જૂનાગઢઃ ઉના પાસે દીપડાએ હુમલો કરતા ચાર વર્ષના બાળકનું મોત.

Jayesh Gondhia, Una | Oct 26, 2014, 13:11PM IST

(તસવીરઃ ઉના હોસ્પિટલમાં મૃત બાળક)

 

જૂનાગઢઃ ઉના નજીક ગીર જંગલ પાસે આવેલા કોદિયા ગામે દિપડાએ ચાર વર્ષના બાળક પર હુમલો કરતા બાળકનું મોત થયું છે. આજે સવારે દસ વાગ્યાની આસપાસ મજૂરી કામ ગયેલા કાળુભાઈ તથા વક્તુબેન સાથે તેમનો ચાર વર્ષનો બાળક કલ્પેશ પણ હતો. માતા-પિતા કપાસ ઉતરતાં હતા  તે વખતે કલ્પેશ અન્ય બાળક જોડે વાડીમાં રમતો હતો. દરમિયાન વાડીમાં ઘૂસી ગયેલો દીપડો બાળકને ઉઠાવી ગયો હતો.

 

દીપડાના હુમલાને પગલે વાડી માલિક યાસીનભાઈ બાળકને શોધવા માટે નીકળ્યા હતા. તે સમયે વાડીના સેઢામાં દીપડો કલ્પેશને દબોચીને બેઠો હતો. યાસીનભાઈએ દીપડાનો પ્રતિકાર કરતાં દીપડાએ બાળકને છોડીને ભાગી છૂટ્યો હતો. દરમિયાન યાસીનભાઈએ ગંભીર રીતે ઘાયલ થયેલા બાળકને ઉના હોસ્પિટલમાં લાવ્યા હતા. જો કે તે પહેલા બાળકનું મોત થઈ ગયુ હતુ.