વેરાવળ રેયોનની બંધ પાઇપ લાઇનમાં દીપડો ઘુસી ગયો.

• DivyaBhaskar News Network
• Jun 27, 2015, 08:40 AM IST

વેરાવળરેયોન ફેકટરીની બંધ પાણીની પાઇપલાઇનમાં ગુરૂવારે સવારે દીપડો ઘુસી ગયા બાદ આજે વનતંત્રએ પાંજરામાં પુરી એનિમલ કેર સેન્ટર ખાતે મોકલી આપ્યો હતો.

વેરાવળની ઇન્ડીયન રેયોન ફેકટરીમાં જૂનાગઢ હાઇવે પરની સાઇડમાં અંદાજે 34 ઇંચની પહોળાઇ અને 200 મીટર લાંબી બંધ પાણીની પાઇપ લાઇનમાં ગુરૂવારે સવારે દીપડો ઘુસી જતાં સીકયુરીટીએ વનતંત્રને જાણ કરતાં રતનપરા, સમેજા સહિતનાં સ્ટાફે દોડી આવી પાંજરૂ ગોઠવી દીધેલ પરંતુ 24 કલાક સુધી અંદર પુરાઇ આંટા મારતો રહેલ અને આજે બપોરનાં પાંજરે પુરાતા વન તંત્ર અને કર્મચારીઓએ રાહત અનુભવી હતી. દોઢ વર્ષની ઉંમરનાં દીપડાને માળિયાહાટીનાનાં લકડધર એનિમલ કેર સેન્ટર ખાતે મોકલી અપાયો હતો.