મેડી ગામની સીમમાં સિંહે કર્યુ બે બળદનંુ મારણ

DivyaBhaskar News Network

Aug 29, 2019, 06:00 AM IST

ગીર જંગલમા વસતા સાવજો રેવન્યુ વિસ્તારમા પણ મોટી સંખ્યામા વસવાટ કરી રહ્યાં છે. ત્યારે અમરેલીના બાબાપુર ગામમા પણ સાવજો વસવાટ કરી રહ્યાં છે. ત્યારે અહીના મેડી ગામની સીમમા ગતરાત્રીના સાવજો શિકારની શોધમા આવી ચડયા હતા અને બે બળદનુ મારણ કર્યુ હતુ.

સિંહે બળદના મારણ કર્યાની આ ઘટના અમરેલીના મેડી ગામની સીમમા બની હતી. અહી રહેતા દેવજીભાઇ લાખાણી સીમતળમા વાડી ધરાવે છે. ગતરાત્રીના શિકારની શોધમા નીકળેલા સાવજો અહી આવી ચડયા હતા અને બે બળદનુ મારણ કરી મિજબાની માણી હતી.

ઘટનાને પગલે વનવિભાગને જાણ કરવામા આવતા વનવિભાગનો સ્ટાફ અહી દોડી આવ્યો હતો અને આગળની કાર્યવાહી હાથ ધરી હતી. અત્રે ઉલ્લેખનીય છે કે આ વિસ્તારમા સિંહ તેમજ દિપડાઓ પણ આવી ચડે છે અને અનેક વખત પશુઓના મારણની ઘટના બને છે.
https://www.divyabhaskar.co.in/news/SAU-AMR-OMC-MAT-lion-killed-two-oxen-in-madi-village-area-060007-5346061-NOR.html