ગિરનાર ચઢતી વખતે પુનાનાં યાત્રિકનું મોત.

DivyaBhaskar News Network | Nov 30, 2014, 06:45AM IST

ગિરનાર ચઢતી વખતે પુનાનાં યાત્રિકનું મોત
ગિરનારનીયાત્રાએ આવેલા એક પુનાનાં યાત્રિકને સીડી પર હૃદયરોગનો હુમલો આવી ગયો હતો. અને તેનું મૃત્યુ થયું હતું. પુણેમાં રહેતા સુખદેવ સરજેરાવ (ઉ.40) નામનાં યાત્રાળુ પોતાનાં મિત્રો સાથે જૂનાગઢ આવ્યા હતા. અાજે તેઓએ પોતાનાં ગૃપ સાથે ગિરનાર ચઢવાનું શરૂ કર્યું હતું. તેઓ સવારે 9:30 વાગ્યે 3,300 પગથિયે પહોંચ્યા હતા. વખતે તેમને અચાનકજ છાતીમાં દુ:ખાવો ઉપડ્યો હતો. આથી ડોળીવાળા રમેશ ઉકાભાઇ ગાંગડિયા કોળી તેમને ડોળીમાં બેસાડી તાકીદે નીચે લાવ્યા હતા. જોકે, દરમ્યાન રસ્તામાંજ તેમણે અંતિમ શ્વાસ લીધા હતા. તેમનાં મૃતદેહને સિવીલ હોસ્પિટલે લાવવામાં આવ્યો હતો.