વિસાવદર અને સૂત્રાપાડા પંથકમાંથી દીપડા પાંજરે પૂરાયા.

Source: Bhaskar News, Visavadar   |   Last Updated 1:44 AM [IST](11/04/2012)

વિસાવદર રેન્જમાં દસ દી’માં નવ દીપડા કેદ થયા
વિસાવદર અને સુત્રાપાડા પંથકમાંથી વધુ બે દીપડા પાંજરે પુરાતાં આ વિસ્તારનાં લોકોમાં રાહતની લાગણી છવાઇ છે. વિસાવદર રેન્જમાં તો દસ દિવસમાં નવ દીપડા કેદ થયા છે.

વિસાવદરનાં માંડાવડ ગામની સીમમાં વિપુલભાઇ ડોબરીયાની વાડીમાં મૂકવામાં આવેલ પાંજરામાં ગત રાત્રીનાં દીપડો પાંજરે પૂરાઇ જતાં વનવિભાગે તેને સાસણ એનીમલ કેર સેન્ટર ખાતે મોકલી આપ્યો છે. છેલ્લા દસ દિવસમાં આ નવમો દીપડો પાંજરે પૂરાયો છે.

જ્યારે સુત્રાપાડાનાં રાખેજ ગામે વડીયા સીમ વિસ્તારમાં વનવિભાગ દ્વારા ત્રણ દિવસ પહેલાં પાંજરૂં મૂકવામાં આવ્યું હતું. જેમાં આજે વહેલી સવારે ૫ થી ૬ વર્ષની ઉંમરનો દીપડો પાંજરે પૂરાઇ જતાં લોકોએ રાહતનો શ્વાસ લીધો હતો. ધામળેજ વન વિભાગનાં ભટ્ટી, સરપંચ રામભાઇ પરમાર, પ્રકૃતિ નેચર ક્લબનાં દિનેશ ગોસ્વામીએ જહેમત ઉઠાવી હતી.