Monday, June 14, 2010

વિસાવદરમાં ખેડૂત ઉપર દીપડાનો હુમલો: લોકોમાં ફફડાટ

Bhaskar News, Junagadh
Monday, June 14, 2010 03:37 [IST] 
Bhaskar News, Junagadhનાળામાંથી બહાર આવી ખેતરમાં કામ કરતા આધેડને ઇજા કરી નાસી છુટ્યો
વીસાવદર તાલુકાનાં મોટા હડમતીયા ગામનાં એક આધેડ ખેડૂત ઉપર આજે ભરબપોરે એક દીપડાએ હુમલો કરી ઇજા પહોંચાડી હતી. રોડ પરનાં નાળાં નીચેથી આવી ચઢેલા દીપડાએ દોડતી વખતે ઇજા પહોંચાડી હોઇ ખેડૂતની હાલત ભયમુકત હોવાનું જાણવા મળ્યું છે.
વીસાવદર તાલુકાનાં મોટા હડમતીયા ગામનાં વજુભાઇ બાઘાભાઇ માંડળીયા (ઉ.૪૧) નામનાં ખેડૂત આજે બપોરે ૧૨ વાગ્યાનાં અરસામાં પોતાનાં નાના કોટડા-હડમતીયા રોડ ઉપર આવેલા ખેતરમાં કામ કરી રહ્યા હતા. એ વખતે રોડ પરનાં નાળાંની અંદરથી એક દીપડો નીકળી આવ્યો હતો. લોકોને જોઇ તે ભડકયો હતો.
અને અચાનક જ વજુભાઇ પર તરાપ મારી તેમનાં માથામાં અને હાથમાં ઇજા પહોંચાડી બાદમાં નાસી છુટ્યો હતો. વજુભાઇને તાબડતોબ બિલખાનાં સરકારી દવાખાને ખસેડાયા હતા. જ્યાં તેમને પ્રાથમિક સારવાર અપાયા બાદ રજા અપાઇ હતી. બનાવની જાણ થતાં વીસાવદરનાં આર.એફ.ઓ. કંડોરિયા અને સ્ટાફ ઘટનાસ્થળે દોડી ગયા હતા.
Source: http://www.divyabhaskar.co.in/article/SAU-visavdar-leperd-attack-on-farmer-1057460.html

No comments: