ખાપટમાં દીપડીએ ફાડી ખાધેલા બાળકનાં પરિવારજનોને સહાય.

Source: Bhaskar News, Una   |   Last Updated 3:01 AM [IST](24/02/2012)

ઊનાનાં ખાપટ ગામની સીમમાં રહેતા દેવીપૂજક પરિવારનાં ૩ વર્ષનાં બાળકને દીપડીએ ફાડી ખાધો હતો. જેથી વનતંત્રએ આ પરિવારને દોઢ લાખ રૂપિયાની સહાય ચૂકવી છે.
ઊનાનાં ખાપટની સીમમાં રહેતા અને માલઢોરની લે-વેચનો વ્યવસાય કરતા નાનજીભાઇ વલકુભાઇ વાઘેલાનાં ત્રણ વર્ષનાં પુત્ર રવિને તા.૧૯ ફેબ્રુઆરીની રાત્રીનાં સમયે દીપડી ઉઠાવી ગઇ હતી. બીજા દિવસે આ માસુમનાં માત્ર અવશેષો જ મળી આવતા પરિવારમાં કલ્પાંત મચ્યો હતો.
આ પરિવારને સરકાર તરફથી રૂ.દોઢ લાખનો એક સહાયરૂપે આપવાનો હોય આજે ધારીથી રેસ્કયુટીમનાં એ.સી.એફ. રૈયાણી અને જશાધાર રેન્જનાં આરએફઓ બી.ટી.આહીરે ખાપટ ગામે જઇ આગેવાનો તથા ગ્રામજનોની ઉપસ્થિતિમાં દેવીપૂજક પરિવારને સહાયનો ચેક અર્પણ કર્યો હતો.