- અનેક વિવાદો છતાં ઉપલા અધિકારી દ્વારા કોઇ જ પગલા લેવાતા નથી
Divyabhaskar.com
Aug 08, 2019, 06:27 PM ISTવાયરલેસ મેન આરએફઓને મેસેજ વાંચી સંભળાવે છે
ખાંભાના ધુંધવાણા ગામે દીપડા દ્વારા એક મહિલાને ઇજા કરવામા આવી હતી. દીપડાને પકડવા માટે પાંજરુ મુકવામાં આવ્યું હતુ. ધુંધવાણા ગાર્ડ પણ રજા ઉપર હોવાથી સંદિપ કટારાને આ કામગીરી કરવા માટે વધુ સ્ટાફની જરૂર હતી. આરએફઓ સંદિપ કટારાનો ફોન ઉપાડતા ન હોય જેથી તેમને વાયરલેસ પર મેસેજ લખાવી એક ટ્રેકર્સ પોતાને આપવામાં આવે એવી રજુઆત કરી હતી. જે મેસેજ વાયલેસમેન દ્વારા આરએફઓને વાંચી સંભળાવવામાં આવે છે પણ ઉપલા અધિકારીઓના આશિર્વાદથી પોતાની મનમાની કરાવવા ટેવાયેલા આરએફઓએ વાયલેસમેનને તાલીબાની ફરમાન કરી કહે છે કે એ મેસેજ ફાડી નાખ એ બોવ ડોઢો થાય છે કહી બધા જ નિયમો નેવે મુકી પોતાના નીચેના કર્મચારીને પણ નિયમોનું ઉલ્લઘન કરાવ્યું હતું.
કાયદો સરકારનો નહીં મારો ચાલશે તેવું આ ઓડિયો પરથી સાબિત થાય છે
આ ઓડીયો પરથી એ પણ સાબિત થાય છે કે તેઓ ફોરેસ્ટર સંદિપ કટારા પ્રત્યે વિરોધી માનસ ધરાવે છે અને તેને સુસાઇડ નોટમાં કરેલા આરએફઓ પોતાને હેરાન કરતા હોવાની વાતને સમર્થન આપે છે. આ ઓડિયો પરથી એ પણ જણાય આવે છે કે અહીં કાયદો સરકારનો નહીં મારો ચાલશે એવું કહી પોતાની કચેરીના કર્મચારીઓમાં ભયનું વાતાવરણ ઉભું કરવા માંગતા હોય તે આ ઓડિયો પરથી જણાય આવે છે. પટેલ સામે ઉપલી કક્ષાએ અનેક લેખિત-મૌખિક ફરીયાદો થઇ છતાં તેઓ પણ આમની સામે કોઇ જ પ્રકારના કાનૂની પગલા લેતા નથી. જો કે આ આોડિયો સામે આવ્યા બાદ ઉપલા અધિકારી કોઇ પગલા લેશે કે પછી હંમેશાની જેમ ખો આપશે એ તો આવનારો સમય જ કહેશે.
(હિરેન્દ્રસિંહ રાઠોડ, ખાંભા)
https://www.divyabhaskar.co.in/saurashtra/latest-news/amreli/news/kothariya-rounds-rfo-audio-clip-viral-on-social-media-in-khanbha-1565262438.html
No comments:
Post a Comment