Tuesday, May 8, 2012
માળીયાનાં પિપળવા ગામે મહાકાય મગર આવી ચઢી.
- માદા મગરને પકડવા સાસણથી રેસ્કયુ ટીમને બોલાવવી પડી
માળીયા હાટીનાનાં પિપળવા ગામની સીમમાં મહાકાય મગર આવી ચઢતાં આ માદા મગરને પકડવા સાસણથી રેસ્કયુ ટીમને બોલાવવી પડી હતી.
તાલુકાનાં પિપળવા ગામની સીમમાં હાદાભાઇ જેતાભાઇ હડીયાની વાડીમાં ગત સાંજનાં મહાકાય મગરે દેખા દેતાં વાડી માલિકે વનવિભાગને જાણ કરતાં માળીયા રેન્જનાં આરએફઓ અપારનાથી, ફોરેસ્ટર શીલુ, ભગાભાઇ સહિતનાં સ્ટાફે તાત્કાલિક ઘટનાસ્થળે પહોંચી જઇ આ માદા મગરને પકડવાની કવાયત હાથ ધરી હતી
પરંતુ મગર સકંજામાં આવતી ન હોય સાસણથી રેસ્કયુ ટીમને બોલાવવામાં આવી હતી અને ત્રણ કલાકની ભારે જહેમત બાદ રાત્રિનાં ૧૦.૩૦ વાગ્યાની આસપાસ મગરને કોથળામાં પૂરવામાં વનવિભાગને સફળતા મળી હતી.
આ માદા મગર આશારે નવ ફૂટ લંબાઇની અને ૧૨૦ કિલો વજન ધરાવતી હોવાનું અને સાસણ એનિમલ કેર સેન્ટર ખાતે મોકલી અપાઇ હોવાનું વનવિભાગે જણાવ્યું હતું. અત્રે નોંધનીય બની રહેશે કે બે દિવસ પહેલાં પણ મોટીધણેજ ગામની સીમમાંથી ૮૦ કિલો વજન ધરાવતી નર મગર પકડાઇ હતી.
Subscribe to:
Post Comments (Atom)
No comments:
Post a Comment