કોડીનારમાં વન્યપ્રાણીનાં માંસ સાથે બે ની અટક.

Source: Bhaskar News, Kodinar   |   Last Updated 12:26 AM [IST](28/06/2011)

- દેવીપૂજક શખ્સોએ જંગલી ભુંડનો શિકાર કર્યો હતો
કોડીનારનાં છારા બીટનાં ફોરેસ્ટગાર્ડ એમ.એ. પરમાર તથા ભરવાડ જંગલ વિસ્તારની ફેરણીમાં હતા ત્યારે સરખડી ગામના રેવન્યુ મઠ વિસ્તારમાંથી સોમા માવજી દેવી પૂજક (ઉ.વ.૪૦) અને કાના મોહન દેવીપૂજક નેવન્યપ્રાણીના માંસ સાથે પકડી પાડ્યા હતાં.
આ શખ્સોની પૂછપરછમાં જંગલી ભુંડનો શિકાર કર્યાની કબુલાત કરી હતી. આ બંને શખ્સોને જામવાળા ઓફિસ ખાતે લઈ જવાયા હતાં.વન વિભાગે બંને શખ્સોને આજે કોર્ટમાં રજુ કરી એક દિવસનાં રિમાન્ડ મેળવી વધુ વન્યપ્રાણીઓનાં શિકારમાં સંડોવાયેલા છે કે કેમ ? તેની વિગતો મેળવવા વિશેષ પુછપરછ શરૂ કરવામાં આવી છે.