નાયબ મામલતદારે શાળામાં સાપ પકડ્યો

DivyaBhaskar News Network | Nov 26, 2016, 04:55 AM IST
ભેંસાણતાલુકાનાં સુખપુર ભાટ ગામની પ્રાથમિક શાળામાં અાજે ચાલુ ક્લાસમાં સાપ ઘૂસી જતાં વિદ્યાર્થીઅો-શિક્ષિકાઓ ભયભીત થઇ ગઇ હતી. જોકે, નાયબ મામલતદારે સાપને પકડી બાદમાં દૂર જંગલમાં મુક્ત કર્યો હતો. મેંદપરા ગામે સેવા સેતુનો સરકારી કાર્યક્રમ ચાલી રહ્યો હતો. આથી શાળનાં પ્રિન્સિપાલે ત્યાં ઉપસ્થિત નાયબ મામલતદાર કનકસિંહ પરમારને જાણ કરતાં કરી હતી. જેથી ના. મામલતદાર કનકસિંહ અને ટીડીઓ શાળાએ પહોંચી ગયા હતા અને બાળકોને બહાર કાઢી તેમણે સાપને પકડી લઈ જંગલમાં મુક્ત કર્યો હતો.