પોરબંદરના પક્ષી અભયારણ્યમાં વિહરતા ફ્લેમીંગો પક્ષીઓ

DivyaBhaskar News Network

May 29, 2019, 07:10 AM IST
અરબી સમુદ્રના કિનારે વસેલા પોરબંદર શહેરમાં વિદેશી પક્ષીઓનો જમાવડો રહેતો હોય છે. પોરબંદરમાં દર વર્ષે મોટી સંખ્યામાં ફ્લેમીંગો પક્ષીઓ વિહરતા હોવાથી શહેરને સૂરખાબી નગર તરીકે પણ ઓળખવામાં આવે છે. ખાસ કરીને સફેદ અને ગુલાબી રંગના ફ્લેમીંગો પક્ષીઓ સૌ માટે આકર્ષણનું કેન્દ્ર બન્યા છે. જળાશયમાં હાલ પાણી સૂકાવા લાગ્યું છે ત્યારે આ પક્ષીઓ થોડા પાણીમાં પોતાનો ખોરાક શોધતા નજરે પડતા જાણે જળાશયે પણ ગુલાબી ચાદર ઓઢી હોય તેવા દ્રશ્યો સર્જાય છે. શહેરની મધ્યમાં પક્ષી અભ્યારણ્ય ખાતે હાલ હજ્જારોની સંખ્યામાં ફ્લેમીંગો પક્ષીઓ વિહાર કરતા નજરે પડે છે, આ પક્ષીઓને નિહાળી સૌ આનંદિત બને છે. 
https://www.divyabhaskar.co.in/news/SAU-POR-OMC-MAT-parimala-flamingo-birds-in-porbandar-bird-sanctuary-071011-4649257-NOR.html