Sunday, Apr 25th, 2010, 2:53 am [IST]
Jitendra Mandaviya, Talala 
૧૩મી સિંહ વસતી અંદાજ માટે આજથી ચાર દિવસ માટે શરૂ થયેલ સિંહ ગણતરીનાં પ્રારંભે સિંહોનાં રહેઠાણ સમા ગીર જંગલ વિસ્તારમાં સિંહોની સંખ્યા વધવાનો શુભ સંકેત મળ્યો હોય તેવા શુકન થયા છે. આરક્ષીત ગીર જંગલની સાસણ, દેવળીયા, દેડકડી રેન્જનાં જંગલ વિસ્તારમાંથી કેટલાક નાના સિંહબાળો જોવા મળતા સિંહની સંખ્યામાં નોંધપાત્ર વધારો થવાનો શુભ સંકેત ગણતરીનો પ્રારંભ થતા વનવિભાગનાં અધિકારીઓ પણ આનંદીત બની ગયા છે.એશિયાટીક સિંહોની વસતીનો અંદાજ મેળવવા આજથી શરૂ થયેલ સિંહ ગણતરીનાં પ્રારંભે શુભ શુકન થયા છે. ગીર જંગલનાં આરક્ષીત ગીર અભ્યારણમાં સાસણ, દેવળીયા, દેડકડી, ભોજદેનાં જંગલ વિસ્તારોમાં પીળીપાટનાં જંગલ, કોરંભા, કમલેઅર વિસ્તારોમાં સિંહણ (માદા) સાથે નાના સિંહબાળો વધુ સંખ્યામાં જોવા મળ્યા છે.
પાણીનાં પોઈન્ટ નજીક સિંહણ સાથે ધીંગામસ્તી, ઉછળકુદ કરતા નાના સિંહબાળો વધુ સંખ્યામાં જોવા મળ્યા છે. પાણીના પોઈન્ટ નજીક સિંહણો સાથે ધીંગામસ્તી, ઉછળકુદ કરતા નાના સિંહબાળો ને જોઈ વનવિભાગનાં અધિકારીઓ આનંદીત બની ઉઠ્યા છે.
સિંહ પ્રજાતીને ટકાવવા સિંહોનાં સંવર્ધન સાથે રક્ષણ પુરૂપાડવા કેન્દ્રીય વનવિભાગે ૧૯૭૪માં વાઈલ્ડ લાઈફ પ્રોટેકશન એકટ લાગુ કરતા દર પાંચ વર્ષનાં સમયાંતરે સિંહોની સંખ્યામાં વધારો થતો રહ્યો છે.
૨૦૦૫માં થયેલ ગણતરીમાં ૩૫૯ સિંહો અસ્તિત્વમાં હોવાનું નોંધાયેલ જેમાંથી નર/માદા/પાદડા/બચ્ચા મળી કુલ ૨૯૧ સિંહો ગીર જંગલનાં લાગુ વિસ્તાર અને આરક્ષીત ગીર અભ્યારણમાં વસવાટ કરતા હોવાનું નજરે આવેલ ત્યારે ૨૦૧૦ની ૧૩મી ગણતરીનાં પ્રારંભે અરક્ષીત જંગલ વિસ્તારમાં જેટલા સિંહબાળ જોવા મળતા વનરાજોનું મનપસંદ આવાસ સ્થાન ગીર જંગલ જ હોવાનું ફલીત થાય છે.
દોઢ માસથી એક વર્ષની ઉંમરનાં નાના સિંહ બાળની નોંધપાત્ર સંખ્યા ગણતરી પ્રારંભે જ જોવા મળતા સિંહોની સંખ્યા વધવાનો સારો સંકેત મળી રહ્યો છે.
Source: http://www.divyabhaskar.co.in/2010/04/25/lion-population-counting-result-908363.html
માળીયા હાટીના તાલુકાનાં બાબરા વીડીનાં જંગલમાં સંવનનમાં ખલેલ પડતા એક યુવાન અને એક જાંબા નામના વૃઘ્ધ સિંહ વચ્ચે આંતરિક લડાઇ થઇ હતી. જેમાં યુવાન સિંહે જાંબા નામના સિંહને માથામાં પંજો મારી ઇજા કરી હતી. આ અંગે વન વિભાગને જાણ થતાં ઘટના સ્થળે દોડી જઇ સિંહને બેભાન કરી સારવાર શરૂ કરી હતી. સંવનનમાં ખલેલ પહોંચાડતા વૃઘ્ધ સિંહને પંજો મારી ઘાયલ કરી દીધાના બનાવથી સોરઠમાં ચર્ચા જાગી છે.
સિંહોની વસતીનો અંદાજ કાઢવા શરૂ થયેલ બે તબક્કાની ગણતરીમાં પ્રથમ પ્રાથમિક અંદાજ પુરો થયા બાદ આજથી આખરી ગણતરી બપોરે બે વાગ્યાથી શરૂ થઈ ચુકી છે. જે ૨૭ તારીખે બપોરે પુરી થશે. પ્રાથમિક ગણતરીમાં જે જગ્યાઓમાં સિંહોએ મારણ કરેલા અને સિંહોની અવરજવર રહેતી હતી તેવા વિસ્તારોમાં જ્યાં સિંહો જોવા નહી મળ્યા તેવા પોઈન્ટો ધરાવતી બીટોમાં વનવિભાગ જી.પી.એસ.સીસ્ટમની મદદથી સિંહોનાં લોકેશન શોધવા આખરી રાઉન્ડમાં આયોજન કરી રહ્યું છે.
એશીયાટીક સિંહોની વસતીની દર પાંચ વર્ષનાં સમયાંતરે ગણતરી કરવામાં આવે છે. ૨૪ એપ્રિલથી બે તબક્કામાં શરૂ થયેલ ચાર દિવસની આજે ગણતરી પુરી થયા બાદ સિંહોની સંખ્યામાં ૧૪ ટકા જેટલો વધારો થવાનો અંદાજ મળી રહ્યો છે. 