જૂનાગઢ-મેંદરડા બાયપાસ રોડ ફક્ત બે મહિનામાં જ તૂટી ગયો.

જૂનાગઢ, તા.૩જૂનાગઢ જિલ્લામાં તમામ રસ્તાઓની બિસ્માર હાલત અંગે વારંવાર ઉઠતી ફરિયાદ બાદ તંત્ર દેખાડા પુરતુ કામ કરીને સંતોષ માની લે છે. અનેક ફરિયાદો બનાવાયેલા રસ્તાઓ માત્ર છ જ મહિનામાં તુટી જાય છે. પરંતુ જૂનાગઢથી મેંદરડા બાયપાસનો આશરે ર૦ કિ.મી. જેટલો રસ્તો બનાવ્યા બાદ માત્ર બે જ મહિનામાં ધોવાઈ ગયો હોવાની રાવ સાથે રસ્તો બનાવનાર કોન્ટ્રાક્ટર સામે પગલા લેવાની માંગણી ઉઠવા પામી છે. મહેસુલ મંત્રીના હસ્તે ખાતમુર્હૂત કરાયું હતું એવો સત્વરે પગલા લેવાની આસપાસના ગ્રામજનોમાંથી ઉઠેલી ઉગ્ર ફરિયાદ તાજેતરમાં થોડા માસ પહેલા જૂનાગઢ-ધંધુસર રોડ પર સ્કુલની સીટી બસ પલ્ટી મારી ગઈ હતી. જેમાં અનેક બાળકો ઘાયલ થયા હતા અને બે બાળકોના મૃત્યું પણ થયા હતાં. આ રસ્તો પણ બન્યાના છ મહિનામાં સંપૂર્ણ પણે ધોવાઈ ગયો હતો. ત્યારે માત્ર બે મહિના પહેલા બનાવાયેલ જૂનાગઢ-મેંદરડા રોડ પણ માત્ર બે જ મહિનામાં તુટી જતા તંત્રનું વધુ એક ભોપાળુ છતું થયુ છે. અત્રે ઉલ્લેખનીય છે કે આ રસ્તાનું ખાતમૂહૂર્ત મહેસુલમંત્રીના હસ્તે કરવામાં આવ્યું હતું. ગાંધીગ્રામ-ઈવનગર થઈને મેંદરડા જતો આ રસ્તો ટુંકો હોવાથી મોટાભાગના શહેરીજનો અને સાસણ, ગાંઠીલા જતા યાત્રિકો આ રસ્તાનો ઉપયોગ કરે છે. સમય અને નાણા બચતા હોય દિવસ દરમિયાન આ રસ્તો ટ્રાફીકથી ધમધમતો રહે છે. આ તમામ બાબતોને ધ્યાને લીધા વગર આડેધડ રસ્તો બનાવી નંખાતા માત્ર બે જ મહિનામાં રસ્તો તુટી ગયો છે. અને પ્રજાના લાખો રૂપિયાનું ધોવાણ થઈ ગયું હોવાની રાવ સાથે આ વિસ્તારના રહેવાસીઓએ આ રસ્તો બનાવનાર કોન્ટ્રાક્ટર સામ કાયદાકીય પગલા લેવાની માંગણી કરી છે. Source: http://www.sandesh.com/sandesh_article.aspx?newsid=344188