જસાધાર રેન્જમાંથી એક અને ખાંભાના અનિડા ગામેથી ખુલ્લા કૂવામાંથી સિંહણનો બીજો મૃતદેહ મળ્યો

ખાંભાના અનિડા ગામમાં ખુલ્લા કુવામાંથી સિંહણનો મૃતદેહ મળ્યો

• અમરેલી જિલ્લામાં બે સિંહણના મૃતદેહ મળતા વન વિભાગ દોડતું થયું

Divyabhaskar.Com

Feb 17, 2020, 10:43 AM IST

અમરેલી: ધારી ગીર પૂર્વમાં જસાધાર રેન્જમાં મીંઢાબીટના ઘેલીપત જંગલ વિસ્તારમાંથી આશરે 12 વર્ષની સિંહણનો મૃતદેહ મળી આવ્યો છે. જ્યારે ખાંભા તુલસીશ્યામ રેન્જના અનિડા ગામના ખેડૂતની વાડીના ખુલ્લા કૂવામાંથી સિંહણનો મૃતદેહ મળી આવ્યો હતો. અમરેલી જિલ્લામાં બે બે સિંહણના મૃતદેહ મળી આવતા વન વિભાગ દોડતું થઇ ગયું હતું.

બંને સિંહણના મોત અંગે કારણ અકબંધ

વન વિભાગે બંને સિંહણના મૃતદેહ કબ્જે કર્યા છે અને પીએમ માટે એનિમલ કેર સેન્ટર ખાતે મોકલી આપ્યા છે. બંને સિંહણના મોત પાછળનું કારણ અકબંધ છે. પીએમ રિપોર્ટ આવ્યા બાદ જ મોતનું સાચુ કારણ જાણવા મળશે.

(જયદેવ વરૂ, અમરેલી)
https://www.divyabhaskar.co.in/saurashtra/latest-news/amreli/news/two-lioness-dead-body-get-in-amreli-district-126774834.html