સોઢાયા ગામે વાડીમાં કામ કરી રહેલા યુવાન પર સિંહે હુમલો કર્યો, પરિવારજનો આવી જતા બચી ગયો

• ગંભીર રીતે ઘાયલ યુવાનને સારવાર માટે કોડીનાર સરકારી હોસ્પિટલે ખસેડવામાં આવ્યો 

દિવ્ય ભાસ્કર

Mar 16, 2020, 11:27 AM IST

ગીરસોમનાથ: કોડીનારના સોઢાયા ગામે સિંહે રામભાઇ રાજાભાઇ ભેડા નામના યુવાન પર હુમલો કર્યો હતો. યુવાન પોતાની વાડી વહેલી સવારે ખેતરમાં કામ કરી રહ્યો હતો. આ સમયે સિંહે અચાનક જ તેના પર હુમલો કરી દીધો હતો. સદનસીબે ઘરના સભ્યો આવી હાકલા પડકારા કરી સિંહને ખદેડી મુકતા યુવાનનો જીવ બચી ગયો હતો. ગંભીર રીતે ઘાયલ રામભાઇને સારવાર માટે કોડીનાર સરકારી હોસ્પિટલે ખસેડવામાં આવ્યો હતો.

વન વિભાગની ટીમ ઘટનાસ્થળે પહોંચી

ઘટનાની જાણ થતા જ વન વિભાગની ટીમ દોડી ગઇ હતી. હુમલો કરનાર સિંહને શોધખોળ હાથ ધરી છે. સિંહ દ્વારા માનવીઓ પર થતા હુમલા વધી રહ્યા છે. સોઢાયા ગામમાં સિંહના હુમલાથી ગ્રામજનોમાં ભયનો માહોલ જોવા મળી રહ્યો છે.

(જયેશ ગોંધિયા, ઉના)
https://www.divyabhaskar.co.in/saurashtra/latest-news/junagadh/news/lione-attack-on-young-man-in-sodhaya-village-of-kodinar-126986261.html