

Source: Bhaskar News, Dolasa | Last Updated 1:43 AM [IST](05/01/2012)

- સિંહ પરિવારે ગાયનું મારણ કરતાં ખેડૂતોમાં ફફડાટ
કોડીનાર તાલુકાનાં ડોળાસા પાસે જંત્રાખડીની સીમમાં એક સાવજ પરિવારે ધામા નાંખ્યા છે. આ સિંહ પરિવારે એક ગાયનું મારણ કરતાં ખેડૂતોમાં ફફડાટ ફેલાયો છે.
ડોળાસા પાસેનાં જંત્રાખડી ગામનાં કાદી વિસ્તાર તરીકે જાણીતી સીમમાં તા. ૩ નાં રોજ વ્હેલી સવારે એક સિંહ-સિંહણ અને ૩ બચ્ચાંએ ભીખાભાઇ રણશીભાઇ વાળાની વાડીમાં ચરતી એક રખડતી ગાયનું મારણ કર્યું હતું. ગામનાં સરપંચ હરીભાઇ ભીખાભાઇ પરમારને આ બનાવની જાણ થતાં તેઓએ જામવાળા ખાતે વનવિભાગને જાણ કરી હતી.
જંગલ વિભાગે ઘટનાસ્થળે દોડી ગયા બાદ સ્થળ નિરીક્ષણ કરતાં પાંચ સાવજોનાં સગડ મળ્યા હતા. હાલ આ વનરાજો કેશુભાઇ નોંધણભાઇ પરમારનાં શેરડીનાં વાડમાં છુપાયા હોવાનું અનુમાન થઇ રહ્યું છે. આ સિંહ પરિવારને પાંજરે પુરવા વનવિભાગે કવાયત હાથ ધરી છે.
હાલ ઘઉંમાં પિયતની મોસમ છે અને વીજળી પણ મોાટ ભાગે સાંજે જ અપાતી હોવાથી ખેડૂતોને ત્યારે જ પાણી વાળવા જવું પડે છે. એ સમયે સિંહોની ઉપસ્થિતીથી ખેડૂતોમાં ફફડાટ ફેલાયો છે.
Source: http://www.divyabhaskar.co.in/article/SAU-lion-family-came-near-dolasas-farm-2713128.html

ઊના નજીક શ્રમિક યુવાન પર દીપડાનો હુમલો.

2012-01-07T11:52:00.005+05:30

Source: Bhaskar News, Una | Last Updated 12:24 AM [IST](03/01/2012)

ઊનાનાં રામેશ્વર ગામની સીમમાં શેરડી કટાઇનું કામ કરતા શ્રમિક યુવાન પર દીપડાએ હુમલો કરી તેને ઘાયલ કરી દીધો હતો.
આ બનાવની મળતી વિગત મુજબ ઊનાનાં રામેશ્વર ગામની સીમમાં આજે બપોરનાં સુમારે દિનેશભાઇ માંડણભાઇ બાંભણીયા (ઉ.વ.૧૮) નામનો શ્રમિક યુવાન શેરડી કટાઇનાં કામમાં ગુંથાયેલો હતો. ત્યારે શેરડીનાં વાડમાં છુપાયેલા દીપડાએ અચાનક તેની ઉપર હુમલો કરી દેતા લોહીલુહાણ હાલતમાં ઊના સરકારી દવાખાને સારવારમાં ખસેડાયો હતો. ઊના તાલુકાનાં ગ્રામ્ય વિસ્તારોમાં દીપડાની સંખ્યા વધુ હોવાથી અવાર-નવાર વસાહત વિસ્તારમાં આવી ચઢી માલઢોરનાં મારણ કરી જાય છે.
ત્યારે હવે માનવ હુમલાનાં પણ બનાવો વધવા પામતાં ખેડૂતોમાં ભયની લાગણી છવાઇ છે. તાજેતરમાં વેરાવળના ઊંબામાં દીપડાના તરખાટ બાદ ઊના પંથકમાં પણ કાતિલ ઠંડીના મોજામાં દીપડાના હુમલાના બનાવથી ફફડાટ પણ પ્રસર્યો છે.
Source: http://www.divyabhaskar.co.in/article/SAU-leopard-attack-on-an-near-una-2704020.html

માળિયા નજીક સિંહે નિંદ્રાધીન વૃદ્ધાને કર્યા ઘાયલ.

2012-01-07T11:51:00.000+05:30

Source: Bhaskar News, Junagadh-Maliya | Last Updated 12:43 AM [IST](03/01/2012)

માળીયા હાટીનાનાં પાણકવા ગામે ગત રાત્રિનાં સમયે સિંહે ઓશરીમાં નિંદ્રાધીન વૃદ્ધાને ઘાયલ કરી દેતાં તેને જૂનાગઢની ખાનગી હોસ્પિટલ ખાતે સારવારમાં ખસેડાયા છે.
આ બનાવની પ્રાપ્તવિગત મુજબ બાબરા વીડીની નજીક આવેલા માળીયા હાટીનાનાં પાણકવા ગામે રહેતા જાનીબેન વાસાભાઇ પટાટ (ઉ.વ.૬૫) નામનાં વૃદ્ધા ગત રાત્રિનાં પોતાના મકાનની ઓશરીમાં મીઠી નિંદર લઇ રહ્યા હતા ત્યારે અચાનક સિંહે આવી ચઢી તેમનાં પર હુમલો કરી દેતાં રાડારાડી કરી મુકતાં ઘરના અન્ય સભ્યો જાગી ગયા હતા અને હોહા દેકારો કરી મુકતા સિંહ નાસી ગયો હતો. સિંહનાં હુમલાથી ગંભીર રીતે ઘવાયેલા જાનીબેનને જૂનાગઢની ખાનગી હોસિંપટલ ખાતે સારવારમાં ખસેડવામાં આવ્યા છે.
માનવ હુમલાનાં આ બનાવથી ગામમાં ગભરાટની લાગણી છવાઇ જવા પામી છે. પાણકવાની સીમમાં આશરે રપ સિંહોનો વસવાટ હોવાનું ગામ લોકો કરી રહ્યા છે. ૧લી જાન્યુ.નાં નવા વર્ષની રાત્રિનાં સિંહે ગાયનું મારણ કર્યું હતું. આ અંગે વનવિભાગનાં અધિકારી વંશ તથા પરસાણાને જાણ કરવા છતાં કોઇ પગલા લેવામાં આવતા ન હોવાનું ગામનાં હરદાસભાઇએ જણાવ્યું હતું.
ગુંદરણમાં દીપડાએ બાળકને ફાડી ખાધો -
તાલાલાનાં ગુંદરણ ગામે ગત શનિવારનાં શ્રમજીવી પરિવારનાં સાત વર્ષનાં બાળક કિસનને દીપડાએ ઉઠાવી જઇ ફાડી ખાધો હતો. આ બાળકની ત્યારબાદ ખોપડી જ મળી આવી હતી. મુળ સુરતનાં અને હાલ ગુંદરણ ગામે મજૂરી કામે આવેલ હતા. આ બનાવમાં પરમીલાબેન જેસીંગ દેવળીયા ગામીતે પોતાના પુત્રને દીપડાએ મોત નપિજવાનું જાહેર કરતા પોલીસ અને વન વિભાગે ધોરણસરની કાર્યવાહી
હાથ ધરી છે.
Source: http://www.divyabhaskar.co.in/article/SAU-lion-attacked-on-sleeped-adult-near-maliya-2703889.html