Divyabhaskar.com | Updated - Aug 18, 2018, 12:52 AM
બાબરા વિડીમાંથી નિકળી દેવળિયા, સાસણ થઇ ડેડકડી, કેરભા અને કાસીયા સુધી ડણક દેતું નિકળે ત્યારે બીજું ગૃપ પીછેહઠ કરી જાય છે
ઘટના દર્શાવવા માટે પ્રતિકાત્મત તસવીર
બચ્ચાંવાળી સિંહણ સામનો કરે તો બચ્ચાંને મારી નાંખે
બાબરાવીડી માળિયા નજીક અાવેલો રેવન્યુ વિસ્તાર છે. ત્યાંથી નિકળીને આ ગૃપે સૌપ્રથમ દેવળિયાનાં જંગલમાં પોતાનું આધિપત્ય જમાવ્યું. ત્યાંથી સાસણ, મેંદરડાનાં ડેડકડી, કેરભા, રાયડી, દુધાળા અને છેલ્લે કાસીયા રાઉન્ડના વિસ્તારોમાં પોતાની આખી ટેરીટરી ઉભી કરી છે. જ્યાં પણ આ ગૃપ જાય ત્યાં સૌપ્રથમ ડણક દઇ સ્થાનિક ગૃપોનાં સિંહ-સિંહણને ડરાવવાનું કામ કરે. જો સામા થાય તો ચારેય એક થઇ તેની સાથે લડાઇ કરે. અને એ વિસ્તારનાં સિંહને પીછેહઠ કરવી પડે અથવા મોતને ભેટવું પડે.
છેલ્લા બે-ત્રણ વર્ષમાં આ રીતે આ સાવજોનું આધિપત્ય સ્થપાયું છે. આ ચારેયમાં જે સૌથી કદાવર સિંહ છે એજ તેનો લીડર. વનવિભાગે તેને આફ્રીકન નામ આપ્યું છે. એ ગૃપ જ્યાં જાય ત્યાં સિંહણનું જૂથ ગમે અેટલું મોટું હોય તેને ધરાર મેટીંગમાં લે છે. જો બચ્ચાંવાળી સિંહણ સામનો કરે તો બચ્ચાંને મારી નાંખે. અત્યાર સુુધીમાં આ જૂથે 6 સિંહબાળનો ભોગ લીધો છે.
એક તરફ દુ:ખ બીજી તરફ આનંદ
વનવિભાગને આ ચારેય દ્વારા કરાતી સિંહ બાળની હત્યાનું એક તરફ દુ:ખ છે. તો બીજી તરફ આવા ખુંખાર સાવજોની ઓલાદ પણ ખુંખાર જન્મે એ વાતનો આનંદ પણ છે.
મહિને એક ચક્કર તો મારેજ
આ 4 સાવજોનું ગૃપ મહિનામાં એક વાર તો બાબરાવીડીથી છેક મેંદરડા સુધી ચક્કર મારે જ છે. એમ વનવિભાગનાં સુત્રોનું કહેવું છે.
બધે પોતાનાંજ બચ્ચાં હોવા જોઇએ
વનતંત્રનાં કહેવા મુજબ, આ ગૃપની માનસિકતા એવી છે કે, બીજા સિંહના નહીં, માત્ર પોતાના જ ગૃપનાં બચ્ચાં બધે હોવા જોઇએ.
https://www.divyabhaskar.co.in/news/SAU-JUN-OMC-LCL-4-lions-have-killed-more-than-10-young-lions-in-half-a-forest-gujarati-news-5939913-NOR.html
No comments:
Post a Comment