Thursday, June 9, 2011

આંબળાશની સીમમાં યુવાન પર સિંહનો હુમલો.


જૂનાગઢ, તા.૭
તાલાળા તાલુકાના આંબળાશ ગામની સીમમાં ગત રાત્રે એક યુવાન પર સિંહે હૂમલો કર્યો હોવાનો બનાવ બન્યો છે. આ વિશેની મળતી વિગતો અનુસાર મૂળ દ્વારકાના બરડાના વતની નાનજીભાઈ બાલાભાઈ રબારી (ઉ.વ.૩પ) પોતાના ઘેટા સાથે તાલાળાના આંબળાશની સીમમાં રહે છે. ગત રાત્રે એક સિંહ અહી ઘેટના મારણ માટે આવી ચડતા અને જાગી ગયેલા નાનજીભાઈએ સિંહને પડકારતા સિંહે હૂમલો કરી ઈજાઓ પહોંચાડી નાસી છૂટયો હતો. બનાવમાં ઈજાગ્રસ્ત યુવાનને સારવાર માટે જૂનાગઢ સિવિલ હોસ્પિટલમાં ખસેડવામાં આવેલ છે.
Source: http://www.sandesh.com/sandesh_article.aspx?newsid=297007

No comments: