શહેર પાસે દીપડાઅે પશુનો શિકાર કર્યો

• DivyaBhaskar News Network
• Jun 27, 2016, 05:40 AM IST

બિલખારોડપર આંબેડકર નગર પાસે મોડી રાત્રિનાં દિપડાએ મારણ કર્યું હતું. દિપડાનાં મારણને લઇ લોકોનાં ટોળા રોડ પર એકત્રિત થઇ ગયા હતા. જંગલ બોર્ડર નજીક આવેલા વિસ્તારમાં અવાર-નવાર વન્ય પ્રાણી ચડી આવે છે અને મારણ કરતા હોય છે. જ્યારે આજે રાત્રીનાં બિલખારોડ પર આંબેડકર નગર પાસે રોડની બાજુમાં જંગલમાં દિપડાએ પશુનું મારણ કર્યું હતું. સમાચાર વાયુ વેગે પ્રસરી જતાં લોકો મારણ જોવા એકઠા થઇ ગયા હતા. પરંતુ લોકોનાં કોલાહલ સાંભળી દીપડો મારણ પરથી જતો રહ્યો હતો. બનાવની જાણ થતાં વન વિભાગ અને પોલીસ પણ ઘટના સ્થળે દોડી ગઇ હતી.