તાલાલાના ઇતિહાસમાં પ્રથમવાર ભવ્ય ગણેશ વિસર્જનયાત્રા નીકળી

Bhaskar News, Talala
Monday, September 15, 2008 00:36 [IST]

તાલાલામાં વિવિધ મંડળો દ્વારા શહેરમાં અલગ-અલગ વિસ્તારોમાં ગણેશની અગિયાર પ્રતિમાઓની સ્થાપના કરવામાં આવી હતી. તેર દિવસ સુધી દુંદાળા દેવનું પૂજા-અર્ચન કરી લોકો આજે વિધ્નહર્તાને વિદાય આપવા વિસર્જન શોભાયાત્રામાં ઉત્સાહભેર જોડાતા તાલાલામાં પ્રથમવાર એક કિ.મી. લાંબી વિશાળ શોભાયાત્રા જોવા મળી હતી.

પ્રતિમાઓ વિવિધ વિસ્તારો શહેરના જૂના બસસ્ટેશન ચોક ખાતે આવી, ત્યાંથી સમૂહ શોભાયાત્રા શરૂ થતાં ઢોલ-નગારાના ધૂમ અને ડી. જે. સાઉન્ડ સીસ્ટમ ઉપર અબીલ-ગુલાલની છોળ વરચે બાળકો-યુવાનો મનમૂકી નારયા હતા.

શોભાયાત્રા શહેરના મુખ્યમાર્ગ ઉપર ફરી બ્રહ્મેશ્વર મંદિરે પહોંચી હતી. જયાં મંદિરના મહંત સોબરનદાસ બાપુએ દરેક ગણેશ પ્રતિમાઓનું પૂજન કરી અને દરેક મંડળોએ સમુહમાં મંગલ આરતિ કર્યા બાદ વૈદિક મંત્રોરચારથી લોકમાતા હીરણનદીમાં ગણેશ પ્રતિમાઓનું વિસર્જન કરાયું હતું.

ત્યા ઊમટી પડેલી માનવમેદનીએ પોતાના ભગવાન ગણેશને ‘ગણપતિ બાપા મોરિયા અગલે બરસ તુ જલદી આ’ ના ગગનભેદી નાદ સાથે ભાવપૂર્વક વિદાય આપી હતી.

Source: http://www.divyabhaskar.co.in/2008/09/15/0809150038_ganesh_festival_celebrate.html

ટીખળખોરે ‘૧૦૮’ એમ્બ્યુલન્સને તાલાલાથી સાસણ સુધી દોડાવી

Bhaskar News, Talala
Monday, September 15, 2008 00:40 [IST]

અનેક દરદીઓને સમયસર સારવાર માટે દિવસ-રાત પહોંચાડવામાં અતિ મહત્વની બનેલી ૧૦૮ સેવા સાથે ગઇકાલે સાસણ (ગીર)થી કોઇ ટીખળખોરે ફોન કરી ખોટી રીતે ૧૦૮ સેવાને દોડાવી મૂકી મજાક કરતાં આ શખ્સ સામે લોકોમાં રોષ ફેલાયોછે. પોલીસ આ ટીખળી શખ્સ સામે કડક હાથે કામ લે તેવી માંગ ઉઠી છે.

એમ્બ્યુલન્સના ડોકટરે વિગતો આપતાં જણાવ્યું કે ગત રાત્રે ૯-પ૦ મિનિટે ૯૯૭૮પ ૦૩૬૦૭ નંબર ઉપરથી ૧૦૮ ઉપર ફોન આવેલો અને સાસણથી ધનજી રવજીસોલંકી બોલું છું. ડિલિવરીનો કેસ હોઇ ઝડપથી આવો તેમ કહેતાં ૧૦૮ના ડોકટર અને પાઇલોટ એમ્બ્યુલન્સ લઇ માત્ર ર૦ મિનિટમાં સાસણ પહોંચી ગયેલા. જયાં ફોન કરનાર શખ્સે હું બસ સ્ટેન્ડે ઊભો છું ત્યાં આવો તેમ કહ્યું હતું.

પણ કોઇ દેખાયું નહોતું ફરી એ જ નંબર ઉપરથી ફોન આવ્યો કે હું ગામના છેડે અવેડા પાસે ઊભો છું ત્યાં આવો, ત્યાંથી વાડીએ કેસના દરદીને લેવા જવા છે. એમ્બ્યુલન્સ લઇ અવેડા સુધી ગયા તો ત્યાં પણ કોઇ દેખાયું નહોતું. ગામમાં ૧૦૮ એમ્બ્યુલન્સ આવતાં કંઇક બનાવ બન્યો હશે તેમ સમજી સાસણના સરપંચ જાનમહમદભાઇ એમ્બ્યુલન્સ પાસે દોડી ગયેલા.

ત્યાં ડોકટરે સઘળી વિગતો જણાવતાં સરપંચે ફોન કરી બોલાવનાર નામ વાળી કોઇ વ્યકિત અમારા ગામમાં રહેતી નથી કોઇએ મજાક કરી ખોટી રીતે દોડાવ્યા હોવાનું જણાતાં ૧૦૮ સેવાનો સ્ટાફ ભારે નારાજ થયો હતો. ૧૦૮ના ડોકટરે સેવા સાથે થયેલા મજાક અંગે ઉરચ અધિકારીઓને જાણ કરી હતી. આવી મજાક સામે લોકોમાં રોષ ફેલાયો છે.

Source: http://www.divyabhaskar.co.in/2008/09/15/0809150041_prank_caller.html

આરએફઓ ઉપર હુમલો કરનારા ત્રણ શખ્સો ઝડપાયા

Bhaskar News, Porbandar
Tuesday, September 16, 2008 00:17 [IST]

પાંચ દિવસ પૂર્વે બરડા ડુંગરમાં ખોડિયારનેશમાં ચાલતી દેશી દારૂની ભઠ્ઠી ઉપર દરોડો પાડનાર આરએફઓ અને સ્ટાફ પર પથ્થરોના છૂટા ઘા કરી હુમલો કરી નાસી છૂટેલા ત્રણ રબારી શખ્સોને પોલીસે બરડા ડુંગરમાંથી ઝડપી લીધા હતા. ત્રણેય શખ્સોને જેલહવાલે કરાયા છે.

બરડા ડુંગરમાં ખોડિયારનેશમાં ચાલતી દેશી દારૂની ભઠ્ઠી ઉપર આરએફઓ ભીમાભાઇ ગોઢાણિયા સહિતના સ્ટાફે દરોડો પાડયો હતો. આ દરમિયાન ભઠ્ઠી ચલાવતા અમરા જેશા, ડીશા જેશા અને દેવાતી સહિતના ત્રણેય રબારીએ પથ્થરનો ઘા કરી હુમલો કર્યોહતો.

જો કે સ્વબચાવ માટે આરએફઓએ હવામાં ફાયરિંગ કરતા શખ્સો નાસી છૂટયા હતા. આ ત્રણેય રબારી બંધુને રાણાવાવ પોલીસે ગતરાત્રીના દબોચી લીધા હતા. કોટર્ે જેલહવાલે કરવાનો હુકમ કર્યોહતો.

Source: http://www.divyabhaskar.co.in/2008/09/16/0809160018_three_held.html

જૂનાગઢ-વેરાવળ નેશનલ હાઈવે ગાડા રસ્તાને પણ શરમાવે તેવો

કણજા, તા.૧૫
જૂનાગઢથી સોમનાથ સુધીનો રસ્તો છેલ્લા ૧૦ વર્ષથી બિસ્માર હાલતમાં છે. આ રોડ ને માત્ર નેશનલ હાઈવે નં.-૮ નું નામ જ આપેલ છે. ખરી હકિકતે આ રોડ કોઈ પણ ગામડાના રસ્તા કરતાંય બિસ્માર હાલતમાં છે. સોમનાથ જેવા પ્રવાસન ધામ જવા માટે આ એકજ રોડ હોય, છતાં પણ આ રોડની હાલત બદતર થઈ ગયેલ છે.આ રોડ ઉપર જુનવાણી પુલીયાઓ આવેલ છે. તે તમામ પુલીયા ઉપરનો રસ્તો અતિ ખરાબ જેમાં વાહન તો શું માણસ પણ ચાલી શકે તેવા રહ્યાં નથી અને આ પુલીયા જુના હોવાથી અને સાંકડા હોવાથી ત્યાં ડાયવર્ઝનો મુકાયેલા છે. જેમાં કોઈ અકસ્માત થવાનો પુરતો ભય રહે છે. વંથલીનો જે ઓઝત પુલ છે તે પુલ સદી પુરાણો પુલ છે. જે પુલ હાલ અતિ બિસ્માર થઈ ગયેલ છે. જો આ પુલને નવેસરથી બનાવવામાં નહીં આવે તો આ પુલ ઉપર કોઈ મોટી દુર્ઘટના સર્જાવાની પુરી શકયતા રહેલી છે.
આ રસ્તો ગામડા જેવો ધુળીયો રસ્તો બની ગયેલ હોય, જેના કારણે મોટા વાહનોની પાછળ આવતા નાના વાહન ચાલકોને આંખો બંધ કરી વાહન ચલાવવું પડે છે. જો આંખો બંધ ન કરે તો તેની આંખોમાં કરચો ઘુસી જાય છે. આ રોડને નવેસરથી બનાવવા માટે લાગતા-વળગતાઓને મૌખિક તેમજ લેખિત રજુઆતો કરેલ હોવા છતાં વર્ષોથી આ રોડ આવો ને આવો જ રહ્યો છે. જેથી હવે આ રોડ નહીં બનાવવામાં આવે તો આ રોડ પરથી પસાર થતાં વાહન ચાલકોને ના છુટકે આંદોલન કરવાની ફરજ પડશે, તેમ જૂનાગઢ જિલ્લા કોંગ્રેસ અગ્રણી પી.ડી. ડાંગરને યાદી જણાવે છે.
Source: http://www.sandesh.com/sandesh_article.aspx?newsid=12825

પ્રવાસનને વેગ આપવા ૧૫૦ લાખના ખર્ચે કાર્યોનો પ્રારંભ

Bhaskar News, Junagadh
Sunday, May 18, 2008 22:58 [IST]

સોરઠમાં પ્રવાસનને વેગ આપવા પ્રવાસન વષ્ાર્ અંતર્ગત ફાળવાયેલી ગ્રાન્ટ માંથી હાલ રૂા.૧૫૦ લાખના ખર્ચે જિલ્લાનાં વિવિધ સ્થળોને જન સુવિધાનાં વિકાસ કાર્યોકાર્યરત કરાયા છે.

આ અંગે જિલ્લા આયોજન અધિકારી ડો.પારેખે જણાવ્યું કે, ભવનાથમાં શિવરાત્રીનાં રૂટ માટે રૂા.૮.૫૦ લાખ તથા આ વિસ્તારમાં રૂા.૧૫ લાખનાં ખર્ચે ગટરનું કામ કાર્યરત છે. વેરાવળ સોમનાથ ધાર્મિક સ્થળનાં વિકાસ માટે રૂા.૩૭.૬૦ લાખનાં ખર્ચે ગટર વ્યવસ્થા માટેના ત્રણ કામોને વહીવટી મંજુ રી આપવામાં આવી છે.

ઉપરાંત વાતાવરણ સુધારણા લક્ષી કાર્યક્રમ અન્વયે હરીહર વન માટે રૂા.૫ લાખની તેમજ સ્મશાનમાં જ જરૂરી સુવિધા માટે રૂા.૧૫ લાખની વહીવટી મંજુ રી આપવામાં આવી છે. ઊના તાલુકાનાં પ્રાચીન ધાર્મિક સ્થળ ગુપ્ત પ્રયાગના સ્મશાનમાં સુધારણા માટે રૂા.૧૫ લાખના ખર્ચે કામ કરવામાં આવશે. તેવી જ રીતે સુત્રાપાડા તાલુકાનાં પ્રાચીન ધાર્મિક સ્થળ ઘંટીયાના પ્રાચીન સ્મશાનમાં સુધારણા માટે પણ રૂા.૧૫ લાખના ખર્ચે કામ કરવામાં આવી રહ્યા છે.

કેશોદ તાલુકાનાં કલીમલહારી આશ્રમ જવા માટે રસ્તા તથા કોઝ વે રૂા.૫ લાખના ખર્ચે બનાવવામાં આવી રહ્યો છે. તેમજ મેંદરડા તાલુકાનાં ચોરેશ્વર ખાતે તથા વેરાવળ તાલુકાનાં આદ્રી ગામે રૂા.૮ લાખનાં ખર્ચે આધુનિક ટોયલેટ બ્લોક બનાવવામાં આવી રહ્યા છે.

વંથલી તાલુકાનાં પ્રખ્યાત ઉમિયા માતાજીનાં મંદિર ગાંઠીલા ગામ તરફ જવા માટે રૂા.૬ લાખના ખર્ચે રોડનું કામ થઇ રહ્યું છે. જયારે વેરાવળ તાલુકાનાં આદ્રી ગામે રૂા.૧૦ લાખનાં ખર્ચે પાણીનો સમ્પ બનાવવામાં આવી રહ્યો છે. અને વેરાવળ ચોપાટી પર રૂા.૧૦ લાખનાં ખર્ચે હાઇમોસ્ટ ટાવર કાર્યરત કરવામાં આવ્યું છે.

Source: http://www.divyabhaskar.co.in/2008/05/18/0805182301_traveling_exp.html

કુતિયાણા-ખાગેશ્રી-જામજોધપુર વન વિસ્તારને સિંહ અભયારણ્ય તરીકે વિકસાવવા જરૃરી

કુતિયાણા, તા.૧૯

કુતિયાણાથી ખાગેશ્રી થઈ જામજોધપુર જવાના માર્ગે કાલિન્દ્વી ડેમથી જામજોધપુરના પાદર સુધી ગીર અને બરડા જેવો ટેકરી અને મેદાનોવાળો જંગલ વિસ્તાર પથરાયેલો છે ખાગેશ્રી સ્થિત ઘાંસ વીડી તથા તે પછીનો જંગલ વિસ્તાર પડતર અને બિનપયોગી પડયો છે. તેથી આ વિસ્તાર સિંહ અભયારણ્ય તરીકે વિકસાવવા માગણી ઉઠવા પામી છે. ચેમ્પિયન એન્ડ શેઠના વનના વર્ગીકરણ મુજબ આ વિસ્તારના વનનું વર્ગીકરણ સુકુ પાનખર ઝાંખરાયુકત જંગલ, સુકુ સવાના પ્રકારનું જંગલ, સુકો ઘાંસિયો વિસ્તાર, દેશી બાવળનું જંગલ, પલાશવન, ગોરડવન, બોરડીના ઝાંખરા, થોરવન મુજબ પ્રકાર પાડી શકાય. આ તમામ વર્ગીકરણ મુજબની ભૌગોલિક વનસ્પતિ સંપદા પરિસ્થિતિ આ વિસ્તારમાં મોજુદ છે જયારે આ વિસ્તારમાં પાણી માટેના કાલિન્દ્વી અને સારણ ડેમ છે. એજ રીતે જામજોધપુર પંથકમાં પણ જળ સિંચાઈને લગતા નાના-મોટા ડેમો તથા ચેકડેમો છે. આ વિસ્તારમાં કાળીયાર, નીલગાય, ચિંકારા, સસલા જેવા તૃણાહારી ઉપરાંત નાર એટલે કે વરૃ ઝરખ, શિયાળ, લોંકડી જેવા માંસાહારી તથા થોડાક વર્ષોથી દીપડા પરિવાર પણ કાયમી વસવાટ કરેલ છે. તેમજ વિવિધ જાતના પંખી અને શિકારી ક્ષીઓ છે. આ વન વિસ્તાર પણ સિંહોના વસવાટ માટે અનુકુળ હોય આ વિસ્તારને સંભવિત સિંહ અભયારણ્ય તરીકે વિકસાવવો જરૃરી છે.
Source: http://www.sandesh.com/articlewoImage.aspx?NewsID=77343&Keywords=Sorath%20Gujarati%20News

ગીર પંથકના ગામડાઓને સાત માસ પછી પણ ભૂકંપ સહાય મળી નથી

તાલાલા (ગીર) તા.૧૭
તાલાલા પંથકના છેવાડાના વિસ્તારના ભૂકંપનો ભોગ બનેલ હિરણવેલ-ચિત્રાવડ-હરીપુર-સાંગોદ્રા-ભાલછેલ ગીર સહિતના આઠ થી દશ ગામોના ગરીબ પરિવારોને સાત માસ પછી પણ સરકારી સહાયથી વંચિત હોય ભૂકંપને કારણે મકાન ગુમાવનાર-પરિવારનો સભ્ય ગુમાવનાર તથા મકાનમાં નુકસાનીનો ભાગ બનનાર અને ભૂંકપને કારણે ઈજા પામનાર પરિવારો નિરાશ થઈ ગયા છે. ભૂકંપનો સૌથી વધુ ભોગ બનનાર આખા હિરણવેલ ગામના ગરીબ નોંધારા પરિવારો છેલ્લા સાત માસથી સરકારી સહાય માટે સ્થાનિક વહીવટી તંત્રની કચેરીએ ધકકા ખાઈને થાકી જઈ સરકારી સહાય ભુલી ગયા હોય તેવી પરિસ્થિતિ ઉભી થઈ છે. દિવાળીના તહેવારોના સમયે ગત તા.૬/૧૧/૦૮ મંગળવારે વહેલી સવારે અને બપોરના સમયે ભૂકંપના બે ભારે આંચકા આવેલ. જેના પરિણામે સાવ ગરીબ અને પછાત ૯૪૦ માનવ વસ્તીવાળા હિરણવેલ ગામને ભાંગીને ભુક્કો કરી નાખ્યું હતું. આખા ગામમાં કુલ રહેતા ૧૭૫ ગરીબ પરિવારોના મકાનો ધરાશાહી થઈ ગયા હતા. જે મકાનો બચ્યા હતા તે પણ રહેવા લાયક નથી. આ બનાવ બાદ તુરંત સરકારના પ્રતિનિધિ તરીકે તે વખતના જળસંપતિ મંત્રી રતિભાઈ સુરેજા તથા કલેકટર જિલ્લા વિકાસ અધિકારી સહિતનું ઉચ્ચ વહીવટીતંત્ર અસરગ્રસ્ત વિસ્તારની મુલાકાતે દોડી આવ્યું હતું. ભૂકંપથી થયેલ ભારે તારાજી નિહાળી વ્યથિત થયેલ મંત્રીએ હિરણવેલ ગીર ગામને પુનઃવસન કરવા સરકાર કોઈ કચાસ રાખશે નહીં. ભૂકંપનો ભોગ બનેલ વિસ્તારોને મળવાપાત્ર સહાય માટે તુરંત સર્વે હાથ ધરવામાં આવશે. તેવી મંત્રી તથા ઉચ્ચ અધિકારીઓએ ખાત્રી આપી હતી. પ્રધાનો તથા ઉચ્ચ અધિકારીઓ તથા પ્રજાના પ્રતિનિધિઓએ નજરે નીહાળી છે. છતાં પણ આજ સુધી કોઈ સહાય મળી નથી. ભૂકંપને કારણે રહેઠાણ ગુમાવનાર પરિવારોને ચોમાસામાં ભારે હાલાકીનો સામનો કરવો પડશે. અસરગ્રસ્ત લોકોને સરકાર દ્વારા મળવાપાત્ર સહાય તરત મળે માટે જે તે વખતે પ્રજાના પ્રતિનિધિઓએ અસરગ્રસ્ત વિસ્તારના લોકોને આપેલ ધરપત પ્રમાણે ભૂકંપને કારણે નોંધારા થયેલ ગરીબ પરિવારોને યોગ્ય ન્યાય અપાવવા પ્રબળ લોકમાગણી અસરગ્રસ્ત વિસ્તારોમાંથી ઉઠી છે.

Source: http://www.sandesh.com/articlewoImage.aspx?NewsID=76912&Keywords=Sorath%20Gujarati%20News