DivyaBhaskar News Network | 2017-07-21T05:30:03+00:00 પીટીસી કોલેજમાં વૃક્ષ વાવેતર કરાયું : શાળા - કોલેજનાં છાત્રોને વૃક્ષ વાવવા અનુરોધ જિલ્લામાં 21.80 લાખ રોપાનું... ગૌચર વિકાસ બોર્ડના ચેરમેનની હાજરીમાં વન મહોત્સવનો પ્રારંભ ગૌચર વિકાસ બોર્ડના ચેરમેનની હાજરીમાં વન મહોત્સવનો પ્રારંભ પીટીસી કોલેજમાં વૃક્ષ વાવેતર કરાયું : શાળા - કોલેજનાં છાત્રોને વૃક્ષ વાવવા અનુરોધ જિલ્લામાં 21.80 લાખ રોપાનું વાવતેર થશે જૂનાગઢનાપોલીસ તાલીમ કેન્દ્રના મેદાનમાં આજે 68માં વન મહોત્સવનો ડો.વલ્લભ કથીરીયાએ પ્રારંભ કરાવ્યો હતો. તકે વૃક્ષારોપણ કરી મહોત્સવનો પ્રારંભ કરાવ્યો હતો. ડીએફઅો આર સેન્થિલ કુમારે જિલ્લામાં 21.80 લાખ રોપનું વિતરણ કરાશે તેમ જણાવ્યું હતું. રાજ્યભરમાં 10 કરોડ વૃક્ષો વાવતેરના લક્ષ્યાંક સાથે સમગ્ર ગુજરાતમાં વન મહોત્સવ ઉજવાઇ રહ્યો છે્ ત્યારે જૂનાગઢમાં બિલખા રોડ પર અાવેલા પોલીસ તાલીમ કેન્દ્રના મેદાનમાં પણ આજે ગૌસેવા અને ગૌચર વિકાસ બોર્ડના ચેરમેન ડો.વલ્લભ કથીરીયાની હાજરીમાં વૃક્ષારોપણ કરાયું હતું અને વનમહોત્સવનો પ્રારંભ કરાવ્યો હતો.ડો.કથીરીયાએ શાળા કોલેજના છાત્રોને ઘર,ગામ તેમજ ખેતરના શેઢા પાસે વૃક્ષોનું વાવેતર કરવા તેનું જતન કરવા અનુરોધ કર્યો હતો. સાથે તેમણે જણાવ્યું હતું કે ચાલુ વર્ષે સમગ્ર ગુજરાતમાં મુખ્યમંત્રી વિજય રૂપાણીની આગેવાનીમાં ક્લીન ગુજરાત ગ્રીન ગુજરાત અંતર્ગત 10 કરોડ વૃક્ષો વાવવાનો લક્ષ્યાંક છે. તકે ડીઅેફઓ આર.સેન્થિલ કુમાર જિલ્લામાં વન મહોત્સવ અંતર્ગત 21.80 લાખ રોપાનું વિતરણ કરી તેનું વાવતેર કરાવાશે તેમ જણાવ્યું હતું. તકે સીસીઅેફ ડો.એ.કે.સિંઘ ડીઅેફઓ,ડીઅેફઓ સેન્થિલકુમાર,ધારાસભ્ય અરવિંદ લાડાણી, મેયર આધ્યાશક્તિબેન મજમુદાર,કલેક્ટર રાહુલ ગુપ્તા,મનપા કમિશ્નર વી.જે.રાજપુત,સહિતના હાજર રહ્યા હતા.

Divyabhaskar.com | 2017-07-22T21:51:00+00:00

સતત વરસાદને કારણે વિલિંગ્ડન ડેમ પણ ઓવરફ્લો થતાં લોકો નજારો જોવા માટે ઊમટી પડ્યા હતા

જૂનાગઢ જિલ્લામાં ભારે વરસાદથી સર્વત્ર જળબંબાકારની સ્થિતિ સર્જાઈ હતી. છેલ્લા 72 કલાકથી ગિરનાર પર્વત પર ધોધમાર વરસાદ વરસી રહ્યો છે. ભારે વરસાદને કારણે ગિરનાર પર નવા નીર આવ્યા છે. પર્વત પર વરસાદ પડતાં પ્રકૃતિ સોળી કળાએ ખીલી ઊઠી હતી. ગિરનાર પરથી પડતાં ઝરણાંને માણવા લોકો ઊમટી પડ્યા હતા. તો વરસાદને કારણે ઘરો અને મંદિરોમાં પણ પાણી ઘૂસી ગયા હતા. આસ્થાનું કેન્દ્ર એવા દામોદર કુંડ પાસે પૂરના જેવી સ્થિતિ સર્જાઈ હતી. સતત વરસાદને કારણે વિલિંગ્ડન પણ ડેમ પણ ઓવરફ્લો થયો હતો. તો લોકોએ વરસાદને વધાવી મેઘરાજાને ભાવભીનું આમંત્રણ આપ્યું હતું. અનરાધાર વરસાદથી જિલ્લાના ખેડૂતોમાં ખુશીની હેલી જોવા મળી હતી.