કોડીનાર-વેરાવળ ધમધમતા હાઇવે પર વાહને દીપડાને કચડ્યો.

Source: Bhaskar News, Kodinar   |   Last Updated 2:53 AM [IST](21/06/2011)

- રાત્રીનાં નવ વાગ્યે બનેલો બનાવ : લોકોનાં ટોળે ટોળા ઉમટયા
- દીપડાના મૃતદેહને એક બાજુ ખસેડી વાહન વ્યવહાર પૂર્વવત કરાવ્યો
કોડીનાર-વેરાવળ હાઇવે પર ગાયત્રી મંદિર પાસે સુગર ફેક્ટરી માર્ગ પર અજાણ્યા વાહને દીપડાને કચડી નાંખતા ઘટનાસ્થળે જ દીપડો મોતને ભેટ્યો હતો. આ રોડ પર ટ્રાફિક જામ થઇ જતા લોકોએ દીપડાનાં મૃતદેહને એક બાજુ ખસેડી વાહન વ્યવહાર પૂર્વવત કરાવ્યો હતો.
કોડીનાર-વેરાવળ હાઇવે પર સુગર ફેક્ટરીનાં માર્ગ પર ગાયત્રી મંદિર પાસે આજે રાત્રીનાં નવ વાગ્યાની આસપાસ વેરાવળ તરફ જતા કોઇ અજાણ્યા વાહને રોડ ક્રોસ કરી રહેલા દીપડાને અડફેટે લઇ લેતા ગંભીર ઈજા થવાથી દીપડાનું ઘટનાસ્થળે જ મોત નિપજ્યું હતુ. આ ઘટનાની જાણ થતા લોકોનાં ટોળા મૃતદેહને જોવા ઉમટયા હતા.
રોડની વચ્ચે પડેલા દીપડાનાં મૃતદેહથી ટ્રાફિક જામ થઇ જતા લોકોએ મૃતદેહને એક બાજુ ખસેડી ટ્રાફિક કલીયર કરાવ્યો હતો. આ બનાવની જાણ થતા વનવિભાગનો સ્ટાફ ઘટનાસ્થળે આવવા રવાના થઇ ગયો છે. માર્ગ અકસ્માતમાં દીપડાનાં મોતથી વન્યપ્રાણી પ્રેમીઓમાં અરેરાટીની લાગણી છવાઇ હતી.
source: http://www.divyabhaskar.co.in/article/SAU-vehicle-crush-leopard-on-kodinar-veraval-high-way-2205614.html