બાબરાવીડીમાંથી સિંહણનો કોહવાયેલો મૃતદેહ મળ્યો.

Bhaskar News, Junagadh | Apr 29, 2013, 02:49AM IST

- સાસણ એનિમલ કેર સેન્ટરમાં કરાયું પીએમ : બીમારીથી મોત થયાનું વન વિભાગનું અનુમાન

માળિયાહાટીનાનાં બાબરાવીડી જંગલમાંથી સિંહણનો સાવ કોહવાઇ ગયેલો મૃતદેહ મળી આવતાં સાસણ એનીમલ કેર સેન્ટર ખાતે પીએમ કરી મૃતદેહનો નિકાલ કરાયો હતો. આ સિંહણનું બિમારીથી મોત થયાનું વન વિભાગનું અનુમાન છે. માળિયાહાટીનાનાં બાબરાવીડી જંગલમાં કરમદાનાં ઢુવા પાસે ગતરાત્રિનાં ૧૦ વાગ્યાની આસપાસ સાવ કોહવાઇ ગયેલી હાલતમાં સિંહણનો મૃતદેહ લોકોને જોવા મળતાં બાબરા ગામનાં સરપંચને જાણ કરાઇ હતી.

આ અંગે વન વિભાગને વાકેફ કરાયા બાદ મધરાતનાં ત્રણ વાગ્યે એક ગાર્ડે આવી આ મૃતદેહને સાસણ એનીમલ કેર સેન્ટર ખાતે લઇ ગયેલ જ્યાં પીએમ કરી મૃતદેહનો નિકાલ કરાયો હતો. આ અંગે આરએફઓ પડશાળાનો સંપર્ક કરતા તેઓએ જણાવ્યું હતું કે આઠનાં ગ્રુપ પૈકીની આ સિંહણનું કોઇ બિમારીથી કુદરતી મોત થયાનું પ્રાથમિક અનુમાન છે. પીએમ રીપોર્ટમાં સિંહણને કોઇ બાહય ઇજા, ઉજરડા કે ઝખમ જોવા મળ્યા નથી. બે કે ત્રણ દિવસ પહેલા આ પાંચ થી છ વર્ષની ઉંમર ધરાવતી સિંહણનું મૃત્યું થયું હોવાનું જણાઇ છે.

- સિંહ મોતનો ત્રીજો બનાવ

બાબરાવીડીમાં અગાઉ ચાર મહિના અને એ પૂર્વે બે મહિના પહેલા એક-એક સિંહ બાળ મોતને ભેટયાં હતાં અને આજે વધુ એક સિંહણનું મોત થયું છે.  પ્રકૃતપિ્રેમી તપનભાઇ ઉપાધ્યાય સહિતનાં લોકો સ્થળ પર દોડી ગયેલ. મધરાતનાં ત્રણ વાગ્યે માત્ર ગાર્ડ આવેલ પરંતુ કોઇ અધિકારી ન આવતાં રોષની લાગણી વ્યક્ત કરી હતી. અહીંયા લાયન શો થતા હોવાનો અને વન વિભાગ દરકાર લેતું ન હોવાનાં પણ તપનભાઇએ આક્ષેપ કર્યો હતો.

ઊનાના એનિમલ કેર સેન્ટરમાં સિંહણનું મોત.

Bhaskar News,Una | Apr 28, 2013, 01:33AM IST

ગિર પૂર્વ વનવિભાગ હેઠળ આવતી જશાધાર રેન્જ જાણે કે ભગવાનનાં ભરોસે હોય એવા બનાવો છેલ્લા બે-ત્રણ દિવસો દરમ્યાન સામે આવ્યા છે. એક વિસ્તારમાં ઇજાગ્રસ્ત સિંહણની ભાળ હજુ સુધી મળી નથી. ત્યાંજ તુલસીશ્યામ રાઉન્ડમાંથી એક બિમાર સિંહણને જશાધાર એનિમલ કેર સેન્ટરમાં સારવાર માટે ખસેડાઇ હતી. જ્યાં તેનું સારવાર પહેલાંજ તે મોતને ભેટી હતી. આ બનાવનો આરએફઓએ સ્પષ્ટ ઇન્કાર કરી દીધો હતો.

અંતે ધારી ડીએફઓ દોડી આવ્યા બાદ તેમણે આ વાતને સમર્થન આપ્યું હતું. જશાધાર એનિમલ કેર સેન્ટર ખાતે મૃત્યુ પામેલી આ સિંહણને વેટરનરી તબીબની સારવાર ન મળી હોવાની ચર્ચાએ જોર પકડયું છે.

તુલસીશ્યામ રાઉન્ડની પીપળવા રેન્જમાંથી વનવિભાગની રેસ્ક્યુ ટીમે એક બિમાર સિંહણને પાંજરે પૂરી જશાધાર એનિમલ કેર સેન્ટર ખાતે ગઇકાલે ખસેડાઇ હતી. જ્યાં એનિમલ કેર સેન્ટરનાં તબીબ હાજર ન હોઇ તેનું યોગ્ય સારવારનાં અભાવે મૃત્યુ થયાની ચર્ચાઓ ખુદ વનવિભાગમાંથી જ ઉઠી રહી છે. આ ઘટનાને પગલે સિંહણનું મોત થયા બાદ જશાધાર રેન્જનાં આરએફઓ સિંહણનાં મોતની વાતને ટાળતા હતા. મીડીયાકર્મીઓ તેમને રૂબરૂ મળવા જતાં અપમાન કરીને બહાર કાઢી મૂક્યા. કલાકો સુધી મીડીયાકર્મીઓ રેન્જ કચેરીમાં બેઠા રહ્યા. બાદમાં ધારીથી ડીએફઓ આવતાં તેમણે સિંહણનાં મોતની વાતને સમર્થન આપ્યું હતું.

સિંહણનાં મોતનું કારણ પૂછતાં તેમણે એ સિંહણને 'લૂઝ ડાયેરિયા’ થવાથી શરીરમાં પાણી ખૂટી જતાં મૃત્યુ થયાનું જણાવ્યું હતું. તેમણે વ્યવસ્થિત રીતે મીડીયાકર્મીઓને માહિ‌તી અને સહકાર પણ
આપ્યો હતો.

હું ૭ વાગ્યે જશાધાર પહોંચીશ : વેટરનરી તબીબ

આ અંગે જશાધાર એનિમલ કેર સેન્ટરનાં વેટરનરી તબીબનો સંપર્ક સાધતાં તેમણે જણાવ્યું હતું કે, મને સિંહણનું મોત થયાની ખબર નથી. પરંતુ મારી ઉપર ફોન આવ્યો કે સિંહણ ગંભીર છે. હાલ હું જૂનાગઢ છું. સાંજે ૭ વાગ્યા આસપાસ જશાધાર પહોંચ્યા પછી ખ્યાલ આવે.

સારવાર ચાલુ છે : આરએફઓ

એક તરફ વેટરનરી તબીબ જૂનાગઢ હોઇ સાંજે ૭ વાગ્યાની આસપાસ જશાધાર પહોંચશે એવી વાત કરે છે. તો બીજી તરફ જશાધાર રેન્જનાં આરએફઓ કહે છે કે, સિંહણની સારવાર ચાલુ છે. આમ વેટરનરી તબીબ કાંઇક કહે છે અને આરએફઓ કાંઇક કહે છે. ઇજાગ્રસ્ત સિંહણ બાબતે પણ આરએફઓ ઇન્કાર કરી રહ્યા છે.

વાસ્તવિક હકીકત : ઝૂમાંથી એક પણ પ્રાણી દત્તક લેવાયું નથી.

- ચાર વર્ષથી યોજના અમલમાં પરંતુ આજ સુધી કોઇએ રસ દાખવ્યો નથી

વન્ય પ્રાણીઓનાં મામલે સરકારથી માંડી તેના રોજબરોજનાં સંપર્કમાં આવતા સ્થાનિક લોકો પણ ખુબ જ સંવેદનશીલ હોય છે. દેશનાં સૌથી પુરાતન પ્રાણી સંગ્રાહલયોમાંના એક, જૂનાગઢ સક્કરબાગ ઝુમાં દુનિયાભરનાં અલભ્ય વન્યપ્રાણીઓ પ્રદર્શિત કરવામાં આવે છે. ત્યારે આ વન્ય પ્રાણીઓ પ્રત્યે લોક લાગણી  કેળવાય અને તેઓની જાળવણી સહિતનાં ખર્ચમાં લોકભાગીદારી થાય એ માટે ઝુ દ્વારા છેલ્લા ૪ વર્ષથી ‘પ્રાણી સંગ્રહાલય મિત્ર અને પ્રાણી દત્તક યોજના’ અમલમાં છે.

પરંતુ આજસુધી એક પણ પ્રકૃતિ પ્રેમી કે અગ્રણી દાતાઓએ તેમાં રસ દાખવ્યો નથી. ૪ વર્ષમાં ઝુમાંથી એક પણ પ્રાણી કોઇએ દત્તક લીધું નથી. આજથી ૪ વર્ષ પહેલાં જૂનાગઢ સક્કરબાગ ઝુમાં ‘પ્રાણી સંગ્રહાલય મિત્ર અને પ્રાણી દત્તક યોજના’ નો પ્રારંભ કરવામાં આવ્યો હતો. સિંહ, વાઘ, દીપડા, ચિત્તા, બિલાડી કુળનાં નાના પ્રાણીઓ, સિરસૃપો સહિતના પ્રાણીઓને દતક લેવા માટેના ધારાધોરણો નક્કી કરવામાં આવ્યા છે. પરંતુ છેલ્લા ચાર વર્ષથી આ યોજના અમલમાં હોવા છતાં આજ સુધીમાં કોઇએ એક પણ પ્રાણી દતક નથી લીધું.

- શું કહે છે ઝૂ સુપ્રિટેન્ડન્ટ ?

વિદેશમાં આ રીતે પ્રાણીઓ દતક લેવાય છે. જો કે આપણે અહીં લોકો ધર્મ સાથે જોડાયેલી બાબતોમાં દાન કરતા હોય છે. અને દાન આપવાનાં સ્ત્રોત પણ ઘણાં છે. ગૌશાળા, ચબુતરા, વગેરે જગ્યાએ દાન કરતા હોય છે. પરંતુ હજુ સુધી કોઇએ પ્રાણી સંગ્રહાલય મિત્ર અને દતક યોજના મુજબ કોઇ પ્રાણી દતક લીધંુ નથી.

- દતક લેનાર વ્યક્તિ પ્રાણીનાં બચ્ચાનાં નામ પાડી શકે

જે કોઇ વ્યક્તિ પ્રાણી દતક લે અને એ પ્રાણીનાં બચ્ચાં જન્મે તો દતક લેનાર આ બચ્ચાંનાં નામ પાડી શકે. તેમજ પ્રાણી દતક લીધા અંગેનું સર્ટીફીકેટ પણ આપવામાં આવે.

- ચાર વર્ષથી યોજના અમલમાં પરંતુ આજ સુધી કોઇએ રસ દાખવ્યો નથી

વન્ય પ્રાણીઓનાં મામલે સરકારથી માંડી તેના રોજબરોજનાં સંપર્કમાં આવતા સ્થાનિક લોકો પણ ખુબ જ સંવેદનશીલ હોય છે. દેશનાં સૌથી પુરાતન પ્રાણી સંગ્રાહલયોમાંના એક, જૂનાગઢ સક્કરબાગ ઝુમાં દુનિયાભરનાં અલભ્ય વન્યપ્રાણીઓ પ્રદર્શિત કરવામાં આવે છે. ત્યારે આ વન્ય પ્રાણીઓ પ્રત્યે લોક લાગણી  કેળવાય અને તેઓની જાળવણી સહિતનાં ખર્ચમાં લોકભાગીદારી થાય એ માટે ઝુ દ્વારા છેલ્લા ૪ વર્ષથી ‘પ્રાણી સંગ્રહાલય મિત્ર અને પ્રાણી દત્તક યોજના’ અમલમાં છે.

પરંતુ આજસુધી એક પણ પ્રકૃતિ પ્રેમી કે અગ્રણી દાતાઓએ તેમાં રસ દાખવ્યો નથી. ૪ વર્ષમાં ઝુમાંથી એક પણ પ્રાણી કોઇએ દત્તક લીધું નથી. આજથી ૪ વર્ષ પહેલાં જૂનાગઢ સક્કરબાગ ઝુમાં ‘પ્રાણી સંગ્રહાલય મિત્ર અને પ્રાણી દત્તક યોજના’ નો પ્રારંભ કરવામાં આવ્યો હતો. સિંહ, વાઘ, દીપડા, ચિત્તા, બિલાડી કુળનાં નાના પ્રાણીઓ, સિરસૃપો સહિતના પ્રાણીઓને દતક લેવા માટેના ધારાધોરણો નક્કી કરવામાં આવ્યા છે. પરંતુ છેલ્લા ચાર વર્ષથી આ યોજના અમલમાં હોવા છતાં આજ સુધીમાં કોઇએ એક પણ પ્રાણી દતક નથી લીધું.

- શું કહે છે ઝૂ સુપ્રિટેન્ડન્ટ ?

વિદેશમાં આ રીતે પ્રાણીઓ દતક લેવાય છે. જો કે આપણે અહીં લોકો ધર્મ સાથે જોડાયેલી બાબતોમાં દાન કરતા હોય છે. અને દાન આપવાનાં સ્ત્રોત પણ ઘણાં છે. ગૌશાળા, ચબુતરા, વગેરે જગ્યાએ દાન કરતા હોય છે. પરંતુ હજુ સુધી કોઇએ પ્રાણી સંગ્રહાલય મિત્ર અને દતક યોજના મુજબ કોઇ પ્રાણી દતક લીધંુ નથી.

- દતક લેનાર વ્યક્તિ પ્રાણીનાં બચ્ચાનાં નામ પાડી શકે

જે કોઇ વ્યક્તિ પ્રાણી દતક લે અને એ પ્રાણીનાં બચ્ચાં જન્મે તો દતક લેનાર આ બચ્ચાંનાં નામ પાડી શકે. તેમજ પ્રાણી દતક લીધા અંગેનું સર્ટીફીકેટ પણ આપવામાં આવે.

Arjun Dangar, Junagadh  |  Apr 27, 2013, 01:25AM IST

સિંહ-કેસર કેરી ગિરના ઘરેણાં કહેવાય, ગિરમાં જ શોભે: પોપટલાલ.

Bhaskar News, Una | Apr 25, 2013, 07:52AM IST

- ‘ઊલટા ચશ્માં’ના પત્રકાર પોપટલાલનું મંતવ્ય
- ઊના આવેલા તારક મહેતા કા ઉલટા ચશ્માનાં સુપ્રસિદ્ધ કલાકારો પત્રકાર પોપટલાલ તેમજ સોઢી સાથે દિવ્ય ભાસ્કરની મુલાકાત

સુપ્રસિદ્ધ ટીવી સીરીયલ તારક મહેતા કા ઉલ્ટા ચશ્માનાં કલાકારો શ્યામ પાઠક (પત્રકાર પોપટલાલ) તેમજ ગુરૂચરણ સિંઘ (સોઢી) ઊનાનાં આંગણે એક લગ્ન પ્રસંગમાં હાજરી આપવા આવ્યા હતા. ત્યારે આ બંને કલાકારોએ દિવ્ય ભાસ્કરને ખાસ મુલાકાત આપી હતી. અને સોરઠનાં સિંહ અને સોરઠની કેસર કેરી વિશ્વ વિખ્યાત ગણાય છે. ત્યારે સોરઠનું આ ઘરેણું ગીરમાં જ શોભે એમ કહ્યું હતું.

દિવ્ય ભાસ્કર સાથેની ખાસ મુલાકાતમાં શ્યામ પાઠક (પત્રકાર પોપટલાલ)એ જણાવ્યું હતું કે, તારક મહેતા કા ઉલ્ટા ચશ્મા સિરીયલમાં ગોકુલધામ સોસાયટીનાં રહેવાસીઓ એક પરિવારની જેમ રહે છે. જેઓ વચ્ચે અનોખો પ્રેમ જોવા મળે છે. તેમજ આ સિરીયલ હસતાં-હસતાં સમાજમાં અનોખો સંદેશ પૂરો પાડે છે.  આ સિરીયલનાં માધ્યમથી અમારી ટીમનાં કલાકારોને દેશનાં ખુણે-ખુણેથી લોકોનો પ્રેમ અને લાગણી મળ્યાં છે. તારક મહેતા કા ઉલ્ટા ચશ્માએ તાજેતરમાં ૧૧૧૧ એપીસોડ પૂરા કર્યા હોઇ રાજકોટમાં ૧૧ પરિવારો ગોકુલધામ સોસાયટીનાં નામની ફેન ક્લબ શરૂ કરી છે.

વધુમાં શ્યામ પાઠકે (પત્રકાર પોપટલાલ) સોરઠની વાતોને વાગોળતાં જણાવ્યું હતું કે, મારૂં વતન પણ ગડુ છે. સોરઠનાં સિંહો અને સોરઠની કેસર કેરી ગિરનું ઘરેણું કહેવાય. જે માત્ર ગિરમાં જ વ્હાલું લાગે. જ્યારે પંજાબનાં ગુરૂચરણ સિંહ (સોઢી) એ પણ દિવ્ય ભાસ્કરની મુલાકાતમાં જણાવ્યું હતું કે, ઊનાનાં આંગણે હું બીજી વખત આવ્યો છું. ત્યારે ગુજરાતીઓનો પ્રેમ અને લાગણી અનોખી ઉર્જા ઉત્પન્ન કરાવે છે. જ્યારે સિરીયલની વાત કરતાં સોઢીએ જણાવ્યું હતું કે, પોપટલાલ કે લીયે લડકી ઢુંઢની હૈ, ઓર ઉસકી શાદી કરાની હૈ.

ત્યારે ઊનામાં યુસુફભાઇ સોરઠીયા તથા આરીફભાઇ સોરઠીયાનાં ઘરે લગ્ન પ્રસંગમાં હાજરી આપવા આવેલા આ બંને કલાકારોએ બે કલાકથી વધુ ઊનામાં રોકાણ કર્યું હતું. તેમજ દિવ્ય ભાસ્કરને પોતાની ટુંકી મુલાકાત આપી બંને કલાકારોએ સિરીયલની વાતો વાગોળી હતી. ખાસ કરીને પત્રકાર પોપટલાલે પોતાનું વતન સોરઠ હોઇ સોરઠનાં સંભારણાઓ યાદ કર્યા  હતા. સોરઠમાં સિંહનાં સ્થળાંતરને લઇ ઠેર-ઠેર વિરોધનો જવાળ ઉઠ્યો છે. જિલ્લામાં સહી ઝુંબેશ, પોસ્ટ કાર્ડ ઝુંબેશ, રેલી સહિતના પ્રદર્શનો કરવામાં આવી રહ્યા છે. સોરઠવાસીઓ એક જ સૂર વ્યક્ત કરી રહ્યા છે કે ગિરની શોભા ગિરમાં જ શોભે.

- ‘શ્યામ પાઠક’ પરિણીત, ‘પત્રકાર પોપટલાલ’ અપરિણીત

શ્યામ પાઠક ઉર્ફે પોપટલાલ સિરીયલમાં પોતાનાં લગ્ન કરવા માટે ઇચ્છુક હોય છે. પોતે પરણિત છે કે અપરણિત તેનો પ્રત્યુત્તર આપતાં જણાવ્યું હતું કે, શ્યામ પાઠક પરિણીત છે અને બે બાળકનાં પિતા છે. જ્યારે સિરીયલનાં પત્રકાર પોપટલાલ અપરણિત છે.

- સોરઠની કેસર કેરીનો સ્વાદ ક્યારેય ન ભૂલી શકાય : સોઢી

ગુરૂચરણસિંહ ઉર્ફે સોઢીએ જણાવ્યું હતું કે, સોરઠની કેસર કેરીનો સ્વાદ ક્યારેય પણ ભુલી ન શકાય. કેસર કેરીનો સ્વાદ માણવો એ પણ એક લ્હાવો છે. ગીરનાં સિંહની વાતો ખુબ જ સાંભળી છે. પરંતુ ગીરમાં સિંહ જોવાની તક મળે તેની રાહ જોઉં છું.

- તૂફાન એક્સપ્રેસ એટલે જ પોપટલાલ

તૂફાન એક્સપ્રેસની વાત કરતાં પોપટલાલે જણાવ્યું હતું કે, તુફાન એક્સપ્રેસ ચલાવું છું. પણ વહેચું પણ હું જ છું. આમ તૂફાન એક્સપ્રેસ એટલે પોપટલાલ અને પોપટલાલ એટલે તૂફાન એક્સપ્રેસ.

'ગુજરાતની સંપત્તિ સમા સિંહોને ક્યાંય ખસેડો નહીં'

Bhaskar News, Junagadh  |  Apr 24, 2013, 01:26AM IST

Show Thumbnails

1 of 5 Photos

Prev

Next

- જૂનાગઢનાં ઇગલ મંદિરે હજારોની સંખ્યામાં લોકોએ મુખ્યમંત્રીને પોષ્ટકાર્ડ લખ્યા : રીવ્યુ પીટીશન કરવા અપીલ

ગિરનાં સાવજોને મધ્યપ્રદેશ ખસેડવા માટે સુપ્રીમ કોર્ટે હુકમ કરી દીધો છે. જેને પગલે ગુજરાતભરમાંથી લોકોનો વિરોધ ઉઠ્યો છે. ત્યારે આ ચૂકાદાને પડકારતી રીવ્યુ પીટીશન ગુજરાત સરકાર કરે અને તેમાં મજબૂત દલીલો રાજ્ય સરકાર રજૂ કરે એવી લાગણી લોકોમાં પ્રવર્તી રહી છે.

આ મામલે ઠેર ઠેર આવેદનપત્રો, સહી ઝૂંબેશ સહિતનાં કાર્યક્રમો અપાઇ રહ્યાં છે. ત્યારે આજે જૂનાગઢનાં ઇગલ મંદિરે ઇગલ ગૃપ દ્વારા પોષ્ટકાર્ડ ઝૂંબેશ શરૂ કરાઇ હતી. જેમાં સવારથી સાંજ સુધીમાં હજારો લોકોએ મુખ્યમંત્રી નરેન્દ્ર મોદીને પોષ્ટકાર્ડ લખીને સિંહોને ગુજરાતમાંજ રાખવા માટે રાજ્ય સરકારને રીવ્યુ પીટીશન કરી યોગ્ય દલીલો કરવા અપીલ કરી હતી.

લોકોનો જબ્બર જુવાળ, સિંહો અહીંજ રહેવા જોઇએ, મ.પ્ર.માં સિંહોનાં શિકાર થઇ જાય છે, સિંહોનું બીજું ઘર ગુજરાત બહાર શા માટે ?

ગિર સિંહનું મધ્યપ્રદેશ સ્થળાંતર નહી ઠેર-ઠેર પોસ્ટ કાર્ડ ઝૂંબેશ.

Bhaskar News, Khambha | Apr 29, 2013, 23:49PM IST

- ગીર નેચર યુથ કલબ દ્વારા એક હજાર પોસ્ટકાર્ડ લખી મુખ્યમંત્રીને રજૂઆત

 

તાજેતરમાં સુપ્રિમ કોર્ટ દ્વારા ગીરના સિંહોને મધ્યપ્રદેશ ખસેડવાના નિર્ણય સામે ઠેરઠેરથી ઉગ્ર વિરોધ ઉઠી રહ્યો છે. ત્યારે ખાંભામાં પણ ગીર નેચર યુથ કલબ દ્વારા રાજયના મુખ્યમંત્રીને પોસ્ટકાર્ડ લખવાની ઝુંબેશ શરૂ કરવામાં આવી હતી. આ ઝુંબેશ દરમિયાન એક હજાર જેટલા પોસ્ટકાર્ડ લખવામાં આવ્યા હતા.

 

સુપ્રિમ કોર્ટ દ્વારા ગીરમાં વસતા સાવજોને મધ્યપ્રદેશના જંગલમાં સ્થળાંતર કરવા બાબતે નિર્ણય લેવામાં આવ્યો હતો. આ નિર્ણયનો રાજયભરમાંથી ઉગ્ર વિરોધ ઉઠયો છે. ત્યારે અમરેલી જિલ્લામાં પણ ઠેરઠેર આવેદનપત્રો પાઠવી સરકારમાં રજુઆત કરવામાં આવી રહી છે. ત્યારે ગુજરાત સરકાર દ્વારા રીટ પીટીશન કરવા અને લોકોમાં સિંહોના સ્થળાંતર અંગે લોકજાગૃતિ આવે તે માટે ખાંભામાં ગીર નેચર યુથ કલબ દ્વારા પોસ્ટ કાર્ડ ઝુંબેશ શરૂ કરવામાં આવી હતી.

 

ત્યારે આ પોસ્ટકાર્ડ ઝુંબેશમાં અમરેલી, ખાંભા, ઉના, રાજુલા, બગસરા, મહુવા, લાઠી, ઘાંટલા, થોરડી, રાજપરા, મોટા બારમણ સહિ‌તના ગામોના સિંહ પ્રેમીઓ દ્વારા ભારે ઉત્સાહ સાથે અત્યાર સુધીમાં એક હજાર જેટલા પોસ્ટકાર્ડ લખવામાં આવ્યા હતા. સિંહો પ્રત્યે લોકોનો પ્રેમ અને ઉત્સાહ જોઇ ગીર નેચર યુથ કલબ દ્વારા તા. ૩૦ના રોજ પણ પોસ્ટકાર્ડ ઝુંબેશ શરૂ રાખવાનું આયોજન કરવામાં આવ્યું છે. આ પોસ્ટકાર્ડ ઝુંબેશને સફળ બનાવવા ગીર નેચર યુથ કલબના ભીખુભાઇ બાટાવાળા, દિલીપભાઇ કાતરીયા, પરશોતમભાઇ આંબલીયા, તુષારભાઇ દેવરા વિગેરેએ જહેમત ઉઠાવી હતી.

સાવજો કોઇ કાળે જવા ન જોઇએ , પ્રકૃતિ પ્રેમીઓમાં રોષ યથાવત.

Bhaskar News, Amreli | Apr 28, 2013, 01:05AM ISTજિલ્લામાં ઠેર-ઠેર વિરોધ આવેદનપત્રો અને પોસ્ટકાર્ડ ઝૂંબેશ કરી સાવજ પ્રેમીઓએ પત્રોનો મારો ચલાવ્યો

સૌરાષ્ટ્રની શાન સમા ગીરના સાવજોને મધ્યપ્રદેશ ખસેડવાના નિર્ણય સામે અમરેલી જિલ્લામાં ઠેરઠેરથી વિરોધ ઉઠી રહ્યો છે. સાવજપ્રેમીઓ દ્વારા આવેદનપત્રો, પોસ્ટકાર્ડ ઝુંબેશ કરી વિરોધ નોંધાવવામાં આવી રહ્યો છે. ત્યારે હવે જિલ્લાના પ્રકૃતિપ્રેમીઓ દ્વારા પત્રો લખી ગીરના સાવજોને કોઇ કાળે મધ્યપ્રદેશ ખસેડવામાં ન આવે તેવી માંગ ઉઠાવી છે.

રાજુલા શહેરના પ્રકૃતિપ્રેમી શિવરાજભાઇ ધાખડાએ પત્ર પાઠવી સાવજોને મધ્યપ્રદેશ ન ખસેડવા માંગ કરી છે. તો સાવરકુંડલામાં નંદલાલભાઇ પાંધીએ પણ સરકારને પત્ર પાઠવી સિંહોના સ્થળાંતર મુદ્દે સરકાર વિચાર કરે તેવી માંગ કરી છે. શિવરાજભાઇ ધાખડાએ પત્રમાં જણાવ્યું છે કે નામદાર સુપ્રિમ કોર્ટ દ્વારા ગીરના સિંહોને મધ્યપ્રદેશ ખસેડવાનો જે નિર્ણય લીધો છે તે યોગ્ય નથી.

વધુમાં જણાવાયું છે કે વર્ષો પહેલા પણ ગીરના સાવજોને મધ્યપ્રદેશ ખસેડવામાં આવ્યા હતા. પરંતુ હાલમાં તેનો કોઇ સુરાગ નથી. ગીરના સાવજોને મધ્યપ્રદેશનું વાતાવરણ અનુકુળ આવે તેમ નથી. જેથી ગીરના સાવજોનું સ્થળાંતર અટકાવવુ જોઇએ. નંદલાલભાઇ પાંધીએ રાજયપાલને પાઠવેલા પત્રમાં જણાવાયું છે કે સાવજો એ ગીર પંથકનું ધબકતુ હ્દય છે. સાવજો પશુઓનું મારણ કરી તેના પર જીવે છે પરંતુ હજુ સુધી માનવ વસતીને મોટુ નુકશાન કર્યુ નથી. સિંહ છે તો ગીર છે. ત્યારે ગુજરાત સરકાર દ્વારા પણ આ અંગે વિચારણા કરી સિંહોનું સ્થળાંતર અટકાવવામાં આવે તેવી માંગણી કરવામાં આવી છે.