નાના માચિયાળાની શાળામાં નોટબુક વિતરણ અને વૃક્ષારોપણ કરાયું

DivyaBhaskar News Network | Last Modified - Jun 16, 2018, 02:00 AM IST
લાયન્સ કલબ ઓફ અમરેલી રોયલ દ્વારા દેવરાજીયા પ્રાથમિક શાળામાં વિનામૂલ્યે નોટબુક વિતરણ કર્યા બાદ નાના માચિયાળા પ્રાથમિક શાળા અને માધ્યમિક શાળાના વિદ્યાર્થીઓને જરૂરિયાત મુજબ નોટબૂક આપવામાં આવી હતી. આ શાળામાં 1500થી વધુ નોટબૂક ભેટમાં આપવામાં આવી હતી.

આ નોટબૂક વિતરણના આર્થિક સહયોગી તરીકેની જવાબદારી લાયન્સ સદસ્ય ઉદયરાજભાઈ, વનરાજભાઈ કોઠીવાળે નિભાવી હતી. જેમણે ધોરણ 1થી 8નાં વિદ્યાર્થીઓને નોટબૂક આપી હતી. જયારે ધોરણ 9અને 10ના નોટબૂકનાં દાતા ઘનશ્યામભાઈ કરડ હતા. નોટબુક વિતરણની સાથે પર્યાવરણને ધ્યાનમાં રાખી આ શાળાના પટાંગણમાં લાયન્સ કલબ ઓફ અમરેલી રોયલ દ્વારા વૃક્ષારોપણ કર્યું હતું. વૃક્ષોની જાળવણી થાય એ માટે ટ્રી ગાર્ડ પણ લગાવવામાં આવ્યા હતા. આ પ્રસંગે મામલતદાર પાદરિયા, લાયન્સ ક્લબ ઓફ અમરેલી રોયલના પ્રમુખ વસંત મોવલિયા, મુકેશ કોરાટ, દિનેશ કાબરિયા, અરુણ ડેર, રાકેશ નાકરાણી, દિવ્યેશ વેકરીયા, કિશોરભાઈ નાકરાણી, ઉદયરાજભાઈ કોઠીવાળ, વનરાજભાઈ કોઠીવાળ, ગામના સરપંચ વનરાજભાઈ ડાંગર, વિજયભાઈ ડાંગર, ઉપસરપંચ બી.કે.કોઠીવાળ, ઘનશ્યામભાઈ કરડ, બહાદુરભાઈ વાળા, શાળાના આચાર્યે,વિશાલભાઈ ભટ્ટ શિક્ષકો સહિત ગ્રામજનો હાજર રહ્યાં હતાં.
https://www.divyabhaskar.co.in/news/SAU-AMR-OMC-MAT-latest-amreli-news-020002-1967282-NOR.html

ખાંભા તુલશીશ્યામ રેંજના ગઢીયા ગામે ગતરાત્રીના શિકારની શોધમા એક

DivyaBhaskar News Network | Last Modified - Jun 18, 2018, 02:00 AM IST
ખાંભા તુલશીશ્યામ રેંજના ગઢીયા ગામે ગતરાત્રીના શિકારની શોધમા એક ડાલામથ્થો સાવજ ગામમા આવી ચડયો હતો. અહી સાવજે એક...
ખાંભા તુલશીશ્યામ રેંજના ગઢીયા ગામે ગતરાત્રીના શિકારની શોધમા એક ડાલામથ્થો સાવજ ગામમા આવી ચડયો હતો. અહી સાવજે એક ઘરની નવ ફુટ ઉંચી દિવાલ કુદી ફળીયામા વાછરડાનુ મારણ કરતા ગ્રામજનોમા ફફડાટ ફેલાયો હતો.

ગીરકાંઠાના ગામડાઓમા અવારનવાર સાવજો શિકારની શોધમા છેક ગામ સુધી ઘુસી જાય છે. ત્યારે ગતરાત્રીના પણ ખાંભા તુલશીશ્યામ રેંજના ગઢીયા ગામે અહી રહેતા જગુભાઇ બચુભાઇ ધાખડાના રહેણાંક મકાનની નવ ફુટ દિવાલ કુદી ફળીયામા ઘુસી ગયો હતો. અહી સાવજે એક વાછરડાનુ મારણ કર્યુ હતુ. ગઢિયા ગામે અવારનવાર સિંહો ગામમા ઘુસી જતા હોય છે. અને ગામમાં જ પશુઓના મારણ કરતા હોય છે.

ગામના જગુભાઈ ધાખડાએ જણાવ્યું હતું કે એક મહિનામા મારા રહેણાંકમા સિંહ બે વખત ઘૂસી મારણ કર્યું હતું. પહેલા પાડીનું મારણ કર્યું અને ગતરાત્રીના ઘરમા બાંધેલ વાછરડાનું મરણ કરી નાખ્યું છે. અત્રે ઉલ્લેખનીય છે કે અવારનવાર સાવજો શિકારની શોધમા ગામમા આવી ચડે છે જેના કારણે લોકોને હાલાકી ભોગવવી પડી રહી છે.
https://www.divyabhaskar.co.in/news/SAU-AMR-OMC-MAT-latest-amreli-news-020003-1982650-NOR.html

ચિખલકુબામા નવો ટુરીઝમ ઝોન બનશે

DivyaBhaskar News Network | Last Modified - Jun 20, 2018, 02:05 AM IST
ચિખલકુબામા નવો ટુરીઝમ ઝોન બનશે ગીર પુર્વના અમરેલી વિસ્તાર હેઠળ આવતા ચિખલકુબા વિસ્તારમા નવો ટુરીઝમ ઝોન...
ચિખલકુબામા નવો ટુરીઝમ ઝોન બનશે

ગીર પુર્વના અમરેલી વિસ્તાર હેઠળ આવતા ચિખલકુબા વિસ્તારમા નવો ટુરીઝમ ઝોન વિકસાવવામા આવશે. સાસણની જેમ અહી વધુને વધુ પ્રવાસીઓ ખેંચવા પ્રયાસ થશે. આવી જ રીતે ગીરનાર પર્વત અભ્યારણ્યમા પણ સિંહ દર્શન શરૂ કરાશે.

આંબરડીમાં વધુ સગવડતાઓ ઉભી કરાશે

સરકાર દ્વારા આંબરડી પાર્ક તથા સાસણ પાર્કમા માળખાગત સુવિધાઓ અને પ્રવાસીઓ માટે વધુ સગવડ ઉભી કરવા 30 કરોડનો ખર્ચ કરાશે. પ્રવાસન વિભાગ દ્વારા આ માટેના કામો ઝડપથી પુર્ણ કરાશે.

કન્ઝર્વેશન રિઝર્વ જાહેર કરાશે

અમરેલી તથા ભાવનગર જિલ્લામા 109 ચો.કિમી વિસ્તારમા સાવજોની રક્ષા મહત્વની છે. સિંહોના રહેઠાણ અને અવરજવરવાળા જંગલ તથા સરકારી પડતર વિસ્તારને કન્ઝર્વેશન રિઝર્વ તરીકે જાહેર કરવામા આવશે.
https://www.divyabhaskar.co.in/news/SAU-AMR-OMC-MAT-latest-amreli-news-020502-2001483-NOR.html

હાલમાં મર્યાદિત સાવજોને લગાવાયા છે રેડીયો કોલર

DivyaBhaskar News Network | Last Modified - Jun 20, 2018, 02:05 AM IST
હાલમાં મર્યાદિત સાવજોને લગાવાયા છે રેડીયો કોલર અમરેલી જિલ્લાના રેવન્યુ વિસ્તારમા ક્રાંકચ પંથકમા વસતી એક...
હાલમાં મર્યાદિત સાવજોને લગાવાયા છે રેડીયો કોલર

અમરેલી જિલ્લાના રેવન્યુ વિસ્તારમા ક્રાંકચ પંથકમા વસતી એક સિંહણે વર્ષોથી રેડીયો કોલર લગાવાયો છે જે હાલમા બંધ હાલતમા છે છતા તેના ગળામા લટકે છે. અત્યારે ગણ્યાં ગાંઠયા સાવજોને જ રેડીયો કોલર લાગેલા છે.

સાવજો સાથે દુર્ઘટના અંગે જાણકારી મળશે

જો રેડીયો કોલર કોઇ સાવજને એક જ સ્થળે લાંબો સમય સુધી દર્શાવે તો તે ગંભીર સ્થિતિ દર્શાવે છે. સાવજ સાથે કોઇ પણ પ્રકારની ઘટના બની હોય શકે છે અથવા બિમાર હોય શકે છે. જેનાથી તંત્રને રેડીયો કોલર મારફત ઝડપથી જાણકારી મળી શકે છે. સાવજોના કમોત બાદ એક સ્થળેથી બીજા સ્થળે નાખી જવાની ઘટનાઓ પણ તાજેતરમા બની હતી. આવા કિસ્સામા પણ ઉપયોગી જાણકારી મળી શકે છે.
https://www.divyabhaskar.co.in/news/SAU-AMR-OMC-MAT-latest-amreli-news-020502-2001481-NOR.html

2015મા સાવજોની વસતી 523 જેટલી હતી. પરંતુ હાલમા વધીને

DivyaBhaskar News Network | Last Modified - Jun 20, 2018, 02:05 AM IST
2015મા સાવજોની વસતી 523 જેટલી હતી. પરંતુ હાલમા વધીને 600 જેટલી થઇ ગઇ છે. સાવજોના અકુદરતી મોતની ઘટનાઓ વધી રહી છે. ત્યારે...
2015મા સાવજોની વસતી 523 જેટલી હતી. પરંતુ હાલમા વધીને 600 જેટલી થઇ ગઇ છે. સાવજોના અકુદરતી મોતની ઘટનાઓ વધી રહી છે. ત્યારે સરકાર દ્વારા હવે ગીર જંગલ તથા આસપાસમા વસતા તમામ સાવજોને રેડીયો કોલર પહેરાવવા પર વિચારણા કરવામા આવી રહી છે. આ માટે બે કરોડની વધુનો ખર્ચ થશે પરંતુ તેનાથી એક એક સાવજની મુવમેન્ટ પર તંત્રની નજર રહેશે.

ગાંધીનગર ખાતે મુખ્યમંત્રીની ઉપસ્થિતિમા યોજાયેલી રીવ્યુ બેઠકમા સાવજોની રક્ષા, ગીર તથા આસપાસમા ચાલતી ગેરકાયદે પ્રવૃતિઓ પર અંકુશ તથા આ વિસ્તારમા પ્રવાસન ઉદ્યોગને વેગ આપવા માટે અનેક નિર્ણયો લેવાયા હતા. તથા સાવજોની રક્ષા માટે અમુક નિર્ણયો અંગે ગંભીરતાથી વિચારણા કરવામા આવી હતી. સુત્રોમાથી જાણવા મળતી વિગત અનુસાર ગીર અભ્યારણ્ય તથા આસપાસના વિસ્તારમા વસતા તમામ સાવજોને રેડીયો કોલર લગાવવા અંગે પણ વિચારણા કરવામા આવી હતી.

2015મા વસતી ગણતરી વખતે અહી 500થી વધુ સાવજો નોંધાયા હતા. પરંતુ હાલમા આ સાવજોની વસતી 600 પર પહોંચી ગઇ છે. ત્યારે તમામ સાવજોને 600 રેડીયો કોલર લગાવાય તો બે કરોડથી વધુનો ખર્ચ આવવાની શકયતા છે. જો કે તેનાથી દરેક સાવજોની મુવમેન્ટ અંગે તંત્રને સચોટ જાણકારી મળતી રહેશે. જો કે આવા કોઇ નિર્ણયને અમલમા મુકતા પહેલા તંત્રને અનેક મુદાઓ વિચારણામા લેવા પડશે.
https://www.divyabhaskar.co.in/news/SAU-AMR-OMC-MAT-latest-amreli-news-020502-2001482-NOR.html

એક સમયે માત્ર ગીર જંગલની શાન ગણાતા સાવજો હાલમા

DivyaBhaskar News Network | Last Modified - Jun 20, 2018, 02:05 AM IST
એક સમયે માત્ર ગીર જંગલની શાન ગણાતા સાવજો હાલમા અમરેલી જિલ્લાના રેવન્યુ વિસ્તારની પણ શાન છે. કારણ કે વસતી વધતા...
એક સમયે માત્ર ગીર જંગલની શાન ગણાતા સાવજો હાલમા અમરેલી જિલ્લાના રેવન્યુ વિસ્તારની પણ શાન છે. કારણ કે વસતી વધતા ખુબ મોટી સંખ્યામા સાવજો અહી વસી રહ્યાં છે ત્યારે હવે રાજય સરકારે અમરેલીમા વનતંત્રનુ નવુ ડિવીઝન ઉભુ કરવાનો મહત્વનો નિર્ણય કર્યો છે. જેમા અમરેલી ઉપરાંત ભાવનગર જિલ્લાને પણ આવરી લેવાશે.

અમરેલી જિલ્લામા વસતા સાવજોની દેખરેખ, સુરક્ષા અને પ્રવાસન ઉદ્યોગને વેગ આપવા અમરેલી ખાતે વનતંત્રનુ એક નવુ ડિવીઝન ઉભુ કરવા રાજય સરકારની ગઇકાલે મળેલી રીવ્યુ બેઠકમા નિર્ણય લેવામા આવ્યો છે. ઉચ્ચ અધિકારીઓ અને વનમંત્રીની ઉપસ્થિતિમા મુખ્યમંત્રીની અધ્યક્ષતામા આ બેઠક યોજાઇ હતી. ગીર અભ્યારણ્ય બહાર વસતા સાવજો પર દેખરેખ માટે હવે નવા ડિવીઝનની આવશ્યકતા જણાય છે.

અમરેલી ડિવીઝનમા અમરેલી જિલ્લાના અમરેલી, લીલીયા, કુંકાવાવ, જાફરાબાદ, રાજુલા તથા ભાવનગર જિલ્લાના મહુવા, જેસર, પાલિતાણા અને તળાજા તાલુકા વિસ્તારને આવરી લેવામા આવશે. અભ્યારણ્ય સિવાયના આ વિસ્તારમા નવા થાણા, નવા નાકા ઉભા કરવામા આવશે. અને વાયરલેસ નેટવર્ક પણ ઉભુ કરવામા આવશે. આ વિસ્તારમા વન્યપ્રાણી મિત્રો અને ટ્રેકર્સની નિમણુંક કરવામા આવશે. વન્ય અધિકારીને વધુ સગવડતાઓ આપી સાવજોની રક્ષા સુદ્રઢ કરાશે.

રેવન્યુ વિસ્તારમા સાવજોની સંખ્યા વધી રહી છે અને હવે આવનારો વધારો પણ રેવન્યુ વિસ્તારમા જ હશે ત્યારે સિંહ સંરક્ષણ પ્રત્યે લોકોની જાગૃતિ કેળવવા પણ અનેકવિધ પગલાઓ લેવામા આવશે. આ માટે નેચર એજયુકેશન કેમ્પ જેવા પગલા લેવાશે. અને વનમંત્રીના અધ્યક્ષસ્થાને સાવજોની રક્ષા માટે સ્ટીયરીંગ કમિટીની રચના કરવામા આવશે. જિલ્લા સ્તરે આ માટે કલેકટરની અધ્યક્ષતામા મોનીટરીંગ કમિટી બનાવાશે.
https://www.divyabhaskar.co.in/news/SAU-AMR-OMC-MAT-latest-amreli-news-020502-2001484-NOR.html

વરસાદની રાહ... મોરની કળા સોળે કળાએ ખીલી ઉઠી, અદભૂત નજારો

DivyaBhaskar.com | Last Modified - Jun 28, 2018, 02:29 PM IST
મરેલીના ધારી પંથકમાં મોરની કળા સોળે કળાએ ખીલી ઉઠી હોય તેવો વીડિયો વાયરલ થયો છે
અમરેલી: અમરેલી સહિત સૌરાષ્ટ્રભરમાં જગતનો તાત આકાશ સામે મીટ માંડી વરસાદની કાગડોળે રાહ જોઇ રહ્યો છે. ત્યારે પશુ-પક્ષીઓ પણ મેઘરાજાના આગમનની રાહ જોઇ રહ્યા છે. વરસાદના આગમનને લઇને રાષ્ટ્રીય પક્ષી મોર કળા કરે ત્યારે અદભૂત નજારો જોવા મળતો હોય છે. ત્યારે અમરેલીના ધારી પંથકમાં મોરની કળા સોળે કળાએ ખીલી ઉઠી હોય તેવો વીડિયો વાયરલ થયો છે અને તેમાં કળાનો અદભૂત નજારો કેદ થયો છે.
for video click;https://www.divyabhaskar.co.in/news/SAU-AMR-OMC-LCL-monsoon-in-amreli-has-led-scenic-beauty-at-its-best-with-greenery-and-peacock-dance-gujarati-news-5905029-PHO.html