લાઠી:
લીલીયા તાલુકાના નાના લીલીયા ગામની સીમમા આજે ચાર સાવજના ટોળાએ એક
માલધારીના પાડરૂનુ મારણ કરતા માલધારીઓમા ફફડાટ વ્યાપી ગયો છે. લાઠીના
દેવળીયા, જરખીયા વિગેરે વિસ્તારમા સાવજોના આંટાફેરા વધી ગયા છે.
દેવળીયા, જરખીયાની સીમમાં પણ સાવજોના આંટાફેરા
લીલીયા તાલુકાના ક્રાંકચ પંથકમા તો સાવજોની મોટી વસતી છે. પરંતુ હવે લાઠી તાલુકાના ગ્રામ્ય વિસ્તારોમા પણ સાવજોના આંટાફેરા વધ્યા છે. થોડા દિવસ પહેલા લાઠી તાલુકાના દેવળીયા, જરખીયાની સીમમા સાવજોએ ચક્કર માર્યાના સગડ મળ્યાં હતા જેના કારણે માલધારીઓ અને ખેડૂતોમા ફફડાટ ફેલાયો છે. રાત્રીના સમયે ખેડૂતોને સીમમા કામ કરવુ પડી રહ્યું છે અને રાત્રીના સમયે આ વિસ્તારના સાવજોના આંટાફેરા પણ રહે છે. આજે લીલીયા તાલુકાના નાના લીલીયા અને વાઘણીયા ગામની સીમમા ચાર સાવજના ટોળા દ્વારા એક પાડરૂનુ મારણ કરવામા આવ્યું હતુ. નાના લીલીયાના આદિલહુશેન અહેમદહુશેનની માલિકીનુ આ પાડરૂ સીમમા ચરી રહ્યું હતુ ત્યારે સાવજોએ તેને મારી નાખ્યુ હતુ. બનાવથી સીમમા કામ કરતા લોકોમા ફફડાટ છે.
No comments:
Post a Comment