sandesh
ધારી, તા. ૧૧
ધારી તાબેના મોણવેલ ગામે આજે સમી સાંજે બે સિંહ અને એક સિંહણ છેક ગામની વચોવચ આવી ચડતાં ભારે નાસભાગ મચી ગઇ હતી. ઉભી શેરીએ ત્રાડ પાડતાં નીકળેલા સાવજોએ મોડી રાત સુધી જ ગામમાં પડાવ નાખતાં ભારે ભયનો માહોલ પ્રસરી ગયો હતો. ગિરના જંગલમાંથી બે સિંહ અને એક સિંહણ આજે ધારી તાલુકાના મોણવેલ ગામે ચડી આવ્યા હતા. રાત્રે આઠેક વાગ્યાા અરસામાં આ સાવજો ત્રાડ પાડતાં પાડતાં ઉભી શેરીએ જાણે રાત્રી રોનમાં નીકળ્યા હોય તેમ પસાર થતા ભારે નાસભાગ મચી ગઇ હતી. મોડી રાત સુધી સાવજોએ ગામમાં જ પડાવ નાંખતા ભયનું લખલખુ પ્રસરી ગયું હતું. ગ્રામજનોએ સાવજોને ખદેડી મુકવા હાંકોરા પડકારા અને પથ્થરના ઘા કર્યા હતા. પરંતુ જંગલના રાજાએ કોઇને મચક આપી ન હતી. આ અંગે જંગલખાતાને જાણ કરવા છતાં મોડે સુધી એકપણ અધિકારી ડોકાયા ન હતા.
No comments:
Post a Comment