સારસંભાળ / ઝૂમાં જન્મેલા બાળસિંહને માઇક્રોચિપ પહેરાવાશે

• નંબર વાળી ચિપ વિશ્વમાં ફરી રિપીટ થતી નથી

દિવ્ય ભાસ્કર

Jun 01, 2020, 05:00 AM IST

જૂનાગઢ. તાજેતરમાં 6 સિંહણોએ 21 જેટલા બાળ સિંહોને જન્મ આપ્યો છે. આ તમામ બાળ સિંહ તંદુરસ્ત છે અને ઝૂ દ્વારા તેમની સારી રીતે સારસંભાળ રાખવામાં આવી રહી છે. આ બાળ સિંહોને કારણે ઝૂમાં સંવર્ધન કેન્દ્ર વધશે જેના કારણે સક્કરબાગ ઝૂના સિંહ દેશના વિવિધ ઝૂમાં ગર્જના કરશે. સક્કરબાગ ઝૂમાં લઈ આવવામાં આવતા સિંહ, સિંહણને તેમના વિસ્તાર પ્રમાણે નામ આપવામાં આવે છે.

તેમજ ઝૂમાં જન્મેલા બાળ સિંહોને તેમની માતાના નામ પ્રમાણે નામ આપવામાં આવે છે. પરંતુ તેમની ઓળખ માટે તેમના શરીર પર માઇક્રોચીપ લગાડવામાં આવે છે જેથી કરીને મોટા થયા બાદ પણ તેમને ઓળખાણ થઈ શકે સક્કબાગમાં તાજેતરમાં જ થયેલા 21 બાળ સિંહોને 8 માસ બાદ માઈક્રોસોફ્ટ પહેરાવવામાં આવશે.
https://www.divyabhaskar.co.in/local/gujarat/junagadh/news/the-zoo-born-baby-lion-will-be-wearing-a-microchip-127361356.html