કેશોદના અજાબમાં કૂવામાં પડેલી દીપડીને બચાવાઇ.

Bhaskar News, Keshod | Sep 13, 2013, 02:13AM IST

- સાસણની રેસ્કયુ ટીમે ભારે જહેમત બાદ બહાર કાઢી

કેશોદનાં અજાબ ગામે એક વાડીનાં કુવામાં પડી ગયેલી દીપડીને સાસણની રેસ્કયુ ટીમે ભારે જહેમત બાદ સહીસલામત બહાર કાઢી એનીમલ કેર સેન્ટર ખાતે લઇ જવાઇ હતી. આ અંગેની પ્રાપ્ત વિગતો મુજબ તાલુકાનાં અજાબ ગામની સીમમાં મનોજભાઇ સમજુભાઇ બાબરીયાની વાડી આવેલી છે.

ગત રાત્રિ દરમિયાન તેમનાં વાડીનાં કુવામાં આશરે ચાર વર્ષની દીપડી ખાબકી ગયા બાદ સવારનાં મનોજભાઇ વાડીએ જતાં અને કુવામાં દીપડી નજરે પડતાં તાત્કાલીક સાસણ વન વિભાગને જાણ કરતાં અધિકારી અને સ્ટાફ સ્થળ પર દોડી ગયેલ અને રેસ્કયુ ટીમ દ્વારા ભારે જહેમત બાદ કુવામાંથી દીપડીને સહીસલામત બહાર કાઢી સાસણ એનીમલ કેર સેન્ટર ખાતે  લઇ ગયા હતાં.