ખાંભાના ઉમરીયા તાતણીયા રોડ પર અજાણ્યા વાહન હડફેટે દિપડાનું મોત.

Dilip Raval, Amreli | Jan 19, 2015, 13:11PM IST

(તસવીર: અકસ્માતમાં મૃત્યુ પામેલ દીપડો)

 

અમરેલી: અમરેલી જીલ્લાના રેવન્યુ વિસ્તારમાં દિપડાની સંખ્યા ઘણી વધારે છે ત્યારે દિપડાઓ અવારનવાર અકસ્માતનો ભોગ પણ બને છે. આવી જ એક વધુ ઘટનામાં આજે ખાંભા તાલુકાના તાતણીયા- ઉમરીયા રોડ પર અજાણ્યા વાહનની હડફેટે એક દિપડાનું મોત થયું હતું. સવારે આ અંગે વન વિભાગને જાણ થતા સ્ટાફ ઘટનાસ્થળે દોડી ગયો હતો. અકસ્માત સર્જનાર વાહન ચાલક નાસી છુટ્યો હતો. દીપડાના મોં માંથી લોહી નીકળી ગયેલુ નજરે પડ્યું હતું.