Wednesday, May 30, 2012
મૂંડિયારાવણીમાં ચારને ઘાયલ કરનાર દીપડી ઝડપાઇ.
વિસાવદરનાં મુંડીયારાવણી ગામે ગત તા.ર૭નાં રાત્રિનાં સમયે એક દીપડીએ ગામમાં ઘુસી આવી ચાર મકાનોની ઓશરીમાં પ્રવેશ કરી ચાર વ્યક્તિઓ પર હુમલો કરી તેમને ઘાયલ કરી દીધા હતા.
આ ઘટનાને પગલે વિસાવદર રેન્જનાં આરએફઓ એન.એમ. જાડેજા, એસીએફ ઠુંમરે ગામ ફરતે ચાર પાંજરા ગોઠવી દીધા બાદ શિકારની લાલચે ફરી આવી ચઢેલી દીપડી આજે વહેલી સવારે ચાર વાગ્યે એક પાંજરામાં કેદ થઇ ગઇ હતી. આ દીપડીની ઉંમર આશરે બે થી ત્રણ વર્ષની અને તેને સાસણ એનિમલ કેર સેન્ટર ખાતે મોકલી અપાઇ હોવાનું વન વિભાગે જણાવ્યું હતું.
Subscribe to:
Post Comments (Atom)
No comments:
Post a Comment