આજથી તાલાલા યાર્ડમાં કેરીની હરાજી શરૂ થશે

 

Source: Bhaskar News, Rajkotગીરની પ્રખ્યાત કેસર કેરીની સીઝન શરૂ થઇ ગઇ છે. સૌરાષ્ટ્રમાં કેરીની થોડી આવક રહે છે. તાલાલા યાર્ડમાં આવતીકાલ મંગળવારથી કેસર કેરીની હરાજીનો પ્રારંભ થશે.
આ વર્ષે કેરીનો પાક મોડો હોવાથી હરાજી મોડી શરૂ થઇ છે. ગયા વર્ષે એપ્રિલ મહિનામાં જ કેરીની આવક હતી. તાલાલા એપીએમસીના સેક્રેટરી હરસુખભાઇ ઝંરસાણિયાએ કહ્યું કે, આવતીકાલથી કામકાજ ચાલુ થશે. પ્રારંભિક તબક્કે બે કમિશન એજન્ટ કામ કરશે. સામાન્ય રીતે શરૂઆતના દિવસોમાં કાચી કેરી આવે છે.
આ વર્ષે પાક મોડો હોવાથી ખેડૂતો ઇચ્છે તો પણ કેરી ઉતારી શકે તેમ નથી. ગયા વર્ષની સરખામણીએ આ વર્ષે પાક ઘણો જ ઓછો હોવાથી કેરીના ભાવ વધશે કે કેમ તે તરફ સોૈની મીટ મંડાયેલી છે.
SourcE: http://www.divyabhaskar.co.in/article/SAU-RJK-mango-auction-start-today-in-talala-yards-2070644.html