- ગતરાત્રીના ઘરમાથી બહાર નીકળતા હતા ત્યારે જ સિંહ સામે આવી ગયો
ગીરકાંઠાના ગ્રામ્ય વિસ્તારોમાં અવારનવાર સાવજો છેક ગામ સુધી આવી જાય
છે અને દુધાળા પશુ તેમજ માણસ પરના હુમલાની ઘટનાઓ બનતી રહે છે ત્યારે આવી જ
એક ઘટના ગતરાત્રીના ધારી તાલુકાના મોણવેલ ગામે બની હતી. અહી એક કોળી યુવક
હજુ ઘરની બહાર નીકળતો હતો ત્યાં જ સામે સિંહ આવી ગયો હતો અને યુવકને ન્હોર
ભરાવી ઇજા પહોંચાડતા યુવકને સારવાર માટે દવાખાને ખસેડવામા આવ્યો હતો.
સિંહ દ્વારા યુવક પરના હુમલાની આ ઘટના ધારી તાલુકાના મોણવેલ ગામે
ગતરાત્રીના બની હતી. અહી રહેતા ગોબરભાઇ મોહનભાઇ વાઘેલા (ઉ.વ.૪૫)નામના યુવક
રાત્રીના ઘરની બહાર નીકળ્યા હતા. હજુ તો ઘરની બહાર નીકળતા જ સામે સિંહ આવી
ચડયો હતો. ગોબરભાઇ કંઇ સમજે તે પહેલા જ સિંહે તેના પર હુમલો કરી દીધો હતો.
સિંહે ગોબરભાઇને બંને હાથ અને કમરના ભાગે ન્હોર ભરાવી ઇજા પહોંચાડી
હતી. બાદમા રાડારાડ થતા સિંહ ત્યાંથી નાસી છુટયો હતો. ગોબરભાઇને સારવાર
માટે ધારી સરકારી દવાખાને ખસેડવામા આવ્યા હતા. બનાવની જાણ થતા ડીએફઓ અંશુમન
શર્માની સુચનાથી આરએફઓ સહિત સ્ટાફ અહી દોડી આવ્યો હતો. અને સિંહનુ લોકેશન
જાણવા કામગીરી હાથ ધરી હતી.
No comments:
Post a Comment