વાડી વિસ્તારમાં 6 સિંહણે ગાયનો શિકાર કર્યો વીડિયો વાઇરલ

• બાબરાના ખાખરીયા ગામે બે સિંહે બળદનું મારણ કર્યું

Divyabhaskar.com

Nov 08, 2019, 01:10 PM IST

ગીરસોમનાથ/એમરેલી: ગીરગઢડાના વાડી વિસ્તારમાં મોડી રાત્રે એકસાથે 6 સિંહણો આવી ચડ્યા હતી અને ગાયનો શિકાર કરી મિજબાની માણી હતી. આ દ્રશ્યો કોઇએ મોબાઇલમાં કેદ કરી વીડિયો સોશિયલ મીડિયામાં વાઇરલ કર્યો હતો. વીડિયોમાં એક સિંહણ પર ઇજાના નિશાન જોવા મળી રહ્યા છે.
બે સિંહોએ બળદનો શિકાર કર્યો
બાબકા પંથકમાં બે સિંહો આવી ચડ્યા છે. ખાખરીયા ગામે આજે વહેલી સવારે પ્રકાશભાઇ ભોજાણીની વાડીએ બાંધેલા બળદનો શિકાર કરી મારણ કર્યું હતું. સિંહના પગના નિશાન ખેતરમાં જોવા મળ્યા હતા. હાલ ખેડૂતો માટે મોસમ હોય વાડીએ જતા ડરી રહ્યા છે.
(જયેશ ગોંધિયા, ઉના/રાજુ બસિયા, બાબારા)

https://www.divyabhaskar.co.in/saurashtra/latest-news/rajkot/news/6-lion-hunt-cow-and-two-lion-hunt-bull-in-girgadhada-and-babara-126019256.html