ગિરનાર ઉપર રોપ-વે બનાવવા માટેના પ્રોજેક્ટનો માર્ગ મોકળો, હાઇકોર્ટે મંજૂરી આપી

Divyabhaskar.Com

Feb 18, 2020, 08:59 PM IST

જૂનાગઢઃ ગિરનાર પર રોપ-વે બનાવવા માટે નક્કી કરવામાં આવેલા પ્રોજેક્ટને હાઇકોર્ટે લીલી ઝંડી આપી છે. આ પહેલાં રોપ-વે પ્રોજેક્ટને રોક લગાવવા અથવા ડાયવર્ટ કરવા માટે અરજી કરવામાં આવી હતી. જેને હાઈકોર્ટે ફગાવી છે. આ મામલે અરજદારે હાઇકોર્ટમાં રોપ વે પ્રોજેક્ટને કારણે પર્યાવરણને નુકસાન થાય છે તેવો દાવો કર્યો હતો. આ ઉપરાંત ગીધની વસ્તીને પણ રોપ-વેને કારણે અસર પહોંચે તેમ છે તેવું હાઇકોર્ટને જણાવ્યું હતું. ત્યારે આ મામલે હાઇકોર્ટે આ માટે આસપાસના વિસ્તારમાં પશુઓને આપવામાં આવતા આહારમાં તકેદારી રાખવાનો સરકારને આદેશ કર્યો છે.
https://www.divyabhaskar.co.in/saurashtra/latest-news/junagadh/news/hc-rejected-the-petitioners-request-for-a-rope-way-project-on-girnar-in-junagadh-126783757.html