Friday, March 31, 2017

જૂનાગઢ: ચોકીની સીમમાં દીપડાએ 7 વર્ષની બાળકીને ખેતરમાં ઢસડી ફાડી ખાધી

Bhaskar News, Junagadh | Mar 24, 2017, 00:54 AM IST

  • જૂનાગઢ: ચોકીની સીમમાં દીપડાએ 7 વર્ષની બાળકીને ખેતરમાં ઢસડી ફાડી ખાધી,  junagadh news in gujarati
(તસવીર પ્રતિકાત્મક)
 
જૂનાગઢ: સોરઠ પંથકમાં માનવી પર દીપડાનાં હુમલાની ઘટના અવારનવાર સામે આવી રહી છે. જેમાં માનવ મૃત્યુનાં બનાવ પણ બને છે. જૂનાગઢ નજીક ચોકી (સોરઠ)ની સીમમાં દીપડાનાં હુમલાની ઘટના સામે આવી છે.મુળ દાહોદનાં ધોડાજર ગામે રહેતા વિરસંગભાઇ ભુરૈયા પરિવાર સાથે જૂનાગઢનાં ચોકી ગામે મજુરી કામે આવ્યા છે. તેઓ ચોકીમાં જીતેન્દ્ર અરજણભાઇ  બાબરિયાની વાડીએ રહેતા હતા. 
 
લઘુશંકા કરવા બહાર નિકળીએ વખતે દીપડાએ બાળકી પર હુમલો કર્યો
 
ગતરાત્રે વિરસંગભાઇની 7 વર્ષની પુત્રી શરમીલા લઘુશંકા કરવા બહાર નિકળીએ વખતે દીપડાએ બાળકી પર હુમલો કર્યો હતો. અને તેને બાજુનાં સવજીભાઇનાં ખેતરમાં ઉપાડી ગયો હતો. અને ત્યાં બાળકીને ફાડી ખાધી હતી. પરિવારને બનાવની જાણ થતા વન વિભાગને જાણ કરી હતી. બનાવને પગલે વન વિભાગની ટીમ દોડી ગઇ હતી. અને દીપડાને પાંજરે પુરવા કવાયત હાથ ધરી છે. અત્રે નોંધનીય બની રહેશે કે, સોરઠમાં દીપડા દ્વારા બાળકોને ફાડી ખાવાનાં બનાવો વધી રહ્યાં છે. ત્યારે વનવિભાગ અને વહિવટી તંત્ર દ્વારા સુરક્ષા માટે યોગ્ય પગલા ભરવા જરૂરી બન્યાં છે.

No comments: