સોનપરામાં ક્વોરન્ટાઇન લોકોએ વૃક્ષના રોપા વાવ્યા

• 103 વ્યક્તિએ બન્ને શાળામાં સફાઈ કરી

દિવ્ય ભાસ્કર

May 22, 2020, 05:00 AM IST

ડોળાસા. ગીરગઢડા પંથકના સોનપરા ગામે બહારથી આવેલા લોકોને શાળામાં ક્વોરોન્ટાઇન કરવામાં આવ્યા હતા અને આ લોકોએ શાળામાં સફાઈ અભિયાન હાથ ધરી વૃક્ષારોપણ કર્યું હતું.ગીર ગઢડા તાલુકાના સોનપરા ગામે  સુરત,વડોદરા થી 103 લોકો થોડા દિવસ પહેલા આવેલા હોય આ તમામને ગામની શાળામાં જ ક્વોરોન્ટાઇન કરવામાં આવે છે.આ દરમિયાન આ લોકોએ કઈક દાખલા રૂપ કામ કરવાનો નિર્ણય લીધો હતો અને 14 દિવસ દરમિયાન કુમાર શાળા અને કન્યા શાળામાં સફાઈ અભિયાન હાથ ધર્યું હતું બાદમાં વિવિધજાત ના વૃક્ષના રોપાનું વાવેતર કર્યું હતું અને 99 લોકોના ક્વોરોન્ટાઇન પૂર્ણ થતાં તે ઘરે જતા રહ્યાં છે જો કે 4 લોકો આ વૃક્ષના રોપાઓને પાણી આપવા અહીં જ રોકાયા છે.આ લોકોની આ કામગીરીને સરપંચ સહિતનાએ બિરદાવી હતી.
https://www.divyabhaskar.co.in/local/gujarat/amreli/news/quarantine-people-planted-tree-saplings-in-sonpara-127325621.html