Saturday, January 7, 2012
ભલભલાને ધ્રુજાવનાર સાવજ પોતે જ ધ્રુજી ઉઠ્યો !
- પગમાં કાંટો લાગતાં સાવજ હોસ્પિટલમાં..!
જંગલનો રાજા સાવજ સામે આવનાર ભલભલા પ્રાણીને ધ્રુજાવી નાંખે છે. પરંતુ સેમરડીના જંગલમાં એક સાવજને નાનો એવો કાંટો વાગતા તે લંગડો બની ગયો છે. લંગડાતા પગના કારણે તે શિકાર કરી શકે તેમ ન હોય અને તેના કારણે સાવજના જીવ પર જોખમ હોય વનતંત્રએ આ સાવજને પકડી સારવાર શરૂ કરી છે.
ગીરની શાન સમા સાવજને ભલે કોઇનો ડર ન હોય કે સાવજ સિવાય અન્ય કોઇ પ્રાણી ભલે તેના માટે જીવનું જોખમ ન હોય પરંતુ એક નાનો એવો કાંટો સાવજ માટે જીવનું જોખમ બની ગયો છે. ગીર પુર્વની દલખાણીયા રેંન્જમાં સેમરડીના જંગલમાં એક પુખ્ત ઉમરના સાવજને પગમાં કાંટો વાગી જતા પાક થઇ ગયો છે.
પાકના કારણે આ સાવજ લંગડા ચાલતો હોય શિકાર કરી શકતો ન હતો. જો જાજા દિવસ સાવજ શિકાર ન કરી શકે તો તેના જીવ સામે જોખમ ઉભુ થાય તેમ હોય વનતંત્રનું ધ્યાન પડતા આ સાવજને પાંજરે પુરવામાં આવ્યો હતો.
જંગલખાતાએ સાવજને પકડી સારવાર માટે જસાધારના એનીમલ કેર સેન્ટરમાં ખસેડવામાં આવ્યો છે. જ્યાં આ સાવજની સારવાર કર્યા બાદ તેને ફરી સેમરડીના જંગલમાં મુકત કરી દેવામાં આવશે.
Source: Bhaskar News, Amreli | Last Updated 2:40 AM [IST](02/01/2012)
Subscribe to:
Post Comments (Atom)
No comments:
Post a Comment