વનતંત્રે પાંજરૂ ગોઠવી દીપડાને પકડવા કવાયત હાથ ધરી
માળિયાહાટીના નાં બોડી ગામે દીપડાએ હુમલો કરી ખેડુતને ઘાયલ કરી દીધા હતાં. બોડી ગામે સીમ વિસ્તારમાં જેન્તીલાલ અંબાવીભાઇ કાલરીયાની વાડીનું ભાગીયું ભગવાનજીભાઇ ગોપાલભાઇ ગોરફાળે રાખ્યું હોય અને વાડીમાં બાજરાનું વાવેતર કરેલું હોય ગુરૂવારે સવારે ભગવાનભાઇ ખેતી કામ કરી રહયાં હતાં. ત્યારે બાજરામાં છુપાયેલા દીપડાએ હુમલો કરીને તેમને ઘાયલ કરી દીધા હતાં. ત્યારે આસપાસનાં લોકોએ દોડી આવી દેકારો કરી મુકતા દીપડો નાસી ગયો હતો. ઇજાગ્રસ્ત ભગવાનભાઇને સરકારી હોસ્પિટલે ખસેડયાં હતાં જયા તબીબે સારવાર આપી જૂનાગઢ રીફર કર્યા હતાં. આ ઘટનાને પગલે વનતંત્રએ પાંજરૂ ગોઠવી દીપડાને પકડવા કવાયત હાથ ધરી છે. ઘાયલ ખેડૂત.તસવીર-મહેશ કાનાબાર
https://www.divyabhaskar.co.in/news/SAU-JUN-OMC-MAT-latest-junagadh-news-042503-1795849-NOR.html
No comments:
Post a Comment