- રેસ્ક્યુ | સાવજોની દશા બેઠી હોય તેમ બનાવમાં વધારો
- એક વર્ષની ઉમરનાં સાવજને રેસ્કયુ ટીમે સલામત બહાર કાઢ્યો
- એક વર્ષની ઉમરનાં સાવજને રેસ્કયુ ટીમે સલામત બહાર કાઢ્યો
રાજુલા: ગીર જંગલમાં વસતા સાવજોની જાણે માઠી દશા બેઠી હોય તેમ જોવા મળી રહ્યું છે. ત્યારે જાફરાબાદ તાલુકાના વડલી ગામની સીમમાં સવારના સુમારે એક સિંહ ખુલ્લા કુવામા પડી ગયો હતો. આ બારામાં ગ્રામજનોએ વનવિભાગને જાણ કરવામા આવતા સ્ટાફ અહી દોડી આવ્યો હતો અને રેસ્કયુ ઓપરેશન હાથ ધરી મહામહેનતે સિંહને કુવામાંથી બહાર કાઢી સારવાર માટે જસાધાર એનીમલ કેર સેન્ટરમાં ખસેડવાની કાર્યવાહી કરવામા આવી હતી. જો કે વનવિભાગના આરએફઓ દ્વારા ઘટના છુપાવવા પ્રયાસ કરવામા આવતા સિંહપ્રેમીઓમાં અનેક સવાલો ઉઠયાં હતા.
સિંહ કુવામા પડી ગયાની આ ઘટના જાફરાબાદ તાલુકાના વડલી ગામની સીમમાં બની હતી. અહી ભીખાભાઇ પુનાભાઇ વાઘેલાની વાડીમાં આવેલ ખુલ્લા કુવામા સવારના સુમારે એક વર્ષની ઉંમરનો સિંહ ખાબકયો હતો. આ અંગે ગ્રામજનો દ્વારા વનવિભાગને જાણ કરવામા આવતા વનવિભાગની રેસ્કયુ ટીમ અહી દોડી આવી હતી.
કલાકોની જહેમત બાદ આ સિંહને કુવામાંથી બહાર કાઢી પાંજરે પુરવામા આવ્યો હતો અને સારવાર માટે જસાધાર એનીમલ કેર સેન્ટરમાં ખસેડવામા આવ્યો હતો. ઘટનાને પગલે વાડીમાં મોટી સંખ્યામા લોકો સિંહ જોવા માટે ઉમટી પડયા હતા. ગીર જંગલમાં વસતા સાવજો હવે રેવન્યુ વિસ્તારમાં મોટા પ્રમાણમાં વસવાટ કરતા જોવા મળી રહ્યાં છે. અવારનવાર વાડી ખેતરોમાં આવેલા ખુલ્લા કુવાઓમાં વન્યપ્રાણીઓ પડી જવાની ઘટનાઓ પણ બનતી રહે છે.
આગળ વાંચો, રેસ્કયુ ચાલતુ"તુ છતાં આરએફઓ અંધારામાં હતા
No comments:
Post a Comment