વેરાવળમાં ગરમીથી અકળાઇ કારમાં ઘુસી આવેલો સાપ એન્જિનમાં વીંટળાયો

Bhaskar News, Veraval | Last Modified - Mar 31, 2018, 01:31 AM IST

નેચર ક્લબનાં સભ્યોઅે પકડી જંગલ વિસ્તારમાં મુક્ત કર્યો

વેરાવળમાં ગરમીથી અકળાઇ કારમાં ઘુસી આવેલો સાપ એન્જિનમાં વીંટળાયો

વેરાવળ: ઉનાળાની કાળઝાળ ગરમીમાં સાપ જેવા સરીસૃપો અકળાયા છે અને રહેણાંકીય વિસ્તારમાં ચઢી આવ્યા છે. ત્યારે જ વેરાવળ ટાવક ચોક પાસે આવેલા ટેક્સી પોઇન્ટ પાસેનાં રોડ પર (કોબ્રા)સાપ ચઢી આવ્યો હતો અને વાહનનાં ઘોંઘાટનાં લીધે બાજુમાં પડેલી કારમાં જઇ એન્જિનમાં વીંટળાઇ ગયો હતો. જેથી રાજુભાઇએ કોબર નેચર કલબને જાણ કરતાં તેના પ્રમુખ સ્થળ પર દોડી આવ્યા હતાં અને મહામહેનતે સાપને પકડી પાડ્યો હતો.

બાદમાં જંગલ વિસ્તારમાં છોડી મુકવામાં આવ્યો હતો. જાણવા મળતી વિગત મુજબ આ સાપ અત્યંત ઝેરીલો હોવાનું મનાય છે. હાલની ગરમી સ્થિતી જોતાં કોઇપણ સાપ કરડે તો તાત્કાલીક હોસ્પિટલમાં સારવાર લેવા માટે પહોંચી જવું જોઇએ.
https://www.divyabhaskar.co.in/news/SAU-JUN-OMC-LCL-heat-was-wrapped-in-the-car-in-a-snake-engine-gujarati-news-5841449-NOR.html