રાજુલા રેન્જનો રેલવે ટ્રેક રેઢો પટ, સિંહોનું અસ્તિત્વ જોખમમાં મૂકાયું, રેલવે ટ્રેક ક્રોસિંગ કરતો ફોટો સોશિયલ મીડિયામાં વાઇરલ

રેલવે ટ્રેક પર ફરતા સિંહોની તસવીર સોશિયલ મીડિયામાં વાઇરલ થઈ

• લેડી સિંઘમ રાજલ પાઠકને ફરી રાજુલા રેન્જમાં નિમણૂંક કરવા માંગ 

Divyabhaskar.Com

Mar 03, 2020, 07:45 PM IST

અમરેલી: અમરેલી જિલ્લામાં અમરેલી અને શેત્રુંજી પાલીતાણા ડીવીજનમાં સૌથી મહત્વની અને અતિ સેન્સિટિવ રેન્જમાં 2 મહિનાથી ડાંગ આહવા વિસ્તારના આરએફઓને રાજુલા મહત્વની રેન્જમાં નિમણૂક કરતા વન્ય પ્રાણીના અસ્તિવ પર સંકટ ઉભું થયું છે. ત્યારે ગ્રામીણ વિસ્તારના પર્યાવણ પ્રેમી અને વનવિભાગના કર્મચારીઓમાં ભારે ગણગણાટ ઉભો થયો છે. રાજુલા રેન્જમાં 50થી 60 જેટલા સિંહોનો વસવાટ છે. ત્યારે આરએફઓ કક્ષાના અધિકારીની ઢીલી નીતિના કારણે સિંહોની સુરક્ષા જોખમાય રહી છે. રાજુલાના વાવેરાથી લઇને પીપાવાવ પોર્ટ સુધી રેલવે ટ્રેક પર સિંહોની અવરજવર વધી પોર્ટના રેલવે ગેટ નજીક દરરોજ સિંહો પરિવાર સાથે અવરજવર કરતા હોવાનું જાણવા મળી રહ્યું છે.

પેટ્રોલિંગના અભાવથી વન્યપ્રાણીને ખતરો
જોકે અહીં 2 સિંહો ટ્રેક પર ક્રોસિંગ કરતા હોવાનો વીડિયો સોશિયલ મીડિયામાં વાયરલ થયો છે. તેને લઇને સિંહોની સુરક્ષાને લઇને સવાલો ઉઠી રહ્યા છે. સાથે સાથે આરએફઓની નબળી કામગીરીના કારણે એશિયાટિક સિંહો પર ખતરો તોડાય રહ્યો છે. પેટ્રોલિંગના અભાવે રેલવે ટ્રેક સહીત ઉદ્યોગ એરિયા રેઢો પડ જેવી સ્થિતિ સર્જાય ફોરેવે પીપાવાવ પોર્ટની 3થી 4 ચોકીઓ સતત બંધ રહે છે. અધિકારીનું મોનીટરીંગ અને પેટ્રોલિંગના કારણે વન્યપ્રાણી પર મોટો ખતરો જોવા મળી રહ્યો છે. અહીં દરરોજ સિંહો ક્રોસિંગ થાય છે. મસમોટા ટ્રકો ટ્રેલરો ક્રેઈન જેવા વાહનો સતત દોડી રહ્યા છે. સૌથી વધુ રાજુલા પંથકમાં સિંહોં ખુલ્લા વિસ્તારમાં રહે છે. તાજેતરમાં અહીં થોડા દિવસ પહેલાનો પીપાવાવ પોર્ટ રેલવે ગેટ નજીકનો એક ફોટો સોશિયલ મીડિયામાં વાયરલ થયો છે.

આરએફઓ બદલવાની લોકોની માગ
રેલવે ટ્રેક આસપાસ રહેતા લોકો પાસેથી જાણવા મળતી વિગત મુજબ દરરોજ સાંજના 4 વાગ્યા પછી અહીંથી ક્રોસ કરતા જોવા મળે છે. ત્યારે એશિયાટિક સિંહો પર ફરી સંકટના વાદળો છવાયા છે. તાકીદે સરકાર અને વનવિભાગ દ્વારા ઊંડાણપૂર્વક તપાસ કરી અગાઉ અહીં ફરજ બજાવી ચૂકેલા લેડી સિંઘમ આરએફઓ રાજલ પાઠક જેવા ઓફિસર જે કડક હાથે કામગીરી કરી શકે અને વન્યપ્રાણીની સુરક્ષા કરી શકે તેવા ઓફિસરની ફરી નિમણૂંક કરવા લોકોની માગણી ઉઠી છે. પીપાવાવ પોર્ટ કોવાયા અલ્ટ્રાટેક વિસ્તારમાં અતિ જોખમી વિસ્તારમાં સિંહો સિંહબાળ વન્યપ્રાણી સતત આંટાફેરા કરી રહ્યા છે. આરએફઓ અને વનવિભાગના કર્મચારી ફોરેસ્ટરોની ગેરહાજરીના કારણે સ્થિતિ કથળી છે. અગાઉ ફરજ બજાવી ચૂકેલા આરએફઓ રાજલ પાઠક 24 કલાક રાત-દિવસ પેટ્રોલિંગ કરતા હતા. પોર્ટ અને રેલવે ટ્રેક પર નાઈટ પેટ્રોલિંગ રેગ્યુલર જોવા મળતું હતું. જ્યારે હાલમાં પીપાવાવ પોર્ટની ગટર બંધ કરવા માટે પણ કોઈ એક્શન લેવાતા નથી વારંવાર સિંહબાળ ગટરમાં ખાબકે છે છતાં તંત્ર તમાશો જોઈ રહ્યું છે.

ફરી લેડી સિંઘમ પાઠકને મૂકવા માગ
અગાવ ફરજ બજાવી ચૂકેલા આરએફઓ રાજલ પાઠકની થોડા મહિના પહેલા વિસાવદર રેન્જમાં બદલી કરાય છે. પરંતુ તેમની જરૂરિયાત રાજુલા રેન્જની વાઈલ્ડ લાઈફમાં નિમણુંક કરવાની જરૂર છે. હાલમાં આરએફઓને વાઈલ્ડ લાઈફનો અનુભવ ન હોવાને કારણે સિંહોની સુરક્ષાની ચિંતા લોકોમાં જોવા મળી રહી છે.

પાઠક જેવા આરએફઓની જરૂર છે: વિપુલ લહેરી

રાજુલા પૂર્વ વાઈલ્ડ લાઈફ વોર્ડન વિપુલ લહેરી એ પણ સિંહો ની ચિંતા કરતા કહ્યું હતું રાજુલા રેન્જ માં સિંહો ની સંખ્યા ઉધોગ વિસ્તાર માં વધુ છે સુરક્ષા માટે અગાવ ફરજ બજાવી ચૂકેલા આરએફઓ રાજલબેન પાઠક ની જરૂર છે ખુબ સારી કામગીરી કરી છે સતત પેટ્રોલિંગ અને મિનિટરિંગ રાખતા હતા સિંહો ની તમામ ગતિવિધિ પર નજર રાખી શકે તેવા ઓફિસર અથવા તો ફરી આરએફઓ પાઠક ની નિમણુંક કરવી જોઈએ.

આરએફઓ પાઠકની કામગીરી થી ઉધોગ ગૃહો ફફડતા

રાજુલા મહિલા આરએફઓ રાજલ પાઠક ની કામગીરી અને કાર્યપદ્ધતિ માં બાંધછોડ નહીં હોવાને કારણે ઉદ્યોગો પીપાવાવ પોર્ટ,અલ્ટ્રાટેક સિમેન્ટ,નર્મદા,પીપાવાવ રિલાન્સ સિન્ટેક્ષ સહીત ઉધોગો ના પરપ્રાંતી ઓફિસરો આરએફઓ પાઠક ના ઉદ્યોગો ના પેટ્રોલિંગ થી રીતસર ફફડતા હતા અને સિંહ દર્શન કરનારા સામે સતત તવાય બોલાવતા હતા જેના કારણે વધુ પડતી લોકો માં ચાહના જોવા મળી રહી છે.
https://www.divyabhaskar.co.in/saurashtra/latest-news/amreli/news/rajula-range-railway-track-crashed-lions-existence-threatened-photo-crossing-the-railway-track-went-viral-on-social-media-126896854.html