Friday, June 24, 2011

ખાંભાના પીપળવામાં યુવતી પર ફોરેસ્ટરનો નિર્લજ્જ હુમલો.


ખાંભાના પીપળવા ગામે એક ફોરેસ્ટર એક યુવતીની ચુંદડી ખેંચી નિર્લજ્જ હુમલો કરી ધમકી દીધાની પોલીસ ફરિયાદમાં નોંધાતા ચકચાર જાગી છે. ફોરેસ્ટર અન્ય મહિલાઓને લાકડી વડે માર મારતા મહિલાઓને સારવાર માટે ખાંભાના સરકારી દવાખાને ખસેડવામાં આવી છે.ખાંભાના પીપળવા ગામની મુકતાબેન મનુભાઈ જાદવ (ઉ.વ.૪૦)નામની કોળી મહિલા અને ગામની અન્ય મહિલાઓ સાથે લાકડાના ભારા લઈને આજે જંગલ વિસ્તારમાંથી ગામ તરફ આવી રહી હતી ત્યારે પીપળવાના ફોરેસ્ટર પરડવા, ગાર્ડ પરમાર, વનમિત્ર જીતુભાઈ, ચીનુભાઈએ તે મહિલાઓને અટકાવી હતી.ફોરેસ્ટરે લાકડાના ભારા બાબતે એક યુવતીનું બાવડું પકડી ચુંદડી ખેચી નિર્લજ્જ હુમલો કર્યો હતો અને ગાળો દઈ ધમકી આપી હતી આ ઉપરાંત લાકડી વડે અન્ય મહિલાઓને માર મારતા મહિલાઓને ખાંભા દવાખાને ખસેડાઈ હતી. ત્યાં કલાકો સુધી ખાંભા પોલીસે ફોરેસ્ટર અધિકારી સામે પોલીસ ફરિયાદ લેવા માટે ગલ્લાતલ્લા કરતા ગ્રામજનોમાં રોષ ફેલાય હતો. બાદમા ધારાસભ્યોને રજૂઆત કર્યા બાદ ખાંભા પોલીસે ફોરસ્ટર પરડવા સહિત ચાર સાથે ગુનો નોંધાયો હતો.
અમરેલી,તા.ર૧
source: http://www.sandesh.com/sandesh_article.aspx?newsid=301003

No comments: