ધારીના ભાડેર ગામે ખેતરમાં કામ કરતા માતા-પુત્ર પર દીપડાનો હુમલો

માતા-પુત્રને સારવાર માટે હોસ્પિટલ ખસેડાયા

• માતા-પુત્ર ભાગતા બંનેનો બચાવ થયો

દિવ્ય ભાસ્કર

May 22, 2020, 04:59 PM IST

અમરેલી. અમરેલી જિલ્લામાં દીપડાનો આતંક ફરી શરૂ થયો છે. ધારી તાલુકાના ભાડેર ગામે ખેતરમાં કામ કરતા માતા-પુત્ર પર દીપડાએ હુમલો કર્યો હતો. આથી બંને માતા-પુત્ર જીવ બચાવવા ભાગતા બચાવ થયો હતો. બાદમાં આસપાસના ખેતરમાંથી ખેડૂતો એકત્ર થઇ હાકલા પડકારા કરતા દીપડો ભાગી ગયો હતો. બંને માતા-પુત્રને ઇજાગ્રસ્ત હાલતમાં સારવાર માટે હોસ્પિટલ ખસેડવામાં આવ્યા હતા. ઘટનાની જાણ થતા વન વિભાગ દોડી આવ્યું હતું અને દીપડાની શોધખોળ હાથ ધરી છે.

(જયદેવ વરૂ, અમરેલી) 
https://www.divyabhaskar.co.in/local/gujarat/amreli/news/leopard-attack-on-mother-and-her-son-near-dhari-127328350.html