માળિયા હાટીના:માળિયા
હાટીના તાલુકાનાં દુધાળા ગામે આજે સાંજે એક 5 વર્ષની બાળકીને સિંહણે ફાડી
ખાધી હતી. સવારે માતા કુદરતી હાજરે બેઠી હતી તેની પાસેથી બાળકીને ઉઠાવી જઇ
સિંહણે 500 મીટર દૂર જઇને કોળિયો બનાવી હતી.
માળિયાનાં દુધાળામાં રહેતી ભાવિશાબેન મનસુખભાઇ રાઠોડ નામની કોળી પરિણીતા પોતાને 5 વર્ષીય પુત્રી અંજની સાથે સાંજે 7 વાગ્યે ગામની બહાર આવેલા વાડામાં કુદરતી હાજતે ગઇ હતી. ત્યારે પાછળથી એક સિંહણ આવી ચઢી હતી. અને અંજનીને ઉપાડીને નાસી જતાં ભાવિશાબેને રાડારાડ કરી મૂકી હતી. આથી આસપાસમાંથી લોકો દોડી આવ્યા હતા. અને શોધખોળ હાથ ધરી હતી. જેમાં બનાવનાં સ્થળેથી 500 મીટર દૂર આંબાનાં બગીચામાંથી અંજનીનો મૃતદેહ મળી આવ્યો હતો. બનાવને પગલે અંજનીનાં મૃતદેહને માળિયા સરકારી દવાખાને ખસેડાયો હતો. સરપંચે હજુ 20 દિવસ પહેલાં વનવિભાગને સિંહને પકડવા પાંજરું મૂકવાની રજૂઆત કરી હતી.
No comments:
Post a Comment