ગ્લોબલ વોમ: પશુ-પંખી, ઝાડ-પાનમાં કમોસમી ફેરફાર.

Source: Vipul Lalani, Visavdar   |   Last Updated 12:07 AM [IST](29/07/2012)

- ગ્લોબલ વોમ ¾ ભાગની અસર વાતાવરણ અને જીવસૃષ્ટિમાં પણ દેખાય છે

સમગ્ર ગુજરાતમાં વરસાદ ખેંચાતા ગુજરાત સરકાર ચિંતાના વાદળોમાં ગરકાવ થઇ ગઇ છે. ખેડૂતોની અમુલ્ય મોલાતો જે મોંઘા ભાવનાં બિયારણો અને ખાતરો, દવાઓ લઇને વાવે છે. ખેડૂતો, માલધારીઓ અને પશુપાલકોને ઘાસચારાની પણ અછત જોવા મળી રહી છે. અનેક શહેરો તથા ગામડાઓમાં પીવાનાં પાણીની સમસ્યાઓ પણ ઉભી થવા લાગી છે. મેઘરાજા જાણે આ વર્ષે ગુજરાત પર કોપાયમાન થયા હોય તેમ લાગે છે.

વરસાદ ખેંચાતાં અનેક ધાર્મિક જગ્યાઓમાં મેઘરાજાને મનાવવા માટે માનતાઓ, ઉપવાસ, રામધુન, યજ્ઞો, પદયાત્રાઓ જેવા અનેક આયોજનો લોકો કરી રહ્યા છે. પરંતુ વરસાદ વરસવાનું નામ જ લેતો નથી. આ સ્થિતી ઉñવવાનું કારણ વાતાવરણમાં થયેલા અનેક ફેરફારો છે. પશુ-પંખી અને ઝાડ પાનમાં જોવા મળતા કમોસમી ફેરફારો તેમાં મુખ્ય છે.

ટીટોડીનાં ઇંડા : ટીટોડીને જ્યારે ઇંડા મુકવાનો સમય આવે છે અને જ્યાં ઇંડા મુકે છે. તેના પરથી વરસાદની આગાહીઓ થાય છે. તે મુખ્યત્વે વૈશાખ મહિનાના અંતમાં ઇંડા મૂકે છે. જેઠ મહિનામાં તેના બચ્ચાં જોવા મળે છે. પરંતુ વાતાવરણના ફેરફારને લીધે આજે છેક શ્રાવણમાસમાં પણ ટીટોડીના ઇંડા જોવા મળે છે. હાલ ટીટોડીના ઇંડા વિસાવદરનાં દિનેશભાઇ ભનુભાઇ રબિડીયાના ખેતર પાસેની વાડીમાં જોવા મળ્યા છે.

લીમડામાં મોર: લીમડામાં મોર ચૈત્ર માસમાં જ ખીલે છે. પરંતુ વિસાવદરનાં મોટી મારણ ગામનાં ભીખાભાઇ ગોવિંદભાઇ વીરડીયાના ખેતરે લીમડામાં આવેલા ફેરફાર જોઇને ખુદ ભીખુભાઇ આશ્ચર્ય પામી ગયા છે. આજે આ લીમડાનાં ઝાડ પર પાકેલી લીંબોડીઓ પાકીને પીળી થાય અને ડાળીઓમાં નવો મોર કોરાઇ
રહ્યો છે.

બોરડીમાં બોર: બોરડીના બોરની સીઝન શિયાળો છે. પણ આજે મોટી મોણપરીના માવજીભાઇ ટપુભાઇ દોંગાનાં ઘરે આવેલી બોરડીમાં બોર જોવા મળી રહ્યા છે. તેમજ બોર બીજી અનેક જગ્યાએ જોવા મળે છે.